تسجيل الدخول

مشاهدة النسخة كاملة : استفسار عام لكل من درس اساسيات المحاسبه يفيدني متووهقه

M000ni
2014- 2- 12, 10:02 PM
سلام عليكم
انا طالبة مستوى ثاني ولاني طلبت معادله لبعض المواد اجبرت اني الخبط الخطه والمواد اللي راح اضيفها
فاضفت اساسيات المحاسبة الادرايه والتكاليف ومحاسبه2 والدكتور الملحم يقول لازم تكون اجتزت محاسبه 2 فلو كانت معتمده كيف الجامعه تضيفها لي مع بعض
انتم درستوها كيف عادي ادرسها مع بعض ولا اني وهقت عمري بدون ماادري :000:
وكمان اضفت ادارة ماليه :(269): وموارد بشريه:verycute:
لخبطه بس ايش اسوي على امل انهم يقبلون المعادله:sm5:
AbuRakaan
2014- 2- 12, 10:28 PM
حياك الله أختي

عشان تدرسين محاسبة تكاليف لازم تكوني أخذتي ماحسبة 1 و 2

هذا حسب علمي

أتمنى أن الإخوان والأخوات يفيدونك

بالتوفيق
:106:
M000ni
2014- 2- 12, 10:43 PM
يعطيك العافيه اخوي ابو راكان

اتمنى من اللي عنده خلفيه يفيدني

ايش رايكم اكلم الملحم واسئله :icon9:
AbuRakaan
2014- 2- 12, 10:45 PM
يعطيك العافيه اخوي ابو راكان

اتمنى من اللي عنده خلفيه يفيدني

ايش رايكم اكلم الملحم واسئله :icon9:

ارسلي له إيميل وإن شاء الله يرد

:106:
الوردة الخجولة
2014- 2- 12, 11:17 PM
اﻻساسيات خليط من 1 و2 محاسبة ولكن اسهل

راح اشوفها دسمة عليكي تاخيها تنينها سوى

وفي هتان واشواق اخذو اساسيات قبل محاسبة2 وعدوها

بدرجة حلوووة فالك التوفيق خيتوووو
maryam same
2014- 2- 13, 12:28 AM
عادي خذيهم مع بعض الترم اللي فات اخذتهم مع بعض
أم المثنى
2014- 2- 13, 01:52 AM
لا صعب عليك حاولي تكلمين الجامعة يأجلون لك اساسيات المحاسبة ويحطون لك بدالها مقرر ثاني
هـــتـــون
2014- 2- 13, 01:54 AM
بدون ماتضيعي وقتك لو خلاص اخذتيها ابدئي من دحين ذاكري ونصيحة لوجه الله لما تذاكري اساسيات المحاسبة الادارية شوفي الدكتور اول شي وتاني شي روحي لمخلص توني مشترك واختميها بملخص مبسط جدا للأخت الغالية أم جهاد بكذا تختصري الوقت عليك بحيث تكوني ختمتيها بكل شي من اسئلة اختبار وغيره وراح تثبت المعلومة ولو ذاكرتيها فقط من المحتوى وحده ماراح تستفيدي شي كبير لأن الاسئلة حقت الاختبار بعيدة شوي عن الي ندرسه يعني لازم من التطبيق المباشررررر


ولو تقدري تأجلي وحدة منهم يكون حلووو ..

ع العموم المادة سهلة وحلوة جداااا ودكتورها متمكن جدااا من شرحها ومتفاهم ..

ربي يوفقك ويسهلك امورك
M000ni
2014- 2- 14, 07:57 PM
يعطيكم العاااااااافيه جميعاااااااااااااااااا

ابراسل الدكتور واشوف رده

الشكر للجميع
مسافر بلا عنوان
2014- 2- 14, 09:26 PM
خذيهم مع بعض , عادي ,وعشان يكون عندك فهم اوسع للماده ووتضح لك الرؤيه في بعض الامور المبهمه

حاولي تخلصي محاسبة 2 , عشان محاسبة التكاليف تمشي معك بكل سهوله

يحتاج لك تشدين حيلك شوي , وتتابعين اول بأول - بالتوفيق
تركي العياش
2014- 2- 15, 09:18 PM
اطلاقاً ماارى انك تجمعين بين المادتين رح تتوهين ويصير عندك لخبطه وتشويش بالدماغ لكن خذي وحده منهم اروق واحسن وبالنسبه للاساسيات اشوف انها حلوه ولزيزه واسهل من محاسبه 1 ومحاسبه 2
جوري العتيبي
2014- 2- 16, 12:43 PM
المشكله اني حملت محاسبة 2

والترم هذا ما سجلتها

:(

الله يستر من المحاسبة فاقعه مرارتي
M000ni
2014- 2- 16, 05:20 PM
الله يعطيكم العافيه
راسلت الدكتور ومااستفدت شي يقول الافضل انهاء محاسبه2قبل الا اذا كانت لديك القدرة على استيعاب المقررين بالتوازي
ابتوكل على الله واخذها انا حبيت المحاسبه لاني ميولي علمي ورياضيات بالاخص فان شاء الله تمشي
شكرا للجميع ربي يوفقكم في دراستكم ونعدي هالمواد:(204)::106:
سعودالشهراني
2014- 2- 16, 06:15 PM
توقعي اي لخبطه من هالجامعه
عنونه الخالدي
2014- 2- 16, 08:41 PM
شوفي انا اتكلم عن تجربتي الدكتور اسئلته حلووه يجيب نفسها بس ها يغير الارقام اما النظري يغيره بس انتي اقريه قراءهه مع تركيز وفهمم بتثبت عندج المعلوومه وثانيه بالنسبه للمساءل حاوولي من الحين تاخذين لك كل يووم مساءله وتفهمينها وكذاا لحد يجي ايامم الاختبارات بكذذا ماتكوني ضاغطه ع نفسك ايام الاختبارات ولاشي ولاتقولين كلمةة صععب واي احد يقوولك تراها صععبه انتي من نفسك قوولي سهله ومافي شي صعب الا اذا صعبتيه واخذتي بكلام ذي وذاك انا عطيتج طريقه حلووه وربي يووفقج الجميع
Aborteel
2014- 2- 17, 02:19 AM
انا لا ارى اي توهيق
لانه حلقة الربط بينهم هو حساب عملية الاهلاك وحساب المخزون (الصادر والوارد) اي منهم يصرف اولاً
فإذا عرفتي الطريقة في المحاسبة 2 وفهمتيها زين
رح تكون الاساسيات بسيطة لان اغلب المحاضرات جديده بإستثناء النقطتين السابقتين

وعموماً طالما ميلك للرياضيات والارقام فلا تقلقي في مهم المادتين
اما الادارة الماليه فهي فلم في الدراسة وسيناريو في الاختبار
اعتمدت بعد الله على اسئلة الدكتور خبابة التي جمعتها لنا الاخت ام جهاد وحصلت على a والحمدالله
وفالك التوفيق ....