انذار اخير فرصة اضافية

[جراح نجد]

السلام عليكم


عندي استفسار هاللحين انا عندي انذار اخير يعني خذيت فرصة اضافية والحمدلله وفقني الله ونجحت هل تروح الانذارات خلاص ياليت احد يفيدني

[لحظات صدق]

وعليكم السلام والرحمه

اذا معدلك ارتفع عن 2

فان شاء الله الانذارات تروح

لكن كاني قرات رد من قبل ان الانذارات ما تختفي بس تظل السجل لكن يبدا العد من جديد

يعني انت بالانذار الاخير وارتفع المعدل ما راح تنفصل يعني لو لا سمح الله الترم القادم نزل المعدل راح يحسبوه لك انذار اول

[جراح نجد]

يسلموووو ماقصرتي ولله مخي منشغل بالحيل عديت هالترررررم مو مشكلة يكون مسجل بس تروح الانذارات ياسلام يرتاح الواحد من الفصل ههههههه تحطيمه

[آخر موآآعيدي]

اسمح لي بمداخله بحكم تجربتي <--اسال المجرب ولا تسال الطيب صح كذا ولا نكمل فالموضوع :)
شوف بخبرتي بالانذارت والجامعه <-- معناه مو دراسهه :D انا اخذت 3 انذارات وزياده عليها كيف اقولك
كنت انجح بس مااجيب معدل ولاتنمسح تزيد والله يمكن لي 3 سنين وانا على هذي الحاله طبعا انا من اول مافتح الانتسساب المطور بالجامعه الملك فيصل وانا معهم اول دفعه تقريبا المفروض متخرجه بس ماحلفني الحظ <-- توها تستوعب :eek:
الزبده وقفوني كورس بس مو ترم كامل تقريبا قبل سنه كورس الثاني بعدها رجعوني بس انا اجلت علشان اتهيئ واتوب <- بالله الله يسمع منكك تتوبين :rolleyes: :p
والحمدلله انسمحت عندي وكملت دراستي وتبت ان شاء الله <-- :D
مو تنمسح من السجل تظل بس على قولت اختي (لحظات صدق )تبدا من جديد
مو قلت تجربتي احد يسوي مثلي لا تهملون نفسكم مثلي تقولون فيه احد صار مثلنا وعادي نكمل <--حلفي :D انا من الباب اطمنكم بس على قولتهم الحذر واجب مو كل يوم تسلم الجره صح ولا ;)


وبتوفق الجميع وفالكم التخرج ان شاء الله :)

[آخر موآآعيدي]

6 انذارات والله توني حسبتها بعدها ايقاف كورس مو طرد والله الحمد <--- والحمدلله بفضل الله تعدل الوضع وكملت الدراسهه ;)


وان شاء الله فالكم النجاح والتخرج :)

[احمد-علي]

والله الشرهه على وزارة التربية والتعليم
نطلع من الثانوي ونروح للجامعات ماعندنا معلومات عن الانظم والتوجه

ناس تنفصل بسبب جهله

ناس تفصل ناس تواجه مشاكل تأثر على دراسته ناس ماتدري وش بتسوي بعد التخرج وناس ماتدري وش بتدرس وناس ماتدري وش تدرس اصلا


المفروض وضع مادة متخصصه للتوجة التعليمي بدال حصة النشاط الماصخ

لاكن لاحياة لمن تنادي


انا احد ضحايا خذوه فغلوه بالانتظام

[Miss sos]

ايش سبب الإنذارات ؟؟

[المنادي]

ايش سبب الإنذارات ؟؟

الرسوب ثم نزول المعدل

[جراح نجد]

يعطيكم العافية ع المرور والافاده


لكن تصدقون احس الجامعة ماتبي تخسر طلابها يعني فيه نظام تساعد يعني احد ناجح في كل المواد وعنده ماده اخذ مثلا 55 درجة يساعدونه بالخمس درجات لان هذا اتوقع حصل معي فيه مادة عندي كنت متحطم ماحليت وكل المواد نجحت وهي حصلتهم معطيني فيها 60 ماصدقت

اخر مواعيدي ههههههههههههه مفروض يعطونك دبلوم مع البكالوريوس الله يوفقك ويوفقني والجميع

[هيوفه دلع]

والله الشرهه على وزارة التربية والتعليم
نطلع من الثانوي ونروح للجامعات ماعندنا معلومات عن الانظم والتوجه

ناس تنفصل بسبب جهله

ناس تفصل ناس تواجه مشاكل تأثر على دراسته ناس ماتدري وش بتسوي بعد التخرج وناس ماتدري وش بتدرس وناس ماتدري وش تدرس اصلا


المفروض وضع مادة متخصصه للتوجة التعليمي بدال حصة النشاط الماصخ

لاكن لاحياة لمن تنادي


انا احد ضحايا خذوه فغلوه بالانتظام


كلامك عين العقل اما حصص النشاط انا اعتبرها حصص الخمول والنوم

:019:

[رهو]

كيف اعرف انه عندي انذار وين اروح

[conscious]

موفقين

[جراح نجد]

تروح ل السجل الاكاديمي في الخدمات الطلابية