تسجيل الدخول

مشاهدة النسخة كاملة : المناقشات الاسبوعية تعتذر جامعة الملك فيصل عن قبول خريجي بكالوريوس الانتساب للدراسات العليا

2OTY
2014- 2- 4, 10:01 AM
اليوم ونا افرفر على برامج الدراسات العليا
شفت شي صدمني بصراحه لا ومن نفس الجامعه الي ادرس فيها

بالخط الاحمر باول الصفحه تعتذر جامعة الملك فيصل عن قبول خريجي بكالوريوس الانتساب

يعني لها الدرجه مو واثقين بدراسه طلابهم عن بعد ولا ايش مع العلم مفروض انها تكون اول جامعه ترحب بالدارسين عن بعد
http://www.kfu.edu.sa/ar/Deans/HigherStudies/Pages/Rolls.aspx


:icon9::icon9:
ساهر666
2014- 2- 4, 10:13 AM
قويه في حقنا
~Mr-Dunhill
2014- 2- 4, 01:38 PM
الله لا يشكر فضلهم , أمريكا على الذمة وبخشم ريالي
طموح فتاه
2014- 2- 4, 02:01 PM
هذا اعتراف صريح منهم أن شهادتهم لاتسمن ولاتغني من جوع
المفروض نظالب بدراسة سمستر أو سنه انتظام لتغيير مسمى الشهادة من انتساب إلى انتظام أسوة بالجامعه السعودية الاليكترونية
من زود التطور والتشجيع على العلم قالوا لك مقاعد الماجستير محدوده جداً والمنتظم أولى بها
والمنتظم ياخذ مكافئة والمنتظم شهادته أحسن
مدري متى بيتطورون أذكر إني قريت مره تؤام سيامي راسين بجسم واحد الحمد لله على العافيه مدري من أي جنسية المهم أجنبيه أعتقد أمريكان أو كنديين رغم أنهم توأم سيامي إلا انهم مُعلمات وكل وحدها لها حصصها المستقلة والله لو عندنا بيصيرون مُدرسات كان حتى الروضه ماتبيهم
inspector.
2014- 2- 4, 03:10 PM
مايشوفون شر

بس تهقون ان شهادة الانتساب خرطي

مين فيكم يتذكر قبل 7سنوات او اكثر كلية الشريعه مسويه دراسة انجليزي سنتين وبعد التخرج راح تصير مدرس ابتدائي بـ 25 الف ريال تقريبا المهم بعد التخرج سحبو عليهم سحبه ابو كلب وفلوسهم راحة بالمشمش توهم قبل كم شهر راجعه لهم بعد ما تعب معاهم محامي


الزبده تعرفون احد تخرج الدفعه اللي راحة او اللي قبلها وش سوا وش وضعهم ولا راح نصف جنبهم بعدين ؟
أمل النور
2014- 2- 4, 03:20 PM
من وين هل كلام انا دخلت وماشفت هذا الربط الانزل الموضوع يسدح الرابط
كثيرر الصور الانشوفها
aneen
2014- 2- 4, 03:40 PM
لاتخلون جامعة فيصل تهدم حلمكم
فيه جامعات غيرها وافضل للماجستير
كملوا واخذوا الوثيقة والله يفتح لكم من باب الف باب
واذا هي ماتبي طلابها فيه جامعات ان شاء الله افضل منها بترحب بالكل
فضيل
2014- 2- 4, 04:51 PM
هذا دليل ان تدريسهم أي كلام
عـبـدالـلـه
2014- 2- 4, 07:27 PM
شر البليه ما يضحك
S T O P
2014- 2- 4, 08:26 PM
اترك جامعة الملك فيصل
بدالها ألف جامعة تقبل طلاب الانتساب لبرامج الماجستير

لكن شف هذا الخبر :icon9:
http://www.ipa.edu.sa/Arabic/Careers/Pages/job4.aspx

أن يكون حاصل على درجة البكالوريوس (إنتظام)

:Looking_anim:
inspector.
2014- 2- 5, 10:57 AM
اترك جامعة الملك فيصل

بدالها ألف جامعة تقبل طلاب الانتساب لبرامج الماجستير

لكن شف هذا الخبر :icon9:
http://www.ipa.edu.sa/arabic/careers/pages/job4.aspx

أن يكون حاصل على درجة البكالوريوس (إنتظام)


:looking_anim:



عيال "إنتظام" لهم الحق لكن عيال "إنتساب" اللي تسوي قهوه مالهم الا الغنم

بس تبون الجد عيال انتساب ماوراهم الا الدجه
ابوعبدالله2020
2014- 2- 5, 12:35 PM
الله يعطيكم العافيه جميعا ...وش ذ الكلام اللي يقول هذا يدل على ان شاهدتهم خرطي ...كلام غير صحيح في ناس اعرفهم توظفوا فيها وناس موظفين ترقوا فيها ..وبالنسبة للماجستير عد واغلط في الجامعات اللي تمنح ماجستير بالخارج ..مو شرط لازم بالداخل ..انتوا لو تقرون السيفيه لاي دكتور نادر جدا تلقاه حاصل على الماجستير او الدكتوراه من جامعه سعوديه كل شهاداته العليا من برى المملكة ..لاتنسون في دول عربيه تمنح الماجستير والدكتوراه مثل مصر .الاردن .السودان ، دول الخليج .اتمنى لكم التوفيق والنجاح وقوة العزيمه للجميع .
طموح فتاه
2014- 2- 5, 02:10 PM
عيال "إنتظام" لهم الحق لكن عيال "إنتساب" اللي تسوي قهوه مالهم الا الغنم

بس تبون الجد عيال انتساب ماوراهم الا الدجه

مُمكن مُترجم..؟؟ :icon120:
al-otibi
2014- 2- 5, 04:50 PM
مُمكن مُترجم..؟؟ :icon120:

هههههههههههه

مشكله انك تتحطم اخر ترم ع التخرج

بنسبه لى نفعتنى في نقاط الترقيه

وعلى وشك اترقى

والماجستير الجامعات جديده فاتحه في كل مناطق المملكة محتاجين معديين.
فضيل
2014- 2- 5, 09:50 PM
هههههههههههه

مشكله انك تتحطم اخر ترم ع التخرج

بنسبه لى نفعتنى في نقاط الترقيه

وعلى وشك اترقى

والماجستير الجامعات جديده فاتحه في كل مناطق المملكة محتاجين معديين.

ما أداني التدريس، والا كان على طول معيد!

شوف الدكتور الملحم معيد مبتعث، وهو مامعه الا البكلوريويس
ألماااااس
2014- 2- 5, 11:45 PM
يجيب الله خير
Kadi li
2014- 2- 6, 02:05 AM
مستغربة ..طيب لو جبت لي منحة ..انا اصلا مش سعودية ..بيقبلوني ؟؟؟؟؟
Kadi li
2014- 2- 6, 02:06 AM
وفي واحد من الخريجيين اعتقد انه مش متخصص انجليزي لكن بيدرس ماستر وببعثة داخلية ..ايش الهرجة ...بالمناسبة في جامعات ثانية تقدم برامج الماستر ثاني شيء اصلا مافي ماستر للانجليزي بفيصل
سـّـوِيرآڽ
2014- 2- 6, 08:33 AM
ما شاء الله هم يخرجونا وهم بنفسهم يطردونا


هههههههههههههههههههه لا تعليق اكثر
توقآ
2014- 2- 10, 04:50 PM
:sm18:الله يعطيكم العافيه جميعا ...وش ذ الكلام اللي يقول هذا يدل على ان شاهدتهم خرطي ...كلام غير صحيح في ناس اعرفهم توظفوا فيها وناس موظفين ترقوا فيها ..وبالنسبة للماجستير عد واغلط في الجامعات اللي تمنح ماجستير بالخارج ..مو شرط لازم بالداخل ..انتوا لو تقرون السيفيه لاي دكتور نادر جدا تلقاه حاصل على الماجستير او الدكتوراه من جامعه سعوديه كل شهاداته العليا من برى المملكة ..لاتنسون في دول عربيه تمنح الماجستير والدكتوراه مثل مصر .الاردن .السودان ، دول الخليج .اتمنى لكم التوفيق والنجاح وقوة العزيمه للجميع .


واللي مو متوظفين ويدرسون عشان الوظيفه


ش وضعهم ؟!



اتوظف ب شهادة الثانويه وبعدين اقدم بكالوريوس انتسآب


منو بيوظفني بالثانويه ؟
Ma Arwa3K
2014- 2- 11, 01:08 AM
المفروض نرفع قضية تفصل فيها المحكمة أو ديوان المظالم
الجامعات الثانية ترفض شهادتنا اوكي معقولة ، بس نفس الجامعة هذا استهتار بالطلاب وبنظام التعليم في المملكة!
ربيع الزهر
2014- 2- 11, 08:43 AM
السلام عليكم

لا زالت الانظمة في جامعاتنا وبلدنا انظمة عقيمة
الانتساب موجود في الخارج من زمان واحنا يوم لحقناهم لازلنا بنظام عقيم
اعتقد كل هدفهم من الانتساب جمع فلوس لكن ما اجتمعو واقرو ووضعو قوانين تحمي طلاب الانتساب
وللمعلومية احبتي انا اعرف ناس كثير انتظام ومع الاسف مستواه سيء جداً ،
المفروض يكون في تدريب ميداني لطلاب الانتساب لدعمهم
2OTY
2014- 2- 11, 11:57 AM
لاحول ولاقوة .. والشكوى لله
بس الي طموحه فوق ولا شي بيوقفه

الله يفتح لنا وينور علينا .. ويفتح لنا مو بس باب مليون باب

بالتوفيق للجميع
تخطيت السحاب
2014- 2- 12, 11:24 PM
الله المستعان