مشروع بحث التخرج والتدريب الميداني

[نيفيز]

السلام عليكم ..

لي يومين ارسل ايميلات لدكتور السلوم والاشقر ابيهم يقبلون موضوعي البحث ولا ردو علي وارسلت رسايل نصيه على جولاتهم ولا ردو ... فيه احد مثلي والا لا والي ارسل يطولون علئ مايردون؟؟

[عادل المطيري]

والله ودي اخدمك بس توني بالمستوى سادس عقبال ما تخرج

[نيفيز]

لا هنت ياعادل ...اسعدني مرورك

[mbb]

انا ارسلت للسلوم رد قبل امس
الأشقر ما يرد مدري ليه

[نيفيز]

ما احد رد علي باقي للاسف ... طيب انت ارسلت ايميل والا رساله نصيه علئ الجوال

[نيفيز]

لسان حالي يقول ما قال بن جدلان
الوضع مزري ويؤسف له و يرثى له


هاه ياشباب فيه احد مثل ما احد رد عليه من الدكاتره:mad:

[المطوع خالد]

وعليكم السلام ورحمة الله وبركاته

الوقت يضيق عليكم مايحتمل تأخير

بالنسبة لدكتور احمد السلوم اختار اي موضوع

والدكتور سامي الاشقر يستبعد البحث في التفسير

واي موضوع آخر غير التفسير موافق عليه

المطلوب الآن بعد ارسال الموضوع لهم ارسل خطة

البحث لهم ثم ابدأ بكتابة البحث مافي وقت لاتتأخرون

أسأل الله الكريم ان يوفقكم جميعا دنيا وآخره

[نيفيز]

الله يجزاك خير اخوي خالد ..
صادق الوقت ضيق بس اخاف ارسل الخطه لهم وأعد البحث وبالأخير يرفضونه..
ابصبر لين تبداء الدوامات والله يكتب الي به خيره

[نيفيز]

يا طالبين العلم عطوني الشور
بدكتورً له فوق اسبوعين جافي
مـدري نذمه والا نقول معذور
مدري متعمد والا الجوال طافي


:rolleyes:

[ابو مها]

ابشرك ان جواله مقطوع
انا كلمة الجامعة ع الهاتف المجاني وقالوا لي نبي نبلغه

[zono]

ابشركم رد علي الدكتور / الاشقر


طبعاً على الايميل

ووافق على خطة البحث

[المطوع خالد]

جزاك الله كل خير

وجعلها في ميزان حسناتك

[فهد العتيبي]

ملاحظه : بخصوص اسمك

عن حذيفة - يعني ابن اليمان (http://www.ckfu.org/vb/showalam.php?ids=21)- قال : قال رسول الله - صلى الله عليه وسلم - : " من تشبه بقوم فهو منهم " . رواه الطبراني (http://www.ckfu.org/vb/showalam.php?ids=14687)

[نيفيز]

الله يجزاك خير اخوي ابو مها ..

وابشركم رد علي الدكتور الاشقر وافق على الموضوع لاكن باقي السلوم ما رد علي باقي كل ما ارسل له ايميل يجيني رد بالانجليزي انه ما استلم الايميل ..

اخوي فهد الله يجزاك خير ان اعاني من هالمنتدى لي سنتين كل ما قربت الاختبارات احاول اني اسجل لاكن ماعرفت اسجل فيه واستنجدت باخوي الصغير بالترم الي طاف وجاني يبشرني انه سجلني قلت وش حطيت الاسم قال نيفيز قلت الله لا يعطي العدو عافيه ههههههههه قلت الاسامي .. الله يهديه والله يجزاك خير .. واذا اقدر اغير الاسم علموني الطريقه . جزيتم خيرا