صديقي حمل جميع مواد مستوى 1 نصايحكم له

[aa2aa]

السلام عليكم ورحمة الله وبركاته

اخواني احد اصدقائي دفعة 2014 حمل جميع المواد بسبب اهماله وبسبب درجات المشاركه الرجال مو عارف النظام صح للأسف واكثر درجه مشاركه خذها 12 وما انتج كثير بالاختبارات وبالتالي حملهم كلهم

المهم المتاح له الان 18 ساعه ونزل هذه المواد يقول يبي شيء سهل عشان ينجح ويرفع المعدل علما ان المعدل حاليا 1 بالتمام والمواد اللي نزلهم الان 12 ساعة

المواد اللي نزلها حاليا

ادارة اعمال
قانون
صحة ولياقة
قضايا ثقافية معاصرة
الأخلاق اسلامية واداب المهنة


هل هناك ماده سهله تقترحون له اضافتها ولايكتفي بهذه حاليا

[اصلا عادي]

اخوي نفس صديقك حامل كل المواد وابغاء اسجل المواد له ورافض النظام البانر يفتح من اصله:bawling:

[سامي-]

انت وش قلت له بما انك مستوى سابع

[aa2aa]

انت وش قلت له بما انك مستوى سابع

حلو السؤال

بصراحه انا بالنسبه لي واحد دايما انزل اقصى حد من الساعات وقلت له ضيف اقصى حد من الساعات قالي انا ابي شيء سهل اضمن بنسبه كبيرة بإذن الله اني انجح فيه وبدرجه عاليه اذا فيه مواد زي كذا غير اللي نزلت لي ؟

بصراحه انا نسيت المواد اللي درست ووش السهل والصعب باسثناء القضايا والاخلاق لأني كنت منزلهم بالصيف

[دانة وسط البشر]

الله المستعان:mad:

[aa2aa]

الله يعطيكم العافية

[ابن خلدوون]

لايوجد شيء سهل والنجاح مضمون ..

المسألة تحتاج اهتمام والحصول على درجات المشاركة كاملة لتساعدة على النجاح ..

نصيحتي له أن يهتم من بداية الفصل بتحميل المحاضرات وحل الواجبات والمشاركة بالنقاشات كاملة ..

كذا يضمن بمشيئة الله ( 30 ) درجة للأعمال الفصلية ..

وأيام الإختبارات يركد بالبيت ويذاكر الكتاب من الجلدة للجلدة .. يعني يسهر ويلخّص ويحدد الأشياء المهمّة وكل شيء ..

إذا كان ماتعلّم من اللي حصل له وناوي يستمر على نفس الوضع ( كأنّك يابو زيد ماغزيت )

[saif88]

خل خويك ينسحب من الجامعة لانه باين عليه مو صاحب دراسة

أقل شيء يوفر دراهمه
أو خله يجرب حظه بجامعة ثانية
لأن اللي هذا اوله ينعاف تاليه
ولحد الحين ما دخل بالدسم

[~النايفه~]

خل خويك ينسحب من الجامعة لانه باين عليه مو صاحب دراسة

أقل شيء يوفر دراهمه
أو خله يجرب حظه بجامعة ثانية
لأن اللي هذا اوله ينعاف تاليه
ولحد الحين ما دخل بالدسم
ابدآ لاتكون هكذا النصيحهه ..قل خيرآ او اصمت ..وانت لاتعلم ماهي ضروف الرجل ..بالعكس اتمنى انه يشد حيله ويجتهد وان شاء الله يعدي بإذن الله

[Ronin]

يا يعيد نفس المستوى إذا وافقو له وربي يهديه ويمشي على الخطه ويذاكر
والا لا يسوي زحمه و يجيب لنا الكلام إذا مو راعي دراسة
ومسألة مو عارف النظام ليه أنت ماعلمته بالنظام دامك خويه وخايف عليه ؟
وليه خويك ماتعب وكتب الموضوع عنك ؟ =====> لاتقول مالك شغل ههههه
دامه مو مهتم بنفسه يعني انت مهتم فيه أكثر من نفسه ؟

الله يهديكم بس وسامحني أخذت راحتي شوي

[راكان5555]

خله ينزل المواد اللي حملهن عشان يمشي صح

[ولد حبيل]

نصيحتي له أن يهتم من بداية الفصل بتحميل المحاضرات وحل الواجبات والمشاركة بالنقاشات كاملة لا يؤجل عمل اليوم الي غدا



الله المستعان ما في داعي الخسارة
:oao:

[shatila]

الله يوفق الجميع فيه ماده حلوه واشوف انو افضل ياخذها بس يذاكرها


اساسيات البحث العلمي---- مهارات البحث والتفكير سابقا مستوى رابع

[hunter4501]

قوله يرجع ينزل نفس المواد ويذاكر كويس والله يعينه ، لأنه إذغ نزل مواد تختلف تطلع عليه في السمسترات الاخيرة ولراح يصير عنده تعارض مثل بعض الشباب في المنتدى

[aa2aa]

اخواني الله يعطيكم العافية
اولا الرجال تو الحين جاني يبي الفزعه قبل عرضت عليه المساعده وقالي انه عارف نظام درجات المشاركه ولكن اتضح ان عكس ذلك تماما

ثانيا الرجال قصده من موضوع السهوله ان يبي شيء يعينه على رفع معدله يعني مايبي دسم ومعدله داج حاليا


الله يسامح كل شخص رده سلبي
وجزاكم الله خير