الحذف و الاضافه

[Toome20]

السلام عليكم و رحمة الله و بركاته
و تستمر معاناة التسجيل و الشعب القليله لااعلم عن بقية المواد
و لكن اقصد شعب مواد قسم اللغه الانجليزيه بالتحديد
معاناة الشعب القليله جدا و سرعة امتلائها قبل موعد تسجيل دفعة 2012 من الاساس
سواء في التسجيل المبدأي او في تأكيد التسجيل حيث تم توسعة الشعب بالشئ البسيط جدا
او انها تمتلئ بسبب ضغط البانر مع بداية التسجيل و يتم ظلم الاغلب الذين لم تتم لهم الفرصه في التسجيل .
سؤالي ي اعزائي : متى موعد الحذف و الاضافه من القبول و التسجيل في الكليه ؟ لعل و عسى نتمكن من اضافة المواد .

ظلم اذا خلصنا كل المواد العامه و مواد التخصص مانقدر نسجلها . متى بنتخرج اذا ظلينا على هالحال
و اذا لجأنا للمسجلات في الكليه قالو مو مشكلتهم و نظل نحاول في البانر
:bawling::bawling::bawling::bawling::bawling:

[شرشرة العيد]

عليكم السلام

المشكله انهم يحطوا شعبه وحده لكل المستويات من الخامس للاخير

يعني بكذا كل المتخصصات متاخرات

وش اللي يضحكك

يوم قلت للفريدان

انو انا المفروض سنتين واتخرج وانا ماخلصت مواد المستوى الخامس وانا المفروض فالسادس حتى مواد الرابع بالموت دخلتها

يجي يقول انو انتم تدخلون متاخر وتكونون نايمين !!

حدث العاقل بما يعقل

يعني اهي ششعبه وحده اساسا ويكون فيها بنات مسجلات من قبل يعني تكون متاحه علشان عشر طالبات او اقل

وبلمح البصر تتسكر

ويقول لو انكك تقدمي خطاب كان نلتي ماتبين

وانا راسله له رساله صار لها سنتين للحين مارد عليها

واسمي بكل المواد احطه

مدري ليه الاستغفال

الى متى كل الطلبه على ماده وحده قسم بالله طفشونا

لا الكليه تفهمنا ولا رئيس القسم

مدري هم مايلاحظون ولا كيف !!

الله المستعان الظاهر بنظل سنين و عالفاضي بعد ><

نفس حالتك وكمان نفس دفعتكة

[صدفـﮧ]

اسمع عن معاناتكم
الله يساعدكم

[Toome20]

شرشرة العيد . حتى انا رسلت له ايميل و قلت له نفس كلامك قلت له ان من غير المعقول ان كل ماده تخصص تكون شعبه وحده بس و اغلب الطالبات متأخرين في اتباع الخطه من الطبيعي ان الشعب تمتلئ من تسجيل اول الدفعات و ننظلم احنا الدفعات الاخيره . قال ان تم توسعة الشعب في التسجيل المبدأي و في فترة التأكيد .اين انتم كل هذا الوقت . قلت له كفايه الضغط ع النظام مع بداية التسجيل و فتح معي الساعه 7 و كل الشعب ممتلئه . طيب و احنا خلصنا مواد عامه اذا مادخل لنا تخصص متى بنتخرج . قال ان في شعب للحين مفتوحه و لكن لا اعلم لماذا لا احد يرغب في التسجيل فيها قلت له ان بس شعب الدكتوره وضحى الدوسري و هي اغلب البنات عندها يحملو المواد يعني طبيعي اننا نتجنب ناخذ عندها . يعني احنا مخيرين ي نظل نحمل المواد بسبب سوء طاقم التدريس او اننا نتأخر بسبب قله الشعب و للحين مارد

[Toome20]

مااقول الا حسبي الله عليهم اذا هذا نظامهم . تخصص فيه فوق 400 بنت حاطين لكل ماده شعبه وحده بس .
طيب بنات محد منكم عنده علم متى يبدا الحذف و الاضافه في الكليه ؟

[رحب الفضاء]

انا يوم قلت له عن مدخل الى اللغويات قال شعبتين تكفي 160 طالبة هذا اكثر من عدد الطالبات المفترض يعني حسب بس طالبات 2013 اللي سكرت عليهم قبل يوم تسجيلهم طيب كأنه مايدري إن في طالبات كثير متعثرين بسبب ان المادة ماكانت تنزل إلا عند د وضحى واذا ماكان بياخذهم بعين الاعتبار المفروض ماتفتح المادة الا يوم تسجيلنا وفي النهاية نطلع غلطانين لأن احنه مانمشي على الخطة:cool:

[طموحها]

واي رحوب ايش هذا يكذب الكذبه ويصدقها
شنو اذا في بنات اللحين اعرفهم شخصيا اكبر مني بخمس سنين وست بعد
ماتخصصوا الا نعي وبعضهم محولين
كيف يعني
جد يستهبلون
مافي الا انهم يجبون دكاتره زياده تغطي حاجه القسم
او يشيلون الدكاتره اللي عليهم شكاوي
او
انهم
يحذفون المواد العامه انحليزي قراءه وكتابه وانجليزيه عامه
ويخلونها بس لتخصص
ويزيدون شعب التخصص
او يخذفون المتطلبات واللي يسجل يسجل المواد
والحل الاخير
ان اللي متاخر بالخطه
يحذفون منه عشر مواد علشان حنا مانتاخر على كذا كل دفعه بتتاخر ثلاث سنين

[طموحها]

تومي الاسبوع الجاي يبدا

[جومانة]

السلام عليكم ورحمة الله وبركاته
ومعاناتي تماما نفسكم والحمد لله على كل حال

أنا كنت لغة عربية وطلبت تحويل إلى الدراسات الإسلامية
ووافقوا على التحويل لأني أتمتت جميع الشروط
لكن التحويل كان على ورق فقط , وضليت سنتين حتى يتسجل عندي بالبانر أني دراسات

ويوم حولت , حولت على النصف الثاني , وأغلب المواد كان فيها متطلب سابق من النصف الأول
ما استطعت أخذ مواد كثير
والآن أنا سنة 4 , ودرست من قسم الدراسات سنة فقط
وكلما أسجل جدول , تخربه الكلية
والجميل في الموضوع مايخربون الجدول إلا وقت تأكيد التسجيل
ويكتبون عذرا تم تعديل الجدول ’ والله تم تخريب الجدول
يرحم والديكم وراء ماتعدلون الجدول وثم نسجل
مو نسجل وثم تحذفون الشعب وتقولون عدلنا جداولكم

لكن الشكوى لله يفرجها علينا

[om almaha]

سبحان الله نفسسسس المشكله بس انا زودوها معي شوي

انا دفعة ٢٠١١ يعني المفروووض خررريجه بس كالعاده متأخره عن الخطه
بسبب جداولهم اللي مثل وجوههم و توني السمستر

اللي راح اخذت مدخل لغويات عند د وضحى و حملتها و

الحين بضطر اتأخر اكثر بسبب ذي الماده

لانها متطلب لاكثر من ١٠ مواد

و لما ارسلت للفريدان ايميل اطلب منه ان يوافق ادرس

مدخل لغويات مع المواد اللي بعدها قال

اذا الطالبع تعثرث في المتطلب فمعناها راح تواجه صعوبه

في المواد اللي بعدها

و كأنه ما عنده خبر ان د وضحى تحمل البنات الماده

عشوووووائي


بس ما اقول الا الشكوى لغير الله مذله


و الحمد لله الذي لا يحمد على مكروه سواه

[حُلمْ !]

ما لنا الا الصبر :smile:
وبالنسبه للدكتور عبدالله يشوف ويسمع كلامنا بس ماينفذ الا اللي بباله
مرات اطلب منه شعب ويفتح ومرات لا يطنش
ومسأله الشعب والتسجيل كل ماتقدمتوا بالمستويات بتنحل هالمشكلة
السنة اللي فاتت بترمين كنت اسجل 5 او 6
وهالسنة لا قدرت اسجل اكثر وان شاء الله يجيكم الدور وتنحل مشاكلكم يارب
والله يسهل علينا ونتخرج :icon1:

[إيقاع الغلا]

يمة قلبي :(

[mooon_15]

زين بنات ما اقدر اسجل يدوي .؟؟

ولا خلص قفل .؟

[حُلمْ !]

^ هالاسبوع لا لانهم يقولون البانر مفتوح
ولما يسكر مارح يضيفون لك شعب مغلقه لازم تكون مفتوحه :(

[hem]

تخصص جميل
لكن جامعة الملك فيصل تخليك تكرهين التخصص بكبرهه
طاقم تدريس فاشل جدا واولهم وضحى وحليمه
واداره فاشله :)

الله يصبرنا

[حُلمْ !]

تخصص جميل
لكن جامعة الملك فيصل تخليك تكرهين التخصص بكبرهه
طاقم تدريس فاشل جدا واولهم وضحى وحليمه
واداره فاشله :)

الله يصبرنا

:sm1::sm1::sm1:
كلامك على الجرح
الله يعين :icon9:

[hem]

ترى يمكن لو نشتكي ع الدكاتره. يمكن احد يعطينا وجهه مثل ماحطوا شعب للغويات وعدوها البنات بعد ماكانتت عند وضحى فقط
لكن مادة الترجمه عند حليمه وخوف البنات ماتوقع احد اشتكى عليه :)
ارسلوا للدكتور عن مادة الترجمه :)

[حُلمْ !]

ترى يمكن لو نشتكي ع الدكاتره. يمكن احد يعطينا وجهه مثل ماحطوا شعب للغويات وعدوها البنات بعد ماكانتت عند وضحى فقط
لكن مادة الترجمه عند حليمه وخوف البنات ماتوقع احد اشتكى عليه :)
ارسلوا للدكتور عن مادة الترجمه :)

الا فيه دفعه اشتكت عليه بس هذا هو موجود
اول مره اسجل عنده وخايفه :icon9:
كيف اسلوبه ؟ مثل وضحى والا اعبر ؟

[Toome20]

حتى انا نفس الحال اخذت لغويات السمستر الماضي عند وضحى و اغلب البنات احملوها و اللي تكرمت عليهم نجحتهم ع الحفه
مع انو من المفترض انهم يتجاوزون فيها هالماده لانها متطلب
بس هم يعسرونها علينا بدل مايسهلونها
و بعدين ليه لازم تكون الشعبه مفتوحه على كذا كان دخلناها من نفسنا
بدون مانروح نذل نفسنا لهم
مااقول الا حسبي الله عليهم

[غربـة روح]

الله يكون بالعون ترى الحل جدا بسيط يفتحون شعب اكثر للمواد المهمة مدخل الى اللغويات المفروض على الاقل له 5 شعب والمواد اللي لها متطلب المفروض لها اكثر من شعبة زي ادب 17 ونظرية الترجمة وظهور الرواية يعني حرام نخيس بسبب قلة الشعب :(

[ملآك الرووح]

الا فيه دفعه اشتكت عليه بس هذا هو موجود
اول مره اسجل عنده وخايفه :icon9:
كيف اسلوبه ؟ مثل وضحى والا اعبر ؟


لو سمحتي وكيف اسلوبها هالوضحى
لاني ماخذة عندها انقلش كتابة
وخايفة احمل المادة عندها :mh12:

[Om zozo]

ملآك الرووح (http://www.ckfu.org/vb/u151234.html)
أسلوبها عااادي جداً تستهبلين ما يعجبها تمشين سيدا تحترمك
تتأخرين عن المحاظرة مرتين تنحسب لك غياب يوم .. عيبها انها غير متواجدة في الكلية غير وقت المحاظرات يعني ما تقدرين تشوفينها وجهاً لوجه ,مافي ساعات مكتبية..
اللي معفد البنات ان بعض أسئلتها مقالي ( لكن للأمانه حتى لو مقالي تبي جوابه كلمة وحدة , وإذا كان شرح تبي بالكثير جملتين) عيبها احسها ما تعطي المادة حقها في الشرح
وبسسسسسس أهم شي انتي دخلي المادة وانتي حاطة في بالك انك بتجتهدين عشان تنجحين وان شاء الله بتنجحين:smile:
وبالتوفيق :106::(204):

[حُلمْ !]

لو سمحتي وكيف اسلوبها هالوضحى
لاني ماخذة عندها انقلش كتابة
وخايفة احمل المادة عندها :mh12:
دامها مادة عامة وسهله حرام تاخذينها عند وضحى
اعرف بنات ماشاء الله شطار ماتنجحهم الا بدي وان تكرمت بسي

[إيقاع الغلا]

وت وت وت
دي او سي
يا ابووووووووووووووووي ماتخاف ربها ذي
شالنفسية و هي صغيرة معذبينها الاسااتذة ؟؟
تنتقم فينا ,!

اكلم دكتور عبدالله عن توسعة شعب قواعد منظومة نحوية راسه يابس الله يهديه
نبيهم عون مو فرعون

اذا مو قد كلمتهم لايحطون لنا خطة دراسية
ناخذ وبس مثل علم الاجتماع


قهر

[سما!]

بنات صدق مايضيفون مواد هالاسبوع يعني رحتو لهم ماضافو
الاسبوع الجاي يضيفون لي عادي؟؟؟؟؟

[طموحها]

اي ما يضيفون
الاسبوع الجاي بيضيفون بس مو للكل

[Lina.f]

وت وت وت
دي او سي
يا ابووووووووووووووووي ماتخاف ربها ذي
شالنفسية و هي صغيرة معذبينها الاسااتذة ؟؟
تنتقم فينا ,!

اكلم دكتور عبدالله عن توسعة شعب قواعد منظومة نحوية راسه يابس الله يهديه
نبيهم عون مو فرعون

اذا مو قد كلمتهم لايحطون لنا خطة دراسية
ناخذ وبس مثل علم الاجتماع


قهر

انا زيك ابي هالمادة و كلها ممتلئة!!! ماني فاهمه كيف مادة تخصص 3 شعب! افتحوا زياده ايش ضاركم! و لا وسعوها! مستعده اجيب كرسي من بيتنا بس تتسجل لي الماده و لا عادي اقعد واقفه طول المحاضره هههههه اهم شي اخذها و اعديها، حرام عليهم كل المواد كذا!

[Lina.f]

ملآك الرووح (http://www.ckfu.org/vb/u151234.html)
أسلوبها عااادي جداً تستهبلين ما يعجبها تمشين سيدا تحترمك
تتأخرين عن المحاظرة مرتين تنحسب لك غياب يوم .. عيبها انها غير متواجدة في الكلية غير وقت المحاظرات يعني ما تقدرين تشوفينها وجهاً لوجه ,مافي ساعات مكتبية..
اللي معفد البنات ان بعض أسئلتها مقالي ( لكن للأمانه حتى لو مقالي تبي جوابه كلمة وحدة , وإذا كان شرح تبي بالكثير جملتين) عيبها احسها ما تعطي المادة حقها في الشرح
وبسسسسسس أهم شي انتي دخلي المادة وانتي حاطة في بالك انك بتجتهدين عشان تنجحين وان شاء الله بتنجحين:smile:
وبالتوفيق :106::(204):

طمنتيني شوي :mh12: كل احد ما مدح لي اياها بس سجلت عندها لهالسمستر، استماع و تحدث مضطره! متأكده انها زينه؟

[Lina.f]

انا رحت لهم امس قالوا ان موظفة التسجيل للقسم بإجتماع مع العميده عشان توسيع الشعب انتظرت لين ١٢ و ما جت! قالوا استني لين نهاية تأكيد التسجيل الي هو الخميس و اذا ما فتح معك شي تعالي لنا الخميس.
مع ان انا دخلت لي ١٢ ساعه، ما اتوقع بيدخلون لي منظومة نحوية.. الىِ متى هالمعاناة! يبونا نخيس ٦ سنوات و لا ٥ بالجامعة!

[إيقاع الغلا]

امي تقول لي تؤمنين بالقدر قلت اي
قالت وكلي امرك لله و لا تهتمين لأحد شدي حيلك وبس !

و الرئيس للحين مارد شكله سحب علي :(

ويش يضرهم ان وسعوا الشعب او فتحوها ماني فاهمتهم !!

[صحراء الأمل]

بصراحة يا أخوات الجميع يعاني من تسجيل المواد ومع أن المشكلة موجودة وجميع الدفع السابقة والحالية تشتكي منها لكنهم لم يجدوا حل لهذه المشكلة والمسؤلات بصراحة لا يفيدون بشيء!!
لايضيفون مواد الا اذا كانت الساعات اقل من 12 ساعة!!
على هذه الحالة متى التخرج؟؟:Cry111
طالبات السنة التحضيرية لاتوجد لهم مرشدة أكاديمية!!:hhheeeart4:
لدينامشاكل في التسجيل جميع الشعب امتلأت لأن دفعتنا آخر دفعة بعض صديقاتي لم تدخل لهم سوى 3مواد :icon9:
أخواتي طالبات قسم اللغة الإنجليزية أشعر بمعناتكم الله يصبركم ويعجل لكم بالفرج قريبا:004:
((صبر جميل والله المستعان على ماتصفون))
يارب...:004:*

[ملآك الرووح]

ملآك الرووح (http://www.ckfu.org/vb/u151234.html)
أسلوبها عااادي جداً تستهبلين ما يعجبها تمشين سيدا تحترمك
تتأخرين عن المحاظرة مرتين تنحسب لك غياب يوم .. عيبها انها غير متواجدة في الكلية غير وقت المحاظرات يعني ما تقدرين تشوفينها وجهاً لوجه ,مافي ساعات مكتبية..
اللي معفد البنات ان بعض أسئلتها مقالي ( لكن للأمانه حتى لو مقالي تبي جوابه كلمة وحدة , وإذا كان شرح تبي بالكثير جملتين) عيبها احسها ما تعطي المادة حقها في الشرح
وبسسسسسس أهم شي انتي دخلي المادة وانتي حاطة في بالك انك بتجتهدين عشان تنجحين وان شاء الله بتنجحين:smile:
وبالتوفيق :106::(204):

زين انك طمنتيني والله شايلة هم
طيب عندي سوال
انا ابي اتخصص انجليزي لازم اخذ انقلش قراءة وكتابة قبل التخصص ؟؟؟
ولا عادي حتا بعد التخصص اقدر ادرسهم
لان مادخلت عندي الا انقلش كتابة وخايفة ما اتخصص التخصصاللي ابيه:Cry111:

[إيقاع الغلا]

ملاك يفضل تسجلين انجليزي قراءة بعد لآن وراها مواد كثيرة المتطلبات يعني

[دلع مكسيكي]

السلام عليكم لو سمحتو بنات
انا عندي ماده مابيها ابي احط بدالها انجليزي قراءه وكل الشعب ممتلئه
اقدر اضيف من قسم الرجال
لان المسؤلات اللي بالقبول والتسجيل مو راضين يدخلون لي مواد تعبونا

[راقيه بذوقي]

بنات اللي راحو القبول والتسجيل عشان يدخلون مواد عطوهم وجهه ودخلوها لكم او لا لي يومين انتظر يدخلون لي مواد وانا عدد ساعاتي بس 7 يعني 3 مواد

[AFNAN TURKI]

لو بغيت اغير شعبتي لدكتوره ثانيه وتكون الشعبة اللي ابيها متاحه
عادي اروح لهم بعد ما يقفل الحذف والاضافة ع الموقع ويدخلونها لي؟

[Norah9]

افناان


اذا متاحه غيريها من الحين وفكي عمرك وماله داعي تروحين لهم

[جومانة]

التسجيل مفتوح عجلوا بترتيب جداولكم قبل لايقفل
أو عندكم القبول والتسجيل عندنا بالكلية
أظن هذا آخر يوم أو بكرا !! مش متأكدة

[ملآك الرووح]

ملاك يفضل تسجلين انجليزي قراءة بعد لآن وراها مواد كثيرة المتطلبات يعني

كيف اسجلها والشهب مغلغة كلها .. مكسور خاطري سبب هالشي :139:

[mooon_15]

انا كمان ما تسجلت لي الا اربع مواد وكل الشعب مقفله والمواد الاربع اللي تسجلت اصلا كلها من العصر او بالمغرب والله حاله :(

+ تهقون اروح لهم ويدخلون لي كم مادة .؟

[B e s h o o]

آخر يوم متى لتسجيل المواد و اذا فيه تسجيل
اخذ معي بس صوره من الجدول .

[مروتي]

خلاص انتهى التسجيل :)

[عَناقيدْ الاشتهاءَ]

آخر يوم متى لتسجيل المواد و اذا فيه تسجيل
اخذ معي بس صوره من الجدول .

اذا تخصص قالت المسجله باكر نروح لها بيفتحون 5 شُعب..
اذا تحضيري مايحتاج جدول المهم crn ويدخلونها لك

موفقه:love080:

[queeeen]

أقدر أحذف الحين وأحط crn ثآني..؟!
لأن النظام مافتح عندي../
شسسوي الحين..؟!

[butterfly♡]

هم مافتحو البنر بس من عندهم نضيف او نحذف واليوم سكروه مالك الا تستنين شهر ويفتحون للحذف ..