طالب الأنتساب هل يستطيع اكمال الدراسة بالخارج

[شيخ القبيلة]

السلام عليكم ورحمة الله وبركاته كما هو واضح من العنوان نا أدرس حاليا في كلية أدارة الأعمال انتساب مطور واطمح بعد التخرج اكمال دارستي في أحدى الجامعات الأمريكية هل استطيع اكمال دراسة الماجستير وماهي الجامعات المعترف بها التي تقبل شهادة ادارة الأعمال

[حايلي 13]

اترك عنك الجامعات المعترف فيها .!
السؤال الأهم :
هل وثيقتك معترف فيها او لا .!

[فهد الحميداني]

اترك عنك الجامعات المعترف فيها .!
السؤال الأهم :
هل وثيقتك معترف فيها او لا .!





وش هالتحطيم يا حايلي ليش مو معترف فيها . الا معترف فيها اما بالخارج يعترفون بشي اسمه (دراهمك )

[أوتار الخيال]

نعم يا عزيزي تستطيع أن تكمل دراسة الماجستير في الخارج لأن شهادتك معترف فيها ومن جامعة معترف فيها
^
ولكن على حسب التخصص اللي أنت رح تكمل فيه و رح يطلبون منك اختبار توفل ودرجة معينة في التوفل أعتقد أنها (550) درجة في اختبار اللغة الإنجليزية (tofel)، أو حاصلا على (6) درجات في اختبار اللغة الإنجليزية (ielts)

[خطوات المسافر]

ذلل قرشك يرتفع عرشك (جديد) حقوق الطبع محفوظه
والبلد والدول ماشية كذا

[aa2aa]

اخوي حسب علمي حتى لو لو وانا اقول افتراض ان لو شهادة جامعة الملك فيصل مش معتمدة راح تلقى هناك جامعات قويه ومعتمدة عندنا وراح تقبل بشهادتك وتخليك تكمل ماستر وترجع هنا وتحصل احسن الوظايف بإذن الله

التوفيق بيد الله سبحانه وتعالى واترك عنك الناس اللي تحطم وضعاف النفوس اللي لهم اهداف كل شوي يطرح لك موضوع للتشكيك وهو تلقاه بيتخرج او متخرج

[w.al-Rashed]

تقدر .. انآ مكلمه دكتور بجامعة كالفونيـآآآ قآال :
بشروط الماستر ماهم محددين شهادة البكالوريا تكون انتساب او انتظام بالعربي وده يقولي بفلوسك ماعندك مشكله لو تبين تسيرين وزيره
لآتتحطم وركز عالمعدل اهم شي .. والله يوفقك

[ريناد 1]

الي ماعنده فلوس :(
هل بإمكانه ان يكمل ماجستير
هل جامعة الملك فيصل اقدر اكمل ماجستير انتظام عندهم ؟

[وهـج مطير]

يصير ي شيخ القبيله

تكمل بس تستوفي الشروط او مايخص الجامعات الامركيه يكون قبولك مشروط بمعنى تسجل بالمعهد ونفس الوقت الجامعه والافضل تكون الجامعه متعاونه مع المعهد لانه راح تكون نفس الولايه وماتشتت

وبعد ماتدرس اللغه وتجيب الدرجه المطلوبه تدش الجامعه وتكمل هذا اذا دراستلك على حسابك الخاص تقدم على الحاق بعضويه البعضه بعد 4 شهور من الاقامه في بلد الدراسه

واذا الله كتب ان شالله يضمونك للبعثه



وتقدر تدش منتدى الطالب المبتعث والاخوان هناك مايقصرون ويردون على كل استفساراتك



بس خل عنك صدام حسين وربعه وان شالله فالك التوفيق ,

[وداع الروح]

الي ماعنده فلوس :(
هل بإمكانه ان يكمل ماجستير
هل جامعة الملك فيصل اقدر اكمل ماجستير انتظام عندهم ؟

الا انك تكمل ماستر انتظام الاعداد محدوده احياناً يقبلون 5 مقاعد فقط
اما عن بعد تقدر دراهمك تخدمك

جامعة فيصل من كم يوم فتحوا ماستر وبعد كم حطوا اعلان نعتذر عن قبول طلاب الانتساب

بس ربك كريم
والله يصلح الحال

[الطائر]

yes

[شيخ القبيلة]

الله يعطيكم العافية اخواني والله انكم شجعتوني على المذاكر والله يهدي بعض الناس الي مالها إلى التحطيم يعني لو انهيت دراستي وش هي الخطوات الي تخليني اتقدم لطلب الدراسة بتالخارج حتى لو على حسابي الخاص وادعي ربي انهم يضموني للبعثة وذا ضموني اطلع من وظيفتي الحكومية
هل في البداية اختبر توفل كان ودي اعرف الخطوات والإجرائات والله يوفقكم لما يحب ويرضى

[وهـج مطير]

الله يعطيكم العافية اخواني والله انكم شجعتوني على المذاكر والله يهدي بعض الناس الي مالها إلى التحطيم يعني لو انهيت دراستي وش هي الخطوات الي تخليني اتقدم لطلب الدراسة بتالخارج حتى لو على حسابي الخاص وادعي ربي انهم يضموني للبعثة وذا ضموني اطلع من وظيفتي الحكومية
هل في البداية اختبر توفل كان ودي اعرف الخطوات والإجرائات والله يوفقكم لما يحب ويرضى



شوف ياخوي بماأنك توك بمستوى الثاني أول شي الحين شد حيلك

والمعدل لازم يكون مرتفع هذا أهم شي عشان تضمن القبول

ثانيا اشتغل على اللغه يعني على ماتخرج ماتحتاج تدرس لغه برا تقدر تجيب الدرجه المطلوبه العاليه وانت بالسعوديه تسجل وتختبر توفل او الايلتس من الموقع الرسمي معتمد وتختبر في السعوديه


ثالثا اذا الله كتب وكنت مستوفي الشروط من العمر والمعدل تقدر تسجل للابتعاث الخارجي هذا اذا استمر الابتعاث


رابعا اذا مااستمر على الاقل تقدر تدرس على حسابك الخاص ويعني أقل شي مأمن نفسك من مأكل ومشرب وسكن يعني 60000 ريال لمده اربع شهور الى أن تنضمن للبعثه

لانه انضمام للبعثه صار يطول


وفالك التوفيقـ’

[w.al-Rashed]

فيه موقع اسمه مبتعث حق طلاب امريكآ يفيدونك بكل الاجرائات
وتكلفة متوسط الرسوم وطلبآت الجآمعه وكلش
هذآ ملتقى طلاب امريكا المبتعثين
http://www.mbt3th.us/vb/forum8/ (http://www.mbt3th.us/vb/forum8/)
الله يوفقك وعلى قولهم دآم توك بالبدايه لاتنشغل
الا بالمعدل انسى الماستر وكل شي

[عبادي الصبحي]

نعم يا عزيزي تستطيع أن تكمل دراسة الماجستير في الخارج لأن شهادتك معترف فيها ومن جامعة معترف فيها
^
ولكن على حسب التخصص اللي أنت رح تكمل فيه و رح يطلبون منك اختبار توفل ودرجة معينة في التوفل أعتقد أنها (550) درجة في اختبار اللغة الإنجليزية (tofel)، أو حاصلا على (6) درجات في اختبار اللغة الإنجليزية (ielts)

عزالله كفيت ووفيت بيض الله وجهك

[ام ليالي]

الله يعطيكم العافية اخواني والله انكم شجعتوني على المذاكر والله يهدي بعض الناس الي مالها إلى التحطيم يعني لو انهيت دراستي وش هي الخطوات الي تخليني اتقدم لطلب الدراسة بتالخارج حتى لو على حسابي الخاص وادعي ربي انهم يضموني للبعثة وذا ضموني اطلع من وظيفتي الحكومية
هل في البداية اختبر توفل كان ودي اعرف الخطوات والإجرائات والله يوفقكم لما يحب ويرضى

اول ما تتخرج تحاول تجيب قبول من الجامعات الموصى بها من قبل وزارة التعليم العالي

ثانياً : القبول نوعين : قبول مشروط يعني انك تدرس اللغه بنفس الجامعه وتاخذ شهادة التوفل
قبول غير مشروط يعني انك معاك توفل وستبدأ الدراسة الاكاديمية مباشرة , وانا انصحك تدرس اللغه هنا وتاخذ التوفل من هنا لان الانضمام للابتعاث لم يعد سهلاً كالسابق ومستحيل تنضم اثناء دراستك في المعهد الا لو عندك واسطه من الملحقيه هناك , لكن لو جبت توفل من هنا من شروط الانضمام للبعثه اكمال ترم اكاديمي واحد يعني تلاته او اربعه اشهر وانت منضم

ثالثاً : لمجرد وصولك لبلد الابتعاث تفتح ملف في الملحقيه لتصبح هي المسؤوله عنك دراسياً

وبالتوفيق لك

[chicago]

اخوي الطموح زين وفالك التوفيق

بس الماستر وفي امريكا مو بزي ماقال الاخوان

خصوصا اللي قالوا هناك يهمهم فلوسك

(والله اني اعرف منهم اللي بس همهم فلوسي)

ماعلينا اخوي لاتشغل بالك الان والجامعات في امريكا

حسب ترتيبها من ناحية القوه فيه كليات في جامعات قويه وصعب قبولها

وفيه اللي متوسط وفيه اللي سهل والتوفل مطلوب اكيد

واحيانا gre اللي معقد كثير من الاخوان في امريكا وماشفت احد جاب طاريه

وانضمامك للبعثه مافي شي اكيد تقدر تحج الملحقيه فيه والدعوه فزعات

من كم سنه جا الملك لامريكا وامر بضم كل الدارسين للبعثه هذي مكرمه

بس النظام عاد زي ماقلت لك مزاجيه انت وواسطتك وحظك

احترامي

[شيخ القبيلة]

شوف ياخوي بماأنك توك بمستوى الثاني أول شي الحين شد حيلك


والمعدل لازم يكون مرتفع هذا أهم شي عشان تضمن القبول

ثانيا اشتغل على اللغه يعني على ماتخرج ماتحتاج تدرس لغه برا تقدر تجيب الدرجه المطلوبه العاليه وانت بالسعوديه تسجل وتختبر توفل او الايلتس من الموقع الرسمي معتمد وتختبر في السعوديه


ثالثا اذا الله كتب وكنت مستوفي الشروط من العمر والمعدل تقدر تسجل للابتعاث الخارجي هذا اذا استمر الابتعاث


رابعا اذا مااستمر على الاقل تقدر تدرس على حسابك الخاص ويعني أقل شي مأمن نفسك من مأكل ومشرب وسكن يعني 60000 ريال لمده اربع شهور الى أن تنضمن للبعثه

لانه انضمام للبعثه صار يطول



وفالك التوفيقـ’







مستوى ثالث مو مستوى ثاني

[عبدالله الخريصي]

تقدر تكمل ماجستير بي بلد