مقابلة قسم تاريخ

[مها2014]

السلام عليكم ورحمة الله وبركاته

بنات من جاته رسالة بخصوص المقابلة

انا الحمد لله ارسلو لي

[Hyfaa]

انا بعد الحمدلله ارسلوا لي يوم الثلاثاء المقابله

[مها2014]

هيفاء انتي اي مسار انا اسلامي والمقابلة الاربعاء

[روز77]

انا مسار حديث وارسلولي الثلاثاء

[حفصه الدوسري]

مبرووووووووووووووووووووووووووووووووووووووووووووووو ووووووووك الف مبروووووووووووووك
الله يوفقكم يارب


بنات ارسلوا لكم على الجوال
او على الايميل
ارسلوا

طيب واللي مارسلوا لها مو مقبوله
او في دفعات بيرسلون لهم رساله

[حفصه الدوسري]

http://www.kfu.edu.sa/ar/Deans/HigherStudies/Lists/KfuNews/DispForm.aspx?ID=53

[ام هيوفه]

بنات على الايميل والا الجوال تجي الرساله

[مها2014]

جوال

[ام هيوفه]

الحمدالله جتني رساله يوم الثلاثاء المقابله ....مسار اسلامي

[ام هيوفه]

منيره بشرينا عنك جتك رساااله مقابله

[منيره 1989]

اي الحمدلله جتني انا بعد
كنت طالعة وناسية جوالي يوم رجعت لقيتها
الله يكمل ماسعينا فية على خير

[منيره 1989]

والله شايلة همكم مع همي
بخاطري والله ننقبل كلنا ❤️

ارجعوا لاخر موضوع لنا واقروا اللي حطيته
عن المقابلة

[Hyfaa]

انا مساري قديم ويوم الثلاثاء

[ام هيوفه]

بنات تتوقعون الكل دخل المقابله ...

[مها2014]

اتوقع الجميع

[همى]

الف مبرووووووك للجميع

الحمد لله جتني رساله وان شاء الله نقدم الأفضل في المقابله

[منيره 1989]

بنات الي تنقبل تقدر تغير مسارها بعدين؟

[Hyfaa]

ماعندي خلفيه بس مااتوقع لانهم اختبروك وعملوا لك مقابله ع اساس مسارك بس حتى لو بتغيرين اتوقع تطول السالفه

[همى]

بنات ياليت الي عندها فكره عن مقابلات قسم تاريخ تقول لنا هل استاذات الي يعملون المقابله أو أساتذه؟

واذا أستاذات فياليت اسمائهن ونبذه عنهن إن أمكن(للمعلوميه أنا مش خريجة جامعة الملك فيصل ولا عندي فكره عن نظامها وأستاذاتها)؟

[حفصه الدوسري]

الدكتوره نجاه مع دكتورين او اربعه

[حفصه الدوسري]

احسن صعبه يسوون المقابله وعددنا 80 طالبه
مب يكفي الوقت
من 3 الى 7 مساء

[حفصه الدوسري]

بنات لو يسئلون ليش اخترتي مسار التاريخ الاسلامي
مو القديم او الحديث
شنو نجاوبهم

[منيره 1989]

حفصة على ماعتقد متوزعين ع الثلاث ايام
يعني لو انتي اسلامي بيكون فية ٣ دفع على عدد الايام

ومسارك تتكلمين ليش اخترتية برايك انتي اصلاً
ليش حددتي تبينه رتبي اجاباتك من الحين وكوني واثقة

[همى]

الدكتوره نجاه مع دكتورين او اربعه

اذا دكاتره كيف بتكون المقابله وجها لوجه او كيف؟

[ام هيوفه]

حفصه ..اختبرتي تحريري ..عادي يعني اللي يغيب عن الاختبار ويجيب عذر يختبرونه

[حفصه الدوسري]

يعطيك العافيه ام هيوفه ومنيره

[حفصه الدوسري]

اذا دكاتره كيف بتكون المقابله وجها لوجه او كيف؟

في قاعه 1008 هذي حقت دكتور
الدكتور بينا وبينه حاجز

[همى]

في قاعه 1008 هذي حقت دكتور
الدكتور بينا وبينه حاجز

يعني دكتور واحد بس؟
معلش غلبتكم معي بكثر الأسئله بس ما عندي اي تصور مسبق عن المقابله مع الدكاترة؟

[FMM]

بناااات بليززز هل فيه احد منكم تعرف احد تخصصها علم اجتماع وجاها رساله بخصوص المقابلة الشخصية

[ام هيوفه]

اعتقد هنا عضوه اسمها فجر جتها رساله قبول تخصص علم اجتماع

[حفصه الدوسري]

يعني دكتور واحد بس؟
معلش غلبتكم معي بكثر الأسئله بس ما عندي اي تصور مسبق عن المقابله مع الدكاترة؟

عادي يجي معاه دكتور ثاني يدخلوا القاعه
يجيب كرسي ويجلس جنبه :064::smile:
المكان واسع
يكفي 4 دكاتره

[همى]

عادي يجي معاه دكتور ثاني يدخلوا القاعه
يجيب كرسي ويجلس جنبه :064::smile:
المكان واسع
يكفي 4 دكاتره

هههههه

كنت اسأل على نوعية المقابله مش سعة المكان
يعني هل هي مقابلة دكتور واحد او مجموعة دكاتره

على العموم شكرًا على الإجابه التوضيحيه :106:

[حفصه الدوسري]

المقابله مع رئيسه القسم نجاه ومعاها دكتورين او 4 دكاتره على حسب
الدكاتره اذا ماعندهم محاضرات

[منيره 1989]

همى
يكون فية دكتورة وموشرط تكون دكتورة نجاة
مع كم دكتور يمكن ثنين تقريباً
ويمكن الدكتورة تكون اللي اشرفت على مسارك يوم التحريري

[حفصه الدوسري]

العام تقريبا الدكتوره نجاه في المقابله
وسئلت بنت في المقابله
ماهو اصل المماليك ومن اين نشئوا مو ذاكره السؤال عدل
تقريبا هذا اللي سئلت الدكتوره نجاه البنت في المقابله

[همى]

بعض الجامعات يدخلن خمس متقدمات مع بعض للمقابله

هل جامعة الملك فيصل نظامها فردي او مجموعه؟

[حفصه الدوسري]

العام فردي
اما السنه الله اعلم

[حفصه الدوسري]

والعام وقت المقابله خلص الساعه 2
اما هذي السنه بيخلص الساعه 7

[فجر،،]

بنات كل الي اختبر جتهم رساله ولا الي اجتازز!!

كل الي تعرفونهم جتهم !!

[منيره 1989]

فجر انا مساري قليل اللي فية وتقريباً الكل جاته
لاننا عشر تقريباً ، لكن المسارات الثانية عددها كبير فمدري
وماتوقع كلهم ، ولما كلمت نجاة شددت على سالفة انه ماراح
توصلني الا إذا اجتزت

[فجر،،]

الله يجزاك خيرر منيره ..

أمم انا مستغربه من ٣ل٧ وثلاث ايام وبس للمجتازين بس مو معقول..

واعرف وحده ماحلت تقول ارسلو لها رساله..

حرام عليهم اذا بيقابلون الكل تعب

[ام هيوفه]

منيره كلمتي نجاة بعد الرساله اللي ارسلوهاا ...عشان نتاكد بس اللي تجاوزوا والا الكل انا تقريبا مساري اللي اختبروا فيه من 40 الى 45 بنت

[حفصه الدوسري]

بنات كل الي اختبر جتهم رساله ولا الي اجتازز!!

كل الي تعرفونهم جتهم !!

كل الطالبات جاتهم رساله :love080::love080:

[حفصه الدوسري]

الله يجزاك خيرر منيره ..

أمم انا مستغربه من 3ل7 وثلاث ايام وبس للمجتازين بس مو معقول..

واعرف وحده ماحلت تقول ارسلو لها رساله..

حرام عليهم اذا بيقابلون الكل تعب

اي والله تعب
متى نوصل البيت 8
صعبه
لو خلوا المقابله الصباح او الساعه 10 افضل :icon9:

[همى]

الله يجزاك خيرر منيره ..

أمم انا مستغربه من ٣ل٧ وثلاث ايام وبس للمجتازين بس مو معقول..

واعرف وحده ماحلت تقول ارسلو لها رساله..

حرام عليهم اذا بيقابلون الكل تعب


ما أظن وحده بتقدم على الماجستير وما تحل, أقله تكون عندها ثقافه في مجال تخصصها تساعدها على حل الإختبار إلا إذا كنتي تعتقدين إن الأساتذه ما يصححون الورق وهذا شيء ثاني

وحتى لو الكل بيقابل ليش التأخير في إعلان النتائج وخاصه نتائجكم؟!

أتمنى فقط ما تكون المقابله جماعيه حتى يتسنى لكل طالبه الفرصه للحديث والإجابه بعكس لما تكون مجموعه ويصير الوقت للأسرع في الإجابه.

[فجر،،]

حبيبتي انا تخصصي الاساسي مو علم اجتماع والبنت ذي قدمت معي عشان تحضر معي لان من زمان ماشافتني
طلعت باول عشر دقايق من الاختبار!!
ودخلت حظ لان تحسبه موضوعي وطلع مقالي..

انا عشان كذا اسال الكل وصلته ولا بس الي اجتازو!! بس الي اتضح لي الكل وصلته..

[فجر،،]

ع العموم الي مقابلته الثلاثاء يسأل المقابله للكل ولا!

[روز77]

لا ياعزيزتي مو الكل وصلته رساله اعرف بنات ماوصلتهم

[Hyfaa]

المهم الرساله جاتكم جالسين تتناقشون ان الكل جاته والا لا سوا الي عليكم وان شاءالله الي له نصيب بيكمل باذن الله

[منيره 1989]

فجر الوقت طويل لان اعتقد كل المسارات بيقابلون
لجنة وحدة لو لاحظتي المواعيد والقاعة وحدة بس
مو مثل التحريري قسمونا وكل مسار له وحدة تشرف
وعددنا ماكان قليل
وكل طالبة كم دقيقة بتاخذ؟

[ام هيوفه]

مرحبا بنات ...الان اتصلت على قسم التاريخ وردت وحده تقول لا مااعتقد الكل جته رساله بس اللي تجاوزوا ..بالنسبه للمقابله هيئه رجاليه وهيئه نسائيه ومن ضمنهم الدكتور نجاه ...وبالنسبه للعدد المطلوب مايحددون الان الا بعد المقابله ..
وبالتوفيق للجميع ..ودعواتكم بكرى ان شاءالله مقابلتي

[Hyfaa]

التفيق للجميع انا بعد بكره معاك

[حفصه الدوسري]

الله يوفقكم يارب

[منيره 1989]

وانا بكرة بعد ان شاء الله
حفصة اختبرتي تحريري؟

[مها2014]

الله يوفقكم

[فجر،،]

والله انا ودي انه بس الي اجتاز عشاان مايتعبونا ونجلس ننتظر..

الله يبشركم بالخير ..

الله يوفق الي عنده مقابله بكره وفالكم القبول النهائي،،

[حفصه الدوسري]

وانا بكرة بعد ان شاء الله
حفصة اختبرتي تحريري؟

لا

[حفصه الدوسري]

والله انا ودي انه بس الي اجتاز عشاان مايتعبونا ونجلس ننتظر..

الله يبشركم بالخير ..

الله يوفق الي عنده مقابله بكره وفالكم القبول النهائي،،

اي والله لو تدخل المقابله اللي اجتازت الاختبار كان افضل
حتى مايتعبوا نفسهم
ولا يتعبونا واحنا ننتظر
ويوفروا علينا الوقت :sm18::sm18:

[ام هيوفه]

حفصه حيرتينا معك ..كيف عندك مقابله وماختبرتي تحريري

[فجر،،]

اي والله حتى انا احترت مع كلامها هههههههه

[غصون الازهار]

الله يوفقكم وعقبال القبول النهائي يارب

[حفصه الدوسري]

حفصه حيرتينا معك ..كيف عندك مقابله وماختبرتي تحريري

بنت قالت لي عادي
اول سوي المقابله وبعدين اختبري لان عندك عذر :icon19:

[فجر،،]

حفصه ارسلولك رساله!

كلام البنت متاكده منه!


اتصلي استفسري عشان تتاكدين!!

[حفصه الدوسري]

دقيت على الدكتوره نجاه قالت كيف تسوي مقابله وانتي مااختبرتي

[حفصه الدوسري]

بنات شنو الاسئله اللي سئلوكم في المقابله

[فجر،،]

طمنونا عليكم كيف المقابله معكم!!

[ام هيوفه]

مرحبا بنات..كانت المقابله 3 دكاتره من الهيئه الرجاليه ودكتورتين سعوديات ..اسالتهم عامه عن تاريخ تخرجك من الثانوي وتخرجك من الجامعه ..وركزوا اكثر شي على الدوله الامويه والعباسيه بالاسئله

[ام هيوفه]

طبعا انا مساري اسلامي تقريبا 11الى 12 بنت اليوم ..تكلمي عن بعض المواقع مثل صفين والجمل ..وشخصيه هارون الرشيده ..وشخصيه نسائيه ظهرت بالتاريخ الاسلامي وعن زبيده واهم شي ماذا فعلت ..وعهد يزيد بن معاويه من كم لكم ..ومن كان بعد عبدالملك بن مراون ..والفتوحات الاسلاميه

[فجر،،]

الله يوفقكم يارب وتنقبلون نهائي..

طيب البنات كثير ولا

دخلوكم بالاسماء يعني بترتيب الحروف ولا!

[ام هيوفه]

اهم شي يابنات الثقه بالنفس والصوت يكون مرتفع وترى بعض الاجابات ان كنتي واثقه منها عندهم اسلوب التشكييك ..طبعا الدكتور اللي يشكك بالاجابات ..بس الهدؤء والثقه بالنفس اهم شي وودعواتكم لنا بالتوفيق

[فجر،،]

احس سآلو كثير بتخصص الله يوفقك يارب


الساعه كم خلصتو!

[ام هيوفه]

عندهم كشف باسماء الطالبات لمقابله الثلاثاء ..بنات اللي مسارها اسلامي تشوف لنا كم عدد الطالبات بكرى ان شاءالله للي مقابلتهم بكرى

[حفصه الدوسري]

الله يوفقك ام هيوفه
ويوفق الطالبات

[حفصه الدوسري]

بنات لو سمحتوا
شنو اسماء الدكاتره
والدكتورتين اللي سووا مقابله لكم

[ام هيوفه]

الدكاتره واحد سعودي ودكتورين من مصر هذا الرجال ...الدكتورات عذاري الشعيبي.وخلود

[حفصه الدوسري]

الله يوفقك يارب ام هيوفه
الله يكثر من امثالك
ويعطيك مرادك يارب
شكرا جزيلا لك

[ام هيوفه]

العفو ياحفصه ..انتي وش سويتي كيف وضعك راح يختبرونك

[غصون الازهار]

السلام عليكم بنات كم كانت مده المقابله لكل طالبه
طيب المقابله كل طالبه بحالها
او المقابله يد خلون 5 طاالبات مره وحده ويسوون لهم المقابله
سئلوكم اسئله شخصيه وثقافيه ولا
:rose::rose:

[منيره 1989]

زهرة فردي كل بنت لحالها تدخل
والاسئلة فالتخصص لكن مو دقيقة جداً
ويسئلون ليش اخترتي المسار؟ اكثر شخصية أثرت فيك
في المسار؟
تكملي بأريحية جداً يبون يعرفون اسلوبك وثقافتك بس
خلي صوتك جهوري ، اول ماتدخلين سلمي بصوت عالي
طولي اجاباتك شوي حسسيهم انه ملمة بالمسار
المقابلة اسهل من اللي ببالك بكثييير

[ام هيوفه]

المقابله من 10 دقايق الى 15 على حسب كل بنت ..وكل بنت تدخل لحالها في القاعه . ومابدوا الا الساعه 3ونص تقريبا
بنات وينكم هيفاء ومنيره ومهاء واللي دخلت مقابله اليوم ...

[ام هيوفه]

منيره.. شكلنا ردينا سواء..المسار الاسلامي كله اسئله تخصص
والله يوفق الجميع ...

[غصون الازهار]

مشكوره منيره وام هيوفه
يعطيكم الف عافيه

[ام هيوفه]

زهره اي مسار انتي ..ومتى مقابلتك ..

[مها2014]

انا بكرة مقابلتي

[ام هيوفه]

موفقه مهاء ..شوفي كم بنت راح تدخل المقابله بكرى ان شاءالله ..

[غصون الازهار]

ربي يوفقك يامها
ام هيوفه ماقدمت انا بس اخذ معلومات منكم
حتى السنه الجايه اقدم ان شاء الله
اذا تحسنت ظروفي مع ان ظروفي صعبه حييييل
لكن الامل بالله

[ام هيوفه]

الله يسهل امورك زهره وتتحسن ظروفك للاحسن ان شاءالله وتقدمي

[مها2014]

ابشري ام هيوفة ان شاء الله اشوف

[مها2014]

زهرة ربي يسهل امورك

[غصون الازهار]

مشكوره مها وام هيوفه

[حفصه الدوسري]

بنات لو سمحتم

فتشوا على الاثبات للهويه لازم الاصل ولا
طيب وكل طالبه تدخل للمقابله ملفها معاها ولا

[Hyfaa]

لا ماطلبوا منا الاثبات ولا اوراق طبعاً انا بالمقابله صرت اول وحده دخلت بس الحمدلله الدكاتره والدكتوره مريحين نوعاً ما ع ان في واحد طول الوقت وهو يضحك بس ماعطيته بال والحمدلله عدت المقابله ع خير وكانت سهله عقبال القبول النهائي القديم خلصنا كلنا الساعه ٥

[حفصه الدوسري]

يعطيك الف عافيه
الله يوفقك يارب

[فجر،،]

عقبال ياررب ارتاح من المقابله توترت الله يكتب الي فيه الخير..

[حفصه الدوسري]

الله يوفقك فجوره

[فجر،،]

وياك حبيبتي❤️

[حفصه الدوسري]

بنات في صدى في القاعه
اخاف مايطلع صوتي
مين اللي بدء المقابله الدكتوره عذاري وخلود او الرجال بدءؤا قبل

طيب الدكتوره عذاري وخلود جالسين جدام جنب شاشه الدكتور ولا
وفي سؤال الدكتوره عذاري وخلود يراقبوكم وانتوا تجاوبوا مع الدكتور او طلعوا من القاعه خااااااااااااااايفه حييييييل

[حفصه الدوسري]

مافي مايك في القاعه
طيب الدكاتره الرجال شنو اقول لهم
اول ماادخل
ياربي ماعندي الجراه الكافيه

[مـلاك]

حفـصه

اول ماتدخلين القي السلام والموضوع مو محتاج ميكرفون لانه بيطلبون منك تجلسين في المقاعد الأماميه كل الي عليك انك تتكلمين بصوت جهوري واضح ،

ولاتشغلين بالك في الاستاذات لانهم بيجلسون في المقاعد الخلفيه وبرضو حتى هم بيطرحون عليك اسئله

لاتناظريهم الا في وقت اجابتك ع اسئلتهم وصدقيني الموضوع مو محتاج كل هالتوتر

لانه الدكاتره والاستاذات والجو بشكل عام مريح


وفالك التوفيق

[حفصه الدوسري]

يعطيك الف عافيه ملاك
الله يوفقك يارب

[حفصه الدوسري]

المشكله الدكاتره الرجال استحي اني اسلم عليهم
واذا سلمت احتمال مايسمعون صوتي وانا اسلم ومايردون علي السلام وافشل ويطيح وجهي هههههههههه
ورطه انا فيها :064::139::mh318::mh12::sm1:

[مها2014]

مرحبا بنات الحمد لله انتهت المقابلة
ام هيوفة البنات ماحسبتهم بالضبط بس اتوقع مايزيدون على 15 طالبة
اسئلوني عن اسمي متى تخرجت ثانوي وجامعة عن الفتوحات في العراق فيعهد عمر بن الخطاب صلاح الدين الايوبي
اسئلة واضحة وسهلة صح لخبطت بس حسيت اني انجزت هههههه

[حفصه الدوسري]

مها غيروهم الدكاتره اللي اخذوا المقابله امس ولا
مثل الدكتوره عذاري وخلود ولا

[ام هيوفه]

مهاء الله يوفقك ان شاءالله ..كلنا والله لخبطنا شوووي بس الحمدالله حسيت ان مقابلتي كانت 95%..
واتوقع على العدد اللي تقولين دخلوا المقابله ..ان كل اللي دخل الاختبار يقابلونهم ..والله يوفق الجميع ...

[ام هيوفه]

حفصه متى مقابلتك ....

[حفصه الدوسري]

مابعد اختبر ماادري انسحب

[ام هيوفه]

انا اقول اذا فيه امل تختبرين اختبري وجربي حظك ..

[حفصه الدوسري]

ربي يسهل ان شاء الله
بنات غيروا الدكتورات عذاري وخلود
اللي يسوون مقابله ولا

[مها2014]

لا نفسهم

[مها2014]

بنات انا مااقدر ارسل رسائل خاصة مشاركاتي قليلة

حفصة اذا فيه امل روحي امس جات وحدة مااختبرت

كلمت رئيس القسم بتختبر بعدين

[حفصه الدوسري]

يعطيك الف عافيه مهااااا
الله يوفقك يارب
وييسر لك امورك
شكرا جزيلا لك

[ام هيوفه]

بنات من اللي اليوم لها مقابله ..مسار اسلامي

[حفصه الدوسري]

اليوم دقيت على نجاه تقولي المقابله خلصت
ماادري مافهمت علي
او مافي طالبات واجد عشان كذا خلصوا بسرعه

[ام هيوفه]

بنات ماتدرون كم المده وتطلع نتايج القبول ...

[Hyfaa]

العام شهر شعبان يعني في ٨ يطول يام هيوفه انسي الموضوع

[ام هيوفه]

معقوله تطول بس هالسنه الاختبار والمقابله بينهن تقريبا اسبوعين اتوقع قبل شهر 8