استشارة اسحب من الكلية وانطق بالبيت والا اكمل [الأرشيف] - ملتقى طلاب وطالبات جامعة الملك فيصل,جامعة الدمام

بنت جدة000

2014- 3- 21, 10:25 AM

Loli ahmed

2014- 3- 21, 12:19 PM

أنا أقول كملي أحسن بكثير من قعدة البيت
وحاولي تشدين حيلك

بعدين قدامك خمس مستويات يمديك ترفعين معدلك فيها

الله يوفقك.

FaHoOoDe

2014- 3- 21, 01:56 PM

دامك مو وجه دراسه

وملك رايح فيها

وترم كامل بدون اختبار

انا اقول اسحبي ملفك وادرسي تعليم عن بعد افضل لك

يارب تحقق أملي

2014- 3- 21, 06:42 PM

نصيحه لاتسحبين ملفك ولاتسمعين كلام اللي يقولك كملي عن بعد ندمي اني دخلته وتمنيت اني كملت انتظام بس سحبت منه

التعليم عن بعد انلغى بكل الجامعات مافيه يعني فرصصتك تكملين واذا ع المعدل يمديك ترفعينه بسهوله باقي لك 5 مستويات
الدراااسه الدراسه اهم بالتوفيق

دلع فوشيه

2014- 3- 21, 07:29 PM

ركزي ع المواد الي عدد ساعاتها 3 واكثرر

ترفعين المعدل ب الراحةة بس ركزي ب الدراسه

7M0DI

2014- 3- 21, 08:52 PM

باين من كلامك انك تحبين النووووووووووووووم ،،

التعليم عن بعد يصلح لك ، وراح تحلين واجباتك على المخدة، فرائي تحولين لجامعة فيصل وتعادلين مواد

وتخلينك من الانتظام ووجع الراس ، وراح توفرين فلوسك من الماركات والجوالات وحركات بنات الجامعة ، والحش والنميمه في خلق الله داخل الجامعة.

اتمنى اني افدتك ،، الرأي لك

عبدالله الحربي0

2014- 3- 21, 10:03 PM

توكلي على الله وانطقي بالبيت

امل باوزير

2014- 3- 21, 10:41 PM

الشباب نصائحهم تحطيم :16.jpg:

بنصحك واقولك كملي خصوصا انك انتظام والله احلى شئ تدرسي انتظام
واذا سحبتي مافي امكانيه تكملي ومثل ماقالت الاخت التعليم عن بعد تقفل
ومافي امل تدخلي إلا الجامعه الالكترونيه وهالجامعه نظامهم صعب

قسمك حلو ومطلوب ومرغوب بعد تقدري ترفعي معدلك وتشدي حيلك
حتى لو تجيبي هالترم مثلا سي الترم الجاي بي واللي بعد بي بلس لين مايرتفع معدلك
ولسه قدامك خمس مستويات تقدري كل مستوي تدرسي وتعطيه حقه من المذاكره
واذا حسيتي بضغط من الترم الجديد رتبي وقتك واطلعي على اليوتيوب على المواد ب الاجازه
حتى لو كل اسبوع تشوفي محاضره ماراح تخسري شئ يبدا الترم وانتي مستعده

واذا قعدتي بالبيت وين راح يروح وقتك خرجات تلفزيون وهالوقت اللي يضيع ب اشياء مالها داعي
استغليهم بالدراسه افظل ولاحقه عليهم بعد التخرج او ب الاجازات كلها اربع سنوات وتخلص

صدقيني بتندمي لو سحبتي من الاانتظام كملي وتوكلي على الله وماخاب من قال يارب
موفقه :love080::rose:

حلم متجدد

2014- 3- 21, 11:38 PM

اجتهدي وانهضي من جديد وربي بيعوضك سبحانه ...
وافتحي صفحة جديدة واعملي بشكل جاد بالأترام القادمة.

والا انطق بالبيت ماراح استفيد من شهادتي

الفشل انك ترضين بالفشل وتوقفين عن المحاولة !
كملي دراستك انتظام لاتوقفين حاولي وتعلمي من تجربتك السابقة
ولاتسمحين لأحد يكسر عزيمتك وطموحك :verycute::004:

بالتوفيق وعقبال مانفرح بتخرجك بالمعدل اللزيز :(204):

طالب القرب

2014- 3- 23, 11:55 PM

قصي الحق من نفسك واستخيري
واتوقع تقعدين احسن لو تخرجتي بمعدل ضعيف راح تلومين نفسك
تدرين المعدل الضعيف مايوكل خبز للانتظام فما بالك بانتساب
انطقي احسن هههههه

الاخصائية بشرى

2014- 3- 24, 12:07 AM

سبحان الله غيرك يتمنى يدرس انتظام

ترف...

2014- 3- 24, 08:47 AM

شدي حيلك واتعبي لانه بالنهايه مستقبلك
ولاتاخذين رائي احد في شئ ينفعك

باقي صغيره وين المشكله لوتعبتي شوي

تذكري مااحد ينفعك غير نفسك
وبيجيك يوم وتندمين

بالنهايه الرأي رأيك

نايف سليمان

2014- 3- 24, 09:04 AM

حيـاة

2014- 3- 24, 10:01 AM

واضح من أسلوبك انك بداخلك محبطة ف مايحتاج استشارة
لكن حطي في بالك أن شهادتك مافي أحد بياخذها عنك ولا أحد بيعوضك عنها وبتقولين ياليت ...
عزيزتي لاتسمعين كلام المحبطين
ابحثي عن الإيجابيين حتى لو قسوا عليك لأن المصلحة لك في الأخير
توكلي على الله وكملي وكوني حازمة مع نفسك وأقسي حتى يرتفع المعدل انتي كذا تأثرين على نفسك بسلبيتك ولأنك تدورين السلبيين اللي يدعمون احباطك ..
واحد من الخريجين المتميزين في الجامعة تخرج من الثانوية بمعدل 58٪ !!!!
عرف المشكلة وحلها وتحدى نفسه ووصل للي يبغاه لأنه مو حاب يظل انسان بدون هدف وبدون طموح لأنه اذا عاش بدون هالشيئين فهو مثل الميت لكنه يتنفس هو الآن فخور بنفسه ماشاء الله عليه وعنده الجرأة يتكلم عن تجربته ..
ادرسي وواصلي ولاتسمعين للي يقول وقفي.. كملي دامك قادرة تكملين
مافي شي اسمه معدلي نازل وماعندي مكافأة
المعدل بيدك ترفعينه إذا فعلاً بغيتي ترفعينه
الا إذا انتي تبغين تسمعين اللي يقولك وقفي هذي مشكلة ..
أنتي مميزة لكن ما اكتشفتي نفسك وعلى فكرة حبي نفسك أكثر ولا تتكلمين مع نفسك بهذي السلبية ورح تشوفين انك تغيرتي لأنك حبيتي نفسك وعرفتي أنك تستاهلين الشهادة وبتميز برضو مو بس شهادة والسلام مو بس البكالوريوس برضو للماستر والدكتوراة ولاتقولين مستحيل لأني اكلمك عن تجربة شخصية .. بكرة إن شاء الله أولادك بيفخرون بأمهم المثقفة الواعية اللي تحمل ماستر أو دكتوراة اللي نجحت في حياتها ولا رضت تكون سلبية ..

من لم يتحمل ذل التعليم ساعة بقي في ذل الجهل أبداً

بالتوفيق يارب وعقبال ما أشوفك تكتبين عن بداية تجربتك السلبية وكيف انك قدرتي تحولينها لقصة نجاح تفخرين فيها ..

غربة نفس

2014- 3- 24, 10:32 AM

اترك عنك الجامعه وخلك في البيت وربي يرزقك بزوج ان كنت عازبه وربي يرزقك باولاد ان كنت متزوجه
وربي يرزق زوجك واولادك الصحه والعافيه يارب
الشهاده يا أختي ماهي مهمه صدقيني الاهم هي سعادتك الى في قلبك ويدلك عليها عقلك
وبالتوفيق لك

أخالفك وبقوة
الشهادة مهمة ومستقبلك أهم بكثير
أبني بداخلك طموح وخلي همتك عاليه
كملي لا توقفي

ب العكس أقهري أحباطك بنجاحك
وحطي هدف أمام عينك توصلي له ..

طعم النجاح رااائع جدا

:rose::119:

غربة نفس

2014- 3- 24, 11:27 AM

لا يوجد في الحياة انسان فاشل ،
ولكن يوجد انسان بدأ
من القاع وبقي فيه

هذا توقيع الأخ لاكوست
كلام جميل ..:rose:

reaching higher

2014- 3- 24, 01:37 PM

ana ~♪

2014- 3- 24, 01:59 PM

هههههه

توكلي على الله وكملي دراستك .. شهاده ال بكالوريوس احسن من شهادة الثانويه مهما كان المعدل

Bdoooor

2014- 3- 24, 02:10 PM

صدقيني أحباط النفس يبداء من الداخل النفس
والارادة والعزيمة تبداء من الداخل النفس
أضغطي على نفسك أشوى في المذاكرة في البداية بتتعبين بس مع الوقت بتعودين
والله يوفقك يارب

تطلعات ورؤى

2014- 3- 24, 02:40 PM

اذا ماعندك التزامات بيت وعيال..ليش مستواك نازل ...الجامعه تدرسك لغه عربية
ذاكري وشدي حيلك الشهاده سلاحك في هالدنيا...ماحد بكره راح ينفعك الى نفسك
انا اقول غيري من نفسك وابدي نظميها وشدي حيلك ..المستوى النازل هذا يدل على خلل
بالمذاكره او بتنظيم الوقت عندك..

الله يوفقك ..وشدي حيلك .

reaching higher

2014- 3- 24, 02:50 PM

اترك عنك الجامعه وخلك في البيت وربي يرزقك بزوج ان كنت عازبه وربي يرزقك باولاد ان كنت متزوجه
وربي يرزق زوجك واولادك الصحه والعافيه يارب
الشهاده يا أختي ماهي مهمه صدقيني الاهم هي سعادتك الى في قلبك ويدلك عليها عقلك
وبالتوفيق لك

اخوي الله يجزاك خير ..

السعادة اللي ما يصنعها الشخص لنفسه ... لا يتوقع احد بيصنعها له ..

و العقل اللي شرف الله به الانسان .. ليش ما تشغله المرأة؟

(افلا يعقلون) (افلا يتفكرون) ( افلا يتدبرون) (افلا ينظرون) (لاولي الالباب).

هالخطاب مو بس للرجال.

هـمـس التميمي

2014- 3- 24, 03:53 PM

لازم الواحد يكون له هدف بهالدنيا .. يسوي اي شي عشان يحققه

خصوصا العلم ..

توكلي ع الله يا اختي .. وكملي دراستك خصوصا انها انتظام
يعني ان شاء الله لك فرصه بالعمل و اكمال الدراسه داخل وبرا البلد

ماتدرين نصيبك وين بيكون
اقلها انتي ماخذه بالاسباب

حتى لو معدلك بالبدايه ضعيف ..يرتفع باول سنتين
حتى لو يوصل جيد ..نعمه

خلك انسانه لها طموح ماله حدود
وحطي في بالك مابه شي في الدنيا بينفعك .. لا اهل ولا زوج ولا عيال غير نفسك و بس

الله ينوّر لك بصيرتك

~النايفه~

2014- 3- 24, 09:10 PM

لو الظروف ماحدتني على الانتساب كان ادرس انتظام .. .. استغرب من اللي عندهم كامل الامكانيات والظروف السانحه ومايبون انتظام !!!:41jg:
آختي آكملي دراستك انتظام .حتى شهادة الانتظام معترف فيها والوظيفه ان شاء الله مضمونه
اللحين انتم تستلمون مكاآفاه وشهادتكم معترف فيها ومو عاجبكم !!!واحنا انتساب وندفع دم قلبنا وشهادتنا ماتوكل عيش الله على الدنيا''"

فنوُ *

2014- 3- 24, 09:27 PM

دامك مو وجه دراسه

وملك رايح فيها

وترم كامل بدون اختبار

انا اقول اسحبي ملفك وادرسي تعليم عن بعد افضل لك

توكلي على الله وانطقي بالبيت

باين من كلامك انك تحبين النووووووووووووووم ،،

التعليم عن بعد يصلح لك ، وراح تحلين واجباتك على المخدة، فرائي تحولين لجامعة فيصل وتعادلين مواد

وتخلينك من الانتظام ووجع الراس ، وراح توفرين فلوسك من الماركات والجوالات وحركات بنات الجامعة ، والحش والنميمه في خلق الله داخل الجامعة.

اتمنى اني افدتك ،، الرأي لك

قصي الحق من نفسك واستخيري
واتوقع تقعدين احسن لو تخرجتي بمعدل ضعيف راح تلومين نفسك
تدرين المعدل الضعيف مايوكل خبز للانتظام فما بالك بانتساب
انطقي احسن هههههه

ههههههههههههههههههههههههههههه:hahahahahah::hahahah ahah:
أم تحطيم :71::5aga:

لا تسمعين كلامهم وشدي حيلك لا تفرطين بالفرصة وجت لا عندك غيرك يبيها وما جاتةة معدلك راح يرتفع لو شدتي حيلك :53:

الله يوفقك ويحفظك ويسهل أمرك :verycute::004:

حكاية2012

2014- 3- 26, 05:40 AM

كملي...افضل لك
بكرا ماراح احد يندم غيرك
مافي شي سهل
لازم تتعبين...بكالوريس انتظام
افضل من
بكالوريس انتساب مطور
ب التوفيق للـ الجميع

عبدالله الخريصي

2014- 3- 26, 06:43 AM

لا تاخذين مواد كثير
3 مواد
3 وحدات كل ماد جيب كل واحد a
صير المعدل كويس6. 2 الكورس البعده خوذي 12 واحده 4 مواد
3 كل ماد جيب a بثلاث مواد يرتفع معدل وصير متياز

عبدالله الخريصي

2014- 3- 26, 06:45 AM

لو الظروف ماحدتني على الانتساب كان ادرس انتظام .. .. استغرب من اللي عندهم كامل الامكانيات والظروف السانحه ومايبون انتظام !!!
آختي آكملي دراستك انتظام .حتى شهادة الانتظام معترف فيها والوظيفه ان شاء الله مضمونه
اللحين انتم تستلمون مكاآفاه وشهادتكم معترف فيها ومو عاجبكم !!!واحنا انتساب وندفع دم قلبنا وشهادتنا ماتوكل عيش الله على الدنيا''"
كلامج مرفوض منو قال انتساب ما يوكل عيش
شهادة انتساب مثله مثل انتظام ممكن تعمل الي يعمله هو
ولكن انتم تمووتون بشي اسمه تحتطيم علي شان اذا فشلت تقول ايه شهاده هذي خرطي ولخ ولخ

منير علي

2014- 3- 26, 07:24 AM

انطقي بالبيت احسن

أفا يا قلب

2014- 3- 26, 07:41 AM

لا تسمعين للتحطيمات الي جاتج
نصيحه مني كملي دراستج شهادة الثانويه ماراح تفيدج

أفا يا قلب

2014- 3- 26, 07:46 AM

بعدين المعدل ماراح يأثر على حياتج ولا على وظيفه
اصلا مايطالعون بالمعدل اهم شي عندهم سنة التخرج وان معاج بكالريوس!!

انا متخرجه من معهد الاداره بمعدل 2 وشوي وقبلوني وظيفه حكوميه اللهم لك الحمد

Veronica

2014- 3- 26, 09:09 AM

اخذيها نصيحه مني

انا قاعده با البيت 3 سنوات من بعد الثنوي ولله مرض القعده اكتياب وقلق
لو علي لصنف قعدت البيت كا مرض من الامراض
واذا شفتي الناس تروح لشغلها وجامعتها يغبنك شي داخل تحسين انك ولا شي
وهذا انا رجعت اكمل ، لا تتركين اكررها لا تتركين لو تركتي بعد فتره بتكتشفين انك ارتكبتي
غلط كبيييير تجاه نفسك كملي

صدقيني كملي ولا عليك من التحطيمات كملي وخلصي الجامعه

منير علي

2014- 3- 26, 09:59 AM

Hnoo1990

2014- 3- 26, 10:33 AM

انا نفس حالتك بالتمام

درست ترم انتضام وسحبت سيفون على الاختبارات وجاني طي قيد
امانتا ذاك الوقت مافي راسي دراسه ..... لاكن بعد ما مرت ٤ سنوات !!!
تغير تفكيري نهائيا
صعب كثثثير تشوفين صاحباتك خريجات جامعه وانتي بس عندك ثانوي !!!
غير انها مستقبل !!! وتغيير جو بدل جلسه البيت
صدقيني جلسه البيت اذا استمتعتي فيها فهي سنه او سنتين بالكثير
بعدها بتلاحضين ان اغلب الي اصغر منك سبقوك !!!!!!

نصيحه
كملللللي كملللي كمممممملللللي
وربي لو تركتي ان تتحسفين قد شعر راسك
شوفي البنات الحين الي معاها ٤ عيال وتكمل !!
لانها اما ضروفها ما كانت كويسه او انها تكسلت مثلي

أفا يا قلب

2014- 3- 26, 11:23 AM

واسطة

وانا متخرج معهد ادارة بمعدل 2.62 ولا دقوا لي خبر ولا عطوني وجه

والله مو واسطه انا متخرجه من 1427 يعني اعتبر قديمه بسنة التخرج
كل شي موجود بالنت بآخر مفاضله
الحمدلله والشكر بس

منير علي

2014- 3- 26, 11:43 AM

والله مو واسطه انا متخرجه من 1427 يعني اعتبر قديمه بسنة التخرج
كل شي موجود بالنت بآخر مفاضله
الحمدلله والشكر بس

تدري
ان شاء الله مايكون في زعل
أرزاق من رب العالمين

مسافر بلا عنوان

2014- 3- 26, 12:06 PM

في كل الاحول الدراسه احسن لك من القعده بالبيت

على الاقل لا خرجتي بدون معدل اخرجي لك بمحضول علمي داخل راسك , يفيدك بالمستقبل ويفيد اسرتك وابنائك

بالتوفيق

فوق

2014- 3- 26, 01:23 PM

الجنون إنك تنازلين عن دراستك بأي شكل وأي عذر أنتي بس تخيلي نفسك بعد أربع سنوات تهشين ذبان

لا شهادة ولا وظيفة ليت كان لي فرصة ودرست منتظمة كان علوم لكن الحمدلله إن فرصة الدراسه جتني

وكملت رغم كل الظروف صدقيني غيرك ملايين يتمنون الفرصة ولا جتهم وأنتي بالنهاية صاحبة القرار

بس التعليم لو فرطتي فيه ما يتعوض لأنه مثل العمر غالي .

نُـوْوتْ

2014- 3- 26, 03:16 PM

غريب كلام بعض الشباب هنا .. ماأدري عشان واحد نصحها بالسلبية قاموا كلهم يسوون مثله .. عجبي

المهم ماعليك من كلام بعض الشباب واسمعي كلام الطالبات أفضل .. بالتوفيق

ghayda

2014- 3- 26, 08:10 PM

كملي رح تندمي لو ما كملتي !!

يعني احسن من قعدة البيت

طلال الشمري *

2014- 3- 26, 08:36 PM

وين تشوفين نفسك بعد 10 سنوات . ادا انسحبتي من الجامعة ؟

فتحي عيونك زين

تدرين ان هنا في الملتقى فيه .. طالبات اتخدوا قرارك و قعدوا بالبيت من سنوات و اليوم هم هنا ... يدرسون من جديد .. ما سئلتي نفسك ليه؟

لا تدرسين عشان المعدل بس ... الدراسه مو بس وظيفه ... الدراسه ثقافة ... طريق للجنة .. ثقه بالنفس بعد كم سنه بتشوفين الناس اللي معاهم ثانويه منقرضين
(كل اللي اعرفهم كانوا ثانوي ..درسوا بكالوريوس انتساب و خلصوا)... ترضين يطالعون لك بالناس بنظره اقل و تسمعين كلام ممكن يجرح؟.

فما بالك انتظام و ترفسين النعمة بعد؟ ..

(مجرد سؤالك استفزني ... اسمحي لي اختي .. )

الله يوفقك كلامك غطى على بعض الجهلاء اللى يقول وقفي تعليم و أقعدي في بيتك .

أنا أقول للأخت الفاضلة كملي حتى لو تخرجتي 3 من 5 عادى المهم هالجامعة بيدك وبعدين صدق بعد كم سنة اللى معه ثانوية يصيرو ينعدو على أصابعك .

آه ثم آه العلم حلو وله طعم يخليك تفكر أحسن من غيرك يا بنت الحلال فكري زين بدون علم ترى أنتي خسرانه

ولاه الأخ اللى يقول أقعدي في البيت ربي أعيالك صدق متخلف عن زمن العلم :24_asmilies-com:

أمنيات حنين

2014- 3- 26, 09:56 PM

ليتني أدرس إنتظام واستلم مكافآت وانجح وافتخر بالشهاده حتى لو ماتوظفت بس الاهم أخذت التخصص الي احبه واشد حيلي فيه واني طالبه إنتظام
كانت أمنيتي الجامعه دخلتها بس متى يوم تأخر عمري عن سن الجامعه المفروض متخرجه من الانتظام والماستر والدكتوراه وبس رزقي انتساب عن بعد والحمدلله ع كل حال

من كلامي لاتضيعي الفرصه من يدك

~النايفه~

2014- 3- 26, 10:40 PM

كلامج مرفوض منو قال انتساب ما يوكل عيش
شهادة انتساب مثله مثل انتظام ممكن تعمل الي يعمله هو
ولكن انتم تمووتون بشي اسمه تحتطيم علي شان اذا فشلت تقول ايه شهاده هذي خرطي ولخ ولخ

خيوه وين التحطيم بالسالفه بالعكس اشوف اني ادعمها بكلامي انها تكمل دراستها اللحين هي تدرس انتظام وش يحدها على الانتساب ..بعدين فعلن شهادة الانتساب ماتوكل عيششششش يبيلك مع العيش فول *-*

=المتفائله=

2014- 3- 26, 11:45 PM

انا انتظام حولت من جامعة لجامعة الدمام المهم اول ماحولت سجلت مواد وسحبت عالترم كامل بدون اعتذار ولاشئ ولاكنت ناوية ارجع اصلن المهم معدلي صار 1.00

الحين سويت اعادة قيد ورجعت وقاعدة ادرس ومعدلي نازل وماعندي مكافأءة :icon9:

ورحت موقع حساب معدلات وقعدت اخمن قد ايش راح يرتفع معدلي

طلع مرة ماراح يرتفع عن اثنين ونص او ثلاث بالكثيييير هذا
:bawling:
انا شادة حيلي الحين بس اعرف نفسي حدي c ونادرا اجيب b

ابي مشورتكم اكمل حتى لو بس اتخرج ب 2 والا انطق بالبيت ماراح استفيد من شهادتي :cry111:

اختي الله يوفقك ويفرح قلبك
كلامنا ماراح يغير من رايك اذا كنتي مقتنعه انك تسحبين ملفك لكن قبلها فكري
بدل المره الف
وقدري النعمه اللي انتي فيها لانك انقبلتي انتظام بالجامعه
غيرك كثير كان يقدم و ينرفض طلبه
مع ان نسبتهم حلوه
ماهو عيب ان درجاتك ضعيفه حاولي مره ومرتين وعشره
رتبي وقتك و نظمي جدول الدراسه بعدها
صدقيني بفضل الله بيرتفع المعدل و تتخرجين

ممكن تقولي لي ايش راح تستفيدين من جلسه البيت
فكري بالموضوع زين
بيدك فرصه من ذهب لا تضيعينها

للمعلوميه تراني قدمت بجامعه الملك فيصل انتظام رفضوني

وقدمت انتظام لجامعه الدمام ورفضوني

ورجعت قدمت لهم بوقت ثاني انتساب وانقبلت
لكن الدكاتره ابد ماهم متعاونين وقسمي كان صعب جدا ومع ضغط الوظيفه سحبت ملفي

للمره الرابعه قدمت انتساب بجامعه فيصل والحمدلله
بفضل الله تخرجت

ماهو عيب انك تفشلين العيب انك ما تحاولين
حاسه انك متحطمه من كلام الناس وتعليقاتهم
صدقيني اذا كنتي تبين نسبتك ومعدلك يرتفع راح يرتفع باذن الله
الله يوفقك و ييسر لك كل خير :106::106::106:

Noooralgamar

2014- 3- 27, 06:55 AM

قسسم بالله لو خليتها والله طول بعمررك ان تنددمين قد شعر راسك
لاتفرررطين في دراستك ليتني لاقيه هذاك الوقت من ينصحني زيك
كان الحين موظفه واستلم راتب زي كل البنات بسسني
شعور صعب جدا جدا تشوفين كل اللي حولك سابقينك بمرااااحل
واصغر منك بكثير كمان وتعدوك
وانتي مكانك سر حالك الحين زي حالك بعد عشر سنوات ماتغير اي شي
حاولي تطورين نفسك وتشدين حيلك اجلسسسي مع نفسك جلسه حاسمه
ورتبي نفسك وحطي النقط ع الحروف
غيري النظره السلبيه اللي شايفه بها نفسسك
حبي نفسك اشتغلي على عيوبك
مو عيب تفشلين العيب انك تستمرين بالفشل
شوفي كل البنات اللي ردو عليك قالو لك كملي ولاوحده قالت اتركي
لان فيهم اللي تتكلم عن تجربه وفيهم اللي تنصحك كانها تنصح اختها
اما الشباب ولا اعمم ف ما اقول الا خسارة التعليم اللي تعلمتوه اذا هذي نظرتكم
عموما حلوووووووووووو كثير تبدئين مكان ما انتهى غيررك
ولاترجعين من اول وجديد تمشيينن نفسسسسس الطريق
حكمممي عقلك وادرسيها صح
ومتاكده راح تاخذي الرأي الصحيح

ام نواف ز

2014- 3- 27, 07:28 AM

نصيييحه لاتسمعين للمحبطين كملي دراستك شهادة الانتظام اقوى بكثيييير من الانتساب شوفيني انا الحين كنت منتظمه سنه وتزوجت وسحبت وعضيييييت اصااابع الندم والى الآن اتحسف والحين عندي ولدين وقاعده اكافح واكمل الشهاده حلوووه وصدقيني ماحد بينفعك لازوج ولااخ ولاعيال تمسكي بدراستك ولاتفرطين فيها شدي حيييلك وبيرتفع معدلك وتنجحين بإذن الله والتعليم عن بعد خلاص تقفل ماعاد فيه نصيحه كملي احسن لك من قعدة البيت قسم بالله انها طفش وقلق وهم

مسافر بلا عنوان

2014- 3- 27, 02:45 PM

خيوه وين التحطيم بالسالفه بالعكس اشوف اني ادعمها بكلامي انها تكمل دراستها اللحين هي تدرس انتظام وش يحدها على الانتساب ..بعدين فعلن شهادة الانتساب ماتوكل عيششششش يبيلك مع العيش فول *-*

لو همينا العصافير مازرعنا الدخن

وبعدين الارزاق تراها بيد رب العالمين قاله مايوكل عيش . :119:

~النايفه~

2014- 3- 27, 03:22 PM

لو همينا العصافير مازرعنا الدخن

وبعدين الارزاق تراها بيد رب العالمين قاله مايوكل عيش . :119:

الارزاق بيد الله سبحانه ماقلنا شئ ولا اعترضنا على قدرته سبحانه وتعالى بس فيه اسباب الله يقول اسعى ياعبدي وانا اسعى معك ...
ثاني القطر يمنعه الله عن عباده بسسبب ذنوبهم حتى يتوبو ...والله مايرضى على عباده الظلم سبحانه ..والله يقول سبحانه بمامعنى الايه ظهر الفساد في البر والبحربما كسبت ايدي الناس"
والزبده من الكلام ذا ان شهاده الانتساب ماراح تنفعك دام فيه ظلم وواسطه وفساد ويقدم القوي على الضعيف والغني على الفقير ويقدم الفاسد على الصالح

مسافر بلا عنوان

2014- 3- 30, 08:46 AM

الارزاق بيد الله سبحانه ماقلنا شئ ولا اعترضنا على قدرته سبحانه وتعالى بس فيه اسباب الله يقول اسعى ياعبدي وانا اسعى معك ...
ثاني القطر يمنعه الله عن عباده بسسبب ذنوبهم حتى يتوبو ...والله مايرضى على عباده الظلم سبحانه ..والله يقول سبحانه بمامعنى الايه ظهر الفساد في البر والبحربما كسبت ايدي الناس"
والزبده من الكلام ذا ان شهاده الانتساب ماراح تنفعك دام فيه ظلم وواسطه وفساد ويقدم القوي على الضعيف والغني على الفقير ويقدم الفاسد على الصالح

اتفق معك مثلا ان هناك فساد وظلم وواسطه بس ماحد يقدر يقرر ان شهادة الانتساب تنفعني ولا ماتنفعني
هذا الشي بيد رب العالمين
شكرا

الراقي222

2014- 3- 30, 12:01 PM

اشوف انك تفصلين الله يعينك وتبدأين من جديد .. وخاصه انك في المستويات الاولى ..
لان 1.00 مرره قليل .. اتمنى لك التوفيق .

غربة نفس

2014- 3- 30, 01:10 PM

اشوف انك تفصلين الله يعينك وتبدأين من جديد .. وخاصه انك في المستويات الاولى ..
لان 1.00 مرره قليل .. اتمنى لك التوفيق .

لو فصلت م أتوقع أنها بتنقبل من جديد
أنا أشوف بما أنها ببداية الطريق تحط لهاااا هدف وتحاول أنها تحققه

بيرتفع المعدل لو هي ذاكرت وأنجزت
الله يسهل للجميع

:icon1: