اللي يبغى يفهم سالفة تغيير التخصص [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : اللي يبغى يفهم سالفة تغيير التخصص

أبو حور

2014- 1- 13, 02:10 AM

السلام عليكم ورحمة الله وبركاته

كلنا دخلنا ضمن معمعة تغيير التخصص وأنا من الناس اللي انجريت خلف الشائعة بدون ما أتبين الحقيقة وراء الخبر

انتشر الكلام في المنتدى وتوقعت ان الجامعة غيرت تخصصنا الى ( إدارة ) بدلا من ( إدارة أعمال ) ( مدري وش الفرق بس كبرت براسي )

والحقيقة بدأت افكر جديا بتغيير الجامعة والانتقال الى جامعة اخرى

لكن لما بحثت في تغريدات الدكتور الفريدان استغربت رده على سؤال تغيير التخصص

http://im34.gulfup.com/y8EM3.jpg (http://www.gulfup.com/?gbYDz7)

بحثت في موقع الجامعة عن اقسام كلية ( إدارة الأعمال ) و وجدت تخصص ( إدارة ) من ضمن أقسام كلية إدارة الاعمال

http://im34.gulfup.com/tUUOf.jpg (http://www.gulfup.com/?R2NhOR)

وين المشكلة ؟ :007:

المشكلة في المسمى فقط

في جامعة الملك سعود عندهم مسمى الكلية ( كلية إدارة الأعمال ) المسارات أو التخصصات اللي عندهم هي :-
1- الإدارة
2- الإدارة العامة
3- الادارة الصحية
4- الاقتصاد
5- التحليل الكمي
6- التسويق
7- المالية
8- المحاسبة
9- نظم المعلومات الإدارية

في جامعة الملك عبدالعزيز مسمى الكلية ( كلية الإقتصاد والإدارة ) المسارات أو التخصصات اللي عندهم هي :-
1- إدارة الأعمال
2- الإقتصاد
3- الإدارة العامة
4- المحاسبة
5- العلوم السياسية
6- إدارة الخدمات الصحية والمستشفيات
7- التسويق
8- إدارة الموارد البشرية
9- نظم المعلومات الإدارية
10- التمويل

في الجامعة الالكترونية مسمى الكلية ( كلية العلوم الإدارية والمالية ) المسارات أو التخصصات اللي عندهم هي :-
1- إدارة الأعمال
2- المحاسبة
3-المالية
4- التجارة الإلكترونية

احنا طلاب كلية إدارة الأعمال في جامعة الملك فيصل تخصصنا ( إدارة )

في جامعات يسمون تخصصنا ( إدارة أعمال ) وفي جامعات يسمونه ( إدارة ) مثل جامعتنا

مثلا خريج كلية الاقتصاد والإدارة في جامعة الملك عبدالعزيز تخصص ( إدارة أعمال ) هو نفس خريج كلية ( إدراة الأعمال ) في جامعة الملك فيصل تخصص ( إدارة )

اختلاف المسميات والمعنى واحد

الطامة الكبرى في اعلان الجامعة اليوم بخصوص اجتماعهم و تثبيتنا على تخصص ( إدراة الاعمال ) اللي اساسا هم يسمونه ( إدارة ) :hhheeeart4:

الخبر هذا هو التوضيح الحقيقي لمعنى ( تسليك ) :16.jpg:

حسيت انهم ماخذينا على قد عقولنا ويحاولون يسكتونا بأي شي زي الورع اللي في يده مصاصة مغلفة واخذتها منه عشان تفك القرطاس اللي عليها وقام يصيح الورع ثم تفك القرطاس وترجعها له ويسكت ويطالع فيك بنظرة كذا زي اللي يقولك ( مايجيبك الا العين الحمرا ) :017:

في شايب دخل بوفيه وقال : وش عندك ياصديق
قال الهندي : في بيض مسلوق , بيض مقلي , بيض عيون

قال الشايب : ذبحتونا بالبيض مابقى الا نبيض من كثر ما ناكل بيض .. وش في غير البيض
قال الهندي : في شكشوكة

قال : ايه عطني اثنين شكشوكة :hahahahahah:

بصراحة نفس سالفتنا مع الجامعة

وتراني ماني سالم من الشكشوكة قبل يومين منزل موضوع استنكر واشجب تغيير التخصص

ههههههههههههههههههه

ياشين اللي يشوت بوز هههههههههههههههه

تحياتي لكم

( ابو خالد )

2014- 1- 13, 02:39 AM

يوما ما

2014- 1- 13, 02:50 AM

كان بحثي متعمق في هذا الخصوص وجدت ان ادارة اعمال تتناسب اكثر مع ما درسناه في خطتنا ،، من اداره فالاداره هي مجرد مبادئ ونبذه بسيطه او من كل تخصص نبذه .

مقام العز

2014- 1- 13, 02:59 AM

إذا الموضوع كذا ..!

طيب الاجتماع اللي صار على اي اساس ..!

يستخفون بعقولنا ذولا..!

Besh Mohammad

2014- 1- 13, 03:19 AM

استهدو بالله خلاص

والله راسي بيشيب من الجامعه دي وانا لساتني صغيره

جريح الصمت

2014- 1- 13, 03:21 AM

يا استاذي العزيز المسالة مو شكشوكة وبزران

الموضوع ان فيه تخصص رئيسي وفيه تخصصات فرعيه

لما تقول ادارة اعمال كتخصص معناتها اخذت مواد شامله من جميع التخصصات الفرعية وهذا اللي درسناه

لما تروح للفروع معناتها تدرس سنتين اربع مستويات مسار عام وبعدها سنتين تخصص يعني من المستوى الخامس تتخصص وتكثف مواد تخصص زي محاسبة او تسويق او ادارة صحية وهذا ما كان موجود ع حسب خطتنا سابقاً

في حال ان الجامعة نزلت مسارات مو ذنبي ينهضم حقي بعد ما كرفت بمواد من كل التخصصات

وجامعتنا الى قبل عشر ايام ما كان عندها تخصصات فرعيه
مو ذنب الدفعات السابقة يحصرونهم بتخصص مستحدث بعد ما كرفوا بمواد عامه

والفريدان بكلامه كان بيمشي الوضوع ع انه ما تغير شيء وهذا غلط

وحتى اعلان الجامعة تكذيب لكلامهم السابق وليس اعتذار عن خطا او فرد عضلات

اتمنى وصلت الصورة

نقااء

2014- 1- 13, 03:54 AM

تمام معك حق يبدو انه ماتغير شيء

لكن لماذا قال الفريدان لبعض الطلاب حسب ماذكرو لنا هنا بالملتقى انهم لما سألوه عن تخصصات ادارة الاعمال في بداية تسجيلهم بالتعليم عن بعد قال لهم مافي تخصصات هي ادارة اعمال بس

تحسب ضده هالنقطة ك منصب اداري قيادي بالجامعة .. بيفقد كثير من مصداقيته عند البعض من الطلبة وانا منهم

أبو حور

2014- 1- 13, 03:59 AM

وعليكم السلام ورحمة الله وبركاته

سؤال يا ابو حور
هل الأقسام اللي بحثت عنها تتعلق بالإنتساب والا الإنتظام ؟
ولنفترض انها للإنتساب
ممكن الجامعه اضافت ( الإدارة ) بعد إعلان الفريدان علشان كذا انت حصلته موجود

وبعدين اللي اعرفه ان نظامنا مافيه تخصصات
هل ممكن انا اكون محاسبة ,, وانت اقتصاد ,, وفلان مالية !!
نظامنا شامل مافيه تخصص : كلية إدارة أعمال قسم إدارة أعمال
وهالشئ موجود في اقسام كليات التعليم عن بعد
http://www.kfu.edu.sa/ar/deans/e-learning/pages/services-2.aspx

مافي فرق في التخصصات بين الانتظام والانتساب

اساسا يمنع على الجامعة تدرس تخصص انتساب ما تدرسه انتظام

بالنسبة للتخصصات موجودة من زمان وكلية ادارة الاعمال اللي تضم 6 اقسام ( ادارة , محاسبة , .... ،إلخ ) في قسم واحد فقط هو اللي يدَرس عن طريق التعليم عن بعد وهو قسم ( الإدارة )

كان بحثي متعمق في هذا الخصوص وجدت ان ادارة اعمال تتناسب اكثر مع ما درسناه في خطتنا ،، من اداره فالاداره هي مجرد مبادئ ونبذه بسيطه او من كل تخصص نبذه .

ممكن اتفق معك اذا جبت لي المواد اللي يدرسونها طلاب ( الإدارة ) وطلاب ( إدارة الأعمال )

ياليت اجد عندك توضيح كامل في هذا الموضوع

إذا الموضوع كذا ..!

طيب الاجتماع اللي صار على اي اساس ..!

يستخفون بعقولنا ذولا..!

اتوقع مافي اجتماع ولا شي وبصراحة احنا اللي حديناهم على هذا الخبر عشان يسكتونا والمسألة ماهي فارقة معاهم ( إدارة ) والا ( إدارة أعمال ) هم عارفين انها نفس الشي

استهدو بالله خلاص

والله راسي بيشيب من الجامعه دي وانا لساتني صغيره

لا إله الا الله

الله يعدينا على خير من الجامعة هذي

يا استاذي العزيز المسالة مو شكشوكة وبزران

الموضوع ان فيه تخصص رئيسي وفيه تخصصات فرعيه

لما تقول ادارة اعمال كتخصص معناتها اخذت مواد شامله من جميع التخصصات الفرعية وهذا اللي درسناه

لما تروح للفروع معناتها تدرس سنتين اربع مستويات مسار عام وبعدها سنتين تخصص يعني من المستوى الخامس تتخصص وتكثف مواد تخصص زي محاسبة او تسويق او ادارة صحية وهذا ما كان موجود ع حسب خطتنا سابقاً

في حال ان الجامعة نزلت مسارات مو ذنبي ينهضم حقي بعد ما كرفت بمواد من كل التخصصات

وجامعتنا الى قبل عشر ايام ما كان عندها تخصصات فرعيه
مو ذنب الدفعات السابقة يحصرونهم بتخصص مستحدث بعد ما كرفوا بمواد عامه

والفريدان بكلامه كان بيمشي الوضوع ع انه ما تغير شيء وهذا غلط

وحتى اعلان الجامعة تكذيب لكلامهم السابق وليس اعتذار عن خطا او فرد عضلات

اتمنى وصلت الصورة

اتمنى توصلك الصورة الصحيحة

لايمكن أحد يتخرج من الجامعة بتخصص عام لكل مواد الكلية اللي درس فيها

مافي احد خريج كلية آداب حاف كذا
ومافي احد خريج كلية هندسة حاف بدون تخصص

حتى ادارة الأعمال مافي احد يتخرج منها بدون تخصص

أنا لما سجلت كنت اعتقد انهم مسمين التخصص ( إدارة أعمال ) مثل جامعة الملك عبدالعزيز وكان لما يسألني احد اقوله احنا ندرس في كلية ادارة الأعمال تخصص فرعي إدارة أعمال

التخصص الفرعي اسمه مطابق لأسم الكلية وهذا سبب اللخبطة

بعد كذا ما ادري هم غيروا المسمى أو أنا ما انتبهت للمسمى من البداية انه اسمه ( إدارة ) فقط

المهم ان مسألة التخصص الفرعي هذي كانت معروفة عندي من أول ولابد منها ولا يمكن لخريج اي جامعة سواء تعليم عن بعد او انتظام انه يتخرج بدون ما يتخصص

اتمنى الصورة وضحت

تحياتي لكم

جريح الصمت

2014- 1- 13, 04:04 AM

^^^
يا اخي الاداب غير لانها تضم تخصصات مختلفه وممكن التخصصات تتفرع لمسارات
بعكس الاداره تخصص عام وممكن تدخل مسارات وممكن تبقى عام

بالتوفيق

صَمْتّ مُؤْلِمْ

2014- 1- 13, 04:11 AM

طيب شفنا صورة الشهادة مع تخصص فرعي إدارة ;)

الفاصل

ممكن نشوف صورتها بعد التعديل ؟ أو خلينا نقول بعد العودة ؟ :rolleyes:

:hahahahahah:

يوما ما

2014- 1- 13, 04:35 AM

هذا رابط لرد سابق لي ،، وهو ما جعلني اقتنع ان ما كنا عليه افضل من القرار المفاجئ ،،
واعتقد ان اهميه ما طالبنا فيه سيثبت اذا تم تغيير الخطه الدراسيه للدفعات الجديده لتتماثل مع اداره والا فان ما عارضناه كان مجرد مسمى لا اكثر مع اني مقتنع تماماان من اليات التوظيف والترقيه هو النظرللسجل الاكاديمي وما يحويه من مواد مدروسه تتماشى مع المهارات المطلوبه ،، << وهذا في حال اذا لم يكن الفيتامين واو ساري المفعول عند الجهه المختصه ،،

تحياتي لك ،،

http://www.ckfu.org/vb/10322143-post130.html

محمد السديس

2014- 1- 13, 08:50 AM

قبل الاجتماع لما تدخل على السجل الاكاديمي تجد مكتوب الكلية ادارة الاعمال
التخصص ادارة
القسم ادارة

اما بعد الاجتماع ادخل الان على السجل الاكاديمي فستجد

الكلية ادارة الاعمال
التخصص ادارة اعمال

القسم ادارة

والدكتور عبدالله يقول الاشاعة لاتمت للحقيقة بصلة

moghtrb

2014- 1- 13, 09:28 AM

شوف حبيبي ولا يهون بقية الاخوان والاخوات

عندي شخص حاصل على درجة ماجستير في تخصص ما في الاداره

الرجال له الان ماشاء الله اكثر من 30 سنه يعمل بشركات ويعرف هذا وش يعني وهذاك وش يعني

سبق وناقشته على تخصص بالاداره واداره عامه قالي عامه وانت مغمض لأنها اشمل وفضل واعمق في دراستها بالاضافه للأهم وهو مجال مفتوح للتوظيف بعد توفيق الله سبحانه

الزبده لما تغير التخصص كلمته وقلت تغير تخصصنا لإداره وش رايك ؟؟ قال ماتسوى عليكم بعد هالتعب وش هالتخصص السيء؟؟ مافيه غيره ؟؟ قلت مادري بس كذه سمعت وكذه شفت قال مو زين ولا ينفع

وسوينا بلبله وجينا الان لما تغير الكلام نلاقي ناس تتكلم وتقول نفسها وسووا فيكم زي ماسووا مع الورع لما تفك له حلاو ومن هالكلام

ياااااااا عيوني الله يوفقك ويرضى عليك نبي تكون شهادتنا مثل مادخلنا الجامعه ومعروف عنها من قبل انها تدرس ادارة اعمال عامه ولا يوجد فيها تخصص ومسار محدد...

تجي للدفعات القادمه وتسوي مسارات وتدرس سنه عام وبقية الثلاث يتخصص الطالب في اللي يبي هذا شيء ثاني مايهمنا

أبو حور

2014- 1- 13, 11:28 AM

طيب شفنا صورةاللهم بك اصبحنا وبك امسينا وبك نحيا وبك نموت واليك النشور

سبحان الله وبحمده عدد خلقه ورضا نفسه وزنة عرشه ومداد كلماته

اللهم انت ربي لا اله الا انت خلقتني وانا عبدك وانا على عهدك و وعدك ماستطعت اعوذ بك من شر ماصنعت ابوء لك بنعمتك علي وابوء بذنبي فاغفرلي فإنه لا يغفر الذنوب الا انتالشهادة مع تخصص فرعي إدارة ;)

الفاصل

ممكن نشوف صورتها بعد التعديل ؟ أو خلينا نقول بعد العودة ؟ :rolleyes:

:hahahahahah:

ماهي فارقة شي ادارة او ادارة اعمال هي نفس التخصص

اذا جيت تتوظف راح تقبل شهادتك على اساس انك خريج كلية ادارة اعمال تخصص ادارة اعمال

الشهادة اللي معك بيتعاملون معاها على هذا الاساس