بخصوص التحليل الاحصائي

[ابواسوله]

السلام عليكم ورحمة الله وبركاته ,,

:106:صباح الورد والياسمين , :106:

كيف حالكم يالطيبين انشاء الله بخير ونعمه,,

اخواني ابي اسئلكم بخصوص ماده التحليل الاحصائي , قبل كان الاستاد / النجار , كان مسهلها الله يسهل

عليه والاان الحنيف ؟:(269): ومادري وش وضعه وهل غير بعض موازين المقرر او لا ؟:064:
وهل اقدر اعتمد على اسئلة

الاختبار الترم الي فات الي تبع النجار ولا كل شي تغير ؟

وايش افضل ملخص للمادة لااني متنكد منها

افبدوني ربي يوفقكم ..

[فهد كول]

الله يستر من الدكتور
تبي نصيحتي لا تعتمد على اسئله العام ، الدكتور شكله معقده شوي
افضل ملخص للعضو الفعال شيء اخر الى الان ماكتمل فقط من المحاضره الاولى الى السابعه .
بالتوفيق للجميع

[رنيم المشاعر]

طيب ليه الخوف ومذاكره اسئلة النجار .. الدكتور الجديد ماقصر ونزل اسئله مراجعه لكل محاضره واكيد ان شاء الله تجي منها الاختبار صراااحه بعد الاسئله ارتحت كأنه يقول ترااا الاختبار منه

[ما يردون الجميل]

:Cry111:السلام عليكم ورحمة الله وبركاته بالنسبه لأخر يوم في الاختبارات هو يوم عيد الفطر وعيد الاضحى وعيد النكبه يا حمزه والله أني كل محاظره أحملها وقعد أذاكرها لمدة ساعتين وأرجع على محاظرات الدكتور

عبدالله النجار وتبقى عندي بعض الصهوبات في الفهم والمحاظر الله يسلمه فهد الحنيف كأنه يقدم برنامج

في ربوع بلادي اللي كان يطلع عام 1425 ولا يقول الاسئله مسلمها يعني ما راح يكون ولا سؤال من أسئلة

السنوات اللي فاتت وكذلك يقول بالنسبه للمواضيع اللي أنزلها ليست قريبه من أسئلة الاختبار والله ما

ندري

وش الوضع ولا بعض الشباب في المحاظره المباشره يحسسك أن المنهج أسهل من المويه الله يعطيك

العافيه والله يبارك فيك يا دكتور وهو والله مافتح ولا محاظره أدخل بعين الدكتور وقل له أن وضع الماده خطير

ويبي له شوية تسهيلات في ناس غايبه عن الدراسه وفيه ناس ظروفه صعبه وفيه ناس غرقانه في دوماتها

ما أقول إلا اللهم اني أعوذ بك من علم لا ينفع وفي النهايه أعذروني يا شباب والله من اللي فيني على

هذا المحاظر بس أذكركم أن هذا المنتدى راح يستقبل أخر أيام الاختبارات الشكاوي من هذا المحاظر

خاصه من اللي قاعدين يسلكون له في المحاظرات المباشره أتمنى ثم أتمنى أنه يكون الاختبار عكس

كلامي وأسف على الاطاله أخوكم ما يردون الجميل .

[ابواسوله]

طيب ليه الخوف ومذاكره اسئلة النجار .. الدكتور الجديد ماقصر ونزل اسئله مراجعه لكل محاضره واكيد ان شاء الله تجي منها الاختبار صراااحه بعد الاسئله ارتحت كأنه يقول ترااا الاختبار منه


وين القاها الله يعافيك

[ابواسوله]

اف المشاهدات فوق 100
:verycute:
ولا احد نورني:Cry111:

[رنيم المشاعر]

اخوي الاسئلة موجوده بعد كل محاضره للاحصاء التحليلي بالبلاك بورد علئ نسختين وحده اسئلة من غير حل والثانيه محلوله دخلت علشان افيدك