بس اللي حمل مادة يدخل

[chicago]

اول شي قدر الله وما شاء فعل

والمؤمن يرضى بالقدر خيره وشره

والله مابي لا اتفلسف ولا اطيب خواطر وبس

ابي بس اذكركم واذكر نفسي بلحظه مثل هذي

ان الاستسلام ضعف وانا حطيت الموضوع هنا خاصه لاننا مستوى اول

التعثر لايعني نهاية

وابي تحطون في بالكم شي واحد كم واحد منا واحنا آلاف ويمكن انا او احد غيري

وحتى اللي فرحان واخذ امتياز هالترم يمكن مايكمل لسبب او لآخر

ويكون شخص حمل ماده او اكثر يكمل ويتخرج

ابي كل واحد منكم في لحظة يأس يسأل نفسه هالسؤال معقوله كل واحد عدا ولاحمل ماده

بيتكمل وبيتخرج ؟

الجواب المنطقي لا

محد يعرف شمخبيله القدر بكرا والشي اللي انت مقتنع تمام الاقتناع فيه وتبيه اذا قمت بالاسباب ربي بيوفقك

ماراح اقول لا تتضايق ولا تزعل انا اقول لا تستسلم اقسم بالله اللي حمل في بدايته ماده او اكثر واصر ونجح وكمل

ان فرحته باضعاف من تخرج بمرتبة الشرف الاولى

والشيء اللي يجي بدون تعب ماله اي طعم الفشل احيانا هو محفز النجاح خصوصا للنفوس المصممه

والله مابي من كلامي هذا كله الا مصلحة الجميع لاني والله لو حملة ماده ابي شخص يحرضني عالنجاح

ويبعد فكرة اليأس عني

ولكل واحد منكم بيصر وبيكافح ويعدي اتمنى بعد مايتخرج اذا هو من نفسه او قرأ كلامي واقتنع فيه

ما ابي منه الا دعوه بظهر الغيب

ويارب انك تسهل كل عسير على من شال هم ماده وتبدل حزنه سعاده اللهم آمين

احترامي

[أجـــود]

الله يوفق جميع الاخوان اللي حملوا مواد وفالهم التوفيق والنجاح بإذن الله

[amola]

اله يوفقنا وياكم ونعدي ونفرح بالتخرج انا حملت مادة وحده اللي هي محاسبه

الله يعين بس

[M a r w a n]

التفاؤل طيب ي عيال واذ ازمت مع واحد فيكم تذكر المثل القائل


يبني دنتا ميت ميت :biggrin:
،
زي م تجي تجي :biggrin:

[رويـال]

انا حملت الرياضيات وان شاء الله اكمل فصل النسيان

[الطائر 1]

السلام عليكم ورحمه الله وبركاته
الف مبروك لكل من نجح وحظ أوفر لمن لم يحالفه الحظ ولعل في الأمر خير ان شاء الله
كما ارجو من اخواني الطلاب من لم يجتاز الاختبار أو حمل معه مادة او اكثر ان لايستسلم وان يكون ذلك دافعاً له لبذل المزيد
كما اذكر لكم قصه سمعتها من احد الزملاء
بأ ن احد الطلاب حصل على بكالوريوس علم اجتماع من احد الجامعات بطريق الانتساب وتخرج بتقدير (مقبول)
وكان هذا التقدير حافز له لبذل المزيدفتقدم مره اخرى على جامعة الملك فيصل قسم ادارة اعمال من اجل الحصول على درجة بكالوريوس والحصول على تقدير عالي واسأل الله ان يوفقه وان يوفق كل مجتهد وان يكون قدوه لكل من يحالفه الحظ وان نستمر حتى نحقق مرادنا ان شاء الله تعالى

[بالقيس]

الله يجزاك خير الحمدلله

المحاسبه الله يعين عليها

[محرر صحفي]

محاسبه ورياضيات

[alamir07]

قانون ..

والحمدلله على كل حال
قدر الله و ما شاء فعل

[chicago]

الله يوفق جميع الاخوان اللي حملوا مواد وفالهم التوفيق والنجاح بإذن الله

اللهم امين واياك

[اصلا عادي]

طيب اللي حمل مادة وش يسوي ندفع رسوم الماده مرة ثانيه واسجلها مع المستوى الجاي ولا راح اختبرها في صيف فهموني الله يجزاكم خيررر

[قصه صبر]

نفس السؤال اللي حمل الماده يدفع مره ثانيه ؟؟

[رنا سعود]

محاسبه والأجر على الله :(

[chicago]

طيب اللي حمل مادة وش يسوي ندفع رسوم الماده مرة ثانيه واسجلها مع المستوى الجاي ولا راح اختبرها في صيف فهموني الله يجزاكم خيررر


للاسف حمل الماده مجبر تدفع رسومها كانها ماده جديده

الماده اللي غبت عنها بعذر هي فقط اللي ماتدفع الله

احترامي

[AFH911]

اذا ماده وحده والدرجة المطلوبه في حدود ثلاث درجات يفترض أن ينضر لوضعه ومساعدته

نجاحه بجميع المواد دليل على حرصه وبذل ماله وجهده للحصول على الشهاده وليس مؤشر على تقضية فراغ وضربة حظ

[الطالب الجامعي1]

قانون :icon9:

والحمد لله على كل حال
والف مبروك للناجحين الي عدو الترم بدون مواد

والله يوفقنا ويسهلها علينا يارب

وان شاء الله التفاؤل موجود ولا تطيحون من معنوياتكم

[الله ينجحني]

حملت بس قانون
حسبي الله وانعم الوكيل

[Nada1420]

كلام جميل .. الله يوفقك ويسعدك .. ويعوض الجميع خير
فعلاً هي البداية والقادم أفضل بإذن الله . تفائلوا بالخير تجدوه

[chicago]

اله يوفقنا وياكم ونعدي ونفرح بالتخرج انا حملت مادة وحده اللي هي محاسبه

الله يعين بس

الله ينولك مطلبك ويوفقك ويسهل عليك يارب

احترامي

[chicago]

انا حملت الرياضيات وان شاء الله اكمل فصل النسيان

الله يوفقك ونصيحتي بخصوص الرياضيات

لاتذاكرها لحالك صعوبتها تكرهك فيها

دور على احد يساعدك فيها وربي تسهل عليك كثير

والنصيحه تتعلم حل المعادلات بالحاسبه

الله يوفقك يارب

احترامي

[chicago]

السلام عليكم ورحمه الله وبركاته
الف مبروك لكل من نجح وحظ أوفر لمن لم يحالفه الحظ ولعل في الأمر خير ان شاء الله
كما ارجو من اخواني الطلاب من لم يجتاز الاختبار أو حمل معه مادة او اكثر ان لايستسلم وان يكون ذلك دافعاً له لبذل المزيد
كما اذكر لكم قصه سمعتها من احد الزملاء
بأ ن احد الطلاب حصل على بكالوريوس علم اجتماع من احد الجامعات بطريق الانتساب وتخرج بتقدير (مقبول)
وكان هذا التقدير حافز له لبذل المزيدفتقدم مره اخرى على جامعة الملك فيصل قسم ادارة اعمال من اجل الحصول على درجة بكالوريوس والحصول على تقدير عالي واسأل الله ان يوفقه وان يوفق كل مجتهد وان يكون قدوه لكل من يحالفه الحظ وان نستمر حتى نحقق مرادنا ان شاء الله تعالى




الله يعطيك الف عافيه اخوي اضافه

جدا مميزه والمثال اللي ذكرته بمحله

وكلنا نحتاج محفز عشان نستمر

احترامي

[chicago]

الله يجزاك خير الحمدلله

المحاسبه الله يعين عليها

الله يوفقك يارب المحاسبه ابدا مو سهله على مستوى الانتظام كيف اجل عن بعد مثلنا

يارب تتسهل امورك ونصيحتي دامك توك اخذتي الماده وباقي عندك معلومات عنها

اضيفيها لخطتك المستوى الثاني واتمنالك واتوقعلك درجات عالية يارب

احترامي

[ابوشووق]

طيب والي مادتين حملهم معه ايش الحل

المحاسبه 57

والقانون 56

يعيدهم ويدفع رسوم عشان ثلاث درجات او اربع مافي حل نكلم دكتور الماده يساعدنا

الله يسر الحال


والف الف مبروك للناجحين وعقبالنا

[ثلاثي]

الله يجزاك خييررررربالعكس انا حامل مادة المحاسبه
وكتير كتيررررررر مبسوووووط ولله الحمد ماده وحده بس غيري عاد المواد كلهن ولا بثنين او ثلاث

[هديل الخالدي]

القانون :Cry111:

[ابوشووق]

الي يتواصلو مع الدكتور عبدالله بتويتر ماكلموه عساهم يساعدونا بثلاث درجات احمل ماده عشان ثلاث درجات

الله يعين ويسر الامور

[عبدالله الخريصي]

الله يوفق جميع الاخوان اللي حملوا مواد وفالهم التوفيق والنجاح بإذن الله

[غازي2]

اكون او لاكون هذا هو سؤال

[عزو ابوعزام]

الحمدلله
فقط محاسبه

[الطائر 1]

الله يعطيك الف عافيه اخوي اضافه

جدا مميزه والمثال اللي ذكرته بمحله

وكلنا نحتاج محفز عشان نستمر

احترامي


اشكر لك خي الفاضل
واسأل الله أن نكون عونا لاخواننا في هذا المنتدى المبارك وان يبارك في جهود الجميع
مع فائق الاحترام والتقدير للجميع

[a2a]

انا حملت المحاسبه ومب عارفه اقدر اسجل المحاسب2 وانا حامله الاولى ولا عادي بعدين متى ادرسها اللي حملتها ذي ):