احتاج مساعدتكم يابنات قسم المكتبات :(

[amjad_]

:icon1:اولا السلام عليكم و رحمة الله و بركاته ..

ثانيا بعد ما حطوني بالقسم اللي ماكنت ابيه * مكتبات *
طبعا ماعندي اي خلفيه عنه او عن موادة و لا ادري ب شيء

ف اتمنى تساعدوني . وتعلموني كم مادة اخذ هالسمستر و ايش هي المواد ..
او الخطة الزمنيه حقتهم ..

والدكاترة الكويسين و اللي اتجنبهم ..


افيدوني ب أي شي :( اي شيء ممكن يساعد

بالاخير . الله يجزاكم الجننه جميع

[amjad_]

معقولة ما احد يعرف :(

[It's mee]

طيب يا عسسل ... انقبلتي بالقسم

انتي ناويه تكملين فيه ولا تبين تغيرينه ؟؟؟

عشان اعرف احدد لك المواد

[amjad_]

افكر احول منه بس يقولون التحويل صعب ..

[It's mee]

التحويل مو صعب :) .. ارفعي معدلك وفترة التحويل تقدمينها إلكترونياً بوقتها وممكن يقبلونك

المهم .. بقسم المكتبات مواد المستوى 3 ، 5 ، 7 تنزل الترم الاول
والمستوى 4 ، 6 ، 8 الترم الثاني

واغلب مواد المستوى الثالث متطلبات لمواد ثانيه

عشان كذا سجلي بمواد المستوى الرابع اللي مالها متطلبات وهي :

* خدمات المعلومات < ثلاث ساعات
* الشبكات والاتصالات (لها متطلب اللي هو برامج الحاسب المكتبية بالتحضيري) < ثلاث ساعات
*الوعي المعلوماتي < ثلاث ساعات

بالإضافة للمادتين العامه اللي هي :

* قواعد البيانات + *حاضر العالم أو مبادئ إعلام (اختاري وحده )


وممكن تاخذين مواد من مستوى اعلى مالها متطلبات ( لو تبين مواد زياده قولي لي )

انتظري ردي راح احط مواد المستوى الثالث والرابع كلها ، يمكن تلقين وحده من مواد المستوى الثالث بالنظام وتاخذينها

[It's mee]

مواد المستوى الثالث :

المواد العامه :
* العقيده والاخلاق ( اعتقد غيروا اسمها بالنظام مو متأكده )
*الاتصالات والإنترنت

مواد التخصص :
*مدخل إلى علم العلومات والمكتبات
*أسس تنظيم المعلومات
*تحليل وتصميم نظم المعلومات
*مصادر المعلومات


المستوى الرابع :

المواد العامه /
*قواعد البيانات
* حاضر العالم أو مدخل إلى الاعلام ( انصحك بالاعلام :) )

مواد التخصص /
*خدمات المعلومات
*الشبكات والاتصالات ( متطلبها مقرر برامج الحاسب المكتبية < اخذناها بالتحضيري )
*الوعي المعلوماتي
*استرجاع المعلومات ( متطلبها مقرر مدخل إلى علم المعلومات والمكتبات )
* إدارة وتنمية مصادر المعلومات ( متطلبها مقرر مصادر المعلومات )



ويا هلا فيك بالقسم ، صدقيني راح تحبينه وتيقني ان ربي يكتب لك الخير بكل امور حياتك
واي سؤال انا حااضره حبيبتي :rose::004:

[زهرة 99]

السلام عليكم بغيت اسال كم المعدل المطلوب لقسم المكتبات لاني ناوية اتخصصه السنة الجاية ان شاء الله وسمعت ان قسم حلو ارجو الرد مع الشكر الجزيل:004::icon19:

[amjad_]

مرهه شككككرا حبيبتي اتز مي .. الله يسهل عليك كل امورك يارب ...
مره افدتيني ويارب اتأقلم عليه , عاد كأنك حاسه اني كنت ابي ادخل اعلام وماادري ليه ماقبلوني

بس حبيت اسألك ؟ كم يحتاج يصير معدلي عشان احول قسم ثاني ؟

[It's mee]

السلام عليكم بغيت اسال كم المعدل المطلوب لقسم المكتبات لاني ناوية اتخصصه السنة الجاية ان شاء الله وسمعت ان قسم حلو ارجو الرد مع الشكر الجزيل:004::icon19:

المعدل اقل شي 2.80 .. بس شوفي الشروط بداية تحويل التخصصات ممكن يتغير

وحطي في بالك ان عدد الطالبات للقسم محدد ، غير المفاضله بالمعدلات فممكن يكتفون بعدد

عشان كذا حاولي معدل ما ينزل عن 3.5

مرهه شككككرا حبيبتي اتز مي .. الله يسهل عليك كل امورك يارب ...
مره افدتيني ويارب اتأقلم عليه , عاد كأنك حاسه اني كنت ابي ادخل اعلام وماادري ليه ماقبلوني

بس حبيت اسألك ؟ كم يحتاج يصير معدلي عشان احول قسم ثاني ؟


حبيبتي ما عليه خيره ، طالما انك تبين إعلام ، اكتفي هالترم بالمواد العامه

يعني لا تدخلين بمواد التخصص للقسم عشان ما ينزل معدلك

وبعد كذا حولي عليه ، ومعدلك شششدي حيلك وارفعيه

المواد العامه هالترم كثير .. عندك
قواعد البيانات

مدخل اعلام

تاريخ الخليج

نظرية المعرفة

النظام السياسي

النظام الاقتصادي

حضارة اسلامية

ولو كان عندك مواد باقي من التحضيري خذيها

دوري ايش السهل وايش الصعب لكل مادة وراجعي جدول الاختبارات النهائية عشان ما يصير لك تعارض وتختبرين مادتين بنفس اليوم

وارفعي معدلك وحولي الترم الجاي ، راجعي قسم الاعلام وشوفي شروطهم عشان تحولين للقسم وكم المعدل المطلوب