تسجيل الدخول

مشاهدة النسخة كاملة : المناقشات الاسبوعية استراحة محارب .. هلمّوا جميعاً لو تكرّمتوا ..


عـلـي
2014- 1- 18, 05:39 PM
بسم الله الرحمن الرحيم

السلام عليكم ورحمة الله وبركاته

قبل لا أبدأ بالموضوع .. أحببت أبارك لجميع الناجحين والناجحات الانتقال للمستوى الثاني

سائلاً المولى عزّ و جلّ أن يبارك لنا بما أعطانا .. وأن يوفقنا للقادم ..

ويسهّل علينا أمرنا هذا .. ويرزقنا من حيث لا نحتسب ..

اللهم آمين

كما أوجه قسطاً من حديثي لكل من تعثر بمادة من المواد أو أكثر بأن يصبر ويحتسب ومن يدري لعلّ ذلك يكون دافعاً للمضيّ بإصرار وعزيمة إلى ما هو أفضل .. وما ذلك على الله ببعيد

كما أود شكر الأخوات المشرفات ريمنقو ونوره بالأصالة عن نفسي وبالنيابة عن أخواني وأخواتي

والله ما ننسى وقفاتكم العظيمة .. اللهم ارزقهم بكل حرف رسموه من أجلنا الدرجات العالية والرفعة بالدنيا والآخرة

،
،
،

بفضل من الله وتوفيقه مرّ علينا فصل كامل بمرّه وحلوه مثل لمح البصر

لو كل منا يرجع بذاكرته شوي ويستذكر الأيام اللي قضاها ويراجع حساباته

ويقيّم نفسه

ويستمر على الأمور اللي عطاها تقييم مرضي بالنسبه له

ويبتعد عن الأمور اللي تمنّى انها لو ما حدثت

وما فيه مانع لو كل شخص منا فكّر بصوت عالي فما أدراكم لعلّنا نستفيد من بعض


بإمكان الجميع التعليق على ما جرى من ناحية التعامل مع الواجبات .. الامتحانات الفصلية .. المذاكرة .. المحاضرات المباشرة .. الكتب والملخصات .. الامتحانات النهائية ..

بعد ودنا باقتراحات نرفعها للمشرفين عن طريقة ترتيب القسم للفصل القادم .. يعني الفصل الماضي كنا مستجدين وطايرين بالعجّه مثل ما يقولون إلى أن صار القسم حوسه لدرجة ماتتصور .. تحاول أحيانا تسترجع معلومة قريتها بموضوع ومو متذكر وين هالموضوع من زحمة المواضيع واختلاطها

لذلك .. ياليت كلنا نشارك بكتابة الحسنات والسيئات للفصل الماضي سواءً كانت على المستوى الشخصي أو على المستوى الجماعي .. وش المشاكل اللي وقعت بها .. وكيف عالجتها ..

أتمنى المشاركة من الجميع .. بتخدمونا والله .. :(204):

والله يحفظكم ويرعاكم :rose:

سأعود للمشاركة بما لديّ ..

N o o r a h
2014- 1- 18, 06:14 PM
وعليكم السلام ورحمة الله وبركاته

يعطيك العافيه علي على هالمبادرة

وهذا واجبي انا وريمنقو

وانا بالنسبة لي ما سويت شي يستحق الشكر ..

------
بالنسبة لقسم مستوى اول

انا فتحت لكم موضوع عن تجميع اسئلة الاختبارات بحيث متى ما احتجتوها تلقونها قدامكم

بس للأسف ما احد عرف يستغل الموضوع صح صار كله استفسارات وطلبات حلول !!

على شان الحوسه اللي صارت اغلقته

--------

والسمستر الجاي ان شاء الله بيكون حلو واستغلوا وقتكم استغلال صحيح

وربي معاكم ... واي مساعده تبغون انا حاضره لكم

فالكم التوفيق

ريمنقو
2014- 1- 18, 06:24 PM
وعليكم السلام ورحمة الله وبركاته ..


الله يعطيك العافيهه يَ علي , وكل جهودنا لكم قليله جداً ..
و ودنآ نخدمكم بأفضل ماعندنآ ..
بالنسبة لمحتوى الموضوع كنت ناوية اطرح موضوع خاص برأيي فيكم و بعض الارشادات لكم

/

لكن اشوف الموضوع هنا راح يفي بالغرض ان شاء الله ..

اولاً : انتم دفعه نشطه جداً ماشاء الله , والحمدلله كنتم متعاونين معي من اول ماقول هذا الشي مخالف
ماعاد اشوف احد يسويه وهالشي حببني فيكم اكثر ..

ثانياً : الشي السلبي اللي واجهته , ان الاغلبيه ينزلون مواضيع استفسارات ..
طيب انا ليش فتحت موضوع للاستفسار وخليته مثبت ؟ المشكله اني مانيب مقصره بالرد انا ونوره والاعضاء
نرد اول بأول ,

ثالثاً : الفوضى داخل المواضيع , الموضوع يتكلم عن حاجه محدده تلقى عشر طعش موضوع بداخل موضوع واحد !
انا اتمنى منكم تعطون كل موضوع حقه , موضوع لاختبار ماده محدده يكون خاص بالاختبار فقط , ماتدخلون مواد غيرها واختبارات غير ..

رابعاً : كنا متساهلين معكم كثير بحكم انكم جدد , لكن الحين اصحاب مكان ..
من الحين اقول لكم اعتذر عن اغلاق المواضيع اللي تستحق الاغلاق , وحذف الردود الغير لائقه بملتقى اكاديمي . .

خامساً : اتمنى منكم تعلمتوا من اخطائكم بالمستوى الاول , ومن احد اخطائكم هي ردودكم في موضوع تجميع اسئله الاختبارات والمناقشات والواجبات ..
كان هدف الموضوع جمع الاسئله فقط بدون ردود خارجه عن تجميع الاسئله ..
انتم ماشاء الله عليكم قلبتوآ الموضوع لسساحه طلبات ههههههه ف اضطرينآ نغلقه ..


سادساً : انتم ان شاء الله راح تبدأون تفتحون مواضيع تجمعات المواد ..



سابعاً والاهم : اشتركوآ بالقسم علشان توصلكم التنبيهات المهمه فقطط ..

عـلـي
2014- 1- 18, 06:52 PM
نوره + ريمنقو

ماشاء الله عليكم ما قصرتوا وطولتوا بالكم علينا وكنتم قريبين منا وبذلتوا ما بوسعكم لحل أي مشكلة تواجهنا

فماراح نستغني عن آراؤكم وملاحظاتكم وتوجيهاتكم

الله يحفظكم ويوفقكم

عـلـي
2014- 1- 18, 08:22 PM
عدنا ..

ببدأ معكم بمقدمة قد لا تكون مهمة عند البعض كحال مقدمات الكتب ..

سبب اختياري لتخصص الدراسات الاسلامية لقلة التخصصات في التعليم عن بعد

ولله الحمد ما ندمت على اختيار التخصص لما فيه من فائدة بالدين والدنيا

وزاد حماسي بعد ما عرفت انهم بيفتحون تخصص شريعة وأتمنى ان تخصص الشريعة يشمل طلاب قسم التعليم عن بعد

ببدأ ببعض الملاحظات السلبيات على المستوى الشخصي والعام

على المستوى الشخصي كنت سلبي ببداية الدراسة .. أدخل وقت الامتحانات الفصلية والواجبات أنقل الاجابة من المواضيع وأتوكل على الله .. والكثير منا حصل معه نفس الشي!

استمريت على هذا الحال لحين قرب الامتحانات النهائية .. وهالشي أثّر على التحصيل العلمي أيام الامتحانات النهائية ..

لدرجة اني ماكنت اذاكر الا صبح الامتحان لكثير من المواد .. كتاب الانجليزي ما اشتريته الا ليلة الامتحان وللحين الكتاب على حاله وهذا سبب نزول مستواي بامتحان الانجليزي ..

وأنا صراحة ألوم ايضا الجامعة اللي هي عارفة اننا انقطعنا بعض السنوات عن الدراسة والمفروض انها تتدرج معنا بالمنهج مو على طول يرموننا بوسط البحر ويجيبون لنا مواضيع مثل موضوع فيلة تايلاند!!

بإذن الله أنا ناوي أغير من طريقتي بالدراسة وأعتمد على نفسي بعد الله سبحانه وتعالى وأذاكر قبل حل الواجبات وامتحانات الفصل .. وكان الله بالعون

،،

فيه نقطة كنت متردد أتطرق لها .. بس بتكلم بشأنها .. في وقت المحاضرات المباشرة .. للأسف البعض - وهم قلّة ماتتعدى نسبة 1% - يتعامل مع مدرس المادة كتعامله مع أحد أصغر أخوانه لما يسأل الدكتور بالمايك .. وين الاحترام والتقدير للآخرين؟!! هذا غير الحاجات اللي تصير بعد المحاضرات المباشرة لما ينسى الدكتور/ة المايك + أو ما يُكتب بالشات؟!!!

عموما حنا وصلنا مرحلة نعرف الصح من الخطأ وكل واحد وتربيته :smile:

‘‘

بخصوص القسم ومدري إذا المشرفات يوافقونني عليه والا لا؟

الفصل اللي راح أشغلناهم باستفساراتنا وكثرة فتح المواضيع

فودي لو يثبتون موضوع ويكون مغلق وينزلون عليه تسع ردود على عدد المواد لكل مادة رد .. يُكتب بالرد كل ما يخص المادة عن طريقهم بما أنهم هم اللي يملكون الصلاحية وطبعا حنا نزودهم بكل جديد ومهمتهم تحديث الرد بكل جديد .. سواء أوقات المحاضرات المباشرة وما يخص الواجبات والامتحانات والمناقشات وحلولها والملخصات اللي تنزل .. وتكون مرجع للجميع وبهذه الطريقة بتخف الاستفسارات والمواضيع اللي تُفتح للسؤال عن حاجة معينة

وتشجيعا على تنظيم القسم وباقي المستويات ياليت المشرفات يرفعون اقتراح لإدارة الموقع لعمل مسابقة بين جميع الاقسام والقسم المثالي الملتزم بالمعايير المحددة اللي توضحها الادارة يحصل على المركز الاول ثم يُحدد المركز الثاني والثالث بين باقي الأقسام

،،

لاحظت بعض الطلبة بيأجل مواد وبياخذ مواد من مستويات متقدمة لرفع المعدل!

بنبههم لشي .. فيه حاجة مهمة غير بساطة المادة اللي ناوين تاخذونها .. وهي الاندماج مع طلاب المستوى المتقدم بمذاكرة المادة .. متأكدين انكم تقدرون تتأقلمون وتندمجون معهم؟؟


,,

الاخوان والأخوات اللي نزلوا كويزات الفصل الماضي.. لاحظتوا ان كل أسئلة الكويزات اللي نزلتوها ما زالت مخزنة بالذاكرة! بعكس بقية المعلومات اللي ذاكرناها؟؟

الحقيقة ان كتابة كويز في مادة يجعلني أفهم المادة أكثر من أي طريقة أخرى للمذاكرة

فاللي يبي يعرف ليه .. ينزل كويز الفصل القادم


أخيرا ..

ما أبي شي .. أنا جداً قنوع .. ما أبي إلا إنت .. وكلك لو سمحت (المعدل :004:)

قمر الهيلا
2014- 1- 18, 08:48 PM
جزاك الله خير ي علي موضوع جميييل جداَ ..

وجزاكم الله خير ي نوره وريمنقو بصراحه م قصروا معنا .. :060:

الله يوفقنا يارب .. :004:


:106:


وبالنسبه للمواد انا ناويه بإذن لله اخذها كلها والله يسهلها ...


:106:


وسالفة المحاضرات والمايك اتمنى كل واحد من بنت من شاب الالتزام بالادب والاخلاق لان ديننا يحث
على الاخلاق الساميه احنا دخلنا لاجل نتعلم ونعلم الاجيال القادمه مو داخليين لعب فأرجوا منكم الاخلاق الساميه ,,,

:106:


وشكراَ....:004:

عـلـي
2014- 1- 18, 09:12 PM
BoDBoD.h

:(204):

اللهم آمين

بتتسهل بتوفيق من رب العالمين

بننتظر إبداعك المستوى القادم

شكرا لك

ريمنقو
2014- 1- 18, 11:04 PM
علي ..
احييك على وقفتك مع ذاتك و قرارك الصائب , وتأكد ان هذا القرار بإذن الله يعود عليك بمنفعه كبيره
قرارك اللي اتخذته , حنا بإنفسنا نسويه لإن الاهمال ماراح يفيدنا خصوصاً ان تخصصاتنا كلها تحتاج لمتابعه وحفظ ..

حتى بالاختبارات الشهريه نذاكر المحاضرات اللي داخله بالاختبار واذا مايمدينا نقرآهآ ع الاقل ..
والحل ومشاركة الاعضاء بالبحث عن الحل الصحيح كله يعود عليك بالفائده ..

..

و احب انوهه اللي مآخذين الدعوه ضحك وطقطقه بالمحاضرات المباشره ,
ترى كل هذا راح يكون ضدكم , الدكاتره اللي يدرسونكم الحين , راح يدرسونكم 3 سنوات
وبإمكانهم فعل كل شي ..
ف الواحد يلتزم و يحسّن اخلاقه واذا وده بالضحك يطلع برى المكان الدراسي ..
ولاتنسون ان فيه مراقبين يدخلون معكم بالمحاضره المباشره ,
يمكن هالسمستر مشّوها لكم بحكم انكم اول مستوى لكن صدقوني بعدين ماراح تفلتون ..


/

علي بخصوص اقتراحاتك اكيد بنضعها في عين الاعتبار ,
وراح نطرحها للاداره ونشوف الانسب ونسويه ..

ALansari.92
2014- 1- 18, 11:26 PM
واخيرررا لقيت موضوع زي كذا


من ناحيه اعمال السنه بنات او شباب ممكن الحل طيب التعاون وين راح يبون كل شي جاهز
من ناحيه المحاضره المباشره قسم بالله مصخره طقطقه ع الدكاتره وسوالف بين البنات وشباب وضحك واغاني وقله حيااا والله عيب م كانهم بالجامعه
ومن ناحيه مواضيع الاستفسارات بالمنتدى نفس الاستفسار يتكرر 100 مره
فيه موضوع فوق للاستفسارات وفيه تجمع للمواد ونوني وريمنقو م قصرتو معنى خلال فتره دراستنا بمستوى اول وعلى طوله صبركم معنى ويجزاكم الجنه

وكل الشكر لك اخوي علي

N o o r a h
2014- 1- 19, 03:23 AM
حلو الواحد يعترف بتقصيره

ويكون قد الثقة اللي عطاها نفسه ويطمح للتغيير للافضل

الله ييسر لك يا علي وقرارك بإذن الله بيرجع لك بالنفع مستقبلا

------

المحاضرات المباشره

يا اخوان ويا اخوات

الاحترام ثم الاحترام ثم الاحترام

اذا كنتوا محترمين الدكتور وتسمعون الكلام

ما يتردد لاي طلب ... بعكس لو كنتوا مزعجينه

وترى لا تنسون ارقامكم الجامعيه ظاهره للدكتور

وفي امكانه يسجل ارقام المزعجين ويتصرف معاهم

واقصروا الشر لان زي ما انتوا عارفين ان الخير يخص اما الشر يعم

-------

ان شاء الله يمر عليكم فصل دراسي ممتع

فالكم التوفيق

بنت معدي
2014- 1- 19, 06:47 AM
علي نورة ريمنقو
يعطيككم الف عافيه وجعلها في ميزان حسناتكم يارب
و علي
كلامك عين الاعتبار
وسالفةة كثرة المواضيع من جد كنت اتنرفز لاشفت
سوال متكرر الف مممرة
طيب قبل تفتحون الموضوع ادخلو كل المواضيع اللي موجودة
لابد فيه جواب ع سوالكم ولا انكم تفتحون مواضيع وهي موجودة
ويجي غيرك يفتح نفس الموضوع
ترا كذا نتخربط ونضيع ..
وبعد سالفة المحاضرات المباشرة
ي ان فيهه ناس بثرة حسيت جايين سينما مو محاضرات
خلاص ي اومي انتو اكبر من كذا ترا ..

❤ الــملكــه ❤
2014- 1- 19, 08:49 AM
:16.jpg:سلام عليكم ورحمة الله وبركاتة:16.jpg:
بدايتا احب اشكر ريمنقو ونووره ع كل شي امانتا انا صح غلطت كثيير اني اسوولف وكذا وانشالله مابدر مني لن يتكررك بهالمستوى باذن الواحد الاحد واشكركم على جهودكم وهذا الي سويتوه كله من ذوق ورقي الاخلاق فيكم من جد تستاهلون دعواتنا :(270):
ونتو ماقصرتو امانتا ونا لاحظتك ريمنقو انتي تحاولين تساعدين باي طريق وهذا من زود التربيه والاخلاق ونا اهنيكم ع هالشي
:16.jpg:ثانيا احب اشكرك علي ع الموضوع الي فتحته راقي جدا جدا وانشالله هالسمستر نكون متعاونين اكثر مع بعض ونكون فاتحين مواضيعنا بشكل منتظم ونا امانتا جداكنت متحمسه بالبدايه لكن مستواي منخفض لاني اهملت شوي بلفتره الاخيره وناشالله راح انظم وقتي بهالمستوى:(280):

بخصوص المايكات بالمحاضره المباشره انا راح اسوي الي انا قلته:(26)::(26):
راح اخذ رقم الجامعي لكل وحده تتمصخر واشكيها عند الدعم تبع الجامعه لانو من جد فشله الدكتور او الدكتوره ياخذون عنا فكره زفت واحنا مالنا ذمب بالي يصير لانو من جد مادري شقول لكن الي بقول ,,والله انها من قلت الادب وقلة الاحترام فيكم ,,للي تمصخرون بس
المهم مابي اطول عليكم اكثر من كذا ,,,
انا بقول شغله هو خارج الموضوع بس انا محتاجه اقوله:Cry111:
انا طالعه لدوامي ومتورطه بشغله مع الاداره بشي مالي ذمب فيه :Cry111:
ابي بس طلب صغيييروووون:mh12: ,,,, تكفون دعواتكم ان الله يفرجها علي بس قولو الله يفرجها عليكي ,,,,
حتى وربي وصيت ماما قبل لاترجع تنام انها تدعيلي وربي :(117):...
يالله اشوفكم ع خييير انشالله

D.dove
2014- 1- 19, 12:54 PM
أستاذ علي ,, شكراً لطرحك هذا الموضوع

كنتَ صادقاً بكل كلمه كتبتها ,, أتمنى من الكل الإستفاده من ذلك والتغيير للأحسن

×÷×÷×

أخواتي : أستاذه نوره & أستاذه ريمنقو

شكراً لدعمكم وصبركم علينا طيلة تلك الفترة هذا إن دل فإنما يدل ع حسن تربيتكم والنعم فيكم

×÷×÷×

بعد كلامكم وكلام جميع الأخوات ليس لدي أي تعقيب ,, وأتمنى التغيير في المستوى القادم

وكذلك أتمنى التوفيق والنجاح لي وللجميع في المستويات القادمه

في النهايه ,, أسأل الله لنا جميعاً الدرجات العاليه في الدنيا والآخره

وأن ينفعنا بما تعلمنا ويزيدنا من علمه ...

حُرّة
2014- 1- 19, 03:20 PM
ليس لدي شيء أُضيفه .
بارك الله في جهود الجميع :106:

uamar_1988
2014- 1- 19, 04:41 PM
شكرا لك اخوي علي شكرا للمشرفات ريمنقو ونورة بصراحة الموضوع في مكانه انا راح علي واجب فقه السيرة

الثاني وخسرت 9 درجات ولكن الحمد لله نجحت في المادة والسبب يرجع في ذلك لخبطة المواضيع اللي

صارت وكل استفسار ينزل على حدة وهذا الغلط اللي صار لاني كنت اتابع المنتدى يوميا اكثر من دخولي

للبلاك بورد بالنسبة للاقتراحات علي ممتازة جدا وراح توفر الوقت والجهد على الكثير طبعا عندي اقتراح للادارة

بما انه تم الطرح اتمنى اني افيدكم الشخص اللي ينزل مواضيع في غير امكنتها الصحيحة يعطى تنبيه من

المشرفين واذا تكرر ذلك يتم ايقافه عن المشاركة في المنتديات مؤقتا ويكون عضو مشارك ممنوع من الكتابة

للمنتدى وبكذا راح يوفر على الاعضاء قراءة اشياء غير مفيدة وراح يوفر الوقت وهذي انا اشوفها هي المعضلة

اللي تواجهنا كطلاب في المنتدى نزول مواضيع غير مفيدة وفي اماكن غير صحيحة والحذف لا يفيد كثيرا يجب

وضع قوانين صارمة بخصوص ذلك ليتعلم الاعضاء الطريقة الصحيحة للكتابة في المنتدى وفي النهاية اشكر

ريمنقو على تعاونها معنا كثيرا بصراحة ما قصرت مشكوووووووووورة ....

ريمنقو
2014- 1- 19, 07:27 PM
الله يعطيكم العافيه , كل اللي نسويه لايستحق الشكر فأنتم تستآهلون اكثر من اللي عطينآكم
و والله اني مقصره كثيير في حقكم ..

/

عمر ,
بخصوص كل من يخالف قوانين الملتقى وينزل مواضيع غير مفيده او مشاركات غير مفيده
يتم تنبيهه اول وثاني وثالث مره , من بعد الثالثه يتخذ فيه اجراء اداري صارم ,,

/

ان شاء الله هالقسم يكون اكثر تنظيم واكثر ترتيب عن قسم اول ..
وان شاء الله انتم من ينظمة ويرتبه ..

عزيزهه
2014- 1- 20, 01:31 AM
وانا اقول شفيه القسم الاول فاضي ههههههههههه طلعتو هنا ...

Maroomah
2014- 1- 20, 02:46 AM
علي نورة ريمنقو
يعطيككم الف عافيه وجعلها في ميزان حسناتكم يارب:love080::love080::love080:

هناء السماء
2014- 1- 20, 11:36 AM
على واخواتي البقيه كلكم تنحطون على الجرح يبرى . بارك الله فيكم جميع.

loge
2014- 1- 20, 05:24 PM
السلام عليكم
تسجيل دخول للمستوي الثاني
الحمد الله الكل نجح و الحمد الله راضيه بمعدلي
و شكرا علي و ريمنقو و نوره و المشرفين جميعا علي صبركم و تعاونكم
عندي شغله في المحاضرات المباشره كثثثير الاسئلة وراء بعض وهذا الشي مو حلو لان في ناس تبي تسئل عن اشياء مهمه و مانقدر نمسك المايك من الاسئلة المتكررة عن الكتاب و الواجبات و الدرجات و المشكلة كلها تلقونها ب الاعلانات بلاك بورد او المناقشات فا احب و اتمني تكون الاسئلة عن شي مهم و استفار ب الدرس نفسه و الاحترام كمان شي مهم
و الشغلة الثانية نبي نبدا نسوي كويزات بعد كل محاضره مباشره او بعد اختبار علشان تكون مرجع لنا
وشكرا لكم جميعا

ALansari.92
2014- 1- 21, 12:37 AM
انا قررت ابدا درس بدرس واابطل حركه المستوى الاول م درست الا الصبح

واخذت 9 مواد والله الموفق ..

عـلـي
2014- 1- 23, 09:14 AM
الله يجزاكم خير جميعا ما قصرتوا والله يوفقنا وإياكم والجميع

أتمنى فعلا يكون هالفصل بسيط علينا ونعدّيه على خير

وانا والله ضاق صدري بالحيل على الاخت اللي رسبت بكل المواد

وياليت الجميع يعين ويعاون واحتسبوا الأجر

وأنا عن نفسي مستعد أخدم أي أحد محتاج للمساعدة ولا أحد يستحي أو يتهاون

والله يرزق المشرفات شوية عنف مع مواضيع الاستفسارات اللي تحوسنا :biggrin::16.jpg:

D.dove
2014- 1- 23, 11:00 AM
أذكركم بكره الجمعه تسجيل المواد

وبالتوفيق للجميع ^_*