تسجيل الدخول

مشاهدة النسخة كاملة : كلية الخفجي وسلبياتها


صوت الخفجي
2009- 12- 25, 05:04 PM
السلام عليكم
قبل كل شي اعرف ان موضوعي سوف يشطف وربما تشطب عضويتي حالكم حال باقي المنتديات
وانشالله اكون مخطئه بفكرتي عن الشطب
عموما كلية الخفجي سلبيات كثيره جدا رغم ايجابياتها الكثيره
اولا سكن الحارس الدي هو مخصص لسكن الحارس وأسرته تحول بقدرة قادر الى مكتب للمندوبية يديرة نائب الكلية ويدام بسكن الحارس وهو شاب غير متزوج الى الان لاشي لكن المفاجاه مكتب نائب المندوبية فتح شباك يفتح على حوش الكلية مباشرة وكان هدا الشباك غير موجود عندما كان المكتب سكن للحارس ليش فتح ومن المسؤل وهل مدير الجامعات سعيد العمر يعرف لا اعتقد لانه رجل فاضل ومتعلم ودكتور كيف يسمح لهم بفتح شباك يفتح على حوش الكلية

ثانيا المؤسسة المسؤله عن صيانه الكلية ونظافتها من اسواء المؤسسات التي استلمت الكلية فلا صابون يؤمن ولا مناديل ولا حتى نظافه بالرغم من وجود 13 عاملة نظافة تبع مؤسسة نواف للمقاولات لكن العاملات بلا عمل سوى شرب القهوه وترك التنظيف على العمال العصر اللي يجوون الكلية
ثالثا الحمامات اعزكم الله بها ارقام شباب دقي ونشحن كيف وصلت ارقام الشباب الى هنا
رابعا الكلية منعت احضار الشاي والقهوه والماكولات وتصادر نهائيا ومن الرابح طبعا صاحب البوفيه اللي بالكلية الماء ابو نص بريال الببسي وقبل الزياده 2 ريال يعني كل شي دبل السعر اجعلوا هناك اسعار تنافسيه لكي لا نجلب ماكولات ونخبأها كما لو كانت ممنوعات
رابعا وهو شي مضحك جميع الارشادات المكتوبة على جدران الكلية بما فيها لوحة حامورابي عفوا اقصد العقوبات لم يضعوا الطالبات بل وضعوا الطلبة ليش شايفين عندنا شوارب
هناك المزيد او ابلع باقي كلامي
تحياتي:Cry111:

super
2009- 12- 25, 07:43 PM
هلا فيك

مااتوقع انك طالبة ..

يمكن تكونين موظفة .. او موظف ..!!!!!

وش دراك ان نائب المندوب اعزب ...!!!!!!!!!!!!!!!!!!!!!!!!!!

ان شاء الله راح تصل هالنقاط الى المسؤولين ..

بالتوفيق

رايقه%
2009- 12- 25, 08:43 PM
السلام عليكم
ثانيا المؤسسة المسؤله عن صيانه الكلية ونظافتها من اسواء المؤسسات التي استلمت الكلية فلا صابون يؤمن ولا مناديل ولا حتى نظافه بالرغم من وجود 13 عاملة نظافة تبع مؤسسة نواف للمقاولات لكن العاملات بلا عمل سوى شرب القهوه وترك التنظيف على العمال العصر اللي يجوون الكلية
ثالثا الحمامات اعزكم الله بها ارقام شباب دقي ونشحن كيف وصلت ارقام الشباب الى هنا
رابعا الكلية منعت احضار الشاي والقهوه والماكولات وتصادر نهائيا ومن الرابح طبعا صاحب البوفيه اللي بالكلية الماء ابو نص بريال الببسي وقبل الزياده 2 ريال يعني كل شي دبل السعر اجعلوا هناك اسعار تنافسيه لكي لا نجلب ماكولات ونخبأها كما لو كانت ممنوعات
:Cry111:
النسبه للقهوه والشاي فامن جد مالهم داااااعي منعهم لها بس كذا حب سيطره والا عشان الكافيتيريا ماتخسر اذا جبنا قهوه من البيت ؟! هالسالفه حيل قاهرتني يخلوننا ندخل اكل بس قهوه لااا ليه يعني احد يعطيني تفسير منطقي صادقه والله صرنا ندخل قهوه كننا ندخل ممنوعات مو اكل عادي كل الجامعات تسمح للطالبات يجيبون والا كلية الخفجي عندها حكمه في الامر ؟!! :cheese:
اما من ناحيه الصوابين فالكذب خيبه انا اشوف الحمامات الله يكرمكم مجهزه بصوابين ومناديل ومعقم "شفته بحمام من الحمامات"

صوت الخفجي
2009- 12- 25, 11:06 PM
بالضبط بالضبط من اسبوعين لا صابوون ولا مناديل
اما بالنسبه للاخ اللي يقول اني لست طالبة عشاان عرفت ان نائب المندوبيه غير متزوج طبعا لازم اعرف وغيري ممن يصله بلوتوثه خصوصا قاعات المواد الاسلامية فهو شاعر تافه منحط استغل منصبه ووضع له مكتب رغم انف مدير المندوبية تبي تعرف اسمه اسمة عبدالله السبيعي وهو يرسل مسجات بالبلوتوث ويفتخر بسلطته
كل هدا يهوون لكن الشي الدي يقهر وش دخل المندوبية بالتعليم العالي

صوت الخفجي
2009- 12- 25, 11:18 PM
وعندي مفاجاه غير ساره لجميع من يديرون الكلية رغم المنع الجوال ابو كامرا استطعت ان ادخله وصورة مابداخل الكلية من اهمال وقلة نظافة واشياء تشيب لها العيون
انا بصدد عمل مونتاج للفلم اريد ان ألغي بعض المقاطع من الفلم وألغي الصوت يعني عطوني مهلة اسبوع
ولعلمكم وحسب علمي وخبرتي بعالم النت لم اشاهد فلم يصور حالة الكلية من الداخل كما تعلمون هناك اوامر صارمه من ناحية التصوير
ولكم تحياتي

ج ــرح
2009- 12- 26, 09:34 AM
صوت الخفجي

كفيتي ووفيتي انا معك بكل كلمه قلتيها..
بس الله يصبرنا لين مانخلص..

:s12:وشلون صورتي..؟؟
معقول البنات ماشافنك؟؟

<<ياستي طلعي اللي بقلبك بس عسى ماتكونين مصوره اوادم:cheese:

تحيتي:love080:

ترآنيمـ الروح..}
2009- 12- 26, 12:07 PM
كلامكـ 100% أختــي صوت الخفجي..

بس بالنسبهـ للنظافهـ هم مايقصرون طول الوقت العاملات ينظفوا
العيب مو منهم من البنات اللي كل شوي يرموا الوساخه بالأرض والحمامات كأنهم بزران مو كبار..
والمنظفات والمناديل انا شايفتهم بالحمامات..

وبالنسبه للقهــوهـ والأكل هذا شي يقهر حيييييييييييل:017:..
وش فيها اذا جبنا معنـا قهوهـ واكل..
مو لازم نشتري من عندهم..

اللهـ يصبرنــا ع هالكليــهـ:bawling:

شكــرا" لكـ أختــــي وان شاءاللهـ يحلوا لنـا مشاكلنـا وتتعدل كليتنا..

همس النسيم
2009- 12- 26, 07:42 PM
والله شكلك انتي استاذه
<<<<<<< ما ادري ليه احساسي يقول كذا :t1:
وين العميده ما تشوف الوضع ؟!:sdfgdsf:
وبعدين بنات وش تبون من القهوة والاكل كلها كم ساعه و تروحون للبيت وخذوا راحتكم
اصرف لكم من هالكليه :g2:
<<<<<<<<<< وجهة نظر لا احد يأكلني :mh19:
وبعدين على النظافه البنات ما يقدرون هالنعمه اللي هم فيها غيرهم يضرب مشاوير على الدراسه
هم لا حمدا و لاشكور :no2:
وياليت يركزون على جوال الكاميرا اهم من الخرابيط الثانيه :mh19:

ترفٌ مخمليْ ●•
2009- 12- 26, 10:30 PM
انشششششهد وقسم بالله صدقت البنت
وغير كذا انا اشوف الامن متحكمات بكل شي
من ناحية لبس والاكل
مرة والله سمع اذني العميدة قالت لنا الجنز مسموح
ولما جاء اليوم الثاني الحبيبات قالوا لا مو مسموح(اقصد الامن )
قالت لها البنت بس العميده امس اسمحت
شردت عليها قالت لاتحديني والله اردكم ع الابيض والاسود
ترى المسئلة بمزاجي:o3:
امن ومتحكمة ولا اهتمت لكلام العميدة
وبعد جهد جهيد وبعد المئات من التواقيع والتعهدات اللي وقعوها البنات
اسمحوا بالجنز
طيب ياماما ليه مو من البدايه يوم قلنا العميده موافقه ليه خلو
البنات يوقعون وليه وليه وليه
وربي كليتنا تتعب الواااااااااااااحد والله

ام اشواق
2010- 1- 16, 07:17 PM
بصراحة الله يعينكم من جد والله انا قعدت اعاني لين تخرجت بس بنات الي تبغاني اطبعلها بحوث واوراق عمل لانكم منتو فاضين الله يوفقكم على هالامتحانات تتواصل معي وتشوف موضوعي:150:

خووله
2010- 1- 19, 05:18 PM
آآآآآآآآآآآهـ يـآآآقلبي على كلييييية الخفجججججي من جد عذااااااااااااااااااااااب :000:

انااا طالبة مستجده في الكليه .. واوول يووم داوومته فيييه واناا متروووعه من الحباايب اللي عند البواابه صفراااا :cheese:


والقهووااا مدرري لييييه يمنعوونه مدري وش يحسسسون فييه.. يعني البناات بيسون شي بالقهوووه ولا بينتقمون من صاحيتهاا ويحطووون شي بالقهووه .!!! :103:


دنياااا غريبه .. بس الله يوفقنااااا بالكليه ونتخررررج بسسلاااام ..

بنوته فرفوشه
2010- 1- 19, 07:17 PM
صدق انا مع اني طالبة انتساب الا اني الاحظ تحكم الامن وكأنها هي العميده و على مزاجهم
والتفتيش ولا شي ..
والاكل مايدخل الا بواسطه ..

وذا على الحارس فـ الكل يدري انه اعزب قديمه ذي بس للامانه انسان محترم ماشفت منه شي..

اللي يغث و يطفش الدواليب اللي الغوا اجارها و لا مافيه الا السنه الجايه ياربي عليهم بس..

ام قصة النظافه فهذا الشي خطاء الطالبات لانه مو معقوله وحده كبر امي و امك وربي حرااام متغربه وتنظف تحت رجولك عيب صدق هي مجيوبه عشان تنظف بس لعلمك مو تنظف زبالتك لا تنظف الغبار و الاوساخ الطارئه زي عصير انكب او شاي..

نور الدنياا
2010- 1- 30, 08:18 PM
ماقوول الا الله يعينك على هالكليه

سعودية ذوق
2010- 2- 17, 09:03 AM
وعندي مفاجاه غير ساره لجميع من يديرون الكلية رغم المنع الجوال ابو كامرا استطعت ان ادخله وصورة مابداخل الكلية من اهمال وقلة نظافة واشياء تشيب لها العيون
انا بصدد عمل مونتاج للفلم اريد ان ألغي بعض المقاطع من الفلم وألغي الصوت يعني عطوني مهلة اسبوع
ولعلمكم وحسب علمي وخبرتي بعالم النت لم اشاهد فلم يصور حالة الكلية من الداخل كما تعلمون هناك اوامر صارمه من ناحية التصوير
ولكم تحياتي

وين الفلم
ماشفنا شي

memo**
2010- 2- 18, 01:04 PM
الله يعين اساسا الكليه ما كأنها كليه والله الثانويه احلى وانظف وحنا عكس الناس
بكل شي والنظام باااايخ000

مياسو
2010- 3- 1, 11:47 PM
اهم شي كيف الدراسه فيها سهله مثل النعيريه والا صعبه

والدكتورات يساعدون البنات والا ؟؟

امليـ
2010- 3- 15, 12:59 AM
بكل صراحه يابنات

قبل لاادخل الكليه كنت اسمع عنها كلام سئ
بس لما دخلتها اشوفها حلووه
صحيح المبنى متواضع لكن ماشي حالوو
وبالنسبه للقهوه والشاي عادي يعني معقوله ماتصبرون عنهم كلها كم ساعه
وبترجعون لبيوتكم
واسعار الكافتيريا مناسبه
وبالنسبه للنظافه العاملات طووول الوقت ورا البنات ينظفون
والبنات الوحده وش كبرها ماتعرف تشيل بقايا اكلها ترميهم بالزبآله ..!

سعودية ذوق
2010- 3- 15, 08:09 PM
:d5:والبنات الوحده وش كبرها ماتعرف تشيل بقايا اكلها ترميهم بالزبآله ..!
معاك بالنقطة هذي:g8::d5::d5::d5:

بحر آلمشاعر
2010- 3- 15, 08:19 PM
بسم الله الرحمن الرحيم

انا برد على جزء من الموضع اللي هو عن بيت الحارس والموظف اللي يديره اللي تقولون انه من المندوبية أول شيء هو موظف من الاساس على الكلية بس ماكان في إدارة للكلية فلما سوو إدارة جديده في بيت الحارس انتقل الموظف عبدالله للأدارة ..وتقولون أنه يشغل بلوتوث حرام عليكم الرجل موظف بالمندوبية له 7 سنوات مشهود له من كل أهالي الخفجي بالخلاق .. مع العلم ان البلوتوث مسافة 10 أمتار وتقولين أنه يرسل للدراسات الاسلامية والدرسات الاسلانية بعيد يمكن تجي 100 متر..طيب خلنا نفرظ انه شغل البلوتوث أنت ليش تستقبلين وتقولين شعره تافة ولا انتي على مزاجك ناس تستقبلين منهم وناس لا .. وسالفة الدريشة البيت حق الحارس تسلم لموؤسسة نواف الشمري وعملو تصميم وبنوه ولما خلص وجد الموظف عبدالله الدريشة وأمر بغلقها فورا مع العلم ان كل الكلام اللي صار قبل لا يداومون هذا يعني اللي منزل الموضوع .. وتقولون انه يدير المكتب طيب وش تبونه يسوي إذا مدير المكتب ساحب عليهم ويداوم بالمندوبية اللي هو عواد برجس الشمري ولا مايداوم بالكلية ويجي اوقات يتلكك على الموظفين وعلى راسهم عبدالله لا شاف عبدالله صار افضل منه اثر الحقد في نفسة.. ولو تلاحظون اللي حاط الموضوع ماله الا 8 مشاركات هذا يعني داخل بس حاقد على الموظف عبدالله يبي يشفي غليله.. خاف الله في نفسك وتذكر يوم الحساب انك بتسال عن الكلام هذا يا....<< أعرفة

عازف الإحساس
2010- 3- 15, 10:14 PM
السلام عليكم
قبل كل شي اعرف ان موضوعي سوف يشطف وربما تشطب عضويتي حالكم حال باقي المنتديات
وانشالله اكون مخطئه بفكرتي عن الشطب
عموما كلية الخفجي سلبيات كثيره جدا رغم ايجابياتها الكثيره
اولا سكن الحارس الدي هو مخصص لسكن الحارس وأسرته تحول بقدرة قادر الى مكتب للمندوبية يديرة نائب الكلية ويدام بسكن الحارس وهو شاب غير متزوج الى الان لاشي لكن المفاجاه مكتب نائب المندوبية فتح شباك يفتح على حوش الكلية مباشرة وكان هدا الشباك غير موجود عندما كان المكتب سكن للحارس ليش فتح ومن المسؤل وهل مدير الجامعات سعيد العمر يعرف لا اعتقد لانه رجل فاضل ومتعلم ودكتور كيف يسمح لهم بفتح شباك يفتح على حوش الكلية

ثانيا المؤسسة المسؤله عن صيانه الكلية ونظافتها من اسواء المؤسسات التي استلمت الكلية فلا صابون يؤمن ولا مناديل ولا حتى نظافه بالرغم من وجود 13 عاملة نظافة تبع مؤسسة نواف للمقاولات لكن العاملات بلا عمل سوى شرب القهوه وترك التنظيف على العمال العصر اللي يجوون الكلية
ثالثا الحمامات اعزكم الله بها ارقام شباب دقي ونشحن كيف وصلت ارقام الشباب الى هنا
رابعا الكلية منعت احضار الشاي والقهوه والماكولات وتصادر نهائيا ومن الرابح طبعا صاحب البوفيه اللي بالكلية الماء ابو نص بريال الببسي وقبل الزياده 2 ريال يعني كل شي دبل السعر اجعلوا هناك اسعار تنافسيه لكي لا نجلب ماكولات ونخبأها كما لو كانت ممنوعات
رابعا وهو شي مضحك جميع الارشادات المكتوبة على جدران الكلية بما فيها لوحة حامورابي عفوا اقصد العقوبات لم يضعوا الطالبات بل وضعوا الطلبة ليش شايفين عندنا شوارب
هناك المزيد او ابلع باقي كلامي
تحياتي:cry111:



بسم الله الرحمن الرحيم
والصلاة والسلام على اشرف الانبياء والمرسلين اما بعد
حبيت اوضح بعض النقاط الي ذكرتها الاخت صوت الخفجي وإذا هذه صوت الخفجي فعلى الخفجي السلام
اول نقطة موضوع افتتاح المكتب ((تم أفتتاح المكتب بتاريخ 7/10/1430 لمتابعة اعمال الكلية وليس له علاقة بمندوبية تعليم البنات لان المكتب إدارة تابعة للكلية ومرجع المكتب جامعة الدمام))

ثاني نقطة موضوع النافذه الي فاتحة على حوش الكلية (( النافذه مفتوحة على الحوش والحوش مافيه شي لان الحوش كان ساحة للباصات سابقاً ولايتم خروج الطالبات بهذه الحوش إطلاقاً))

ثالث نقطة موضوع البلوتوث (( فاجهزة ذات خاصية البلوتوث ممنوعه على الجميع كيف يتراسل موظف معهم موظفات بالداخل فالمسافه بين المكتب والأقسام النسائية بالداخل اكثر من المسافه المعروفه للبلوتوث كيف يتراسلون بالبلوتوث ياعيني على البلوتوث هذه وإذا على قولتك يتراسل معك او مع باقي الموظفات ليش فاتحه بلوتوثك احفظي نفسك أصرفلك والبنت على تربيتها ))

رابع نقطة بالنسبة للموظف عبدالله السبيعي (( انا اعرفه وسبق وراجعته اكثر من مره وهو انسان ممتاز واعرفه من قبل لاينتقل لمكتب الكلية يوم كان سكرتير لمندوب تعليم البنات مو عيب إذا هو اعزب في متزوجين وهم بؤرة فساد فخافي الله في نفسك مع أني ماعتقد انك تخافين الله في نفسك وهذه كلامك))

خامس نقطة موضوع نظافة وصيانة الكلية ((فحسب ماسمعت من بعض الأشخاص فالمشكلة من الطالبات وليس من المؤسسة فمؤسسة نواف الشمري للصيانه وهو متعهد الصيانة والنظافة وفرت كل شي من عمال صيانة وعمال نظافة لاكن المشكله بالطالبات الي يقومون بتكسير علب الصابون وبنت تقدر تقوم باعمال بيت كامل عاجزه انها ترمي علبة البيبسي بالمكان المخصص لها))

النقطة الاخيره موضوع الكافتيريا ومشروبات القهوه فيجب المنع لان في امور كانت تدخل بزمزميات القهوه ومافيها شي لو منع الشاي والقهوه فالكافتيريا تبيع شاي وقهوه اشربوا ولابتموتون لو ماشربتوا واذا اسعارها مرتفعه ليش ماتشتكون تكتبون شكوى جماعيه للعميدة او للدكتور/ سعيد العمر ولا تعتقدون ان كل شي بيصير وانتم ساكتين ويوم تذكرين العيوب ليش ماتذكرين الفساد الي يكون من الطالبات والموظفات بالكلية ولا مرتاحه على الفساد الي بالداخل اشكرك على طرح الموضوع لاكن كنت اتمنى انك تطرحين كل العيوب ومو العيوب الي ماتبينها والي راضيه عليها عادي.
وبالنسبة لكلمة طلبة بلائحة التعليمات حبيت اعلمك بانها جمع طلاب وطالبات ياشنب.

همس النسيم
2010- 3- 16, 01:01 AM
ما شاء الله كلكم مشاركاتكم ما تتعدى العشرة :mh19:

الظاهر انكم تعرفون بعض بالدوام

وهنا جايين تصفون اموركم :017:

وقلبتوا الموضوع لاموركم الشخصيه وانا عرفتك وما عرفتك

ياليت تواجهون بعضكم في الدوام

يكون افضل :cheese:

فحبيت اني ما اتعبكم

واقفل الموضوع وينقل

بايوووووووو

:119: