تسجيل الدخول

مشاهدة النسخة كاملة : حاملة الانجليزي للمرة الثالثة على التوالي

جوهرة الرياض
2014- 1- 20, 03:16 PM
يا زملائي الاعزاء وش الحل مع الانجليزي حملت المادة للمرة الثالثة :sm1: كيف اعدي هالمادة :41jg:
AHMAD BiN SAUD
2014- 1- 20, 03:20 PM
عيدي الكرّهـ .. لا يوجد مشكله

وتحدي نفسك لاجتيازها
al_khaldiah
2014- 1- 20, 03:35 PM
نصيحه مني اختي ارتاحي سمستر ولا اثنين انسيها بعدين اخذيها ولا اخذيها بعد اجازة الصيف الثلاث شهور ريحي مخك منها بعدين اخذيها نصيحه والله ...وربي يرزقك النجاحح
ابونايف-اجتماع
2014- 1- 20, 03:35 PM
باقي لي الكتابه وباخذه الترم هذا ان شاءالله والله يستر منه
conscious
2014- 1- 20, 03:47 PM
الله الله بالجد والاجتهاد الله خالقنا مثل بعض بالقدرات لاكن يفرق الجهد وهو الفاصل بين النجاح والفشل
سبشل ون
2014- 1- 20, 04:19 PM
حامل روحي لمستشفي الولادة
...mlak
2014- 1- 20, 04:27 PM
.....................................

اول شيء..اقنعي روحك بالإنجليزي ..وانك راح تتجتازينه باذن الله

ثانيا: شوفي انتي المستوى السادس ماشاء الله ..وهذا يدل ع انك ممتازه واستطعتي تجاوز العقبات..وباذن الله سستجاوزين الإنجليزي..

ثالثا: خذي لك ملزمه مترجمه واقعدي ادرسيها واللي ماتفهمينه إسألي هنا..ماراح يقصرون اخوننا الطلاب والطالبات..

هو سهل بس يبغاله شوية فهم وحفظ ..ومااتوقع ياخذ ثلاث ايام ويمكن اقل وانتي مخلصته باذن الله..

تمنياتي لك بالتوفيق والنجاح..

.................................
مقام العز
2014- 1- 20, 04:28 PM
الله يعين بديت اخاف

ونا للحين ما اخذتها خير شر

يمكن اخر ترم ولك حادث حديث
الحلم1
2014- 1- 20, 04:31 PM
مالك الا مدرسة على حسابك وربي يعينك خليها تكرر عليك لين تفهمين
النائب العام
2014- 1- 20, 04:33 PM
ثلاث مرات وحامل المادة مالهــــــــــا الا بديل يختبر مكانك :(269):
فيلسوف الكلمة
2014- 1- 20, 04:36 PM
الاغلبية من الشعب السعودي لا يجدون الانقلش وهذه معضلة كبرى
احمد-علي
2014- 1- 20, 04:37 PM
الناس يخوفون من الانجليزي الا ان اصبحت هذه المادة السهله صعبة في نفسية الطلبة
بنت الداود
2014- 1- 20, 04:40 PM
حبيبتي اجليها ترم و الترم اللي بعده آخذيها و آنتي مروقه لها و عطيها حقها بالدراسه


بعض ردود الطلاب تجاهليها ودي آرد عليهم لكن مو فاضيه اتناقر مع طلاب جامعيين !

و ترا م يحتاج لك بديل يدخل عنك انتي بتقدرين تجتازينها بنفسسسك
rpk
2014- 1- 20, 04:56 PM
حامل روحي لمستشفي الولادة



دمه خفيف مره

السؤال الاهم هل يطردونك من الجامعه اذا تكرر الرسوب ولا عادي
اذا عادي زين معن ثمان فصول نعيد لين نعدي
فيينا
2014- 1- 20, 05:01 PM
ترى الإنجليزي سهل. لو ركزتي شوي. ،، نصيحتي لك. اجمع كل أسئله الاعوام السابقه واحفظي الحلول لو دون فهم ، بعد وش تسوين

علشان بس تعدين الماده. وتفتكين منها ،، واذا مره مره الموضوع متأزم معك. مالك الا مدرسه.


وركزي على شرح الدكاتره. في المحاضرات وشدي على نفسك شوي. ،، او اجليها لآخر ترم. علشان تتفرغين لها. ،،


والله يوفقك.
al_khaldiah
2014- 1- 20, 05:09 PM
لالا لاتاخذين مدرس خصوصي اخذي الانجليزي ع سنه جديده و اخذي ملزمة سكرتير عبادي اذا تبينها موجوده عندي و افتحي محاضره محاضره و الملزمه قدامك و خصصي لك ساعه في اليوم ولاتفكرين الا بنجاح و انك تقدرين تنجحين و تجتازين الانجليزي حتى لو كنتي تكرهينه مثلي ماتوقع احد يكره الانجليزي قدي بس جدي خلك طموحه و اسمعي محاضراتك اسمعي شرح الدكتور و الملزمه قدامك محاضره محاضره مثل م قلتلك و اتركي بين اليوم و الثاني بريك نصيحه عشان مخك يشتاق للماده و ماترهقينه وبتنجحين ان شاء الله بس اتركيه لسمستر ثاني لاتاخذينه ورا بعض استغلي فرصت الثلاثين درجه ماتدرين عن قررات الجامعه يمكن بكرا يكنسلونهااا
losha
2014- 1- 20, 08:11 PM
الله يعينك ويسهلك
مجموعه اوراق
2014- 1- 20, 08:14 PM
ما ذاكرتي اللي يذاكر ينتج
ســــلآف
2014- 1- 20, 08:40 PM
الله يوووووووووووووووووفقك راح تجتازه باذن الله