اكتبوا مشاكلكم كلها هنا..

[أم العنود]

السلام عليكم
اخباركم؟؟

بناتتت ولا عليكم امر اكتبوا مشاكلكم اللي تواجهكم كلها هناا


طبعا اعرف ان مو كل طلباتكم رفعت للمدير بالاجتماع بعضها مزعوا الاوراق وبعضها وقفوا بوجهكم وقوالوا ماتطرح ع المدير



كتبوا كل شي يواجهكم من .... الى .................


حاولوا الله يجزاكم خير تحصون المشاكل اليوم..

[ميمي م ع]

انا خريجه من 6سنوات يعني قبل دمج الكليه مع جامعه فيصل. والان السجل الاكاديمي تبعي ضايع ودي اطلع بداله وين ااروح في جامعه فيصل وهل يطلعون لي بداله من هناك ياليت احد يرد علي

[درة الكوثر]

نريد من العماد الي الخاصة بترتيب وتنسيق الجداول

ان ترجع لنا التريب السابق محاضرتين فقط في الأسبوع

لأن الترتيب الجديد اتعبنا جدااااااااا جداااااااا

وبالخصوص نحن طالبات الرياضيات أغلب دوام الأيام من الصباح الي 5 المغرب

يعني متى نرجع ونرتاح ونذاكر ونشوف أشغالنا


نتمنى النظر في هذا الأمر لأهميته

[ديار]

دورات المياه وانتوا بكرامة

اهمال مو طبيعي

نصها مقفل خربان

واللي مو مقفل بعد خربان

والساعة ٢ ما تحصلين فيها ماي

طيب احنا نداوم النهار كله

شالحل

[مريم بنت فهد]

ليش الى الان مافتحوا مبنى مطاعم ترا حنا تقعد الين ساعة 5 يعني مفروض في وجبه غدا محترمه يعني ما تنفع السندويشات ولا اذا طلبنا من مطعم خلوه يدخل مو تطردونهم http://www.ckfu.org/vb/images/smilies/mad.gifhttp://www.ckfu.org/vb/images/smilies/mad.gif

[مريم بنت فهد]

بعدين في مشكلة ثانية ليش اسماء الاستاذات في البنر غير الي يجونا



نرجو الالتزام بالاسماء الاستاذات والدكاترة http://www.ckfu.org/vb/images/smilies/mad.gifhttp://www.ckfu.org/vb/images/smilies/mad.gif

[الهنوف .]

يرجع النظام زي ما كان محاضرة او محاضرتين بالاسبوع
اما تقسيمهم الحين مو حلو وتعب علينا زي ما قالت درة الكوثر
هالشي بنظرنا متعب جدا
من ناحية التركيز هي كذا كذا اللي بيركز بيركز واللي لا لا , ياليت يشوفون الشي اللي يريحنا :d
مو حاله دوام من 7:30 الى الظهر عشان 5 محاضرات وراء بعض


*


نبي لواكر نبي لواكر نبي لواكر نبي اماكن نجلس فيها براحتنا مو كل اشوي يجون الامن يقلعونا
مو حاله ذي مع الامن معليش يعني كل واحد يسوي وظيفته صح بس مو كذا كاننا جايين فوق راس حد
اغراضنا حذفوها بالارض او برا المبنى , من الاماكن قلعونا كل ما جلسنا مكان قالو تعهد !
متشددين مدري على ايش كأننا بروضه؟ عذراً ...

[Fatimah1990]

معاهم حق نبي مثل اول محاضرتين بس كذا
يعطينا فرصه ندخل مواد اكثر ،، والبريكات طويله
يعني كويس ان بيتنا قريب ولا كان جنيت

[ديار]

المشرفات من تطق ٣ ما تشوفين أحد

يروحون بيوتهم واحنا نبتلش

اليوم البنات ما أخذوا محاضرة بسبب ما عندهم ريموت يفتحون الشاشة

الى متى كذا

[мя_šααđ]

السلام عليكم ورحمة الله وبركاته ..

يَ ليت اللي عنده دفتر فيزيا 3 ويكون مرتب وملون وفيه مسائل محلولة وشروحات من أي دكتور او دكتوره عادي بس اهم شيء فيز3

حاب اشتريه فاللي لديه\ها لا يبخل علي ويخبرني بالسعر

[أذكر ربك]

ياليت تكون تنظيمات بالمصلى , ويرجى المحافظة على نظافته ...

[وميض شمعة]

لواكر
نظام المحاضرات يرجع نفس قبل
الأمن خلهم يعرفون وظيفتهم الاساسية مو كل شي ممنوع وتعهد
مثل اليوم لبسي كان بلوزة مشجرة ومفرغة وكنت لابسة تحتهااا قميص يعني لبسي محتشم
جات الاخت وقالت قلة ادب و اقولها شوفيني حاشمة نفسيا قالت ولو اللي فوق مفرغ!!!!
اسعار الكفتيريا اللي م تسوى
المطعم لمتى مقفل
المعامل الى متى مو مجهزة و لاسبورات زي المناس
هذااا مستوى جامعة وكليةةة تبغي الجودةة والا تدور راحتنا !!!!
كل القرارات بكيف الادارة و صوت الطالبات غير مسموع
مهما قلنا وطرحنا بس يسمعون منا ولا في تنفيذ
الجداول ناخذ المادة عند دكتورة ومجرد م نأكدها تتغير الدكتورة !!!!!
الجامعةةة اغلب مشاكلها لأن الادارة تنفذ القرارات الللي هي تشوفها صح
من غير الأخذ برأي الطالبات .....

[غموض أنثى]

السلام عليكم

آه وتستمر معاناتنا ومشاكلنا

أنا مشكلتي خريجه هالفصل ولحد الآن مانضافت لي ولا ماده وألحق وراهم
من أول يوم دوام بين منسقة القسم وشؤن الطالبات والتسجيل
وكل يوم يقولو لي بكرا وكل أسبوع يقولو لي نهاية الأسبوع وكلها وعود (واهيه )
وآخر فنونهم رفعنا الأستماره لقسم الرجال وأنتهت مسئوليتنا
والآن نحنا با الأسبوع الثالث وبلآ نتيجه صابني هوس وإدمان بنر كل دقيقه أفتح أشيك
يمكن إنضاف بعد ساعه بينضاف بكرا بينضاف وأعيش نفسي بأمل وأرجع أيأس
لا وفوق هذا كله أول أسبوع دوام كنت ألاحق وراهم وأصف طابور وبالأرقام وشوفي متى يوصل رقمي
وماعندي طبعآ أرقام القاعات فماقدرت أحضر لين قدرت أحصل على الأستماره والتوقيع
حاولت أحصل من منسقة القسم على أرقام القاعات وحضرت محاضرات من نهاية الأسبوع الأول
وتحاسبني كل دكتوره على الغياب الأسبوع الأول ......!!!! بأي حق
طيب مافكرتي ومارعيتي لمن أجي أحضر عندك مين بيلآحق ورى أموري وجدولي الي لين الحين على أمل أن ينضاف ...
هذه جزء من معاناتي وما أوفي الشعور الي لآ أحسد عليه

[مريم بنت فهد]

الحين الي بنى لمدينة الجامعية وبالأخص كليتنا وش ذي النحاسة ليش كليتنا ابعد شى يعني هو ما عنده عقل يفكر ولا ايش لا بعد والمواقف بعيدة وجع ان شاء الله http://www.ckfu.org/vb/images/smilies/mad.gifhttp://www.ckfu.org/vb/images/smilies/mad.gif ليش ما تسوون لنا متروا بتعب كذا ونتأخر على محاضرات الصبح وفي الطلعة بعد

[Fatimah1990]

والمشرفات بعد وحقين البث يداومون بوقت مايبون
قسم ماهي حاله حتى الامن المفروض في احد موجود
يعني مو عدل كذا تحطون محاظرات الى 5 ومافي احد
لازم يكون في احد عشان لاصادفت مشكله نرجع لكم كذا غلط
ماهي حاله نظام بس بالشي اللي تبونه اما اللي بمصلحة الطالبات
ماتدرون عنه ،، مانقول غير ياصبر ايوب على بلواه

[мя_šααđ]

#

ولله الحمد الطلاب بنظري لايعانون من مشاكل ..

الإ مشكلة واحدة فقط وهي المواقف احياناً يقفلون اول صفين واحيانا لا ..

ومشكلة صغيرة الا وهي السبورة . صح ان المبنئ جديد بس لازالت الاداوات والسبورة قديمة اقصد بكلامي المفروض الجامعة تسوي نفس الجامعات الخارجية سبورتين , لملئ الدكتور السبورة يرفعها فوق ويكمل بالسبورة الثانية مو ينتظرنا واحيانا يمسح واحنا ماخلصنا ..

[beroom]

انتوا قولوا لي ..
وشش اللي اقوله ؟
ووشش اللي اخليه ؟

[نُوفمبّر !]

طيب وإذا كتبنا كل مشاكلنا هنا أيش راح نستفيد أم العنُود ؟
هل راح تنحل المشاكل ؟
راح ترفعين كل كلامنا للعميده ؟ بيجيب نتيجه ؟!
أو هالموضوع مجرد فضفضه عن نفسنا ؟!!! :)

[أم العنود]

خلاص حبيبتي كتبت المشاكل اللي دونت باول يوم
واللي قالوا خواتي
ورفعنا خطاب لمدير الجامعه

وان شاء الله ربي ييسر اموركم

[Fatimah1990]

نتمنى ذالك ،، يعطيك العافيه ام العنود

[мαячσỜм ✿]

السلام عليكم ورحمة الله وبركاته

بغض النظر عن الكآفتيريآ الغآلي والاسعار المبآلغ فيهآ والوجبات اللي يبيعونهآ وبعيد عن مشاكل دورآت الميآه الخربآنة وقلة النظآفة

1- الجدآول !
إحنآ جآمعيآت وعددنا كبير ، مسألة تفتحون شعبه وحده حق 60 بنت بس من اصل 600 أذا مو أكثر غلط !
مو حالة نتأخر ب الدراسه على حسآب بآنر فآشل فاتحينه قبل موعده وندخل الموآد وكل م ندخل يطلعنآ وأنتم أعرف ب هالحآل , آخرتها المواد م تتسجل ! ولما بندخلهم من مكتب التسجيل معاناة ! ويزيدون الطين بلّه لآزم بعد م توقع المُرشدة الاكاديمية توقع عليها العميدة " العميدة اللي يوهمونّآ انها موجوده واحنآ مانشوفها ومو مسموح نقابلها ونشكي لها مع الاسف الشديد " وآخرتهآ ترجع اورآقنا بدون توقيع بحجة " انتي مو خريجة علشآن ندخل الموآد ! إلى متى هالانحدآر والإنحطآط بالجامعة !!! رجعونآ ل دكتورة منى العيدآن الله يرضى عليكم وقسمآ مهوب حآله ووسعوآ الشعب او فتحوا شعب جديده + واذا بيتحججون ب الضغط اللي على الدكاتره ي اخي وظفوا دكاتره جدد كسبوا اجر فيهم :mad:

2- أوآمر الوكيلة
مع احترامي كل مرة نحط عبايآتنا تختفي ي نلقاها برآ أو تحت الدرج ! بالله هذآ أسلوب ؟ يَ اخي موب عاجبكم الوضع حطوا لنآ لوكرآت موب تطلعون عباياتنا برآ للاوسآخ والمآي والمطر و الله أعلم ب الحال + وش يضركم لو حطينآها ب المدخل ايش الغلط !!!!! وينك ي دكتوره منى شوفي وش يصير فينا :(

3- والاهم * الامن *
وسامحوني ع الكلمة بس مره مآلهم دآعي !!! لما كنا بالكليه القديمه أرحم والله !
صار زينا زي المدآرس حتى اكل من البيت ممنوع نجيب محضر ! بنت توها والد ومنسدحه بقاعة مفروشة حق اجتماع كتبوها محضر ! وربي بنت اليوم موقفينها بيكتبونها محضر عشانها لابسه خلخال برجلها !!!! التنوره مع المشي ترتفع على الكعب شي قليل كتبونا محضر !!! البلايز ماتدرين وش تلبسين حتى لو ساتر بيطلعون لك فيه عيب علشان بس يكتبونك محضر !!!! وان ظليتي بالعباية كتبوك محضر ! قعدنآ بقاعة أدفى لنا من برآ ، برا برد موت جآوا طردونا ممنوع ومره ثانيه بيكتبونا محضر!!!!!
أكبر غلطه جايين تكتبونا محضر وتمسكون بنات هذا ممنوع وهذا غلط وانتوا اصلا مو حاطين لنا قائمه بالاشياء الممنوعه ! احنا ايش درانا بني ادم وبني ادم مو معصوم ! والله انا اليوم الفلاني جبت اكل من البيت بسبب زحمة الكافتيريا وسوء اكله تجون تقولون ممنوع وتكتبونا محضر ليييييييش !!!! بدون سابق انذار وش يدرينا ممنوع !!!!
وصاحبتي كانت ماسكه جوالها فجأه يطبون عليها شنو فاتحه !!!!!
عيب ي ناس والله احنا كبار وعندنا خصوصيات واسرار عائليه شنو تفتشون صور جوالها او تشوفون شنو فاتحه !!! حسبي الله ونعم الوكيل على كل ظالم حسبي الله ونعم الوكيل

وللأمانه حتى بعض مسؤولات الامن مو راضين عن اللي يصير واذا حاججناهم يقولون اوامر الوكيله وينفذونها مو عاجبكم كلموها !
وان رحنا تقولنا السكرتيره كتبوا خطاب وجيبوه :)
معناها نقعوه بمويه وشربوه :)
وكذا مره نروح نبي نكلمها ومافي فايده !
الشكوى لله سبحانه وتعالى حسبي الله ونعم الوكيل على الظالمين

والاجتماع اللي باء بالفشل لاتعليق صراحه :) :) :)
حضرت وضيعت ثلث ساعه من وقتي :)

وربي اذكر مره كنا بمطعم الجامعه وجات دكتوره منى سلمت علينا وسألت عن اخبارنا جدا اسلوب روعه والله عسل و مامنها اثنين وينها عنّا الحين ويييييييينها """"( خنقتني العبره وربي """"(

كنآ بخير قبل لآ ننتقل الجآمعة
والحين ناس متغربه وناس بعيده عن اهلها تجي اخرتها هالمعامله والاشياء المو زينة :_(

[امل حسين]

جامعتنا الراقية ذات المباني الفآخرة للاسف ان مابداخلها خاوي!
اول مشكلة نواجهها هي اثناء تسجيل المواد في البنر
احيانا تصادفنا في نفس يوم التسجيل اختبار وواجبات والتي فيها يضيع اليوم هباء
بسبب ان البنر ( مضغوط ) ! قد نسمتر لساعات طويله في انتظار ان تفتح لنا صفحة البنر وفي اﻻخر
نتفاجئ بانه علينا اعادة تنظيم وترتيب جدول اخر بسبب إمتلاء شعب المواد!
ونتيجة لذيك أوقات فراغ لا فائدة منها واوقات متاخرة!

وليس هذا وحسب ... للاسف نحن طالبات مواد علمية تحتاج الى مدرس قادر على ايصال محتوى المنهج
لنرتقي بالعلم الذي من اجله سعينا ... ولكن للاسف الشديد عدد قليل يكون كذلك
لذا نضطر ان نرتب موادنا على اختيار المدرس المناسب لكن ماذا،؟
نتفاجئ بشيء آخر !

ايضا نحن طالبات ذوات عقل وسن يسمح لنا بالنقاش لا تلقي اﻻوامر فقط
سواء من المدرسات الذي مهما يكن يبقون هم على حق
او على موظفات اﻻمن الذين اشتركوا في حلقة تضيق حولنا من الظلم واصدار اﻻموار ... واحياء حفلة من محاضر الضبط!

[أم العنود]

بنات فيه مقال نازل بصحيفة الاحساء نيوز دعموا تعليقاتكم كلها فيه

[beroom]

"فشل " اللقاء الأبوي لمدير الجامعة مع طالبات العلوم دفعهم لرفع أصواتهن لوزير التعليم العالي http://dlvr.it/4vBsnK

[أم العنود]

بنات من تقدر فيكم تجمع ارقام البنات الاكاديميه وتوقيعاتهم ،؟؟ وتتعاون معنا !!

[beroom]

ينفع اسوي ورقه مرتبه واعلقها في كل سيب من اسياب الجامعه ؟! والبنات يكتبون ويوقعون؟
بس ايش اكتب الورقه؟!

[نُوفمبّر !]

فيه حساب بتويتر (جديد غير اللي قفلوه) !!
راح أرسله لكم خاص وأتمنى تنشرونه ويوصل لأكبر عدد من الطالبات ويكتبون مشاكلهم

[beroom]

واللي ألغت حسابها بتويتر :d
اوطيه ارسليه برسله لصديقاتي :d

[N.F.1414]

السلام عليكم
أستاذة أنا درجتي في الأحياء العامة 90، لكنها رصدت خطأ (70)، و أنا إلى الآن درجتي ما عدلوها لي.

[ساحرة القلوب]

اكل الكافتيريا غااااااااااااااالي وكل ماله يزيد السعر والحمدلله ع النعمه
الشعب قليلة...والموظفات الاداريات مايتجاوبون معانا بالنسبة للجداول ابد الوحدة شايفة نفسها مدري ع ايش...