بدر البدراني مسامحكم ياطلبة مستوى اول

[بدر البدراني]

بسم الله الرحمن الرحيم

1- اعتذر للأخوات عن مفردت قليلات دبره وميستفاد منهن
2- للأسف يابو الحارث قدرت تصطاد عليه الكلام اللي وجهت للاخوات وتهيج الكل من بنات وانا اعترف بذلك و اعتذر لهن للمره الثانية ولاكن استغرب من الشباب الهجوم هذاوانا عرفت دوافعك مع اني قلت لك ( الله يهديه ) ابو الحارث ارسلي الاسئله ناقصه وارسلتك ياأخ ابو الحارث ان هناك تقريبا سبع اسئله ناقصه ولاكن يمكن انك زعلت مني علشان اني صححتلك اخطائك في كذا سؤال من مادة الانجليزي لهذا الاسباب هيجت الناس عليه من طلبه وطالبات وااضح انك عندك نرجسيه زايده عن حده عموما الله يسامحك.

2- استغرب من الاخ هتان انه ينجرف مع الهيجان والهجوم هذا مع انه تخصص تربيه خاصه !

4- اشكر برق الشمال والاخت ام حاتم والاخ awl :106::106::106:مسامح الكل واعتذر للجميع .وكلت امري لله وان شالله انجح بالانجليزي .ملحوظه انا مالي مشاركات في مستوى اول لاكن شوفو مشاركتي بالاحصاء عندكم وانا حاظر بأي استفساراخرشي( انا ماني مثل غيري محترف بالتصوير واقدر اصور الاسئلة كامله)

[الفيدرالي]

عوافي يابن الحلال
لا طاح راس ولا اندفق دم
خل صدرك مثلي شمالي :biggrin:

[الدره]

لاحول ولا قوة الا بالله

[أبو الحارث]

أنا "آســــــــــــــف" يا بدر، وحقك علي، وأنا غلطان، وأعتذر.

آسف، آسف، آسف، آسف، آسف...

وإن ما كفاك الكلام وعييت تسامح؛ نشتري زعلتك؛ وحقك يجيك.

ما اجتمعنا عشان نتزاعل، وما جمعتنا ألا نية المخاواة على الطيب.

ويا شيخ نكسر عين هالنرجسية لعيونك، لأجل عين تكرم مدينة :biggrin: وشتبي بعد!

[❤ HANADI]

الله يسامحك ويسعددك موضوعك يدل ع ان قلبك طيب وماحبيت احد زعل منك
" مع اني اشوف كم نفر شايلين من ابو الحارث انا مااعتمدت غير ع اخويه هتان وام عمر بالمواضيع ..
وغيرهم صراحة مافتحت له موضوع .. ولازم يكون صدره وسيع ..
عموما لا تفكر باحد الي يزعل مع نفسه ..

[ToOly]

.
.
.

عارفين ومقدرين وضعك

وكلنا مخبصين بالانجليزي منت لحالك


.
.
.

[جديد عن بعد]

حتى الاعتذار مستكثرة

!

[انثى نبضها نادر]

مسموووح

[منتسبة 2014]

بدر

ماله داعي تعتذر وبجد اغلب البنات همه اللي نكبونا بالاختبارات بكثرة اسئلتهم
>> تبي تتلطش ههههههه
وماراح اعتذر لانهم بجد فقعوا اوووم المراره عندي وياليت المستوى الثاني يصحصحوا شوية
.
بخصوص هتان وابو الحارث وام عمر السالفه مو سالفه احزاب لا والله
نحنا صايدنا كسل ونتمنى نلاقي اللي يحمسنا وهمه ماقصروا
وكمان نحنا ماقصرنا كل واحد يرفع من همه الثاني ويشد على يده
.
ربي يسعدك وتعدي الانجليزي والوعد قدام بمستوى ثاني :-)

[ماجد المطلق]

مسموح اخوي بدر ولاتكررها مره ثانيه احنا اخوه هنا نتعاون مع بعض ونرقع لبعض:biggrin:

[almordi]

مدري وش السالفة
بس لمست روح الطيبة في الكل وان اختلفت وجهات النظر

ورد ابو الحارث
( رد رجولي )

بيض الله وجهك يا الغالي

ماهي غريبة عليك المراجل كفوووووو والله

قبل لا اطلع

الكل هنا اخوه والمزح مطلب
لتغيير جو الأخفاق او التقصير في الأختبارات

بعض الاحيان
تجي كلمه من احد او تعليق
قد يراه البعض انه اساءة
وهو في الحقيقة تعبير مجاز اسقط على حدث
او علق على رد

نحسن الظن بالجميع
ونعلم ان كلنا أخوهـ في الله
ولا احد يتعمد الإساءة للأخر

حفظنا الله جميعاً وبارك بجهود الجميع

اختر من السابق ما يعجبك واترك الباقي

[scario]

الاعتذار من شيم الكبار المنتدى الكل تقريبا دخل فيه عشان يفيد ويستفيد والله لايجيب الزعل والله يوفقك وتعدي الانجليزي ويوفق الجميع:119:

[abdullah ahmad]

اخ بدر انت لاتزعل من رده فعل الجميع سواء ً طلبه او طالبات فانت اخطأت .. واسمح لي بتذكيركك :

١. اخطئت في حق الطالبات بوم قلت ماعندهن دبره ومايستفاد منهم ، مع اننا استفدنا منهم كثير في الكويزات وبعض الشروحات لبعض المواد ويعطيهم الله العافيه .

٢. اخطئت في حق الطلبه اللي صوروا الاسئله وكانكك تبي كل شي ع طبق من ذهب ، يشهد الله ماقصروا بالتصوير وحتى لو ناقصه فبيض الله وجيههم ، وايضا ً لاتنسى ان تصوير الاسئله فيه خطوره ع الطالب يوم يطلع جواله ممكن يسوي له المشرف مشكله وعشان كذا احيان تكون صوره الزوايه صعبه وماتوضح كل الاسئله .
ملاحظه : " التصوير مايبي له احترافيه فالصوره لن تدخل موسوعه جينس "

٣.اخطئت حين كتبت موضوعك وطالبت الدكتور بتصوير الاسئله ، ووضعها لكك هنا " ايعقل هذا " !! لااعتقد ان تصوير الاسئله مسموح به والا لوضعته لنا الجامعه في خدمات الطالب فلتنتبه ماذا تطلب .

اخ بدر لا احد يكرهك او يتمنى لك شرا ً ، فنحن في النهايه اخوة ولكن ان اردت نصيحتي ففي المره القادمه حين تخطأ كن شجاعا ً واعتذر بصدق ولا تبحث عن احدهم ليكون شماعه لاخطآئكك ..
تمنياتي لكك بالنجاح ..

[بدر البدراني]

قبلت اعتذار الجميع واحنا كلنا اخوان واخوات واهل الله يوفق الجميع وتنجحون بأذن الله

[نوت اللامي]

مدري وش السالفه مالحقت عليها ههههههههههههههه
لكن وسعوا صدوركم

[ِ~ام الحلواتِ~ِ]

مسموح اخوي مقدرين الظروف اللي الكل يمر فيها من الانجليزي
والله يوفق الجيع ماقصرو الكل ع قد استطاعته حتى لو يصور سؤال واحد قدم خدمه والواجب نشكر الجميع
والكل هنا يخدم ببلاش مايبي غير الاجر من الله تعالى والمفروض نشكر الجميع
ويارب يوفقنا وياكم لمى يحب ويرضى

[خلودي الرياض]

تبي الصراحه اسلوبك ماعندك أحد

تقبل رأيي

[منآآر]

حصل خيييييير اهم شي مانزعل الي يتعبون من اجلنا من كويزات وملخصات حتى لوحدث خطاء اونقص فهم بشر وجزاهم الله الف خير

[ابو معاذ الروقي]

ماهوب مساله زعل يالغالي لكن اسلوبك كان يقول وش فايدتكم ليه ماتصورون
طبعا فيه مراقبين وكلنا نلتزم لاوامر الاختبار ومستحيل احد يضحي بنفسه ويعتبر له غش ومشاكل بسبب صوره للملتقى

واخيرا تاكد انه مجرد نقاش لانحمل بقلوبنا شي عليك سواء لك ولا لغيرك

[ابو حاتم 11]

ابو الحارث انت رمز بالاخلاق انت مثل يحتذى به
اسلوبك وكلماتك درر منثورة
وفقك الله في حياتك العلمية والعملية

[Hotspot]

بيض الله وجهك

من شيم الكرام أن يعتذر إن أخطأ

الله يوفقك

[saaud]

الاعتذار من شيم الكبار
وكلنا أخوان مافيه شك
بالتوفيق للجميع

[,BADER]

المسامح كرييييم
والأخوان والأخوات الي يحاولون يدعمونا بأي فائدة كانت صغيره أوكبيره
مالهم منا الا الدعاء وكلنا هنا مكملين لبعض

:16::16::16::16:

[بنت الهاشمي]

الله يسعدك ويوفقك
كلنا قرفانين من هالماده
الله يسترها علينا

[زهرة البيلسان 2]

ههههههه مسامحينك بس لاتعيدها :10111:

[حلاحلا]

مدري وش السالفه
المهم وسعوا صدوركم
كلنا في المنتدى اخوان و خوات
الله لايغيرعلينا
:love080::love080::love080::love080:

[نمر السليمي]

الله يهديكم جميع أفهموم بعض المره الثانيه الدنياء قصيره وكلنا راحلون


< فضيلة الشيخ

[ابو طارق2011]

قليل من يعتذر بهذا الزمن ... شكراً بدر وشكراً لمن قبل العذر ...

[اكليل الورد22]

وسع صدرك
الدنيا لا تحتمل تشيل لها هم
الانجليزي الكل خبص فيه
وانا من ضمنهم
لكن الله يعدي هالمستوى على خير
يوفقنا جميعا

[jodi.502]

يسعدك ربي خيووو ..

احنا اخوان وخوات بالمنتدى وان شاءالله مايكون بينا زعل واصلا نسيت السالفه وانت ذكرتني فيها بموضوعك ..:16.jpg:

بس اسلوبك كان ينرفز شوي كلنا مقدرين ضغوطات الاختبارات وكلنا مضغوطين بس ماتكلمنا بــ اسلوبك ..

ومفروض تكون متوقع ردت فعل الجميع لانك نرفزتهم ..

عمموما ي خيي ان شاءالله انك تنجح ب هل ماده الي معقدتك ..:rose:

وماانسى اخوي السنافي ابو الحارث صراحه ردك يثلج الصدر مو غريبه عليك ي السنافي لا خلا ولا عدم ...:rose::rose:

الله يوفق الجميع

[تدري من انا]

خبصنا هالانجليزي وسوا لنا رهاب من النتيجة

حسبي الله على كل دكتور يعسر ويعقد طلابه

ياربي نعدي هالماده بس

[حسن احمد الحسن]

أنا "آســــــــــــــف" يا بدر، وحقك علي، وأنا غلطان، وأعتذر.

آسف، آسف، آسف، آسف، آسف...

وإن ما كفاك الكلام وعييت تسامح؛ نشتري زعلتك؛ وحقك يجيك.

ما اجتمعنا عشان نتزاعل، وما جمعتنا ألا نية المخاواة على الطيب.

ويا شيخ نكسر عين هالنرجسية لعيونك، لأجل عين تكرم مدينة :biggrin: وشتبي بعد!

بارك الله فيك يابو الحارث كفيت وفيت عداك العيب والله انك اجودي
شكرا للجميع