تسجيل الدخول

مشاهدة النسخة كاملة : استفسار عام عاجل قبل الساعه 12:00 تكفون

فهد السويلمي
2014- 4- 10, 09:11 PM
السلام عليكم ورحمة الله وبركاته

اخواني انا سجلت المواد الترم الماضي للأسف ماسددت الرسوم المستحقه ولا حضرت الاختبارات بسبب ظروف الوالده الصحيه

كان ودي اسدد واختبر لكن ظروف والدتي الصحيه اجبرتني ان اكون بجانبها ونزلت درجاتي f بكل المواد الي سجلتها ولا سددت واختبرت

والترم هذا كنت بسجل بس راح علي التسجيل ومنقهر عشان راح علي التسجيل

بس جتني رساله قبل يومين مكتوب فيها "نرجوا سداد الرسوم المستحقه عليك 2815 ريال وانا مانزلت المواد ودخلت الموقع طلع لي المبلغ المستحق للسداد 2815 وحالتي فعال لكن مافي مواد منزله

تكفون افيدوني لان والله ودي ادرس الترم ذا وراح علي
أسماء 95
2014- 4- 10, 09:23 PM
وعليكم السلام ورحمة الله وبركاته
الله يشافي والدتك ويعآفيها
والترم اللي راح عشانها اججر ان شاء الله

بالنسبة لوضعك هذا الترم
ماعندي خبر اكيد
لكن قبل فتره فيه ناس سجلو مواد
راسل د.الفريدان
malfredan@kfu.edu.sa
وقوله ع وضعك
واذا انت بالشرقية روح للجامعة افضل



موفق ~
فهد السويلمي
2014- 4- 10, 11:22 PM
الله يجزاك خير اختي

لو كنت بالشرقيه من امس رحت للجامعه بس انا بالحدود الشماليه "عرعر" ويني ووين الجامعه

وارسلت للايميل الي حطيتيه وانتظر الرد

ياليت اذا فيه احد من الاخوان عنده فكره يفيدني
ghayda
2014- 4- 10, 11:36 PM
الله يشافي امك و يعافيها يارب

اخوي مع الاسف ما اظن انك تلحق الاختبارات باقيليها اقل من 30 يوم لهيك هل ترم ضاع عليك

و كمان بالنسبة للرسوم المستحقة هاي رسوم الترم الماضي لانك سجلت مواد و ما قدمت اعتذار ابدا

لهيك لازم ترجع تدفعها

و ازا حابب انك تسجل ترم الجاي باذن الله تواصل مع جامعه و رحلهم افضل لو فيها غلبه عشان تقدم لهم عذر تغيبك عل و عسا يقبلونه و ينزلولك نفس المواد دون دفع الرسوم

ولكن ازا ما قبلو بتدفع مره تانية لنفس المواد

الله يعينك

بس اجر لامك ان شا لله

بتوفيق يارب ~~
دمعة حلم
2014- 4- 10, 11:46 PM
والله اخي ماعندي علم بس انشاء الله الفريدان يرد عليك
والاخوات ماقصرو
بسوي تنبيه للقائمه عندي وانشاء الله يفيدونك
والله يشافي امك ويخليها لكم يارب
بالتوفيق
فنوُ *
2014- 4- 10, 11:58 PM
أسأل الله العلي العظيم أن يشفي والدتك
الترم الجائ سجل واعتبرها فترة راحة ويمديك تعوض وتجيب أحسن المعدلات يارب ~
ومافي مانع تكلم الفريدان وتحاول يشوف لك حل الله يسهل أمرك ~
الجــــ@ـارح
2014- 4- 11, 12:05 AM
اخوي المبلغ تابع للمواد الي ماحضرت اختبارها ورسبت فيها

لانك ماقدمت اعتذار ولا تاجيل

الان لازم اذا بغيت ترجع للدراسة تطلب عوده للدراسة

وتسدد المبلغ المستحق عليك سابقا

ورح يكون العود للدراسة في رمضان الترم هذا فاتك لانه ماطلبت عوده للدرسة من الاساس
NOW OR NEVER
2014- 4- 11, 12:08 AM
الله يشفي والدتك ويلبسها لباس الصحة والعافية
ويجزاك خير وتلقى هالبر في عيالك

,,

بالنسبة لموضوعك اول شي هل انت تقدر تسدد الرسوم وتستعد للإختبارات هذا الفصل ؟

كل شي بالجامعة محدد بجدول زمني واولها الإعتذار عن الفصل الماضي كان يفترض فيك تراسل الجامعة بخصوص انهم يقبلون عذرك ويشيلون عنك ال f
ولكن هذا لا يعفيك من سداد الرسوم للفصل السابق

اما الرسوم المستحقة عليك الآن قد تكون هي رسوم الفصل الدراسي السابق او قد تكون رسوم الفصل الدراسي الحالي لأنه في حال ان الطالب تاخر عن تسجيل المواد يتم تسجيله تلقائياً من النظام

حالتك استثنائية اخي الكريم

واقترح عليك التواصل مع د الفريدان وشرح وضعك له

انت ما ابتعدت عن الدراسة الا لوجه الله وبر بوالدتك عافاها الله

لذلك من ترك شيئاً لله عوضه الله خير منه

والله ييسر لك كل امر
Khaled.k
2014- 4- 11, 12:12 AM
ماعندي خلفيه عنها
والأعضاء مابيقصرون معك

والله يشفي لك الوالده ويحفظها

وشكراً خدمه اجتماعيه ع التنبيه
المتلالئه
2014- 4- 11, 12:59 AM
وعليكم السلام ورحمة الله وبركاته
أسال الله العظيم لوالدتك الشفاء والعافيه

ماعندي خلفيه والله
والاعضاء بأذن الله مارح يقصرو معك

اشكرك أختي خدمه اجتماعيه ع التنبيه
فهد السويلمي
2014- 4- 11, 01:13 AM
اخواني الكرام انا ماقدرن اسدد الرسوم واحضر الاختبارات بسبب ظروف والدتي الصحيه ، وسبب اصابتها بالسرطان

والحمدلله تماثلت بالشفاء واستمر علاجها ٨ اشهر وراح علي الترم الماضي والترم هذا وارسلت للجامعه وللآن ماجاء رد

في طريقه ثانيه اقدر اتواصل مع الجامعه فيها ارقام جوال او ارقام تواصل ، لاني اتصل على رقم الجامعه المعروف ولا يردون علي
خوراافيه
2014- 4- 11, 03:09 AM
الله يشفي امك ويخليها لك
اخوي رااسل الفريدان بالتويتر واذا مارد عليك الشكوى لله مالك الا انك تسافر لهم
المحترمه
2014- 4- 11, 03:30 AM
وعليكم السلام ورحمة الله وبركاته


بداية اسأل الله أن ينثر العافيه في جسد والدتك
وجميع مرضى المسلمين وأن يمدّها بالصحة والعافيه

كان من المفترض عزيزي بأنك ترفع تقرير أو عذر
يفيد وضعك للسمستر الماضي ولكن قدر الله وما
شاء فعل .. الرسوم كانت محسوبه عليك وعليك
سدادها الآن أما الدراسه لا يمكنك بحكم أنك لم
تسجل مقررات هذا السمستر ويفترض يكون وضعك
منقطع عن الدراسه وليس فعال لأنك لم تسجل مقررات

شكرآ خدمه على الدعوه .. بالتوفيق
المحترمه
2014- 4- 11, 03:32 AM
اخواني الكرام انا ماقدرن اسدد الرسوم واحضر الاختبارات بسبب ظروف والدتي الصحيه ، وسبب اصابتها بالسرطان

والحمدلله تماثلت بالشفاء واستمر علاجها 8 اشهر وراح علي الترم الماضي والترم هذا وارسلت للجامعه وللآن ماجاء رد

في طريقه ثانيه اقدر اتواصل مع الجامعه فيها ارقام جوال او ارقام تواصل ، لاني اتصل على رقم الجامعه المعروف ولا يردون علي

كان الله في عونك وفرّج همك
عزيزي تواصل مع الفريدان عبر بريده الشخصي

‏afridan@kfu.edu.sa‏

وإن كان لديك تقرير بمرض والدتك شفاها الله
حاول أن ترفعها له عبر البريد وإن شاءالله ينظر
لك في الأمر ... كتب الله لك الفرج ما يغنيك عن عباده

بالتوفيق
فهد السويلمي
2014- 4- 11, 06:10 AM
اختي المحترمه ، ماقدرت ارفع اعذار لاني من الشمال ووالدتي كانت تتعالج بالرياض وكنت بجانبها دوماً

حتى جهة عملي مارفعت التقارير لهم الا الاسبوع هذا ، وأرسلت ايميل للفريدان وأن شاء الله نقول خير

لكن ابي ارقام التواصل مع الجامعه غير الرقم الي بالموقع محد يرد عليه
ward . . !
2014- 4- 11, 10:14 AM
*



الله يشفي وآلدتك ويخليهآ لك ..

مآقصروآ آلآخوآن و آلآخوآت .. آفآدوك , والله ييسر لك آمورك

خدمة آجتمآعيه : تشكَرين عـ آلتنبيه عزيزتي ..

:16: :16:
المحترمه
2014- 4- 11, 03:53 PM
اختي المحترمه ، ماقدرت ارفع اعذار لاني من الشمال ووالدتي كانت تتعالج بالرياض وكنت بجانبها دوماً

حتى جهة عملي مارفعت التقارير لهم الا الاسبوع هذا ، وأرسلت ايميل للفريدان وأن شاء الله نقول خير

لكن ابي ارقام التواصل مع الجامعه غير الرقم الي بالموقع محد يرد عليه


عزيزي بالنسبه للأيقونه انتهت مدتها
هي فترة بعد الإختبار بأسبوع تُتاح للطلبه
أسبوعين ومن ثم تُغلق ولكن تتواصل مع
الفريدان عبر بريده علّه يفيدك بأي حل
بإذن الله ... بالنسبه للتواصل لا يوجد سوى
البريد اللي ذكرته لك خاص بالفريدان والدعم
الفني عبر أيقونة إستفسارات في الخدمات
الطلابيه .... يسّر الله أمرك
بالتوفيق