وش فايدة الخارطة اﻻكاديمية

[نوف بنت سعود]

هذا السؤال اللي محيرني وماتهنيت بالمعدل اللي جبته مع انه A+
بس مو من حقهم يخلونا ندخل على الخارطة اﻻكاديمية ونشيك على اوضاعنا وكل شئ عنده عﻻمة صح يعني مكتمل عندي
بعدين يروحون ينقصون من كل مشاركة 3 درجات على اي اساس احسبوها
يخافون اطالب بالمكافاة هي من حقي ﻻن هذا ثاني مستوى اجيب معدل عالي ولله الحمد
بس ياليت يعدلون عﻻماتي بعد التظلم اللي رفعته:hhheeeart4:

[majdini]

مدري ليش منزلينها على استحياء
شكل اللي مضبطها هو اللي مسوي نظام ساهر

[عسكري محبط]

انا نفس الطريقة منزلين درجتين من كل ماده مع اني متأكد من الخارطة الأكاديمية :Cry111:

[b7r-alwed]

وانا بعد كلها علامة صح خضراء وفي الاخير نقصوني في كل مادة درجتين وبعض صاحباتي عدلوها بعد النتيجة بيومين
بس شكلو اللي جايبين معدلات عالية متعمدين ينقصوهم في درجات المشاركة :mad:

[أمير الكلمة]

انا كانت الخارطة كامله عندي
ونقصوني 3 درجات في كل مادة

[super-ELF]

هم انا منقصيني عشر درجات من اربع مواد والله مقهوره معني حليتها ، حسبي الله عليهم اذا مثل ماتقولون عشان المكافأة ،مانبيها محنا بحاجتهم يعطونا حقنا بالدرجات وبس .

[ابو رعد1]

ماشاء الله نوف دافوره هههه
انا درجاتي كامله ولله الحمد والمنه
لأني ما اعتمد على الخارطة اصلاً
كل اعتمادي بعد الله على ارشيفي اللي مسويه على جهازي
واعتقد الكل يعرف طريقتة وهو ملفات باسماء المواد
وكل ملف تنزل فيه محاضرات المادة بالارقام والملخصات وكل مايخص المادة

[super-ELF]

ماشاء الله نوف دافوره هههه
انا درجاتي كامله ولله الحمد والمنه
لأني ما اعتمد على الخارطة اصلاً
كل اعتمادي بعد الله على ارشيفي اللي مسويه على جهازي
واعتقد الكل يعرف طريقتة وهو ملفات باسماء المواد
وكل ملف تنزل فيه محاضرات المادة بالارقام والملخصات وكل مايخص المادة

بالنسبة للجدول اللي تتكلم عنه ، انا بعد مسويه جدول وادون فيه كل شي احله يعني متأكده اني حليت كل شيء ، ومع هذا منقصيني من درجات المشاركه ، ليه اللي ماخذين درجات المشاركه كامله مقتنعين ان الغلط منا مو من الجامعه :sm1:

[ابو رعد1]

بالنسبة للجدول اللي تتكلم عنه ، انا بعد مسويه جدول وادون فيه كل شي احله يعني متأكده اني حليت كل شيء ، ومع هذا منقصيني من درجات المشاركه ، ليه اللي ماخذين درجات المشاركه كامله مقتنعين ان الغلط منا مو من الجامعه :sm1:

ارفعي تظلم لو متأكدة

بس اقصد التحميل والمشاركة يبيلها دقة وتركيز وتعيدها اكثر من مره عشان تضمن الدرجة
انا بعد ما اخلص مثلاً تحميل المحاضرات المسجله نسخة جوال ارجع اخر السمستر قبل الامتحانات واحمل بطريقة الصوت لانها سريعة واخليها على سطح المكتب كلها واذا خلصت تحميل احذفها بس لتأكيد

[شدو الربيع]

وانا مثلكم ومعدلي ٤،٩ الحمد لله لكن ليش منقصيني عندي جدول أتابع فيه

ولاحظت كل اللي جاهم نقص أصحاب معدلات عالية ليش طيب


تظلمت بس مدري يجي رد أو لا مقهوررررررة ودي أعرف كيف نقصت


وعلى ايش

[hadialdossery]

اللي متأكد من صحة إجراءاته وعدم مخالفة الأقرار الموجود قبل تدخل الخارطة الاكاديمية يرفع تظلم وأن شاء الله ترجع له الدرجات كامله

[ضــامية حــنين]

رفعت وسحبوا علي

[مقام العز]

مفروض يتم تصوير الشاشه للخارطه الاكاديميه وحفظها
وعند نقصان الدرجات يتم تزويدهم بالتظلم مرفق معاه الصوره
الظاهر ما ينفع الا ندخل ع الفريدان باجهزتنا ونقوله ناظر هذي كل ملفاتنا
على النظام محمله الاجهزه لماذا نقصان الدرجات
والتوقع هذا اللي راح يصير في الاخير

[أخيراً قررت]

نوف .. مبروك النجاح والتفوق

الله يستر انا صرت اخاف والله اليوم درجاتي كامله ممكن الترم الجاي اصير بمثل هالموقف

[المراكب]

الخارطة الاكاديميه شكلها ديكور فقط لاغير
لانها جات عكس المؤشرات التي واضحه أمامنا

[super-ELF]

اللي متأكد من صحة إجراءاته وعدم مخالفة الأقرار الموجود قبل تدخل الخارطة الاكاديمية يرفع تظلم وأن شاء الله ترجع له الدرجات كامله


رفعنا مليون مره بس الظاهر بينسحب علينا ، حسبي الله ونعم والوكيل

[جبرني الشوق]

انا لي سنوات اقول لكم صورو انا كل شي اصوره حتى الشهاده مصوره


الجامعه ذي مالها امان


الخارطه اتوقع وعلى حسب الكلام ماارح تكون موجوده نهائي


الي رفع تظلم الرد عليه بعد اسبوعين ...............

[نوف بنت سعود]

ابو رعد واخيرا قررت الله يبارك فيكم

بس الواحد وده يعرف وشلون نقص عشان يتفادى المشكلة ﻻن 27 درجة مهيب شوية ابد عشان تنقص وانا تول عيوني عشان احل المناقشات واحمل المحاضرة كم مرة

[نوف بنت سعود]

انا لي سنوات اقول لكم صورو انا كل شي اصوره حتى الشهاده مصوره


الجامعه ذي مالها امان


الخارطه اتوقع وعلى حسب الكلام ماارح تكون موجوده نهائي


الي رفع تظلم الرد عليه بعد اسبوعين ...............

صدق بعد اسبوعين يردون:sm1:

[دحوم الدرعية]

في الخارطه خذها قاعدة
اذا كنت تحل من البلاكبورد ولقيت علامه اكس في الخارطه لاي محاضرة
ع طول رح وفتح النظام الاخر وحل نفس المحاضرة الي كان عليها اكس
وتنتهي امورك

[دحوم الدرعية]

اضف الى ذلك الي ينسخ ويلصق ف المشاركه غير مسموح حت لو كان المتصفح يدعم النسخ

وايضا خذها قاعدة ف المشاركة
اكتب أي شي ( اكتب مو انسخ )
انا كل مششاركاتي كذا
هههههههههههههه
ععهيههثقعثخثخضتي نتلانش
منه لاياس ستلكق ساشلش شكشص

واخت ولله الحمد 30 كل المواد

[هارون الرشيد]

الا ليت قومي يعلمون

[نوف بنت سعود]

اضف الى ذلك الي ينسخ ويلصق ف المشاركه غير مسموح حت لو كان المتصفح يدعم النسخ

وايضا خذها قاعدة ف المشاركة
اكتب أي شي ( اكتب مو انسخ )
انا كل مششاركاتي كذا
هههههههههههههه
ععهيههثقعثخثخضتي نتلانش
منه لاياس ستلكق ساشلش شكشص

واخت ولله الحمد 30 كل المواد

والله هذا الظلم بعينه :Cry111: انت تكتب خرابيط وتاخذ علامة كاملة وانا اطلع الاجوبة من الملخصات عشان اضمن الاجابة تكون صحيحة وعمري ماعرفت ولا سويت هاللي تسمونه نسخ ولصق :mad: