لمن اختبر الاحصاء

[to0la]

ياجماعه الخير ..
انا متخوفه كثير من الاحصاء ..
واجله المستوى اللي فات .. ومو معقوله بقعد اتهرب منه ..
ابي رد صحيح هل فعلا الاحصاء جايبين لهم منهج 2 بالاساله .؟؟
واللي اختبره اركز ع ايش .؟؟
وهل فيه احد نجح في ..
تكفون الله يسعدكم ارشدوني ..
كلام الناس متناقض ..
ابي اعرف هل نجح فيه احد؟؟

[ابتهال23]

اول شي لا تهتمين في كلام الناس اللي يقول سهل موب شرط يكون سهل عليك والكعس �� توكلي على ربي وخذيه وذاكريه من بداية الترم وبأذن الله بتنجحين وادعي ربي بالتوفيق دائما❤️❤️

[هدى ابراهيم]

اهلين اختي انا كنت مثلك متخوفه منه
واخذته الترم الي راح ماكنت متوقعه انجح فيه بس الحمدلله جبت فيه جيد زين عديت :sm5:


ودي اقول لك انه سهل بس الصراحه انه مو سهل :mh12:
يبي له مذاكره وانصجك تحضري المحاضرات فادتني كثير لانه بيسهل عليك

وبالنسبة للأختبار فيه اسئلة مكرره بس الاغلب جديد اسئلتنا ركز فيها على المنوال والوسيط والمتوسط
الملف المرفق ساعدني كثير بالمذاكرة وهو لاخوي الجارح
توكلي على الله وخذيه لين متى بتاجليه :(204):
ومواد مستوى ثالث سهله ماتدري عن المستويات الجاية كيف بتكون
الله يوفق لك ويسهل عليك :love080:

[to0la]

قولو اميين الله يسعدكم من اعماق قلبي اقولها ..
يعني فيه نجاح ..
انا عارفه انه صعب بس اللي سولفت معهم يقولون ماراح ننجح ..وخفت بصراح ..
ان شاء الله بتوكل ع الله وباخذه والله ييسره لنا ولكم ..
الله يجزاكم خير ياارب

[Qooot]

انا اخذته المستوى الي فات و خرجت من الاختبار وقلت برسب فيها

بصراحه انا والرياضيات والحساب والزحمه هذا اعداء ههههه :41jg::41jg:


بس الحمدلله نجحت والي اعرفهم اخذوا الماده نجحوا بعد



عموما توكلي ع الله دائما واستفتِ قلبك:icon19:

[ســــلآف]

خذيه يا قمر وراح تنجحين بإذن الله
كثير طلاب نجحوااااا الماده حلووووه
بس تحتاج لفهم وتركيز ....
بس الدكتور الله يصلحه ويهديه
ويا رب تجيكم سهله هالترم
اهم شي جيبي الكتاب وذاكري التمارين وتابعي مع الدكتور
والله يوووووفقك

[خ ـآلـد..HD]

ماأتوقع فيه أحد " أفشل " مني بالإحصاء ، لكن بنفس الوقت الطلاب اللي ينجحون بالإحصاء ماهم أذكى مني وإلا عباقرة عشان ماأقدر أتجاوزها .. صراحة توقعت أجيب فيها درجة ضعيفه لكن الحمدلله عديناها ..
نصيحتي لك : إمشي ع الخطة مع تغيير بسيط ، ولايتهرب الواحد من مواده .. لأنه مصيرها بتجيه

[adsa]

ما اذكر والله الاسئله بس الحمدلله نجحت فيه بدرجه حلوه

[يآرب التوفيق]

وانا نفس الشي طلعت من الاختبار وقلت لامحاله رااسبه وبحملها :Cry111: بس الحمدلله نجحت بمقبول + :10111:

توكلي على الله ماتدرين يمكن وقتها يتغير الدكتور او الاسئله السابقه تجي :106:

[mashair]

ياجماعه الخير ..
انا متخوفه كثير من الاحصاء ..
واجله المستوى اللي فات .. ومو معقوله بقعد اتهرب منه ..
ابي رد صحيح هل فعلا الاحصاء جايبين لهم منهج 2 بالاساله .؟؟
واللي اختبره اركز ع ايش .؟؟
وهل فيه احد نجح في ..
تكفون الله يسعدكم ارشدوني ..
كلام الناس متناقض ..
ابي اعرف هل نجح فيه احد؟؟
السلام عليكم ورحمة الله وبركاته اختي الكريمة
انا كنت متخوفة مرة من الاختبار راجعت اختبار السنة اللي قبليه مع مراجعة المحتوى والحمد لله تعديت وجبت d+وما كنت متوقعة انجح عشان الخوف . اتكلي على الله وخذيها وربنا يفرجها وتمرين.
شكرا:106:

[sabreena]

انصحك تاخذينه الحين عشان حتى لا قدر الله انك حملتيها
على الاقل تكوني اخذتي فكره عنها من ناحية ( جو الاختبار و كيف المذاكره و كيف شعورك بعد ماتخلصينها )
وبعدها بتعرفين وين تحطينها في اي مستوى .. :o

هذا لو حملتيها .. :16.jpg:

بس اتوقع تنجحين فيها لاتحملين هم من الحين :wink:
انا اخذتها صيفي والاسئله كانت حليوه مع اني ماطلعت الا اخر وحده :(269):
لانه كان مركز على الفصول الاخيره و وتحتاج حل طوييل:(269):

بس الحمدالله نجحت فيها بتقدير حلو C+ ..ـ :060:

بـ التوفيق .. :106:

[sabreena]

تكرر المشاركه :icon120:

[ماجد ولد سعيد]

السلام عليكم

مشكلة الاحصاء هو مدى فهمك للقوانين والمعادلات والمصطلحات فإذا ركزتي وفهمتي القوانين والمعادلات فأعتبري نفسك ناجحه ان شاء الله وبتفوق..

وهذه مشكلة الاحصاء القوانين لازم فهمها ثم تجربتها على المسأل بشكل عملي لكي تقدري على تجاوزها..

بالنسبة لي بالبداية كانت صعبه وأعطيتها بفترة المذاكرة 20 يوم وانا احفظ المصطلحات ومن ثم تجربتها بحل المعادلات والمسائل المتوفره والحمد لله لما استوعبت هدف الماده قدرت بفضل الله اتجاوزها

بالتوفيق ان شاء الله

[Ranaali]

اهلين اختي
انصحك تاخذينه هالمستوى ليه ؟
لان الاحصاء فترة ثانيه والمستوى الثالث كل اختبارتنا فترة اولى ماعدا علم الاجتماع السكان يوم الاربعاء
والاحصاء بيكون يوم السبت فترة ثانيه مع مادة خدمة الفرد والمجتمع وبيكون قبله يوم الجمعه يعني يمديك تراجعين مادتين لانك اكيد بتكونين مذاكرة الاحصاء قبل الاختبار بكم اسبوع لانه اخذ مني تقريبا 10 ايام مذاكرة من تعاريف وقوانين وانصحك بالكتاب اهم من الملزمة
وبقولك نصيحة مهمة الي مذاكر نجح وانا اللهم لك الحمد نجحت ولاتسمعين للنااااس كثير
والاسئلة صح كانت صعبة بس الي مذاااااااااكر نجح وبدرجة حلوه ما اقولك تفوق وسهله لا
فيها صعوبة شوي بس الحمد الله طلعنا منه والجامعه ماقصرت الي جاب 59 جبروها له ونجحوه
وعليك بالمذاكرة كل محاضره ادخلي واحفظي التعاريف والقوانين
بس انك تجين قبل الاختبار بيومين تذاكرينه مستحيل تخلصينه وتنجحين
يبيله وقت وبالتوووووووفيق

[Aula]

انا اخدت الاحصاء وصحيح انه كنت متخوفه ارسب لان حسيت الاسئله من اداره اعمال بس الحمد الله نجحت فيه

[h a n a]

توكلي على الله يااختي وخذيه والله مايضيع تعب احد والله انا طلعت من الاختبار وقلت الله يستر راسبه اكيد لكن الحمد لله نجحت جيد ☺

[الحظ العنيد]

خذيه وتوكلي على الله اﻻغلب نجحو الحمدلله

[متفاائله]

جزاكم الله خير جميعا هالكلام اللي يرفع الهمه ويزيل الخوف من قلوبنا لازم نواجه الاحصاء لانه ورانا ومصيرنا بناخذه انا عني رايحه الستوى ثاني وان شاء الله باخذه وارتاح بعدين ماادري ايش بيواجهني في المستويات القادمه واخيرا الله يوفق الجميع وتكون سنه حلوه وسهله وميسره بفضل ربي❤

[بيدو1]

خذيها وتوكلي ع الله وعن الدكتور فعلاا لاشرح ولافهم والمادة تبي فهم مو حفظ وانا حليت بالاختبار والله عشوائي والحمدلله عديتها مع اني كنت متوقعه الرسوب فيها بس نصيحه ذاكريها اول ب اول والله يكفيكم شر اسئلته احيان يشطح لخارج المنهج ويخلط المناهج مع بعض

[to0la]

الله يسعدكم يارب ع هالردود الجميله ..
ويوفقنيي ويوفقكم ..
اعجبني تفاعلكم معي وكل من رد علي يطمني ويشد من همتي الله يسعدهم ويرزقه ..
شكرا للجميع ..
عن نفسي اخذته والله يعننا ..
بس انصدمت من تغيير الدكتور ..هل و اكييد ؟؟
واذا اكيد الله يرزقنا باللي افضل منه

شكرررا

[moooon1221]

هو صح مو سهل بس توكلي علئ الله وخذيه انا ذاكرته زين زين بس الله يصلحه كانت الاسئله تبكي والله بس الحمد لله نجحت وجبت فيه 65 انتي انشالله راح تنجحين اجتهدي وخلي الباقي علئ الله

[علياء2013]

انا كمان توقعت الرسوب او على الحافه لكن عديت +c
نزلت معدلي لكن مايقول الواحد الا الحمد لله على كل شي
وانت لك الخيار والله يسهلها لك