بحث التخرج والتدريب الميداني

[ابو طلال]

اخواني واخواتي السلام عليكم ورحمة الله وبركاته

نزلت الدرجة لي 25 رسوب اعتقد فيها خطا بالنظام احد صار له نفس الشيء؟

[د.فاهم]

يا جماااااعة الخير ابي جوااااااااااااااااااب تكفوووووووووووون بحث التخرج درجة الاعمال الفصلية 14 ودرجة الاختبار 20
التدريب الميداني درجة الاعمال الفصلية 20

وهم قالوا انه الاختبار من 100 مافيه درجة اعمال

[د.فاهم]

مهما كان ترسب طالب خريج عشان بحث شي غير معقول
اذا كان طلاب الانتظام واعرفهم واعرف بحوثهم ما يستحقون النجاح والدكاتره دائما والغالب ينجحونهم من باب اولى طلاب التعليم عن بعد
بعدين انا قاهرني 14 درجة اعمال الفصل وش السالفه يا جماااااااااعه

[د.فاهم]

بعدين الدكتور قال ان المقرر بـ 4 ساعات يعني اربع وحدات دراسية كيف طالع في النتيجة انه بساعتين

[المعالي غالية]

الله يسهل أمرك اتوقع في غلط ارفع تظلم
لان شفت واحد في قسم علم أجتماع يشتكي من درجة بحث التخرج

[شوكو لاته]

حتى انا نفس الشي درجة الاختبار 1في التدريب والتخرج درجة المشاركه18 درجة الاختبار ماكتبو شي فاضيه حتى صفر مافيه يجيبون الحاله النفسيه تعبنا بس الله ماراح يضيع تعبنا.

[عشق القصيد]

/


والله ياخوان الحال واحد
الفرحه ماكتملت
رسبت في بحث التدريب بس رفعة تظلم
وارسلة للعميد بعد
لان فيه اغلاط كثيره المقرر 4 ساعات وحاطين ساعتين
ولا فيه درجات على الاعمال الفصليه كلهم قالو البحث عليه 100 درجه !
بس تفائلو العميد قال راح نعيد النظر في البحوث
حرامم نتاخر ترم عشان بحث

الله المستعان

[قلم طالب]

الحمد لله على كل حال

درجات البحوث عندي 62 و 68 ودرجات المشاركة ناقصة كثير

مشكلة بعد هذا التعب والجهد تكون هذه النتيجة المتدنية

بإذن الله العمادة تنظر في هذا الأمر ويحلون هذا الإشكال

[عشق القصيد]

^

الف مبروك اخوي
الله يوفقك يارب
والفال لنا

[ابومالك]

وانا نفس المشكلة 31 و34 لكن الله يعين على نظام الجامعة في جامعة الامام الطالب يرسل البحث والدكتور يناقشه في وبعدين يعطيه الدرجة اللي يستحقها عن طريق الجوال واذا كان البحث فيه اخطاء يخليه يعيد البحث اما عندنا نظامهم غير

[عشق القصيد]

^

ياخوان ارفعو تظلم وكلمو العميد
وان شاءالله ينصفنا

[سلمان,]

الحمدلله تخرجت بمعدل 4.67 دعواتكم يااخوان

[عشق القصيد]

الله يوفقك يارب

[راجية الجنة]

خوفتونا من بحث التخرج الله يستر

[سلمان,]

جزاك الله خير على فكره انا كذلك يوجد علي نقص في درجة مشاركة تدريب ميداني

[عشق القصيد]

بحث التخرج الاغلب نجح فيه
بس التدريب الميداني لا كثير رسبو فيه
والغريب نفس الدرجه اغلبنا في 30 معطينا على البحث من 100

[سلمان,]

بحث التخرج الاغلب نجح فيه
بس التدريب الميداني لا كثير رسبو فيه
والغريب نفس الدرجه اغلبنا في 30 معطينا على البحث من 100

اكيد فيه خطأ ان شاء الله يصلح

[عشق القصيد]

كلمت العميد قال لي تواصلي مع الدكتور المقرر
ارسلة له مرتين ولا يرد
يارب يرد ويفهمني وش الخلل

[سلمان,]

كلمت العميد قال لي تواصلي مع الدكتور المقرر
ارسلة له مرتين ولا يرد
يارب يرد ويفهمني وش الخلل

الدكتور محرص عالبحث بزياده

[عشق القصيد]

طيب سويت كل اللي يبيه
ابي سبب الرسوب
ورى مايرد علي ؟

[كوشان]

وانا مثلك رسبت ولادري ما هو سبب الرسوب والمصيبه انه حط درجات للمشاركه والماده ليست لهادرجات مشاركه ولاكن انا يوم الاحد بروح للجا معه وقابل الفريدان

[عشق القصيد]

اخوي ارفع تظلم وكلم العميد
وارسل للدكتور
كثير راسبين عنده
بدون اي سبب معتبر
وان شاءالله بتعدل الوضع

[كوشان]

يا خوان كلمت اليوم دكتور مقرر مشروع بحث تخرج وشرحت له اننا خرجين وليس من المعقول ان تا خر ترم على شان هذه الماده واقترحت عده اقتر احات منها ان يعاد تقيم البحوث المقدمه واعطانا درجه النجاح او ننا نعيد كتابه البحث ويقوم بتصحيحها مره ثانيه ورصد درجات مره اخرى فقال لامانع لدي اذكان العماده تسمح ذلك لانني افهمته بلموقف الصعب الذي تحن فيه نعيد ترم على شان البحث واننا مجتازين جميع المواد كلها بنجاج والكم الراي وربنا يوفقك جميعا

[د.فاهم]

لو كان عندي وقت كان رحت للاحساء لكن فيه صعوبه مع الدوام
وانا راسلت الفريدان ووضحت له الامر

والله يعين .. غبنونا دكاترة البحث الله يسامحهم

[د.فاهم]

عشق بشري رد عليك الدكتور شرح لك ليه الرسوب ؟

انا احاول الخدمات الطلابية اللحين ارفع تظلم معطل النظام

[عادل المطيري]

الله يعين علمونه وش صار معكم

[كوشان]

يا اخون انا مستعد با لذهاب الى الجا معه يوم الاحد كمندوب لجميع الزملاء وسوف انقل معا نتنا والظلم الذي وقع علينا وايه توصيه اوقتراح من قبلكم سوف اقوم بنقله الى المسئولين في الجا معه لان التظلم بيطول الرد علينا ونحن الان في حيره من امرنا لان مشكلتنا لابد من البت فيها عا جلا حتى نعرف وضعنا

[ابوقلب]

كان الله في عونكم

[عشق القصيد]

يا خوان كلمت اليوم دكتور مقرر مشروع بحث تخرج وشرحت له اننا خرجين وليس من المعقول ان تا خر ترم على شان هذه الماده واقترحت عده اقتر احات منها ان يعاد تقيم البحوث المقدمه واعطانا درجه النجاح او ننا نعيد كتابه البحث ويقوم بتصحيحها مره ثانيه ورصد درجات مره اخرى فقال لامانع لدي اذكان العماده تسمح ذلك لانني افهمته بلموقف الصعب الذي تحن فيه نعيد ترم على شان البحث واننا مجتازين جميع المواد كلها بنجاج والكم الراي وربنا يوفقك جميعا




عشق بشري رد عليك الدكتور شرح لك ليه الرسوب ؟

انا احاول الخدمات الطلابية اللحين ارفع تظلم معطل النظام




انا كلمت العميد وشكيت له من الدكتور احمد
لان بحث التخرج الحمدالله نجحت فيه
وقلت له حضرتك فازع للطلاب كلية الاداره وعلم الاجتماع عشان بحوثهم
وحنا يالدرسات لا
رسبونا ولا ندري وش السبب
بحوثنا نفس طلب الدكاتره
قال لي دكتوركم السلوم مسافر لا جاء اجتمعت معه
بس احس اللي راح يفزع لنا جد
الاستاذ / احمد الشعيبي
كلموه على تويتر ولا جوال صدقوني راح يساعدنا
حراممم ترم عشان بحث !
لازم تكثر الاصوات

[عشق القصيد]

يا اخون انا مستعد با لذهاب الى الجا معه يوم الاحد كمندوب لجميع الزملاء وسوف انقل معا نتنا والظلم الذي وقع علينا وايه توصيه اوقتراح من قبلكم سوف اقوم بنقله الى المسئولين في الجا معه لان التظلم بيطول الرد علينا ونحن الان في حيره من امرنا لان مشكلتنا لابد من البت فيها عا جلا حتى نعرف وضعنا



روح والله مالك الا دعواتنا
خربو علينا فرحتنا
قل لهم وش سبب الرسوب نفس طلبهم سويناه
يمشوناويساعدونا نفس طلاب كلية الاداره وعلم الاجتماع
اشتكو بنفس يوم النتايج من بكرا اجتمع فيهم العميد وعدلو درجاتهم
ليه هم لهم هالمعامله الخاصه وحنا ساحبين لنا

[المعالي غالية]

الله يعينكم يجعل من لم يقم معكم بكلمة حق كيده في نحره وﻻ ينطق لسانه الا الحق
والله يعين الدفعه الي بعدكم واحنا بعدهم واذا بيستمر تقيمهم كذا يارب يتغير الدكنور ويجي دكتور افضل منه صدق وامانه علميه ويخاف الله

[طالب دراسات اسلامية]

ماضاع حق وراه مطالب .. انقلوا شكواكم للصحف .. وان شاء الله خير ..

[mbb]

حسبي الله ونعم الوكيل
انا اشوف لو احد يروح الجامعه راح يتجاوبون اكثر
علمونا اش السهل منها
الميداني
ولا بحث التخرج ؟؟؟

[ابوقلب]

السلام عليكم

اقدر اخذ البحثين وانا باقي على بعض المواد ما اخذتها في المستويات الماضيه تقريبا ست مواد باقيه

[عشق القصيد]

ماضاع حق وراه مطالب .. انقلوا شكواكم للصحف .. وان شاء الله خير ..



انا اقول كذا
طلاب الاداره وعلم الاجتماع
وصلو الخبر للسبق
ومن بكرا الجامعه عدلة نتايجهم ونجحوهم

حسبي الله ونعم الوكيل
انا اشوف لو احد يروح الجامعه راح يتجاوبون اكثر
علمونا اش السهل منها
الميداني
ولا بحث التخرج ؟؟؟


بحث التخرج
عند سامي الاشقر


السلام عليكم

اقدر اخذ البحثين وانا باقي على بعض المواد ما اخذتها في المستويات الماضيه تقريبا ست مواد باقيه



تقدر بشرط تكون درست قبلهم
مادة اصول البحث العلمي

[أُم جهاد]

الله يعينكم وإن شاء الله يعدلون لكم بدرجات عالية يارب :mad:

قهر والله بعد التعب ذا كله لا تسكتون :sm4:

بالتوفيق يارب::004:

[كوشان]

يا خوان يجب عدم السكوت على الظلم الذي تعرضنا له من البحوث ويجب تصعيد الموضوع بشكل كبير وهذه دعوه للجميع لاتسكتو عن حقكم لانن سمعت من اكا دمين ف الجا معات يقولون بان البحوث ليس فيه اختبار حتى يرسب الطالب اوالطالبه وانما يقيم البحث ويعطى الدرجه على حسب البحث امايرسب الطالب في البحث فهذه غير موجوده في المعيار الاكاديمي لدرجه البكا لريوس وانها حاله جديده في جا معه الملك فيصل ويجب ان عرف اعدد الطلاب الراسبين حتى نقدم شكوانا على اعلى سلطه في التعليم لان الوضع خطير وغير مسبوق علميا

[شوكو لاته]

حسبنا الله ونعم الوكيل ياليت تنقل اصواتنا كوشان اذا رحت الأحساء دليل انهم غلطانين درجاتنا متقاربه

[روضه الجنان]

بالتووووفيق للجميع

[shehel1]

الله يسهل اموركم وتتعدل درجاتكم

وتتخرجون

[المعالي غالية]

الله يعين
الله كريم
ما نملك اﻻ الدعاء وانتو ﻻ تسكتون ﻻ تسكتون

[ابوقلب]

وش اسم الدكتور وهل البحثين دكتور واحد

[عشق القصيد]

يا خوان يجب عدم السكوت على الظلم الذي تعرضنا له من البحوث ويجب تصعيد الموضوع بشكل كبير وهذه دعوه للجميع لاتسكتو عن حقكم لانن سمعت من اكا دمين ف الجا معات يقولون بان البحوث ليس فيه اختبار حتى يرسب الطالب اوالطالبه وانما يقيم البحث ويعطى الدرجه على حسب البحث امايرسب الطالب في البحث فهذه غير موجوده في المعيار الاكاديمي لدرجه البكا لريوس وانها حاله جديده في جا معه الملك فيصل ويجب ان عرف اعدد الطلاب الراسبين حتى نقدم شكوانا على اعلى سلطه في التعليم لان الوضع خطير وغير مسبوق علميا



اللي اعرفهم للحين
تقريبا 5
اصلا وش عذرهم بفهم
لاهم اللي يتواصلون معنا من بداية البحث زي باقي الدكاتره
ولا هم معلمينا وش سبب الرسوب

[عشق القصيد]

وش اسم الدكتور وهل البحثين دكتور واحد

بحث التدريب الميداني / احمد السلوم
بحث التخرج / سامي الاشقر

[shehel1]

فعلا مشكله الله يعين
الان نزل CRN
ارقام المواد ولا نزل للتدريب الميداني رقم ولا بحث التخرج رقم بالله عليكم كيف اسجلهم

http://www.kfu.edu.sa/ar/Deans/e-learning/Pages/courses_tables_page.aspx

[طالب دراسات اسلامية]

اذا تبغون تشتكون لصحيفة سبق بعطيكم رقم كاتب فيها او اكثر من كاتب في سبق ... راسلوني خاص

[المعالي غالية]

الله يعينكم وش صار عليكم اشتكوا وﻻ تسكتون

[عشق القصيد]

بكرا الدومات الرسميه
نعطيهم فرصه يومين

[أبو البراء وإياد]

اسال الله ان يفرج همكم قرات معاناتكم وباذن الله تنحل مشكلتكم وتفرحوا بالتخرج

بغيت اسالكم كيف اسجل المادتين مشروع التخرج والتدريب الميداني
مالقيت لها ارقام ولا لقيتها ضمن جدول الاختبار

وكيف دراستهما وطريقه الدكتور

[منتسب ولكن..!]

حسبنا الله ونعم الوكيل
من جد جامعة الظلم
يعني يرسبون خريجين عشان بحث والله لو انكم كاتبين لهم بس صفحتين
على كيفه الدكتور يقيم ما فيه معايير يمشي عليها !
والجامعه ساحبة على قسمنا أحسهم مهتمين بالادارة يمكن لأنهم يوصلون صوتهم ويعملون ضجة بتويتر والبقية لهم الله :(

لا تسكتون لو هي مادة ممكن نهضمها لكن بحث ! حسبنا الله ونعم الوكيل

كنت أظن إني أكثر واحد مظلوم بالجامعه لأنهم رسبوني بمادة 3 مرات ظلمًا وهالمرة رايح رايح لهم بإذن الله

[المعالي غالية]

ﻻ تعطونهم فرصه عشوقه طالبو من اول يوم خل يعرفون وش سووو واقتلو فرحكتم حسبي الله ونعم الوكيل

[عشق القصيد]

اسال الله ان يفرج همكم قرات معاناتكم وباذن الله تنحل مشكلتكم وتفرحوا بالتخرج

بغيت اسالكم كيف اسجل المادتين مشروع التخرج والتدريب الميداني
مالقيت لها ارقام ولا لقيتها ضمن جدول الاختبار

وكيف دراستهما وطريقه الدكتور


اللهم امين
الله يجزاك خير
يمكن بغيرون الدكاتره
اما طريقة الدارسه بحث في موضوع انت تختاره




حسبنا الله ونعم الوكيل
من جد جامعة الظلم
يعني يرسبون خريجين عشان بحث والله لو انكم كاتبين لهم بس صفحتين
على كيفه الدكتور يقيم ما فيه معايير يمشي عليها !
والجامعه ساحبة على قسمنا أحسهم مهتمين بالادارة يمكن لأنهم يوصلون صوتهم ويعملون ضجة بتويتر والبقية لهم الله :(

لا تسكتون لو هي مادة ممكن نهضمها لكن بحث ! حسبنا الله ونعم الوكيل

كنت أظن إني أكثر واحد مظلوم بالجامعه لأنهم رسبوني بمادة 3 مرات ظلمًا وهالمرة رايح رايح لهم بإذن الله


تدري وش الغبنه جد
ان الدكتور قايل اكتبو بالهامش بعد كل مبحث اسم الكتاب اللي هو المصدر ورقم الصفحه
يعني مايمدينا حتى ننقل من الانترنت
بس الله فوق


ﻻ تعطونهم فرصه عشوقه طالبو من اول يوم خل يعرفون وش سووو واقتلو فرحكتم حسبي الله ونعم الوكيل

قتلوها وبس
ان شاءالله ماتتذوقين اللي ذقناه :icon9:

[عشق القصيد]

الاخ / كوشان
طمني فيه شي جديد ؟

[كوشان]

رحت اليوم الجا معه ومن السا عه التا سعه صبا حا وحتى الساعه الواحد ه ضهرا وانا مع العميد ومع دكتور البحث مع الدكتور المشرف على ابرامج التعليم الالكتروني وصدمت وتفا جت باشيا لانعلمها ويليتني لم اروح لهم عموما سوف اخبركم باكل ماحصل من نقاشات وللا سف فننا راسبين ولا نتظر اي شي منهم وادعو على الدكتور مصلح في وكل وقت شدي حيلك ياخت عشق وسوف نكون سند لبعضنا لاهناك اشيا لاتعرفونها هل تعلمون بان البحث عليه درجه مشاركه عشرين درجه والبحث ثمانون درجه وسوف اوضحها لكم فيما بعد

[كوشان]

باخون قابلت الدكتور وهو في مكتب الدكتور مصلح ومعه قا ئمه باسمائنا ويخبره با ننا معترضين على درجا تنا فقال له الدكتور مصلح المفروض تعطيهم اصفار على ابحاثهم وهناك من الطلاب كان موجود ويشهد على كلا مي

[كوشان]

سمعت يا خوان ان هذا الفصل الذي ما يدخل على المحاضره المبا شره قي وقتها لن تحسب له درجه المباشره انتبهوا

[كوشان]

وجد طالب خريج وباقي عليه ثلاث درجات في ماده ولم يعطى وجاء الى الجا معه مسافه ستمائه كيلو

[عشق القصيد]

20 على ايش عالمحاضرات ؟
نحضرها
حطو لنا 18 !!

[كوشان]

فيه بحث لا طالب خريج مئتان ورقه وراسب والبحث موجود عند الدكتور مصلح وقال هذا اخذ صفر وانا شاهد البحث بنفسي يا خوان انتبهو ا

[المعالي غالية]

الله يعينكم احس انصدمت من كلام كوشان مو مرتب لانه منصدم اذكر الله ورتب كل الي صار قهر وش تحضرون محاضره مباشره في وقتها ولا عمرهم قالو اصلا دايم يقولون مسجله ولا مباشره تحسب الدرجه الله يعين

[عشق القصيد]

حسبي الله ونعم الوكيل
والعميد يقول لي
رسبتو لان بحوثكم منقوله من الانترنت
قلت له
السلوم طالب منا بعد كل مبحث نذكر في الحاشيه اسم الكتاب ورقم الصفحه وين يمدينا ننقل من الانترنت
واعرف زملاء هنا بحوثهم سوهم عند مكاتب ونجحو

[المعالي غالية]

طيب كوشان رتب اسباب الرسوب بنقاط وليش الدكتور مصلح قال ؟؟؟ ومن هذا الدكتور مصلح ؟؟؟

حتى خواتي وعيال الناس انتظام ماعمري سمعت رسبوع في بحث
الجامعه جيعانه وتبي قلوس عشان كذا رسبو الناس وقفوا تسجيل الجدد ه1ا الترم

اي والله أغاريد الله يعين ولا حول ولا قوة الا بالله
والله يجير مستوى ثامن في مصيبتهم ويخلفهم خير منها

[أغاريد]

يالله شكل هالمادة ما يبشر بالخير

[عشق القصيد]

دكتور مصلح هذا اللي يرصد الدرجات

[المعالي غالية]

دكتور مصلح هذا اللي يرصد الدرجات



طيب تركوه مو بكيفه وروحوا لرئيس قسم الدراسات اتوقع الحصين
اذا هم عندهم أسباب لرسوبكم انتو عندكم ما عمرهم قالو المباشره تحضرونها الا اذا الدكتور قال في محاضراتكم ما ادري !!!!

[عشق القصيد]

متاكده الحصين معالي ؟

[المعالي غالية]

متاكده الحصين معالي ؟



اذكر قريت من فتره طويله انه رئيس قسم الدراسات هو حتى اسميه بو قلب طيب بشوف لك موقع الجامعه وأحوسه وارد لك

طيب وش علاقته دكتور مصلح ذا بالبحوث اذا هو يرصد درجات ماله وين دكتور البحوث الأصلي اتوقع كوشان ماجاهم :41jg: معروفين ذولا يبي لهم :017:

[كوشان]

الدكتور مصلح العضاله الي يرصد الدر جات هو المشرف على برامج التعليم الكتروني وهو الاامر الناهي ويفتخر بان ثما نين الف طالب وطالبه حصلوا على درجات المشاركه كا مله

[كوشان]

اسباب الرسوب ان البحث غير مقنع وقد يكون من قول من العم قوقل كمايقول العميد وياخوان كثير طلاب راسبين في الابحاث من جميع الاقسام وليس الدراسات الاسلا ميه وهناك معلومه متنا قضه ان النقل من النت ممنوع ويفس الوقت يقال بنه مسوح بنفل بنسبه عشره في المئه فقط كم ان صعوبه البحث في الجا معه ان البح

[عشق القصيد]

معالي
حولك ايميل الحصين ولالا

[المعالي غالية]

الدكتور مصلح العضاله الي يرصد الدر جات هو المشرف على برامج التعليم الكتروني وهو الاامر الناهي ويفتخر بان ثما نين الف طالب وطالبه حصلوا على درجات المشاركه كا مله


درسنا ذا الدكتور بس نسيت وش مادته :71: بس كنه الطلاب دعو له والله ناسيه

طيب وش اسباب رسوبكم غير درجات المشاركه ما فيه سبب مقنع الى الأن!!!!

[عشق القصيد]

شفتي الغبنه مافيه شي مقنع
فرد عضلات وقسم

[المعالي غالية]

معالي
حولك ايميل الحصين ولالا




ما حصلت انه رئيس قسم الدراسات شكل مجددين الموقع بس اذا ما خانتني الذاكره هو

خذي حصلت ذا الرابط فيه رقم وايميل
http://www.kfu.edu.sa/ar/Spaces/salhosayn/Pages/Home.aspx



ما ادري كا غيره ولا لان ما حفظت عندي اي شي لدكاتره
نقول يارب جربي وشوفي

[عشق القصيد]

جزاك الله خير

[shehel1]

اللهم فرجها من عندك وبشر اخواننا واخواتنا بمايسرهم وتسهل ماصعب عليهم

[خمائل الورد]

آآآآآآآآآآآه يا بطني

آآآآآآآآآآآه يا قلبي

رأسي كمان صار يعورني من الخوف من هالمادتين

معقولة فيه تقصد وظلم لها الدرجة

الله ينتقم من كل ظالم و يرد كيده في نحره

حسبكم الله ونعم الوكيل

لا تحملوا هم الله معاكم إن كنتم أخلصتم وأديتم ما طلب منكم بصدق و أمانة

فتأكدوا أن فوق كل ظالم من هو أظلم منه وبيجي يومه

وتحسبوا فأن الله لا يترك من لجأ إليه

سبحانه هو االقوي القادر القاهر المنتقم لا أحد غيره

[ابو طلال]

صباح الخير للجميع ، على ما اعتقد ان الجامعة لديها البرنامج المستخدم بجميع جامعات العالم وهو كشف النسبة المؤية لتشابه الأبحاث، الاقتباسات الطويلة؟ النقل الكامل للبحث ، فلو زادت النسبة على رقم معين كنسبة مؤية فستكون رسوب وأظن ان بجامعتنا الموقره لو تشابه ١٪ رسوب دام نسبة الإخفاق بين الطلاب والطالبات كبيرة ، اسأل الله ان يعوضنا خيرا ويوفق الجميع لما يريد " واحذروا تقعون بنفس الخطأ مره اخرى " أصبحت مادتين البحث همي اليومي الى يوم التخرج .

[كوشان]

صباح الخير يابو طلال وادعولك با لتوفيق والنجاح وافيدك بان الجا معه ما عندها اي برامج لكشف التشابه اوالاقتباس وانما الامر مجرد اجتهاد شخصي من الدكتور وقال لي احد دكاتره البحوث بانه تعب اثناء التصحيح والتدقيق في البحوث يعني الو ضع مجرد قناعه فقط

[المعالي غالية]

طيب وش الخطاء اللي وقعوا فيه وسبب رسوبهم ﻻزم نعرف وش اللي ماعجب الدكتور في البحث الدراساا مو كثيرين مره وﻻ فيه شي يمنع انهم يعرفةن سبب رسوبهم مثل
ما اجتهدوا واتعبوا ورسلو البحث من ايقونه او يميل يقدر تعبهم مو بس يركز على تعبه في التصحيح مثل ماقال ويرسبهم

[ابو طلال]

صباح الخير يابو طلال وادعولك با لتوفيق والنجاح وافيدك بان الجا معه ما عندها اي برامج لكشف التشابه اوالاقتباس وانما الامر مجرد اجتهاد شخصي من الدكتور وقال لي احد دكاتره البحوث بانه تعب اثناء التصحيح والتدقيق في البحوث يعني الو ضع مجرد قناعه فقط

هلا فيك اخ كوشان / اذا الجامعة فعلا ليس لديها البرنامج فهذه مصيبة , المفترض الاساتذة يكاشفونا بالاسباب التي ادت الى رسوب معظم الطلبة لان عدد المخفقين كثير ومن نجح وهم قليل فهم بتقييم 65/68 يلزم من الاساتذة توضيح اسباب الرسوب لنا كي نعرف اين الخطا اما اجتهاد شخصي منهم فهذه بها ضبابية , اعاننا الله واياكم .

[ابو طلال]

طيب وش الخطاء اللي وقعوا فيه وسبب رسوبهم ﻻزم نعرف وش اللي ماعجب الدكتور في البحث الدراساا مو كثيرين مره وﻻ فيه شي يمنع انهم يعرفةن سبب رسوبهم مثل
ما اجتهدوا واتعبوا ورسلو البحث من ايقونه او يميل يقدر تعبهم مو بس يركز على تعبه في التصحيح مثل ماقال ويرسبهم

اتفق معاك اختي بلزوم توضيح الاخطاء التي ادت الى الرسوب .

[المعالي غالية]

الله اعلم وش اﻷسباب وكوشان راح الجامعه وجلس مع الدكاتره ابي اعرف وش السبب اللي اقنعوه فيه برسوبه غير كلمة الدكتور مصلح مرصد الدرجات المفروض تعطيعم صفر خير وليه وش اﻷسباب اذا هذي الكلمه اقنعة كوشان فهي تحريض وليس سبب مقنع

بأنتظار عشق القصيد

[عشق القصيد]

حدونا على شي ماكنت ابيه شخصيا

[كوشان]

اخت المعالي غاليه من قال لك اني اقتنعت بكلا مهم حتى انا فيه دكتور من قسم الدراسات دخل علينا با لصدفه وعرضه عليه وجه نظري ونظريتهم وقال لهم هولا خرجين وكان بالامكان مساعدتهم وافهمني على نطريقه الابحاث المكتوبه التي لاتناقش هي صعبه جدا وافهمته بان التو اصل كن صعب مع الدكتور المشرف وهذا سبب لنا مشكله اخرى وافهمك بان ذريعتهم في رسوبنا هي انه تم النقل من النت وثا نيا بحوثنا اختفت فيها معاير وهي مثل ضهور شخصيه البا حث وريه في الموضوع الذي كتبه وادفعت بكل قوه عن جميع الزملاء وبحجج علميه وعلى ابحا ثنا هي لدرجه البا كلريوس وليس للما جستير وعلمك بانني غي مقتنع وعندما شهد العدد الكبير من الراسبين في الابحاث صدمت كثيرا

[إيلاف*]

:139:


شي عجييييب

[سلمان,]

يلزم من الجامعه وضع آليه متقنه لتقييم البحوث وتكون مشابهه لحد ما للطلبه المنتظمين لتكون الثقه بالتقييم مقنعه للجميع

[خمائل الورد]

حسبنا الله ونعم الوكيل يعني لا أسباب ولا توضيح ولا فيه شيء مقنع

[المعالي غالية]

اخت المعالي غاليه من قال لك اني اقتنعت بكلا مهم حتى انا فيهوللا سف فننا راسبين ولا نتظر اي شي منهم*
دكتور من قسم الدراسات دخل علينا با لصدفه وعرضه عليه وجه نظري ونظريتهم وقال لهم هولا خرجين وكان بالامكان مساعدتهم وافهمني على نطريقه الابحاث المكتوبه التي لاتناقش هي صعبه جدا وافهمته بان التو اصل كن صعب مع الدكتور المشرف وهذا سبب لنا مشكله اخرى وافهمك بان ذريعتهم في رسوبنا هي انه تم النقل من النت وثا نيا بحوثنا اختفت فيها معاير وهي مثل ضهور شخصيه البا حث وريه في الموضوع الذي كتبه وادفعت بكل قوه عن جميع الزملاء وبحجج علميه وعلى ابحا ثنا هي لدرجه البا كلريوس وليس للما جستير وعلمك بانني غي مقتنع وعندما شهد العدد الكبير من الراسبين في الابحاث صدمت كثيرا

ما ادري انت رحت لكن لم تأتي بسبب مقنع وحسيتك مقتنع بالرسوب مما كتبتت في ردودك ((( وللا سف فننا راسبين ولا نتظر اي شي منهم*)))

اتوقع الترسيب في البحث هذي السنه متعمد في جميع اﻷقسام ﻻنهم وقفوا قبلوﻻ طﻻب جدد وترسيبكم بيعوضهم ويدفعون فلوس ﻻنه بحث مو مثل اوراق اﻷختبار تقدرون ترررون موقبكم فافرصه لهم البحوث الله يعين ويسهل ويكفينا شرهم وشر مصالحهم واسطاتهم

[كوشان]

قنا عتي اجباريه لان الاسباب غير واضحه منهم والدليل ان طلاب الاقسام الاخرى راسبين وليس احنا فقط وجميع الطلاب الذي قابلتهم لم يعرفو الاسباب في الرسوب وعندهم نفس المشكله والقناعه بالرسوب لانهم رفضوا النظر في البحوث وتقيمها مره اخرى يعني رسوب موكد و الدليل قالو سجلوا المقرر في هذا الترم والله يعينكم

[المعالي غالية]

قنا عتي اجباريه لان الاسباب غير واضحه منهم والدليل ان طلاب الاقسام الاخرى راسبين وليس احنا فقط وجميع الطلاب الذي قابلتهم لم يعرفو الاسباب في الرسوب وعندهم نفس المشكله والقناعه بالرسوب لانهم رفضوا النظر في البحوث وتقيمها مره اخرى يعني رسوب موكد و الدليل قالو سجلوا المقرر في هذا الترم والله يعينكم


الله يعينكم وينصركم يارب
بس لا تسكتون واكرر لا تسكتون هذا بحث تخرج مو بحث مناقشة ماجستير

ادعو + أستغفروا+ تصدقو+ ابذلو الأسباب +أعرفوا الأسباب + تسببوا والدنيا ارزاق
حتى وان لم تصحح درجاتكم وتنجحون على الأقل تتفادون الشي الي كان سبب رسوبكم :no:

الله كريم

عشوووووقه وش حدوك عليه أحس انك توصلتي لشي يبرد القلب :5aga: علمينا

[العـــــزي]

السلام عليكم ورحمه الله وبركاته

حقيقه قرأة جميع الردود في هذا الموضوع والله شي يضيق الصدر أنا فعلاً بفضل الله نجحت بالمادتين طبعاً لاشك على الحافه !!

لكن انا معاكم يا أخوان ومن اليوم راح نطرح الموضوع لرأي العام وراح أراسل اخي طالب دراسات عشان جريدة سبق

وانا بتواصل مع جميع الاخوان في الجرائد المطبوعه اليوم , وعكاظ , والشرق

وان شاء الله سوف يكون هناك اثر إيجابي ,,

اما من ناحية اللي راح للجامعه لوحده هذا غلطه كبيره جداً لازم مجموعه تروح للجامعه لأن المجموعه له أثر حتى بطريقة الحوار وقوة الحجه ..!!

ويفضل نكرر العوده للجامعه بعدد أكبر وانا أولكم مع العلم اني تخرجت لكن يشهد الله عارف أن فيه ناس افضل من بحثي ومع ذلك صار فيه رسوب وهذا ظلم والله سبحانه لابرضى بالظلم !!

[العـــــزي]

قبل قليل تواصلت مع أحد مدراء الاقسام في جريدة اليوم

وهو أتصل على فرع الاحساء وراح يكون هناك تواصل بيني وبينهم طبعاً جريدة اليوم

اللي راح يسوونه على حسب معلوماتي أنهم راح يتواصلون مع عمادة الجامعه ولكن !!!!! اللي يعزز هذا الموقف

وجود عدد كبير من الطلبه عند مبنى العماده وانتم فاهمين قصدي ,,!!

انا يا أخوان أبغى تأخذون الموضوع بجديه أكبر ..

[ابوهاجر المهاجر]

الله يعين الجميع ....
انا معكم وسوف انطلق غدا ان شاء الله فجرا من الرياض للاحساء فحبذا تحددون المكان والزمان

[العـــــزي]

حياك الله وتوصل بالسلامه يا اخوان اتصلوا علي جريدة اليوم

ويريدون مني اليوم تحديد وقت تواجدنا في الجامعه ضروري جداً

اذا فيه أحد بيروح لازم يأكد لنا اليوم قبل الساعه 11 ليلاً

لأن أحتمال غداً سوف يكون الاجتماع عند حرم الجامعه ويكون العدد مجزي !!

الحضور :
ابوهاجر
العزي


ارجوا اضافة الاسماء ضروري جداً

[العـــــزي]

الجهه الاعلامية الحاضرة ان شاء الله غداً

( جريدة اليوم وجريدة الشرق وسبق ) ..

[منوة الخيال]

الله يوفقكم يارب

[نو22]

حسبي الله ونعم الوكيل الله ياخذ حقكم منهم عشوقه تاثرت مره من شكواك اسأل الله لك العوض بالخير والنجاح وان يجعل خسارتك في المادتين في ميزان حسناتك وعسى ان تكرهوا شيئا وهو خيرا لكم

[المعالي غالية]

الله يوفقكم ويسهل اموركم يارب ويجعل لكو من كل هم فرجا ومن كل ضيق مخرجا
بس اخ العزي انت تعرف فيه ناس ديارهم بعيد وبنات ما توقع راح يصير العدد كبي خصوصا دراسات فيه علم اجتماع في البحوث فيه رسوب شوف اﻷقسام واجعهم

والله يوفقك انت وطالب دراسات
دعواتنا بظهر الغيب لكم
ﻻ تنسونا اذا وصلنا مستوى ثامن يمكن يقتلون فرحتنا ﻻقدر الله انتم بعد الله تفزعون لنا ﻻتلومني مستوى ثامن صار رعب بس بعد وقفتكم ويد وحده ان شاء الله قريب تفتحون موضوع تبشرونا يارؤ

[ابو طلال]

مساء الخير للجميع والله انا بالغربية لو كان عندي فرصة كان كنت معاكم , سامحوني اخواني

[سارا"]

حسبي الله ونعم الوكيل
الي تسال عن عميد الدراسات هو الدكتور صالح الحصين

[خمائل الورد]

الله يوفقكم و ينصركم إحنا معاكم قلبا وقالبا

[العـــــزي]

الله يوفقكم ويسهل اموركم يارب ويجعل لكو من كل هم فرجا ومن كل ضيق مخرجا
بس اخ العزي انت تعرف فيه ناس ديارهم بعيد وبنات ما توقع راح يصير العدد كبي خصوصا دراسات فيه علم اجتماع في البحوث فيه رسوب شوف اﻷقسام واجعهم

والله يوفقك انت وطالب دراسات
دعواتنا بظهر الغيب لكم
ﻻ تنسونا اذا وصلنا مستوى ثامن يمكن يقتلون فرحتنا ﻻقدر الله انتم بعد الله تفزعون لنا ﻻتلومني مستوى ثامن صار رعب بس بعد وقفتكم ويد وحده ان شاء الله قريب تفتحون موضوع تبشرونا يارؤ


اختي الله يبارك فيك انا ماراح ادور وراهم شفت الموضوع حبيت اساعد فقط !!

لان الموضوع مالي علاقه فيه غير المساعده لكن لاتقولون ان الاداره وغيرها عملوا شي لانهم تجمعوا ..!!

على العموم ابي وافيكم وش راح يصير معانا !!

اللي ابيه من الجميع أتصالكم على عميد الكلية بأستمرار !!

[العـــــزي]

انا مو عارف وش اقولكم !!

نفسي تكون مجمووعه كبيره متواجده مو اقل من عشره معاي !!

لكن للأسف اللي حصلته شخص واحد اكثركم من خارج المنطقة !!

[ابو طلال]

وجهك ابيض يالعزي بجميع الاحوال

[سارا"]

ارجو من ادارة المنتدى الاعلان عن المتضررين من البحوث

ووضع المشكله في المنتدى العام حتى يتسنى للجميع المشاركه وبتالي يكتمل العدد

[المحاضر]

اعانكم الله ووفقكم والله خوفتونا ؟؟؟؟؟الله المستعان

[المعالي غالية]

الله يعين

خمائل هنا تمسح بعض الرود خمائل ههههه يمدحون التعديل ^-^ عدلي والله يسهل ويوفق

[العـــــزي]

اخت خمائل ارجو الرد

[عشق القصيد]

/

معالي , حدي سبق هههه
نونو , ياعمري تسلمين لي ولله
يلا الحمدالله على كل حال يمكن في الامر خيره لنا

,


العزي / الف مبروك التخرج ياخوي تستاهل ولله
ماقصرت معنا من يومك الله يوفقك ويسهل دربك

انا خلاص استسلمت عطوني رقم التدريب الميداني الجديد :16.jpg:
اصلا من جدكم اتخرج واخليكم :060::004::004:

[خمائل الورد]

الله يعين

خمائل هنا تمسح بعض الرود خمائل ههههه يمدحون التعديل ^-^ عدلي والله يسهل ويوفق

المعالي وش تبيني أعدل :g2:

[آلســْــآإأمي]

بصراحة خبر غير مفرح للي تعثر في مواد البحث والتدريب الميداني وانا سمعت الخبر اليوم من اخوي العزي ومثل ماقال اخوي العزي مالنا دخل في الموضوع وتخرجنا بس من واجب رد الجميل للبعض في الأيام طافت ، العزي ماقصر كلم الصحافة وانا كتبت مقال لكم لعل وعسى يجدي بالنفع وان يكون منصف وأتمنى من يعمل بحث لا يعطيه أحد ونطبق قول الرسول صلى الله عليه وسلم (استعينوا على قضاء حوائجكم بالكتمان) واليوم كنت عند الجامعة وقالوا ماسوينا شي بالوثايق عشان موضوع الطلاب الي سقطوا في مادة التدريب الميداني أنا بعطيكم أمل شوي خلال أسبوع اذا ماصار شي أعرفوا راحت عليكم

[عشق القصيد]

--

الف مبروك التخرج
الله يوفقك يالسامممي
عقبال الماستر ِ

[المعالي غالية]

طيب اخ السامي والعزي اوصفو لنا طريقة البحث مثل ما طبقتوها حتى لو تضعون ملخص بعدد اﻷوراق وتوضحون فيه

[آلســْــآإأمي]

أنا الخطة نزلتها لكم وعندكم في كذا موضوع والباقي يكون من أختياركم
الدكتور السلوم أنسان دقيق جدا يعني يكره شي أسمه نقل من الكمبيوتر وعنده ذاكره قويه في المواضيع السابقة يعني رجال قاعد لكم

[المعالي غالية]

الله يكفينا شره مع انه اذكر درسنا طيب
يارب تضعف ذاكرته بس وقت البحوث وترجع له ثاني بس ما يرسب احد

[العـــــزي]

السلام عليكم

كلمة حق تقال للجميع وارجو منكم عدم التخوف من هذه الماده نهائياً !!

تبين للأسف الشديد أن بعض الطلبه بشكل مباشر وواضح نقل من الانترنت وبعض المنتديات في بحوثهم ، وايضاً

عدم تطبيق الخطة كما تم الاتفاق عليها مسبقاً وأيضاً عشوائية البحوث من الترقيم والترتيب ، وأخيراً ليس هناك مضمون .

هذا ما تبين في نهاية ع قولتهم ( الفزعه ) ..!!

إذا من يكتب بحث على حسب ماهو موضح مسبقاً من قبل الدكتور ليس هناك أي مشكلة وسوف يجتاز الرسوب .

مثال على ذلك :

لو أخترت موضوع ( سورة الفاتحة ) تكون خطة البحث كتالي :

المقدمة : وتذكر في المقدمة كلمة بسيطة عن موضوعك وايضاُ احاديث عن سورة الفاتحه بصفحة او ثلاث .

المبحث الأول : التعريف في السورة وسبب التسمية. مثال : سورة مكية من السور المثاني اياتها 7 هي السورة الاولى في المصحف ....الخ بصفحتين او ثلاث .
المبحث الثاني : فضائل السورة.
المبحث الثالث : محاور السورة.
المبحث الرابع : سبب النزول .
المبحث الخامس : قصص عن أهميتها .
الخاتمة
المصادر والمراجع
الفهرس

طبعاً لما تختار موضوع سورة الفاتحه تذهب للمكتبه وتجمع كم كتاب وعلى اساس الكتب يبين معاك الخطة

وهناك كتب في المكتبات جاهزه كأنها بحوث مثل مكتبة المتنبي تقولهم ابي كتب عن سورة الفاتحه يعطيك عشر كتب

تفتح فهرسهم تناظر مثل الخطة الي وضعتها لك قبل شوي وافضل منها .


أتمنى الجميع يكون استفاد من المعلومات

[المعالي غالية]

جزاك الله خير

[mbb]

مشكور اخوي العزي اخوي السامي
السؤال
ال 30 درجه على ايش ؟؟
وهل خطه البحث عليها درجه والبحث درجه
هل يوجد مناقشات او واجبات ؟؟
كم عدد المحاضرات ؟؟
وبالتوفيق

[عشق القصيد]

مشكور اخوي العزي اخوي السامي
السؤال
ال 30 درجه على ايش ؟؟
وهل خطه البحث عليها درجه والبحث درجه
هل يوجد مناقشات او واجبات ؟؟
كم عدد المحاضرات ؟؟
وبالتوفيق


--
بجاوب عليك انــا يا ابوعبدالرحمن :16.jpg:

صح رسبت في بحث التدريب بس عندي خلفيه :cool:

الاخ / كوشان يوم راح للجامعه

اكتشفنا ان البحث عليه 80 درجه و 20 درجه على المحاضرات المسجله والمباشره

وبالمحاضرات المسجله قالو لنا 100

ماعليها لا مناقشات ولا واجبات

اما عدد المحاضرات مو كثيره 6 بس !

بالتوفيق يارب :verycute::rose:

[ابوقلب]

مبروك لكل الخريجين ونتمى تكونو معنا دائماً ل نستفيد من خبراتكم يعني مو تخرجتو خلاص تنسونا اقل شي شيكو من يبي استشاره او يبي فزعه بشيء من المواد

الله يوفق الجميع