بخصوص معادلة المواد

[خوراافيه]

السلام عليكم ورحمة الله

ابي اسال الحين لو اسوي معادله لبعض المواد بياثر على المعدل
يعني المواد اللي اعادلها ترفع معدلي ولا لا
والمواد اللي ابي اعادلها يبطون بالرد يعني ارفع الماده لين يردون
وش الاشياء المطلوبه للمعادله وتنصحوني اعادل او لا

وشكراااااا :biggrin:

[اكاديمي عن بعد]

المواد التي يتم معادلتها لا تدخل في المعدل ..
فقط تدخل الساعات .. دون ادنى تاثير على المعدل ..

والرد على معادلة المواد - كما فهمت من الاخت ريشة العلم- يكون الرد في المستوى اللي بعده ، يعني اللي قدم المستوى ذا يردون عليه المستوى القادم ..

بالنسبة لمعادلة المواد .. تعتمد عليك ـ اذا ودك توفرين وقت وجهد حل التمارين والواجبات والمذاكرة لمادة اخرى فالافضل معادلتها ..
اما اذا كنت ملمة جدا بالمادة اللي بتعادلينها وتتوقعين انك بتبدعين في المادة وتجيبين ممتاز باقل تقدير وفي نفس الوقت عندك وقت كافي لحل المناقشات والواجبات وتحميل المحاضرات .. لاتعادلينها ..


اما طريقة معادلة المواد/
لازم تسوين سكان للسجل الاكاديمي الاصل والمختوم ، وكذلك سكان لوصف المقررات اللي بتعادلينها من الجامعة .. وتجمعينهم في ملف واحد ، وتحملينه في الصفحه الخاصة ..

والله اعلم ،

[❀⊰ ريشة العلم ⊱❀]

الأخ أكاديمي عن بعد ما قصر وأعطاك الرد الكافي والوافي جزاه الله خير
وأنا حابه اضيف :
نتيجة المعادله تظهر في نهاية أحد المستويات ، ممكن الثاني أو الثالث أو الرابع
وهذا الكلام مقتبس من أهل الخبره

:106::106: :004: :106::106:

[turki1400]

لو صح كلامك اختي ريشة العلم واكاديمي عن بعد .... فتلك مصيبة

مع احترامي لكم ولرأيكم تم مراسلة الفريدان وسؤال بهذا الخصوص

واوضح ان نتيجة طلب المعادلة يتوضح في السجل الاكاديمي قبل نهاية الفصل
فأن اضيفت لك المواد المراد معادلتها في السجل الاكاديمي فذلك يعني انه تم معادلتها لك

اما بخصوص تأثيرها على المعدل .. فهي صراحة لا تؤثر ولا تدخل ضمن المعدل ... فتأثيرها الوحيد تخفيض عدد الساعات المطلوبة للتخرج فقط


تحياتي للجميع

[خوراافيه]

يالله يعني مستوى كامل علشان يردون
انا بعادل المواد الصعبه اما السهله لا علشان ترفع معدلي

مشكورين على الرد ماقصرتوا ربي يوفقكم

[خوراافيه]

نسخة من توصيف المقررات التى تم دراستها موثقة من قبل الجهة التى تم الدراسة بها

يقصدون لازم اروح واجيبها منهم :Looking_anim:
احد يعلمني الطريقة بالضبط لاني داجه :verycute:

[❀⊰ ريشة العلم ⊱❀]

إيوه يا أختي
تروحي للجامعه أو الكليه اللي درستي فيها
وتطلبي منهم وصف موادك اللي درستيها مختومه

:106::106: :004: :106::106:

[خوراافيه]

ماعليش اختي تعبتس معي يعني احطهم بملف وورد مع النسخه الاصليه من سجل الاكاديمي
وارفعهم

(هـ) المقررات التى يرغب الطالب فى معادلتها [بنفس الأسم الموجود فى السجل الأكاديمى]

يقصدون مواد الجامعه او المواد اللي درستها

[خوراافيه]

كيف اجيب وصف مقررات الجامعه اقصد المواد اللي بعادلها بالجامعه
علشان اشوف مطابقه للماده اللي درست او لا

[ALKHALIDAYH]

سبق و درست رياضيات و اسلام و اخلاق مهنه و انقلش

راح علي الرياضيات ولا عدلته و الحمدالله نجحت بالمستوى الاول فيه و الحين ما راح ندرسسسه

ناااقلة هم الانقلش و الاسلام سبق و درستهم وراء ادرسهم من جديد

و بنسبه ل ردهم لي بعد ترم او ترررمين او ثالثه

ليه يمااااطلون فيننا

طيب افترضو اني ابي اعااادلهم و رحت و نزلتهم يصلح هذا الكلام او لا

يعني الحين لو ابي انزل بالمواد ال 8 بس 5 و انتظر معااادلة الباقي

اخاااف يجي لي ردهم بالرفض

والله مشكله

[❀⊰ ريشة العلم ⊱❀]

ماعليش اختي تعبتس معي يعني احطهم بملف وورد مع النسخه الاصليه من سجل الاكاديمي
وارفعهم

(هـ) المقررات التى يرغب الطالب فى معادلتها [بنفس الأسم الموجود فى السجل الأكاديمى]

يقصدون مواد الجامعه او المواد اللي درستها



كيف اجيب وصف مقررات الجامعه اقصد المواد اللي بعادلها بالجامعه
علشان اشوف مطابقه للماده اللي درست او لا

عادي يا أختي كلنا نفيد ونستفيد :119:
إيوه تجمعي أوراق وصف المقررات + السجل في ملف واحد والأفضل يكون pdf أو ملف مضغوط وترفعيها
يقصدو بالفقره هـ : المواد اللي درستيها سابقا
وصف المقررات للجامعه في هذا الرابط
http://www.kfu.edu.sa/ar/Deans/E-Learning/Pages/services-2.aspx

:106::106: :004: :106::106:

[❀⊰ ريشة العلم ⊱❀]

سبق و درست رياضيات و اسلام و اخلاق مهنه و انقلش

راح علي الرياضيات ولا عدلته و الحمدالله نجحت بالمستوى الاول فيه و الحين ما راح ندرسسسه

ناااقلة هم الانقلش و الاسلام سبق و درستهم وراء ادرسهم من جديد

و بنسبه ل ردهم لي بعد ترم او ترررمين او ثالثه

ليه يمااااطلون فيننا

طيب افترضو اني ابي اعااادلهم و رحت و نزلتهم يصلح هذا الكلام او لا

يعني الحين لو ابي انزل بالمواد ال 8 بس 5 و انتظر معااادلة الباقي

اخاااف يجي لي ردهم بالرفض

والله مشكله

لا تسجلي المواد اللي طلبتي معادلتها
وأتوكلي على الله وأرفعي طلبك وتفائلي بالخير
وإذا لا قدر الله ما وافقو سجليها من جديد في أحد المستويات
أو سجلي من الآن في جدولك مواد للمستويات القادمه بحيث يكون عندك متسع لدراسة المواد التي تم رفض معادلتها

:106::106: :004: :106::106:

[خوراافيه]

مشكوره اختي ماقصرتي ربي يسعدتس

انا مثلتس دارسه الرياضيات قبل وراح علي وابي اعادل الباقي
راح انزل بدال المواد اللي ابي اعادلهم مواد ثانيه علشان اخفف علي اذا لاسمح الله رفضوا

[ABQAIQ]

طيب ان ارسلت الملف موضحا فيه عدد الساعات والدرجات بدون وصف المقررات

فيها شي

[turki1400]

ممكن تمشي امورك .... الله يعين

واكد لي الفريدان يوم امس ان نتيجة المعادلة تكون في نهاية الفصل الثاني وتظهر في السجل الاكاديمي للطالب بعد اعلان النتايج للاختبارات النهائية

تحياتي

[خوراافيه]

طيب ان ارسلت الملف موضحا فيه عدد الساعات والدرجات بدون وصف المقررات



فيها شي




ماقدر افيدك بهالشي بس هم طالبين وصف اذا انت متخرج من التقنيه خذ الوصف من الموقع

[خوراافيه]

ممكن تمشي امورك .... الله يعين


واكد لي الفريدان يوم امس ان نتيجة المعادلة تكون في نهاية الفصل الثاني وتظهر في السجل الاكاديمي للطالب بعد اعلان النتايج للاختبارات النهائية


تحياتي



مشكور اخوي ماقصرت

[sulaiman_d]

انا عملت معادلة لمادة الإنجليزي المستوى الثاني
وننتظر الرد نهاية الفصل ...
ولن اسجلها لانها مع المواد الثانية والله كثيرة وصعبة والله يستر ...
ومشكورين على التوضيح ...
وفق الله الجميع ...

[turki1400]

بالتوفيق