ماخاب من استشار

[ابتسامة جوري]

اهلين وسهلين

اخبار الجميع ؟؟؟؟

ان شاء الله تكونوا باحسن حال

مابطول عليكم :sm4:

انا متوهقه ومبتلشة لان وقت ولادتي يصادف الاختبارات :Cry111:

ولا ودي ءاجل هالترم قلت بقلل المواد

سجلت فقه سيرة والاساليب الكمية وادارة مالية 2 واساسيات البحث العلمي

شو رأيكم ؟؟؟؟

كان ودي اخذ ادارة التسويق والموارد البشرية بس شفت الكل مستصعبها وكاحسيت انو فيني جهد اركز بمواد تبي تركيز :cheese:

[الغالي النفيس]

ربي يحفظك أختي
أذا تبين نصيحتي زياده على موادك خذي الموارد البشرية ولا هي مثل التسويق من وجهة نظري وهي أول يوم أختبار

[ابتسامة جوري]

واياك ..
ابي من يحمسني لها واضيفها ان شاء الله

[الغالي النفيس]

شوفي أختي أشوف أنه التسويق بحاجه الى جهد وتركيز ، بس أحس أنه الموارد البشرية هي أمتداد لمبادي الأدارة اللي أخذناها المستوى الأول يعني أشوف أنها بتكون سلسه مع تركيز أشوي لها بتعديها لأنني أطلعت عليها للمحاضرة الثالثة فعلا ماده ممتعه

[AbuRakaan]

واياك ..
ابي من يحمسني لها واضيفها ان شاء الله

تحمسي .. الموارد البشرية مادة ممتعة .. وإن شاء الله ما راح تندمين

وبالنسبة فيما يخص تأجيل الترم من عدمه .. إذا كنتي تبين معدل مرتفع
انصحك بالتأجيل لأن وقتك راح يكون صعب شوي ومزاجك أيضاً ..
أما إذا تبين بس النجاح أو تبين معدل عادي فسجلي وتوكلي على الله

وإذا تحبين التحدي وهذا شرط .. أقولك سجلي .. وراح تجيبين معدل أفضل بإذن الله

:rose::rose:

[( ابو خالد )]

انصحك بالمواد اللي بأول الجدول علشان وضعك
حتى لو اخذتي من المستويات المتقدمة
واذا منتي مستعجلة على التخرج ،، اﻷفضل تأجلين الترم كامل
ماتضمنين الزيارات المفاجئة للكتكوت

[Crazy M]

انتي نفس اختي فاجلت السيمستر

الله يسهل عليج

[ام ود]

انصحك بالمواد اللي بأول الجدول علشان وضعك
حتى لو اخذتي من المستويات المتقدمة
واذا منتي مستعجلة على التخرج ،، اﻷفضل تأجلين الترم كامل
ماتضمنين الزيارات المفاجئة للكتكوت

+1 كلام عين الصواب لاتنسي وضعك وركزي ع معدل الحين جدا مهم

وجدولك كذا كافي وافي ان شاء الله يدوب تفضي لهم:004:

ولما ربي يقومك بسلامه تعوضي حتي بمستويات الاخيره تقدري 22 ساعه تاخذي وتكون ظروفك افضل ان شاء الله

[maryam same]

اجلي الترم صديقتي تدرس زيي عن بعد ولادتها الترم اللي فات الدكتوره حددت لها موعد وكان قريب وقت الاختبار واجلت ترم وهي ولدت قبل الموعد باسبوعين والحمد الله اجلت و لا كان ابتلشت عشان كذا اقولك اجلي انتي ما تعرفين متى تولدين قبل موعد الدكعوره بيوم او باسبوع ما تدرين والله يقومك بالسلامه:106::106:

[استاذ جامعي]

انا اشوف انه بيكون الوقت لديك صعب وغير منسق وراح يداهمك نوع
من التوتر سيؤثر علي تركيزك العام .. لهذا لو يتأجل هالترم بيكون افضل
لك ولا تنسي وقت الولاده وزيارات الاقارب والاهل للملك القادم ..

هذا رائي والله يوفقك ويوفقنا اجمعين ..

[ام مووودي]

والله شوفي نفسك اذا تتوقعي انك تقدري تذاكري وتركزي مع البيبي الجديد فتوكلي ع الله وخذي نفس المواد اللي قلتي عليها
وإذا متردده فأحسن لك تاجلي
انا المستوى اللي راح كان موعد ولادتي قبل الاختبارات بشهر ونص اللي حددته الدكتوره وطبعاً أخذت زياااااده وجات الاختبارات وانا لسى بالأربعين وتوترت وقت المذاكرة انتي ماتدرين تذاكرين والا تهتمين بالمولود كل شوي وانتي عنده وكذا تتعبين
استخيري والله يكتب لك الخير
ويرزقك الساعه الطيبه ويهون عليك

[ابتسامة جوري]

يعطيكم العافية جمممممممميعا :love080::love080::love080::love080::love080::love 080::love080::love080:

تحمست اضيف الموارد البشرية

بس فكرة تأجيل الترم مش حاطتها ببالي ولا ابي افكر فيها

المواد الي خذتها قليلة وخفيفة دم نسبيا جنب المواد الثانية وكذلك فكرة التأجيل

دعمني رأيكم جدا ,,الله ييسر للجميع واتمنى لكم ولي ترم خفيف ظريف نختمه بمعدل رائع باذن لله :004: