ساعدوني كيف اتخلص من معالج الكمبيوتر نهائيا

[Ħаḏố0ồЧ]

مرحبآ ،،،


عندي معالج كمبيوتر قديييييم كسرته ، ومع ذلك خايفه ارميه

احس اللي بيطيح بيده بيقدر يرجع البيانات من صور وملفات وكذا

بنزل لكم الصور واللي عنده فكره يعلمني وش القطعه اللي اتلفها

او اكسرها زيادة ، بحيث انه محد يقدر يستفيد منه ولا يقدر يرجع شي

من سنييييييين عندي وخايفه ارميه ولا ابي احتفظ فيه مسوي زحمه :biggrin:


الصور عندكم بالمرفقات ، بس علموني وش القطعه اللي اكسرها اكثر :(107):

[احمد الشمراني]

حرام تكسرين الجهاز شكله جديد والله


عموما المعالج ماله دخل لانه يحتوي على ذاكرة لحظيه فقط تسمى (الكاش ميموري)
وهي تختلف عن الذاكرة رام
وذاكرة الكاش تنظف نفسها بمجرد الانتهاء من العمليه او بأعادة تشغيل الجهاز
ويتم الكتابه عليها من جديد
لكن اللي لازم تحتفظين به او تكسرينه ولا يباع للمحلات ابدا هو الهاردسك (القرص الصلب)
والافضل تشفيره ببرامج تشفير ثم عمل فورمات ثم حرقه افضل من كسره:(204):

باقي قطع الجهاز عادي لو تم بيعها والاستفاده منها:biggrin:

[KBJ911]

هذا القرص الصلب


يجب اتلافه كليا

[Ħаḏố0ồЧ]

الله يجزآكم خير يا اخوآني

ويفرج همكم ويستر عليكم في الدنيآ والأخرة


سؤال أخير ،، القطع الثانية ارميهآ عادي زي اللوحة الخضرا

او الشريحتين المستطيلة اللي عاليمين تحت هي اصلآ كلهآ بتتكسر تكسير

بس اقصد محد يقدر يرجع شي منهآ مثل الهارديسك ؟!!!

ولا عادي باقي القطع مو مهمه ؟!!

[KBJ911]

نعم كل شيء يهون عند القرص الصلب

[Ħаḏố0ồЧ]

جزاك الله خير

[hawawy-vip]

القرص الصلب (Hard Disk)


هو الجزء الأساسي من بنية الحاسوب والمسؤول عن التخزين الطويل الأمد للبيانات حتى في حالة انقطاع التيار الكهربائي عن الجهاز فهو يقوم بقراءة وتسجيل البيانات بطريقه إلكترونية حیث بإمكانه تخزین كمیة كبیرة من البيانات والمعلومات بالإضافة إلى إمكانية قراءة المعلومات و البيانات بصورة اسرع بكثير من أجهزة تخزين البيانات الأخرى مثل CD-ROM و Tap drives وغيرها من الوسائل التخزينية الأخرى كما أن الغالبية العظمى من المساحة التخزينية تستخدم لحفظ البرامج و تخزينها مثل أنظمة التشغيل المختلفة والبرمجيات المتنوعة والملفات الشخصية..

[hawawy-vip]

وهاذي هي صورة القرص الصلب


http://upload.wikimedia.org/wikipedia/commons/thumb/9/96/Toshiba_MK4313MAT_HDD_%28dark1%29.jpg/455px-Toshiba_MK4313MAT_HDD_%28dark1%29.jpg

[Ħаḏố0ồЧ]

الله يجزآكم خير جميعاً

عموماً خلكم حولي بس اكسر الهارديسك بنزل صورته

عشآن تشوفون اذآ يحتآج تكسير اكثر او يكفي > استانست ع التكسير هع

[hawawy-vip]

وشوله ماتطبخينه في قدر ضغط وتزبط الامور :sm5:

[Ħаḏố0ồЧ]

ههههههههههههههههههههههههههههههه

والله تصدق فكره بحطه بمآي وزيت وعصير المهم بحوسه حوس عشآن

بجد محد يقدر يستفيد منه ، شكراً لك > لآ تلومني ترى والله انه نآشب في حلقي

ابي افتك منه

[hawawy-vip]

هههههههههههههه

موفقه اوخيتي


بس اهم شي لانشوفه على سفرتكم :)

[Ħаḏố0ồЧ]

ههههههههه

خلاص خلاص الحين يجيك المشرف داعس مليون ويقفل الموضوع

وأنا ابي انزل الصور بعد ما اكسره

[KBJ911]

سكروب ومطقه وتخرميه من النص .كاااااااافيه:(204):
لان هو من داخل عباره عن أسطوانات زجاجي


ارحموا عزيز قوم ذل:sm12::sm12::lllolll:

[Ħаḏố0ồЧ]

ههههههههههههههههههههههههههه

لمآ اقرأ ردودي احس اني بنزل فضيحه مو هارديسك

طيب مع اني حاولت اصقعه بهذي اللي يفكون فيهآ المسآمير مدري سكروب

او مدري وش اسمه بس عيا يطلع

ابقعد معه الليلة اشوف وش اخرتهآ واعطيكم العلوم > هع هع هع