أبغى شوركم كلكم بسرعة الله يجزاكم خير

[أبو رشيد]

السلام عليكم ورحمة الله وبركاته

انا الحين في المستوى السابع واعطوني 22 ساعة تسجيل :sdfgdsf:

المشكلة اني بالأنجليزي ( ميح ) :sm12:ما أعرف شيء وأجلت مادتي الإنجليزي كتابة وقراءة من الترم الثاني وناوي أخذها الحين وفيه مادتين من مستوى ثالث ورابع ( فقه العبادات 1) و( تقنية المعلومات ) ما أخذتها :mh12:

طبعاً إذا سجلت مواد مستوى سابع كلها يبقى عندي 4 ساعات :d5:

وش رايكم أخذ الإنجليزي كل المادتين والا فقه العبادات وتقنية المعلومات . :agolakser:


ملاحظة : طبعا الإنجليزي ما راح اذاكر لأني والله قبل كذا جبت مدرسين ولا استفدت شي لذلك ابدخل الامتحان كذا بدون وجع راس :019:

[المعالي غالية]

طيب وش المادتين يكونوو مافيه تعارض في جدولك ؟؟

[أبو رشيد]

فقط فقه العبادات وفقه الجنايات

[المعالي غالية]

يعني ذوﻻ نفس الفتره ماراح تقدر تاخذها اذا نفس الفتره خﻻص بتاخذ فقه العبادات في مستوى ثامن
طيب المواد اﻷنجليزيه فيه مكان لوحده في مستوى ثامن
عشان تاخذ احين وحده ماده اﻷنجليزي مع تقنية المعلومات

او اذا ودك تتخلص من اﻷنجليزي ثنتين شوف اذا فيه مكان لتقنية المعلومات في ثامن وافتك احين
ﻻ تقول تريح راسك افتحهم وذاكر حتى لو تحفظ رسم الكلمه ترا كلنا داجين بس نعرف نقراء ونحول نفهم اللي ينجحنا ونخفظه مثل الواجبات والعشرين سؤال ونشوف كم سؤال من اﻷختبار ونتوكل على الله والحمدلله نجحنا

[المعالي غالية]

بطلع احين وبرجع ان شاء الله اعطيك القرار بعد اشوي
بس اكتب لي وش ايام اختباراتهم واي فتره

[المعالي غالية]

اشوف انك تأخذ يا الأنجليزي الثنتين

او تأخذ انجليزي قراءة وتقنية المعلومات ( انجليزي قراءه لان سهل عليهم الدكتور يقولون ))

ياليت احد غيري يرد


الله يختار لك مافيه خير لك وتنجح فيهم ياكريم

[المحاضر]

خذ انجليزي قراءه الان ولا تعارض ان شاء الله وخذ الاسئله والاجابات وراجع المدرس من الان واطلب منه المهم خذ نصيحه مجرب

[عادل المطيري]

توكل على الله وتتمشي امورك انا مثلك والله مدري وين الله حاطني فيه بالانجليزي ما افهم شئ اخبص يمين يسار وامشي بالمنه وفضله

[ابن حاتم الطائي]

الانجليزي ماده عامه يعني اتاحتها في الفصل الصيفي ممكنه اما التخصص فالافضل الان من وجهة نظري

[جوااانا]

أبو رشيد >>>>الله يختار لك الخيره
أولاً وقبل إي قرار دائماً إستخير
ودام مستواك بالانقلش مش أوكي لاتجمعهم بمستوى واحد
وجهة نظر ي .
ثانياً :- كنت زيك مره متخوفه من الإنقلش وحاسه إني بجيب العيد بس ركزت على الكلمات
والقطع , ولو باقي نفس الدكتور نزلت لك الملفات المهمة والإختبار كوبي من الإختبار السابق وجبت a+ ماصدقت من الفرحة .
وكمان أزيدك من الشعر بيت في المستوى الأول أنقلش عامة ماذاكرت غير
أسئلة الامتحانات السابقة للسنه الي قبلنا فقط والكويزات :16.jpg:
ونجحت ولله الحمد لاني كنت أشوف السؤال وأفهم القرمر الخاص فيه ...
وأذكر حقيبة الدكتور فجر للإنقلش كانت منزلتها مره ساعدتنا بعد الله جزاها الله خير
ويبشرونا الي أختبرو أنقلش كتابه وقراءة أن إنقلش كتابة أسهل بكثير من القراءة
كتابة لسى ما أخذتو بس بركز على أسئلة الإمتحانات ...أفضل من فكرتك الجهنمية الي بتدخل بدون مذاكرة:sm5:

فقه العبادات 1 ومادة من الإنقلش شوف المادة الي دكتورها ماتغير . ونزل خطتك كاملة
وإذا تقدر الانقلش الثاني وتقنية المعلومات خذهم صيفي .
وإذا مافي تعارض بتقنية المعلومات خذها اللحين وافتك بس إذا في تعارض جنبها مع الانقلش بالصيف بإذن الله .
نسأل الله لك التوفيق والسداد في الإختيار :106:

[shehel1]

شوف انت الان بالمستوي السابع
خذ جميع المواد المحموله والي ماسجلتها من الاترام المتقدمه مع مادة اصول البحث العلمي من المستوي السابع هذي المواد تكون اساسيه
بعدين كمل عليها من مواد المستوي السابع
القصد من ذلك
لانه لما تكون بالمستوي الثامن قد تتعارض ماده من المواد السابقه الي ما اخذتها من الاترام السابقه مع مواد الترم الثامن
وعند تعارضها قد تعيد ترم كامل عشان المواد او الماده المتعارضه مع مواد الترم الثامن
وفقك الله

[أبو رشيد]

جزاكم الله كل خير على النصيحة

قررت بعد التوكل على الله أني أخذ الأنجليزي قراءة والإنجليزي كتابة

والله يكون بالعون

شكرا لكم مرة أخرى على النصيحة