م خاب من استشار (اكمل او اسحب أوراقي ) طقت جبدي

[maaha86]

-
السلام عليكم ورحمة الله وبركاته

الف مبروك لكل الناجحين واللي م حالفه الحظ ب اي ماده بإذن الله تعوض:icon19:
دائماً الشخص اذا وقع في حيره في اي امر يلجا لله تعالى ومن بعده اصحاب
الخبره لعل وعسى تكون كلماتهم قطرات ندى تريح عقله المحتار
جامعة الملك فيصل (تعلم عن بعد ) قبل سنتين قدمت عليها تخصص (علم اجتماع ) ولكن
تم الرفض والسبب اجهله!
وبعدها السنتين قدمت مرا ثانيه بس تخصص ثاني (إدارة اعمال) مع اني م اميل
له :(
والحمدالله قبلت بس لحد هاللحظه م أشوف نفسي فيه :(
قدرت أعدي المستوى الاول بنجاح و بدرجات جيده ولكن مو ب الدرجات
اللي كنت اطمح أجيبها يمكن لانه ميولي ادبي اكثر وهالشي لاحظته بعض الموارد
ويمكن لاني عجزت افهم شرح بعض الدكاترة والأساتذة ؟
والحين قررت اغير التخصص لعلم اجتماع مو لان التخصص سهل او في متناول الجميع ولكن
كل شخص فينا لازم يدرس التخصص اللي يقدر يبدع فيه و يجيب درجات ترضي طموحه
لكن
انا جداً محيطه ومحتاره من سياسة الجامعه :(
الحين دفعت فلوس و درست و تعبت وغير الألم والحزن اللي يجي الواحد لا حمل ماده وهو دارسها
عدل و ب الاخير م ينجح فيها
و الأدهى والأمر الجامعه معترف فيها حبر على ورق وين الفعل ؟
طيب اذا حالها المظلم ب السعوديه شلون اقدر احط لي بصيص امل ان يعترف فيها ب الكويت
بحكم اني سعوديه ولكن مقيمه فيها
واللي يرفع الضغط ان لا حياة لمن تنادي
ف أرجوكم ساعدوني بارائكم ونصحكم
اكمل ولا اسحب أوراقي ؟
لان مخي مقفل و لا قادرة اتخذ قرار غير قرار تغير التخصص :(

اعتذر على الكلام الملخبط من إحباطي كتبت هالكم سطر
جديا كل م افكر ب الموضوع احس بكمية احباط واكره الساعه اللي سجلت فيها ب هالجامعه

[محمد السديس]

اذا معترف فيها الشهادة عندكم بالكويت وتشوفين نفسك راح تبدعين في علم الاجتماع انصحك تغيير التخصص من الان

[vip-1]

بما انك في المستوى الثاني الافضل التغيير للتخصص المرغوب فيه
والحقي على ايقونه تغيير التخصص ماتدرين متى يقفلوها

[reaching higher]

امشي وراى ميولك افضل ... لان بشهاداتك راح تتوظفين ..

ادا ماحبيتي التخصص كيف راح تحبين الوظيفة المستقبلية ان شاء الله

[7amood]

من قالك مو معترف فيها

[vip-1]

الجامعه حكوميه ومعترف فيها اما الباقي على المنظمات التوظيف

[== الفيصل ==]

من وجهة نظري التحويل احسن وافضل حيث انك حابه هذا التخصص وراح تبدعي
ونصيحه للحياه لو انسحبتي من الدراسه بغض النظر عن النتائج راح تاثر عليك مستقبلا في شخصيتك
ولو استمريتي مهما كانت النتائج ونجحتي حتى لو رسبتي في البدايه فاعرفي انك ماراح تفشلي بأمور مستقبليه ثانيه
خليك اقوى من ظروفك واثبتي نجاحك بنفسك واعلمي ان الاستمرار هو طريق النجاح

الله يوفقك ويسهل عليك وشدي حيلك والانسحاب معناه الفشل وانتي مو فاشله الا اذا انسحبتي

اتمنى لك التوفيق

دوووووك :rose:

[sws]

غيري التخصص ولاتنسحبين وكملي دراستك والله يوفقنا واياك

[أبو قلبين]

الله يوفقك مرينا بمثل حالتك لكن بتشجيع من الأخوان واصلنا والحمدلله الحين رايح مستوى خامس وبدرجات الحمدلله حلوه

أذا قدرتي تكملين في أدارة أعمال حلو ولكن ان ماقدرتي حولي على علم الأجتماع ولا تفكرين من الأنسحاب لأن ذلك يؤثر عليك سلبا .


والله يوفقك

[maaha86]

م قصرتوا ع الرد الله يسعدكم جميع ويوفقكم ي رب


المشكله ان الى الان م في الى الان اعتراف رسمي فيها ب وزارة التعليم العالي ولكن
قاعد يدرسونها واحتمال ان الله راد تقر عندنا بالكويت

ب النسبه لايقونه التخصص يقول لي اني ما اجتزت ٢٤ساعه وانا أجتزت ٢٨ والسجل الاكاديمي معلق
وقسم بالله خايفه تسكر إيقونة تغير التخصص وانا ما غيرت
حاولت أتواصل مع الموظفين أدق من الساعة ٧ الى ١ الظهر ي مشغول ي ما يردون ب الله هذي حاله

اخوي اللي يقول من قالي مو معترف فيها ب الكويت دقيت على وزارة التعليم العالي وقالوا لي الى هاللحظه
مو معترف فيها مع ان المفروض تكون معترف فيها

*

[الفيصل3421]

الخطأ المواصلة بنفس التخصص خاصة انك اجبرتي علية

والحل انك تحولين تخصصك لعلم اجتمااع خاصة انك بالبداية

[جبرني الشوق]

اذ الميول تجبر على التغير من الافضل ان تغيري المسار .


طبعا الموقع سليم الان عندك الايقونه شيكي عليها ..


الشهاده معترف فيها... والله كريم ولكل مجتهد نصيب.......الله يوفقك

[فيصل الخالد]

علم الاجتماع افضل وربي يوفقك

[Adel F]

راسلي الأستاذ أحمد الشعيبي في تويتر rrr898@ ، وقوليله انك عديتي 28 ساعه لكن ماقدرت اطلب تغيير التخصص ..

واذا لاسمح الله ماقدرتي تغيرين التخصص الآن ، وانجبرتي تدرسين ترم .. حاولي تسجلين مواد موجودة في تخصص ادارة اعمال وتخصص علم اجتماع عشان بعدين تسقط عنك اذا حولتي علم اجتماع وماتكوني درستي مواد عالفاضي .. وصلت الفكرة ؟

لكن ان شاء الله بتغيرين الآن ، بس راسلي احمد الشعيبي ..

..*

[المكافح 77]

واصلي في التخصص المناسب لقدراتك والمفيد في مستقبلك ولا تتراجعي ابداّ فانتي بداتي الطريق:oao: