تقديم عذر غياب

[أحمدنتـ]

السلام عليكم

شباب انا مستوى اول - علم اجتماع , , وطلعت النتايج , لكن غبت عن اختبار مادة , وسمعت ان من حقي اقدم عذر وفيه بعد مااقدم العذر اختبار بديل ماكنت اعرف هالامور هذي .. طيب لازال عندي فرصه لتقديم العذربعد النتايج , ومتى تنتهي هذي الفرصة , ومن اي ايقونة بالموقع؟ كيف الطريقة رجاء ..!

[جديد عن بعد]

وعليكم السلام

والله يا انت متأخر

من ربك انهم ماسكروها للان مع ان الموعد فات

من الخدمات الطلابية
شؤون الاختبار راح تلاقي الايقونة مفتوحة
سريع سريع ما تدري متى يسكرونها


ولا فيه شي اسمه اختبار بديل
تعيدها الترم الجاي (( تحضر المحاضرات وتحل المناقشات وووو زي اول ))
لكن اذا قبلوا العذر لاتسجلها انت __ هم يسجلونها بدالك __ لو سجلتها بنفسك راح ياخذون عليك رسوم


موفق

[المحترمه]

وعليكم السلام ورحمة الله وبركاته


عزيزي مثل ما ذكر لك الأخ جديد الأيقونه
انتهت أمس ولكن عليك برفع الطلب للدعم
الفني عبر الأيقونه للإستفسارات وإنتظار
النتيجه ربما يتم قبول عذرك

بالتوفيق

[عاشق الانجلش]

مثل ماقالوا لك الاخوان اذا عذرك موجود حمليه على الكمبيوتر وادخلي ايقونة تقديم الاعذار للمتغيبين بعذر واختاري المقرر واكتبي اسبابك وارفقي الملف طبعا بصيغة pdf لازم زي ماسويت انا تغيبت بعذر وقدمته لهم واعتقد للحين الايقونة شغالة ولحقي عليها وخليها شغلك الشاغل الين ماتقدمين العذر افضل لك

[أحمدنتـ]

جالس أحاول الآن ادخل على الخدمات الطلابيه , يرفض , حدثت البيانات وكذالك يرفض الدخول , ليه؟

[أحمدنتـ]

شباب معكم اخوكم احمد فلماذا تتحدثون بصيغة تاء التأنيث .. (ابتسامة) ..
حسب ماقريت اني لاجل يتم ترحيل الدرجات ماسجلها هم يسجلونها لي تلقائيا .. ولن يسجلوها لي تلقائيا الا بعد ان يقبلون العذر ..
انا قدمت العذر الآن ولله الحمد .. لكن اذا بغيت اتأكد من قبولهم اشيك عليهم من نفس الايقونة , وتقريبا متى يردون ..! واذا لم يقبلوا العذر اقدر انزل الماده انا او وش الطريقه؟
تعرفون يعني لم يبق شيء على تسجيل المواد ..!!

[المحترمه]

عزيزي بالنسبه لنتائج قبول الأعذار راح تظهر خلال
هاليومين بإذن الله وهذا مؤكد بحيث يكون قبل فترة
تسجيل المقررات حتى يتضح للطالب قبول العذر من
عدمه .. أما النتيجه راح تظهر في أيقونة نتائج قبول
العذر وراح تُفعّل من العماده في وقتها .. وفي حال
تم قبول العذر عليك أن لا تسجل المقرر وراح يُضاف
لك مباشره في النظام وبدون رسوم ..

بالتوفيق

[أحمدنتـ]

اشكرك يالمحترمه .. الله يعطيك العافيه ويجزاك خير ..

[المحترمه]

العفو وحياك الله .. وجزى الله الجميع كل خير
بالتوفيق