كم واحد اخذ موضوعات خاصة في الادارة

[ღ الليدي ساره ღ]

السلام عليكم
محتارة في هالمادة موضوعات خاصة في الادارة بشوف كم واحد اخذها هالترم محتاره بينها وبين
مهارات الاتصال معاها بنفس اليوم والفترة
للحين ماخذتها وخايفة الترم الجاي تطيح على قلبي مقالي ومشاوي بدون بيبسي :000:
انا مخلصة الاستراتيجية ومواد الدين الصيفية الحمدلله
يعني اول 3 ايام اختبار جالسة اكل ليز بالملح :139: لاشغله ولامشغله
شرايكم اخذ مهارات الاتصال واخلصها والا اخذ موضوعات خاصة في الادارة
والتسجيل قفل مدري بيفتحونه ليتر والا قيم اوفر :Cry111:
وهذي لكل من يدلي بسطله مشكورا :rose:

[l a v e n d e r]

هههههههههههههـ
طيب ما يمشي ليز بالفلفل .. :5aga:

مسجلتها بإذن الله ~

وهذا الانطباع الكل يمدحها ..
http://www.ckfu.org/vb/t533508.html#post10075267

ربي ييسرها علينا ..


تصدقين .. ؟؟ :Looking_anim:

هالمادة هذا قدرها تختبرينها مع مادة ثانيه .. :16.jpg::hahahahahah:

اذكر تورطت فيها واختبرتها بيوم العقيدة << ما كانت تدري :cheese:

ربكـ ييسرها انتهي منها على خير وانتي قدها وقدوووووووود بإذن الله ي بطله :19:

[*طالبة انتساب*]

هلا بك

اخذتها ها الترم وعلى الله

[د.مسك السحاب]

انا سجلتها هالترم وعلى الله

اتوقع انها ماده سهله / اهم شي الاستعداد والتحضير المبكر للاختبار

وكل شي يهوووووون

[د. نملة]

انا مسجلتها بدل الادارة العامة

ومتفائله فيها خير ان شاء الله:53:

[Tornado]

المادة سهله بس طويله ودسمه بما انك خلصتي الاستراتيجية ومواد الدين فتوكلي على والله يوفق الجميع

[فروله فروله]

انا سجلتها

[ღ الليدي ساره ღ]

هههههههههههههـ
طيب ما يمشي ليز بالفلفل .. :5aga:

مسجلتها بإذن الله ~

وهذا الانطباع الكل يمدحها ..
http://www.ckfu.org/vb/t533508.html#post10075267

ربي ييسرها علينا ..


تصدقين .. ؟؟ :Looking_anim:

هالمادة هذا قدرها تختبرينها مع مادة ثانيه .. :16.jpg::hahahahahah:

اذكر تورطت فيها واختبرتها بيوم العقيدة << ما كانت تدري :cheese:

ربكـ ييسرها انتهي منها على خير وانتي قدها وقدوووووووود بإذن الله ي بطله :19:




ههههههههه لا انا تخصص ملح وجبنه >> فاره :16.jpg:

الله يجزاك خير شجعتيني ياقلبي كنت بحذفها بعد ماسجلتها واسجل مهارات الاتصال
لكن حرام مسموح لي 22 ساعه واخذ 13 ساعه وربي غبن :Cry111:

بس الظاهر يالغلا مافهمتي علي انهم كلهم بفترة وحدة :000:
من ناحية بطله اشهد اني بطله يوم كسبت صداقة احلا مستوى بحياتي :love080::106::cheese:

[ღ الليدي ساره ღ]

هلا بك

اخذتها ها الترم وعلى الله

ربي يوفقك ويوفقنا اجمعين
لكن خايفة ياناس من مقالي المهارات شسوي وكلهم بفتر وحدة وسوست :007:
ولو اخذت المهارات يصير عندي بس 13 ساعه 4 مواد 3 ساعات والمهارات ساعه قهر والله وانا مسموح لي 22 ساعه
حسبي الله عليكم ونعم الوكيل ياللي حطيتوا هالجدول ذا الترم :41jg:

[ღ الليدي ساره ღ]

انا سجلتها هالترم وعلى الله

اتوقع انها ماده سهله / اهم شي الاستعداد والتحضير المبكر للاختبار

وكل شي يهوووووون
والله انك صادق ربي يوفقك
لكن حنا شعب متاثر بسندريلا مايذاكر الا ليلة الاختبار لاطقت الساعه 12 منتصف الليل جتنا ام الركب :tongue:
وكل ترم نقول الترم الجاي نبي نذاكر بدري وتمر السنون وتطيح السنون وابو طبيع مايخلي طبعه :019:
الحمدلله الغالبية يمدحون الماده الف شكر :rose:

[ღ الليدي ساره ღ]

انا مسجلتها بدل الادارة العامة

ومتفائله فيها خير ان شاء الله:53:
الله كريم يوفقنا ويوفقكم
لكن مارديتوا علي ياقلبي شسوي بالمهارات
قولكم الترم الجاي فيه كائنات كثيرة تختبر معاي والا بختبر لحالي مقالي وفوق راسي 5 مراقبات وانبوبة اكسجين :000:
مشكورة ياقلبي عالمساعده :rose:

[ღ الليدي ساره ღ]

المادة سهله بس طويله ودسمه بما انك خلصتي الاستراتيجية ومواد الدين فتوكلي على والله يوفق الجميع
الله يجزاك خير ويسهل لك
اي والله خلصتهم اقاعدين نضغط على نفسنا وناخذ مواد ونخلصها وصيفي بنص رمضان ندرس ونذاكر ونختبر
بنفتك بالمستويات الجاية وهم مستقعدين لنا حاشرين 4 مواد ورى بعض ضاقت عليهم هالاسبوعين الله يضيق عليهم :139:
وربي متحطمة ومزنوقة حدي :verycute:
عندي 22 ساعه ولا قدرت ارتب لي جدول مثل الخلق :sm1:
الف شكر ربي يوفقك :rose:

[ღ الليدي ساره ღ]

انا سجلتها
ربي يوفقك ويوفقنا ياقلبي
الف شكر عالمساعده :rose:

[ღ الليدي ساره ღ]

ياعيال ويابنات بيفتح التسجيل ثاني والا خلص
تكفون والله احترت معاي 22 ساعه ومااخذت الا 15 ساعه ولو بحذف موضوعات خاصه في الاداره 3 ساعات
واحط بدالها مهارات الاتصال ساعه بيكون عندي بس 13 ساعه غبنه :verycute:
امشي عالخطه والا اخذ من مستوى ثامن والا شسوي الله ينور بصيرة من يدلني ويوفقه يااااااارب :sm1:

[وردة الحجاز]

معاكم ،،،

[ابوإلياس]

سجلت المقررمن اول يوم تسجيل.....مادة مرتبه دكتور
توقيت....:cheese:
لكن ياساره شوفي هالموضوع بالمستوى8 بخصوص التعارض.....وعطينا توقعاتك بخصوص الماده تقدم تؤخر.....:Looking_anim:http://www.ckfu.org/vb/t552134.html

[بندر العسيري]

ياعيال ويابنات بيفتح التسجيل ثاني والا خلص
تكفون والله احترت معاي 22 ساعه ومااخذت الا 15 ساعه ولو بحذف موضوعات خاصه في الاداره 3 ساعات
واحط بدالها مهارات الاتصال ساعه بيكون عندي بس 13 ساعه غبنه :verycute:
امشي عالخطه والا اخذ من مستوى ثامن والا شسوي الله ينور بصيرة من يدلني ويوفقه يااااااارب :sm1:
حرام عليك ..هذي ما يبي لها نشدة شيخ على قولتهم .. خذي من مواد 8 وكملي 22 ساعه لأن اصلا ماراح تكرر اسئلة الاترام السابقه بالمررره علشان كذا خلاص الغوا الحركه هذيك .. قهررر :verycute: .. المهم التسجيل بيفتح مره ثانيه بكرا السبت .. وتوكلي على الله والله يوفقك . ونصيحه خذي موضوعات في الاداره وخلي المهارات بعدين لاحقه على ساعه وهي سهله اصلا ... انا سجلتها هالترم بعد ... والله يوفقك ويختار لك الخير

[@ابو فيصل@]

انا اخذت الماده
ونصيحه سجلي من مواد مستوى 8 اذا مافيه تعارض مع باقي موادك

[بو فروحه]

وانا

[ابوحاتم000]

وانا بعد مسجلها

[نسيم الصبا]

اول شي نصيحة..
سجلي مهارات الأتصال،العدد اللي بيسجلها كثير،وكمان مع كل دفعه تتخرج ترى العدد يقل..
الشغلة الثانية
اذا انتي مخلصه المواد كلها من المستويات اللي قبل ومو متأخره في مواد خليك على مواد سابع +مهارات يعني 16ساعة..
والمستوى الثامن بماانك مخلصه المواد العامة يبقى معك خمس مواد ب 15ساعة..
يعني أمورك ماشاءالله تمام ،ليه تضغطي على نفسك والمواد الباقية قليل..
كلي ليز بالملح والجبنة:16.jpg: تستاهلي.

[نُـوْوتْ]

خذي مواد سابع + مهارات إتصال + تعاقد وتفاوض لها مكان بسابع وحلو مكانها = بكذا يكون عندك 19 ساعة

موفقة

[KFU STUDENT]

سجلي عندك كل طلاب وطالبات ثامن بياخذونها:oao:

[tµ£!p]

اختي انا اشوف الافضل تسجلين مهارات الاتصال هالترم وحاولي تخلصين موادك المتاخره وامشي ع خطتك

لان ماتضمنين يمكن الترم الجاي يتغير الجدول وتتعارض مادة المهارات مع ماده اخرى ..

انا بسبب تأجيل المواد المتاخره صار عندي تعارض مع كذا مادة والمفروض اكون متخرجه هالترم لكن قدر الله وماشاء فعل ..:rose::rose:

[ღ الليدي ساره ღ]

معاكم ،،،
بالتوفيق ياقمر :rose:

[ღ الليدي ساره ღ]

سجلت المقررمن اول يوم تسجيل.....مادة مرتبه دكتور
توقيت....:cheese:
لكن ياساره شوفي هالموضوع بالمستوى8 بخصوص التعارض.....وعطينا توقعاتك بخصوص الماده تقدم تؤخر.....:Looking_anim:http://www.ckfu.org/vb/t552134.html

والله يابو الياس اخنقني بقرطاسة الليز ان فهمت شي :lllolll:
انت سجلت ايهم المهارات والا الموضوعات
بخصوص الرابط فرحت لكن مالبثت ان نشقت من الحزن :sm18: الخبر يخص الخريجين مستوى ثامن
مع اني غردت للعنقري الحين اخذت حسابه من نفس موضوع الرابط الله يجزاك خير ويوفقك :rose:
على الله مايكشف اني بمستوى سابع واني قاعدة اجلدهم واصلخهم من 7 اترام هنا في الملتقى :hahahahahah: :16.jpg:

[ღ الليدي ساره ღ]

حرام عليك ..هذي ما يبي لها نشدة شيخ على قولتهم .. خذي من مواد 8 وكملي 22 ساعه لأن اصلا ماراح تكرر اسئلة الاترام السابقه بالمررره علشان كذا خلاص الغوا الحركه هذيك .. قهررر :verycute: .. المهم التسجيل بيفتح مره ثانيه بكرا السبت .. وتوكلي على الله والله يوفقك . ونصيحه خذي موضوعات في الاداره وخلي المهارات بعدين لاحقه على ساعه وهي سهله اصلا ... انا سجلتها هالترم بعد ... والله يوفقك ويختار لك الخير
بندر انا خلاص من الترم الخامس انتظمت عالخطة تقريبا يعني الحين ماعندي مواد ناقصة الا المهارات عرفت
ولو زنقت نفسي واخذت 22 ساعه بيبقى لي الترم الثامن 3 مواد والرابعه المهارات في حال مااخذتها
وبرجع باقي الاسبوعين اجيب كرتون ليز واتلفت لحالي :139:
ف ليش اضغط على نفسي والعب في المعدل وانا الترم الجاي مخلصه منه مواد الدين الصيفية وبيبقى لي بس 4 مواد اذا خلصت مهارات هالترم :000:
وبرضو مافهمت عليك اخر كلمتين تقول انا سجلتها هالترم تقصد المهارات والا الوضوعات ربي يوفقك على مساعدتك وينور دربك :106:
وربي وسوست استغفر الله :Cry111: الله يعجن صدام سيارتك اليوم العصر ياللي حطيت الجدول :017:

[ღ الليدي ساره ღ]

انا اخذت الماده
ونصيحه سجلي من مواد مستوى 8 اذا مافيه تعارض مع باقي موادك
هذا انا اخذت الجودة وموضوعات خاصة في الادارة :119:
لكن خايفة من المهارات لايقلبونها على راسي اخر ترم مقالي وانا الذاكرة عندي تهرب يعني ماني وجه مقالي :bawling::007:
ياعالم شوروا علي موضوعات خاصة والا مهارات اتصال تكفوووون هيلب مي يالنشامى :bawling:
الله يجزاك الف خير عالمساعده وربي يوفقك :rose:
والله ناس كثير ماخذين المادة حرام احذفها لعيون المخيسة مهارات ولا وساعه وحدة ياطر جيبي طراااااااه :41jg:

[ღ الليدي ساره ღ]

وانا


وانا بعد مسجلها

ارحبوا يالذيابه :mh001: والله كمية لايستهان بها من فطاحلة ونابغي المنتدى ماخذين المادة :33_asmilies-com:

تدرون حشر مع الناس عيد :sm12: ماني بحاذفتها وخل المهارات تخيس للترم الثامن
مقالي والا مشاوي منقل ابو كمال والا ان شاء الله مندي عالفحم ماعاد تفرق معي :16.jpg:
صامدون صامدون :Cry111:

[ღ الليدي ساره ღ]

اول شي نصيحة..
سجلي مهارات الأتصال،العدد اللي بيسجلها كثير،وكمان مع كل دفعه تتخرج ترى العدد يقل..
الشغلة الثانية
اذا انتي مخلصه المواد كلها من المستويات اللي قبل ومو متأخره في مواد خليك على مواد سابع +مهارات يعني 16ساعة..
والمستوى الثامن بماانك مخلصه المواد العامة يبقى معك خمس مواد ب 15ساعة..
يعني أمورك ماشاءالله تمام ،ليه تضغطي على نفسك والمواد الباقية قليل..
كلي ليز بالملح والجبنة:16.jpg: تستاهلي.

ههه ياقلبي تستاهلين القلب :love080:
مواد سابع مخلصة منها الاستراتيجية يعني عندي 15 ساعه بس الحمدلله
ومواد ثامن مخلصة منها الأخلاق الإسلامية والقضايا ماشاء الله علي تف تف :16.jpg:
يعني برضو باققي لي 15 ساعه + العله المهارات ساعه
فقلت يابنت كذا والا كذا باقي لك 11 مادة مع المهارات اقسمهم بالراحه على فراغه :33_asmilies-com:
لكن طلعولي بقصة المهارات والمقالي وخمتني ام الركب :eek:
مع ان الترم الثامن بيصير عندي 3 مواد ورى بعض في حال ماتغير الجدول الله يوريني فيهم يوم :017:
لكن نقوب عل وعسى يصير فيه اصلاحات بالدستور :000:
الف الف شكر ياقلبي عالمساعده وموفقه :106:

[ღ الليدي ساره ღ]

خذي مواد سابع + مهارات إتصال + تعاقد وتفاوض لها مكان بسابع وحلو مكانها = بكذا يكون عندك 19 ساعة

موفقة

ياقلبي مواد سابع مخلصة منهم الاستراتيجية الترم اللي راح
يبقى لي 15 ساعه
وبما ان الجدول دمار و4 مواد ورى بعض صرت اشكل بين المستوى السابع والثامن :000:
ولو اخذت تعاقد وتفاوض بزنق نفسي 3 ايام اختبار ورى بعض
باقي لي 5 مواد من السابع و5 مواد من الثامن + مادة المهارات
لكن اللي متورطة فيها وناشبة في حلقي المهارات مالقيت لها مكان :sm1:
عسى يشبون عليهم مستوى ثامن الخريجين ويغيرون يومها :139:
الف شكر لك ياقلبي وموفقه خير :106:

[ღ الليدي ساره ღ]

سجلي عندك كل طلاب وطالبات ثامن بياخذونها:oao:
ههههه تدرين اني ناسيتكم الله يصلحكم ويوفقكم هههههه:hahahahahah:
اقولك الذاكرة ماش تهرب بقوه هههه
ربي يوفقك ويسهل امرك :106:
لكن بالله ان صدتوا خبر وردوا عليكم بخصوص تعارض العلة مهارات علموني :Cry111:

[ღ الليدي ساره ღ]

اختي انا اشوف الافضل تسجلين مهارات الاتصال هالترم وحاولي تخلصين موادك المتاخره وامشي ع خطتك

لان ماتضمنين يمكن الترم الجاي يتغير الجدول وتتعارض مادة المهارات مع ماده اخرى ..

انا بسبب تأجيل المواد المتاخره صار عندي تعارض مع كذا مادة والمفروض اكون متخرجه هالترم لكن قدر الله وماشاء فعل ..:rose::rose:



يااااربي كل مااقول خلاص اقتنعت بأجلها للترم الجاي تخوفوني :sm1:
عاد والله ان ماتغير جدول ثامن اني بروح فيها بقوة عندي 3 مواد ورى بعض ياااارب اني داخله عليك :Cry111:
اجل بعيد حساباتي اليوم بدور مادة تعوض 3 ساعات مع المهارات ساعه بيصيرون 16 ساعه :Looking_anim:
ان لقيت كان بها وان مالقيت امر الله اقوى الشكوى لله 15 ارحم عاد من 13 ساعه :139:
الف شكر ياقلبي ولاتندمين على شي عساه خيره :106::004:

[نُـوْوتْ]

سارة أنا بعد أجلت الإستراتيجية من سابع عشان أخذ المهارات مو عاجبني جدولي عشان ساعاته قليلة

بس وش أسوي ماأقدر أخذ سبع مواد

[ღ الليدي ساره ღ]

انا مثلك مترددة وخايفة من المقالي فعلا كلمالها يقل عدد اللي ياخذونها لانها مادة محذوفة عالاترام الجاية
الله يكتب لنا اللي فيه الخير