بخصوص الانذار الثالث

[aziz2267]

السلام عليكم ..

الفصل الماضي اللي انتهى اخذت انذار ثالث مع ان معدلي الفصلي 2.92 والتراكمي 1.77 مع انذار نهائي ( فصل ) !!

وسجلت طبعا مواد للفصل الجاي يوم انهم فتحوا التسجيل قبل الاختبارات ..

انتظرت قلت يمكن يشوفون الوضع الاكاديمي ويسمحون لي بالدارسه في الفصل الرابع ..
دخلت اليوم اللي هو موعد تسجيل دفعتي طلع لي .. الوضع الاكاديمي لا يسمح بالتسجيل ..:Cry111:
ودخلت عرض معلومات الطالب شفت مكتوب .. معلومات الطالب سارية بدءاً من الفصل الثاني 1433 إلى The End of Time ..

وتحت مكتوب الحالة : فعال ..

:Cry111: وش الحل ؟!

[الهنوف .]

اذا معك 3 انذارات روحي اكتبي تعهد وان شاء الله يسمحون لك

[aziz2267]

اذا معك 3 انذارات روحي اكتبي تعهد وان شاء الله يسمحون لك


قصدك ( روح ) اكتب تعهد :agolakser::16.jpg:

اوك شكرا مع اني والله خايف انهم يرفضون ..

ما اقول الا حسبي الله ونعم والوكيل :sm1:

[أم العنود]

لا انذار ثالث لك فرصه رابعه بس لازم توقع التعهد
ولما تدخل حالة التسجيل بيكتب لك ان لازم تراجع قبول الكلية

[الهنوف .]

ايوا :$ روح*
جرب لان اخبر اذا معك 3 انذارات تقدر تكتب تعهد وترجع تدخل الجامعه

[aziz2267]

لا انذار ثالث لك فرصه رابعه بس لازم توقع التعهد
ولما تدخل حالة التسجيل بيكتب لك ان لازم تراجع قبول الكلية

.. هذا الفصل الدراسي غير متاح لإعداد التسجيل. برجاء اختيار فصل دراسي آخر أو الرجوع إلى القائمة وتحديد خيار مختلف ..

هذا المكتوب في حالة التسجيل !!
حتى لو اخترت الفصل الدراسي وضغط تنفيد يطلع لي نفس الكلام ..

والمشكلة الثانيه معطيني عدد ساعات من الفصل الماضي 12 ساعه بس يعني حتى لو رفعت المعدل ماراح يرتفع كثير ..

[الهنوف .]

المشكلة الثانيه لان التراكمي حقك اقل من 2 طبيعي يكون ساعاتك 12 بس
المشكلة الاولى حلّها بالادارة لازم تروح توقع تعهد عشان يفتحون لك لانك لو ما وقعت اتوقع تعتبر مفصول من الجامعه

[aziz2267]

المشكلة الثانيه لان التراكمي حقك اقل من 2 طبيعي يكون ساعاتك 12 بس
المشكلة الاولى حلّها بالادارة لازم تروح توقع تعهد عشان يفتحون لك لانك لو ما وقعت اتوقع تعتبر مفصول من الجامعه

اةك ان شاء الله اشوف يوم الاحد ..

يااارب تعدي هالايام على خير يااارب ...

[الهنوف .]

حلو , الله يعينك.

[الهنوف .]

انا افضل لك تاخذ مادتين تخصص وخذ مواد عامه
حاول تشد على نفسك وارفع معدلك لين 2,50
عشان الانذارات ما تتكرر

[مروه حسين]

شوفو انا نفس الحالة وابي اعرف بما اني ماقدر ادخل موادي الحين وين اروح بالضبط عشان اوقع التعهد واقدر ادخل موادي ادارة الكلية ولا القبول والتسجيل

[الهنوف .]

اتوقع القبول والتسجيل عند المسؤولة الثالثه ناسيه وش اسمها بس مو استاذة فاطمة القحطاني ولا امل بوقبيع
لان اشوف البنات اللي لوقف القيد والانسحاب والخ يجون عندها , او انتي اذا داومتي روحي للسكرتيره اللي عند الوكيله وهي بتعلمك لوين تروحين

[مروه حسين]

يعني اروح مبنى الكلية القديم؟! ولاكيف لاني مرا متحمسه اداوم هالسمستر لانه ماباقي الا شوي ويرتفع معدلي مابي اضيع الفرصة

[الهنوف .]

انتي انذار اول؟
اذا انذار اول عادي وضعك تمام سجلي ودخلي مواد

[مروه حسين]

لا للأسف انذار ثالث

[الهنوف .]

طبعا بالكليه الجديده القديمه ابد مالها دخل بالموضوع , لان الحين حتى دفع 2014 صارو بالجامعه

[aziz2267]

انا افضل لك تاخذ مادتين تخصص وخذ مواد عامه
حاول تشد على نفسك وارفع معدلك لين 2,50
عشان الانذارات ما تتكرر

انا اخذت ثلاث مواد تخصص وصارت 11 ساعة ما اقدر اضيف اي ماده لكن احتمال احذف الكيمياء

وشكرا ع النصيحة ^_^

[aziz2267]

يعني اروح مبنى الكلية القديم؟! ولاكيف لاني مرا متحمسه اداوم هالسمستر لانه ماباقي الا شوي ويرتفع معدلي مابي اضيع الفرصة

نفس الحالة بااقي شووي ويرتفع المعدل وواعطوني انذار ثالث