الي داوموا !

[p!nkk]

بنات الي داوموا ياليت تخبرونا ايش صار معاكم عشان اذا في شئ مهم او نكمل سحبة باقي الاسبوع :24_asmilies-com:

& لمشاكل تسجيل المواد الاختيارية وش أفتووا بالموضوع ومتى الحل والله يصبنا عليهم :(177):

[5agal]

صديقاتي اليوم داوموا وقالوا لهم بنوسع الشعب وكله دخلوا ع النظام يعني ماسجلوهم ولا شي
بالنسبة للمواد الاختيارية تعديل السلوك انا تسجلت عندي تو اليوم
بالتوفيق للجميع و ربي يجعله ترم خفيف وحلو :)

[big hart]

يؤ يعني ماستفادو شي :(

[p!nkk]

زين هذا الي يصير


طيب أخذوا محاضرات ولا حوسة بالقاعات و الدكاترة

[رونق ..]

زين هذا الي يصير


طيب أخذوا محاضرات ولا حوسة بالقاعات و الدكاترة

ما في محاضرات واصلا في مواد ما حددوا لها دكتورة للحين وﻻ حددوا القاعه
طبعا ليش يصير كذا كل سنة ؟
ﻻن اﻻداريات مو فاضيات طول السنة يشربون قهوة وما يشتغلون اﻻ على اخر يوم :)

[رونق ..]

بنات وش هالمصخر اللي مسوينها هالترم اقول للادارية ابس اسجل ماده تقفلت كل شعبها تقولي ما في تسجيل يدوي وﻻ راح ندخل على النظام و نسجلها لك قلت لها كيف احاول وانتم مسكرين الشعب وفي موقت مقدر اغير ﻻن الشعب تقفلت ردت تقولي مشكلتك انتي حاولي
منتهى قله اﻻدب واﻻستفزاز !!!!على اي يلغون التسجيل البدوي ؟
وبعدين مين اساس المشكله غيرهم مخلين 5 شعب بس ويبونها تكفينا في بنات مساكين ما تسجلت لهم وﻻ مادة يقولون حاولوا حاول خير يعني بالله وش وظيفتهم ؟ هم قبول وتسجيل وﻻ صار يسجلون يدوي او يحلون مشكله الطالبات جايات يشربون قهوة وياخذون راتب اخر الشهر ؛ تحسينهم قاصدينا بهالحركة او انهم ناوين على شيء ؛ الله يسلط عليهم زي مارفعوا ضغطي انا فيني مرض بالقلب والله يا بنات كانت بتجيني جلطة بسببهم "(
بنات اذا هم وصلوا لهدرجة ﻻزم ما نسكت هم الظاهر متعمدين يبون ياخرون تخرجنا او ما يبون كثير بنات يتخرجون او يمكن يبون يقللون العدد ﻻنهم متورطين بالتدريب الميداني ﻻ دكاتره وﻻ شيئ فقالوا نقلل العدد ﻻقصى شيء ممكن ؛ ﻻزم نوصل الموضوع لقسم الرجال وﻻ نسكت ﻻزم بنرفع خطاب باللي صار ؛ بس ﻻزم البنات يوقعون
بالموافقة على الكلام اللي فية ؛ في احد بيوقع !!!

[الله حيني^ـ^]

هدي ان شاءالله تتسجل موادك لاتعبين اعصابك عليهم

لا تروحين للاداريات مامنهم رجاء ولا يدرون شسالفه يا تخشين ع طول ع ريئيسة القسم ولا تروحين لمشرفتك الاكادميه وهي تتصرف

اذا مرا مرا مامنهم فايده خلي احد من اهلك يسجلك من قسم الرجال بسرعه يسجلونك



الله يسسر امورك ♡

[big hart]

حسبنا الله ونعم الوكيل بس

واللي ماعندها احد يروح قسم الرجال وش تسوي

ماتسجل يعني ؟

الكذابين يقولون تتوسع الشعب

[الله حيني^ـ^]

روحي لمشرفتك هي تتصرف ، منهي مشرفتك !

[احسساس]

المشكله هي في ترتيب اوقات المحاضرات كلها الصباح عشان كذا صار تعارض للكل
الماده المفروض لها اكثر من وقت الصباح وبالوسط واخر النهار عشان ماينضغط الجدول

وغير كذا المواد الاختياريه اوقاتها محدوده مره المفروض ع الاقل المواد الاختياريه هم يسجلونها
ولا نرجع لايام الجدوال كان ابرك ..

[big hart]

مشرفتي كانت اماني الغامدي بعدين بداية السنه انحذفت من النظام

[رونق ..]

هدي ان شاءالله تتسجل موادك لاتعبين اعصابك عليهم

لا تروحين للاداريات مامنهم رجاء ولا يدرون شسالفه يا تخشين ع طول ع ريئيسة القسم ولا تروحين لمشرفتك الاكادميه وهي تتصرف

اذا مرا مرا مامنهم فايده خلي احد من اهلك يسجلك من قسم الرجال بسرعه يسجلونك



الله يسسر امورك ♡

الله يسعدك ويوفقك ويييسر لك امورك يارب ♥♥♥
مشرفتي د.فاطمة علي والله ما اتوقع بتسوي لي شيء :(
طيب قسم الرجال اللي بالراكة عند شؤون القبول و التسجيل !
وشكرا مره ثانية على الرد ؛ يسعد قلبك :*

[رونق ..]

حسبنا الله ونعم الوكيل بس

واللي ماعندها احد يروح قسم الرجال وش تسوي

ماتسجل يعني ؟

الكذابين يقولون تتوسع الشعب

حسببي الله عليهم بس يسلكون حق البنات :)
هذا يمكن ﻻن كانوا البنات كثار تتبي تمشي الموضوع
اليوم لما قالوا لها كذا قالت توسيع شعب مافية ﻻحد يطلب قالت روحوا حاولوا بالنظام لين يضبط معكم ؛ وفي بنات كلموا د.الجوهرة قالت بنحل الموضوع ان شاء االله
بس ما ضنتي والله
الله يعينك ويسر لك ويسهل عليك يارررب :love080:

[رونق ..]

المشكله هي في ترتيب اوقات المحاضرات كلها الصباح عشان كذا صار تعارض للكل
الماده المفروض لها اكثر من وقت الصباح وبالوسط واخر النهار عشان ماينضغط الجدول

وغير كذا المواد الاختياريه اوقاتها محدوده مره المفروض ع الاقل المواد الاختياريه هم يسجلونها
ولا نرجع لايام الجدوال كان ابرك ..

ايه مو هم سبب المشكله حاطين لتحضيري للماده الوحده 13 شعب ومستوى رابع للماده الوحده 9 شعب والضحية حنا خلوا عدد الشعب عندنا 5 بس للماده الوحده عقب ما كانت 8 وركزوا توزيع اوقاتنا على يومين احد و خميس ؛ واللي يقهر ان عدد دفعه تحضيري اقل من عدد دفعتنا 13 شعبة يعني بالشعبة الوحده ما تلقين 15 بنت اول اقل ؛ طيب بدال ما تسوون كذا خلوا شعبهم 9 شعب ورجعونا 8 شعب زي قبل بدال الهبال اللي مسوينه

[5agal]

رونق حبيبتي ان الله مع الصابرين
حتى انا راحت علي مادة متحف والسبب فقر الشعب ومتخلفين اكثر الاوقات حاطينهم نفس الوقت ويصير تعارض

للاسف جامعة اي شي

[رونق ..]

رونق حبيبتي ان الله مع الصابرين
حتى انا راحت علي مادة متحف والسبب فقر الشعب ومتخلفين اكثر الاوقات حاطينهم نفس الوقت ويصير تعارض

للاسف جامعة اي شي

الله يعينا ويصبرنا عليهم
ايه والله وانتي الصادقة هذوﻻء مدري كيف يفكرون والله
حسبي الله ونعم الوكيل
ﻻ تتركين الماده روحي كلمي د.الجوهرة ﻻ تسكتين حرام الماده لها متطلب لمواد مستوى سابع ويتاخر تخرجك بعدين بسببهم
مدري ليه يسوون كذا والله اني ودي اتخرج وافتك منهم اليوم قبل بكرة :Cry111:

[طالبه موهوبه]

أنا لي أكثر من مره أرسل للمشرفة وترفض ما أدري ليه !
المهم بنات أحد يعرف موقع قسم الرجال ؟؟
مافي الا هالحل لينا
والله يكون في العون

[الله حيني^ـ^]

لا خير لا تتركين اي مادة تسكرت الشعبه عليك يفتحون يغيرون بالجدول دام الغلط ممنهم يجيبون لك حل مو كلام منطقي ولا قد صارت بالحياه تسكر الشعب خلاص والبنات يتحملون روحي لاماني ولا الجوهره قولي مشرفاتنا مايتصرفون وانا ابي اخذ موادي كلها هالسمستر ماني تاركه ولا ماده دبري لي اموري ...

والله شي عجيب يدرسونا كيف نوفر الراحه النفسيه والاكاديميه لطالب وانو يكون فعل مو بس كلام وللاسف هم اول ناس بس هرج ع الفاضي.

مكتب الرجال اتوقع بالراكه بس مو متاكده للاسف

[AFNAN *]

هذا رقم الجامعة ،، اخذته من الموقع الرئيسي ،،

0096638571304 ان شااءالله يردو عليكم ويفيدوكم



بناات ممكن رابط المنتدى الرسمي للجامعه !!

وشكرا لكم

[5agal]

لا الحمدلله متحف ومكتبة الطفل مو متطلب
و اصلا مختفية من النظام :(
هي وفي مواد ثانية
ان شا الله يفتحون صيفي ربي يرحم حالنا

[سآريز~]

بنات وشي المواد المتطلب؟؟

[5agal]

صحة نفسية
ومواد العملي (مفاهيم علمية ولغوية وخلقية)

هذي المواد اللي لها متطلب

[سآريز~]

يعطيك العافيه :(

[AFNAN *]

بناات يقولون نزلو جدول الفاينل للترم الثاني في المنتدى الرسمي ،،،

بس ماعرفت كيف اوصل للمنتدى ممكن تساعدوني

[رونق ..]

حتى لو ماده مالها متطلب حرام تتاخرين او تاجلين مواد بسببهم و الله حيني صادقة بكل كلمة قالت انتي ﻻ تسكتين ابدا ابدا
حاولي باللي تقدرين عليه من جد هو خطأهم وحنا ما نتحمل اخطاهم هم اللي يسوون مشكله من ﻻ شيء
انا اللي اعرفه ان مكتب الرجال بالراكة حق كلية العلوم و اﻻداب حنا كلية التربية بالمريكبات هذا الكلام قالوا لي بعض البنات وشوفي بتويتر تلقين د.كتور عبد الواحد المزروع عميد كليات التربية بالدمام ؛ تلقين بحساب الكلية بتويتر مسووين له فلوو كلموه يبنات كل اللي عندها مشكله يمكن يسووي شيء

[احسساس]

بنات لازام اخذ ماده اختياريه هالترم
المشكله تعارض << ان شاء الله تنزل سنه الجائه

[p!nkk]

إحساس انا مثلك ما قدرت اخذ مادة اختيارية تعارضت مع جدولي وش اسوي باخذها الترم الجاي

[p!nkk]

بنات الي داوموا اليوم في شئ جديد او نزلت المحاضرات

[5agal]

و شذا فقر اوقات وشعب
اكثر المواد حاطينهم نفس الاوقات وجعه توجعهم
متخلفين

[رونق ..]

هذا ﻻن الدكتورات شوي و يدرسون اكثر من مستوى وﻻن زادوا الشعب للمستويات الثانية و حنا قللوا الشعب وحدونا بعض اﻻوقات عشان كذا صار تعارض في كم مادة
هذا وحنا 3 دفعات اجل لو يجون تحضيري السنة الجاية وش بيسوون فينا !!
للاسف حنا دايم الدفعه المظلومة بهالكلية من كل شيء مدري ايش مسووين لهم !!
حسبي الله ونعم الوكيل

[رونق ..]

بنات الي داوموا اليوم في شئ جديد او نزلت المحاضرات

جت دكتورة جديدة بدرسنا اسمها شرين حمدينو راح تدرس ادب الطفل و مهارات لغوية نص الشعب مو كلها
يقلون انها سودانية :)
وﻻ في محاضرات وﻻ شيء

[طالبه موهوبه]

للحين ماتسجلت مهارات لغوية
ومادة متطلب !
في أحد مثلي بنات ؟؟
والله يعين

[reem329]

مشرفتي كانت اماني الغامدي بعدين بداية السنه انحذفت من النظام

هلا كيف اعرف مين مشرفتي ؟؟

[طالبه موهوبه]

مركز الطلاب
بتشوفين مربع ع أيدك اليسار
مكتوب
وبالتوفيق

[big hart]

مدري ليش الاحد مافي مواد :(


حسبي الله ونعم الوكيل

[p!nkk]

لان تنسيق بالمواد مش ولا بد هالترم والدليل اغلب البنات ما سجلوا المواد الاختيارية لانها تعارض مع باقي المواد الإجبارية

[طالبه موهوبه]

أنا مواد المتطلب تتعارض مع بعضها البعض
وشلون الاختياري بعد !?

[رونق ..]

بنات ماده مهارات لغوية و مفاهيم علمية ومفاهيم خلقية هذوﻻء الثلاثة ﻻزم تاخذونهم ﻻن كلهم متطلبات لكل مواد المستوى السابع ؛ واللي مقدرت تسجلها وﻻ عندعا تعارض تروح تكلم رئيسة القسم ضروري ﻻن ما راح تاخذ مواد مستوى سابع

[big hart]

بالاضافة الى صحة نفسية برضو متطلب

[Sarah Aseeri]

كيف أسجل من عند الرجال ؟ .. ومين مكانهم لو أحد يروح يسجل لي ؟

[رونق ..]

ساره اذا ما تسجلت لك المواد أو عندك تعارض روحي يوم اﻻحد عند أ. امل الصلاح وقولي لها مشكلتك وبتحلها بإذن الله