ادخل وعطنا رايك في مادة برامج الحاسب المكتبية

[لذة غـــــرام]

السلام عليكم ورحمة الله وبركاته

أخباركم عساكم بخير

حابه أعمل تصويت لمادة برامج الحاسب المكتبية

سمعت بالمحاضرة المباشرة انو الدكتورة احتمال تخلي الاختبار عملي
وبعض البنات قالو لا أحنا نبي نظري

حابين نسوي تصويت عشان نكلمها يوم الخميس

سؤال أنتو تعرفون شنو الفرق بينهم و شنو الاسهل والا بس كذا تكلمتو حتى يوم كلمتها فون قالت كثير داقين علي يبون نظري

الفرق بين النظري والعملي :

النظري= نختبر في القاعة يعني اسئلة واجابات بيكون صعب
العملي = نطبق على الكمبيوتر نفس الدروس اللي معانا جدا سهله نستخدمها بحياتنا اليومية وبيكون أسهل بكثير وراح ناخذ الفل مارك بااذن الله

^
معليشش على الشرح ماش هاليومين :sm5:

اتمنى كل شخص يدخل يعطينا رايه

[لذة غـــــرام]

شنو السالفة ضفت استطلاع بس أختفى :bawling:

[تموم]

جاء بوقته موضوعك

وانا افضل العملي .. العملي اسهل بكثييييييييير :$

[arng]

اكيدد العملي بيكوون اسهل .. ي ليت يكون عملي

[عـلـي]

أفضل العملي طبعا

وبنحصل على درجات أعلى بإذن الله

[نوف*]

العملي اكيد اسهل بدال كثر الكلام
بس يمكن بتجيب لنا جززئين عملي نص الدرجه ونظري نص الدرجه :)
ع العموم بالحالتين انا افضل العملي اسهل

[بنت الشرقية19]

انا افضل العملي ( لانه اسهل بكثير والدروس اللي اخذناها سبق وتعلمناها بالدراسة

[بيج’]

آلعملي طبعآ :(
طيب آلدكتوره من عندهآ قآلت يمكن م قآلت ابي تصويت آو شي من آكثر شي تبون !

[لذة غـــــرام]

أنا حابه اسوي تصويت

لانو بالمحاضرة المباشرة كثير قالو يبون نظري وهم مو فاهمين شي من الاساس

عشان كذا يوم كلمتها فون قالت الاغلبيه يبون نظري

[um hnoo]

اكيد العملي اسهل واريح لنا بلا هم الحفظ

[بيوشه]

العملي احسسن بس اخاف الوقت مايكفي بالاختبار

[ساره توت]

افضل العملي بيكون اسهل بكثير

[مهاو@ووي]

قبل ماتصوتون تدرون ليه ارفضوا العملي
لاني وحده منهم انا بحياتي ماستخدمت كمبيوتر ولا اعرف فيه
ماستخدمته الا توا يوم بالجامعه وفيه اشياء كثيره مو عارفتها ولا عندي احد بيساعدني علشان يشرح لي الكمبيوتر واحنا قبل عشر سنين ماكان عندنا حاسب
مثلا اغلبكم في مشروع الحاسب فرح فيه كثير لانه عندهم سهل
احنا للحين موعارفين كيف نسويه ومعقدنا
حتي الدكتوره عجزنا نفهم عليها وهي تشرح
ياعني خلونا علي الورق احسن لنا ومادامكم تعرفون للعملي بيكون التطبيق علي النظري سهل لكم
هذا بالنسبه لراي

[لذة غـــــرام]

أحنا مستعدين نفتح موضوع ونشرح لكم اللي معانا لانه جدا سهل

لو تشوفين المحاضرات المسجلة بتفهمين

واحنا بالخدمه

كلنا كنا مانعرف مع الوقت تعلمنا

ترا اسهل من النظري

وغير كذا تموم ماقصرت فتحت موضوع وشرحت لكم بالصور وقالت اي استفسار احنا حاضرين

يعني لو كان على الورق بيجيك السؤال نفس اللي تطبقينه بالكمبيوتر وبيكون اصعب

[حااتم]

موضوع ممتاز .. انا افضل يكون عملي افضل بكثير

بالتوفيق للجميع

[Fiona]

واناا كمان افضل العملي لانو اسهل واريح من النظري
" ونفتكـ بعد من الحفظ "

[wedaid]

عممممممللللييييي:(

[D.dove]

أنا معكم ومؤيده وبقوه للاختبار العملي أسهل وآريح وأحسن ..

لكن أنا مع أختي علاء الدين ..

هي وأمثالها كثير مايعرفون للكمبيوتر كيف يفتحونه ويسكرونه هالمره برامج المايكروسفت وغيرهم ><

فلازم نفكر بغيرنا ،،

ان كانت الدكتوره ترضى ينقسمون الطلبه إلى قسمين قسم عملي وقسم نظري ،، هذا أحسن شي لارضاء الطرفين ..

أما إذا مايصير إلا طريقه وحده إما نظري وإما عملي ،، فإن شاءالله تكون الطريقه مريحه للكل وسهله ..

والله يعين ويسهل ويوفقنا ياارب ..















#أستغفرالله الذي لا إله إلا هو الحي القيوم وأتوب إليه ..

[ميمو22]

الله ينور عليك ياشيوووخ كنت شايله هم المذاكره لاني مالقيتها منزله في المحاضرات الا رؤس اقلام فلازم الكتاب وحوسته النظري بيكون افضل بنسبه لي لاني بختصر المذاكره من المحاضرات المسجله اتدرب عليها وان شاء الله بتكون واضحه لي ولكم وفقكم الله جميع

[حلا القحطاني.]

عملي أسهل بكثير وبالذات دروسنا سهله وما يبي لها اما اذا كان نظري فلازم نحفظ بعض الايقونات باختصارها الانجليزي وبكذا بيكون شوي اصعب

[Bnt3lnoor]

احس ان كلا الخيارين متشابهين
يعني انا فاهمه الماده عدل واشتغلت ع البرامج كثير مابتفرق معي اطبق ولا احل بورقه
وكذالك الي عارف مثلا شنو يعني ترقيم الصفحات يعرف يلاقيها لو طبق

انا مع الاغلبيه اذا نظري واذا عملي
بس الي اول مره يستخدم الحاسب افضله النظري ع الاقل في 4 احتمالات يقدر يحزر الاجابه الصح😬

موفقين وعسانا ننجح 🌹

[ALansari.92]

بنسبه للي يقولون م بنفهم ع العملي بس النظري

ع اي اساس بتحلين النظري بدون م تفهمين العملي

واساس الحاسب هو التطبيق زي م قالت الدكتوره اي شي ناخذه لازم نطبقه عشان نفهمه

وانا افضل العملي او العملي مع النظري بس النظري لحاله م احبه ابدا لان لو الجهاز قدامي كل شي واضح اما بالوورقه فيه اشياء تلخبط


موفقين ..

[amal saleh]

افضل العملي اكيد :16.jpg:

[قمر الهيلا]

انا اقوول العملي افضل بكثيير من النظري ..

الله يعطيكك العافيه شيوخه


# اسأل الله لي ولكم التوفيق والسداد ,,,,

[اسمى المعان]

وانا بعد افضل العملي :love080:

[arng]

قبل ماتصوتون تدرون ليه ارفضوا العملي
لاني وحده منهم انا بحياتي ماستخدمت كمبيوتر ولا اعرف فيه
ماستخدمته الا توا يوم بالجامعه وفيه اشياء كثيره مو عارفتها ولا عندي احد بيساعدني علشان يشرح لي الكمبيوتر واحنا قبل عشر سنين ماكان عندنا حاسب
مثلا اغلبكم في مشروع الحاسب فرح فيه كثير لانه عندهم سهل
احنا للحين موعارفين كيف نسويه ومعقدنا
حتي الدكتوره عجزنا نفهم عليها وهي تشرح
ياعني خلونا علي الورق احسن لنا ومادامكم تعرفون للعملي بيكون التطبيق علي النظري سهل لكم
هذا بالنسبه لراي

انا معاك .. بس تتععلممه وتخلصه في ثواني
كلها 4 حاجات درسناها ..
1- الويندوز .. كيف تطفيه وتشغله كيف تفتح البرامج كيف تحذف البرامج كيف توصل للوحة التحكم .. معلومات عامه
2- الورود .. يعني بتقول اكتب بنص الصفحه اكتب يمين الصفحه اكتب يسار
حول الكتابه انقليزي احفظ بأسم اصف رأس وتذيل .. هذي بالله مو من أستخدامك للورود تعرف له ..؟
3- البوربوينت .. اضف شريحه حط حركات اعرضه .. حط ظل لللنص لون النص .. سهل هذا ولا ..؟
4- الاكسل .. هذا الشيء الي يبي له دراسه هاه نقدر نقول اصعب شيئ هو يبي له يد متمرسه ..
حط جدول اضف قيم .. اجمع اطرح .. اقسم ..
.. وبالأخير .. بنشوف الأغلبيه .. إذا م يعرفون للعملي .. بيصير نظري .. :004::(204):
الله يوفقك ويسهل لك .. يارب :004:

[مهاو@ووي]

انا معاك .. بس تتععلممه وتخلصه في ثواني
كلها 4 حاجات درسناها ..
1- الويندوز .. كيف تطفيه وتشغله كيف تفتح البرامج كيف تحذف البرامج كيف توصل للوحة التحكم .. معلومات عامه
2- الورود .. يعني بتقول اكتب بنص الصفحه اكتب يمين الصفحه اكتب يسار
حول الكتابه انقليزي احفظ بأسم اصف رأس وتذيل .. هذي بالله مو من أستخدامك للورود تعرف له ..؟
3- البوربوينت .. اضف شريحه حط حركات اعرضه .. حط ظل لللنص لون النص .. سهل هذا ولا ..؟
4- الاكسل .. هذا الشيء الي يبي له دراسه هاه نقدر نقول اصعب شيئ هو يبي له يد متمرسه ..
حط جدول اضف قيم .. اجمع اطرح .. اقسم ..
.. وبالأخير .. بنشوف الأغلبيه .. إذا م يعرفون للعملي .. بيصير نظري .. :004::(204):
الله يوفقك ويسهل لك .. يارب :004:

انتي ذكرتي اربع اشياء انا للحين ماعارفتهن وشي ماتشتغلين فيه كثير ومتمرسه فيه مستحيل راح يكون عليك سهل بالاختبار فوققك استاذه تسالك وين مكان هذا وهذا يعني تظنين ماراح نتخربط ونتلبك بالاختبار
وانتم اكيد تتعاملون بالكمبيوتر بشكل كبير فكذا صار عندكم سهل وانا ماانكر تعليم تموم لشرح المشروع
بس اذا كان الشخص مو عارف الاساسيات تظنين بيفهم الشرح

[عـلـي]

انتي ذكرتي اربع اشياء انا للحين ماعارفتهن وشي ماتشتغلين فيه كثير ومتمرسه فيه مستحيل راح يكون عليك سهل بالاختبار فوققك استاذه تسالك وين مكان هذا وهذا يعني تظنين ماراح نتخربط ونتلبك بالاختبار
وانتم اكيد تتعاملون بالكمبيوتر بشكل كبير فكذا صار عندكم سهل وانا ماانكر تعليم تموم لشرح المشروع
بس اذا كان الشخص مو عارف الاساسيات تظنين بيفهم الشرح

اللي يدخل ملتقى وبلاك بورد ويبحث في قوقل

سهل عليه يطبق الحاجات المطلوبة بالحاسب

وأنتي تعرفين هالحاجات أكيد .. فإذا عندك أحد ما يعرف للعملي فقدامك وقت تعلمينه مو بس عشان الاختبار .. عشان كل شي

وموفقة ..

[Flowerss]

انا مثلك يا علاء الدين
ما اعرف بالكمبيوتر الا اشياء بسيطه حتى عرض البوربينت ما صلحه الا بنتي ليه برغم اني حاولت افتح معاها واشوف واكتب كل حركه سوتها لكن لابد من شي من الصعوبه تواجهني
وانا مثلك مادرست الحاسب بدراستي لاني من خريجات 1417 يعني ليه تقريبا 18 سنه متوقفه عن الدراسه

وهذيك الايام الي عنده كمبيوتر كاأن عنده بنتلي حاليا

ولا اعرف بالكمبيوتر الا افتح واتصفح واقفل وابشرك اصبحت بالاونه الاخيره انسخ
ومعها معها باتعلم البركه باولادي يعلموني


ومع ذلك اييد العملي

[ساره توت]

انا مثلك يا علاء الدين
ما اعرف بالكمبيوتر الا اشياء بسيطه حتى عرض البوربينت ما صلحه الا بنتي ليه برغم اني حاولت افتح معاها واشوف واكتب كل حركه سوتها لكن لابد من شي من الصعوبه تواجهني
وانا مثلك مادرست الحاسب بدراستي لاني من خريجات 1417 يعني ليه تقريبا 18 سنه متوقفه عن الدراسه

وهذيك الايام الي عنده كمبيوتر كاأن عنده بنتلي حاليا

ولا اعرف بالكمبيوتر الا افتح واتصفح واقفل وابشرك اصبحت بالاونه الاخيره انسخ
ومعها معها باتعلم البركه باولادي يعلموني


ومع ذلك اييد العملي





ربي يخليلك اولادك وتنجحين وتفرحين وتفرحينهم معاك

[ALansari.92]

فلورز الله يوفقك

وان شاء الله تتعلمين عليه سهل هو بس الاكسل صعبببب حاولي تدرسين درس بدرس وماتركمينه عليك

ولا الباقي سهل

موفقه...

[ابـومازن]

تكفون لاتقحمونا في العملي النظري أفضل ( قابل للغش ) .

[عـلـي]

بسرعة اتفقوا على راي ترى الدكتورة تنتظركم :16.jpg:

يحليلنا .. والله اللي ما جابوا خبرنا هالدكاترة

[لذة غـــــرام]

أبو مازن .. خذها نصيحه مني العملي أفضل من النظري بكثير

بيكون سهل

وأنا عن نفسي جاهزه اشرح لكم

[ابـومازن]

أبو مازن .. خذها نصيحه مني العملي أفضل من النظري بكثير

بيكون سهل

وأنا عن نفسي جاهزه اشرح لكم


ماتقصرين يالنشميه بس المخ ماعاد يجمع .

[لذة غـــــرام]

لا تخاف بيجمع ان شاء الله

[mero75]

وانا بعد افضل العملي لانه اسهل بكثير من النظري
واللي بيذاكر للنظري لازم يطبق عشان يفهم يعني بيكون افضل العملي

[ابـومازن]

لو حملت الماده لاسمح الله بادعي عليكم .

[mero75]

لو حملت الماده لاسمح الله بادعي عليكم .


ابو مازن انت اذا ذاكرته كيف بتفهمه مو لازم تطبق اللي فهمته ؟
وبكذا بيكون اللي طبقته هو ذا العملي

الله لا يقوله وان شاء الله ما تحمل ولا ماده

[زهره الربيع]

طبعا عملي
النظري مره صعب بالعكس الي مايعرفو للكمبيوتر ابدا النظري لهم اصعب واصعب لان تحفظي ايقونات ومعناها وهالشي صعب واساسا موموجود بالكتاب يعني لازم يكون الواحد حافظ الكمبيوتر حفظ غير كده بنكون ملزومين نعرف خطوات العملي بشكل نظري يعني مثلا يجي سؤال كيف تفتحي ملف من اي ايقونه مع لخطوات وسالفه وحوسه

[بدوريه الهاجري]

السلام عليكم
اذا كان الاختبار عملي بيكون سهل علينا ونضمن الدرجات عكس النظري بيروح علينا كثير من الدرجات
حيث ان المنهج اللي بندرسه يعتمد ع التطبيق اكثر
وتقبلوو مروري :rose:

[عـلـي]

الى الآن النسبة العظمى تبي عملي

3 يبون نظري وأتمنى انهم يقرون ردّ زهرة الربيع وهو كلام صحيح 100%

أعرف 2 من الثلاثة وهم أبو مازن وعلاء الدين أما الثالث مدري من يكون

ونصيحة لكم أيها الثلاثة العصاميين

تعلموا على استخدام النت بشكل كامل .. فهو ضرورة من ضرورات الحياة الدنيا

ولا بد تحصلون لكم مقاطع يوتيوب للتعليم .. ولو تبوني أساعدكم بشي أنا حاضر

[ابعد الحدود]

افضل ان يكون عملــــــــــــــــــــــــــــــــــي .

[ام حمود العسيري]

السلام عليكم ورحمه الله وبركاته

بصراحه اييد العملي بقوووه لانه بيكون سهل وكل شي موجود قدامنا بس مين راح يوفر كمبيوترات لامة محمد كلهم :mh12:

الا ان كان يخلون كل واحد يجيب كمبيوتره معه هذا شي ثاني :(127):

بس برضه الي ما يعرف للحاسب بيكون العملي صعب عليه يعني لازم نفكر في غيرنا بعد

لكن نقول الله يسهلها على الجميع

[لذة غـــــرام]

^

لاتخافيين الجامعة موفرة لطلبها معامل

وفييه مليون معمل

وأنا سئلت وحدة تدرس هناك

بس يبيلنا نكلمها الخميس عشان نقنعها

[ابـومازن]

أحتج وبشدة .

[نوف*]

أوافق بشده

[عـلـي]

أحتج وبشدة .


ابو مازن .. انا مستعد اختبرك نظري .. حدد الوقت اللي يناسبك

وبنشوف كم بتاخذ :biggrin:

[ali alali]

السلام عليكم


كم المطلوب في مشروع الحاسب الالي يعني كم

عدد الشرائح المطلوبة في ذلك المشروع

[عـلـي]

تفضل استاذ علي

السلام عليكم ورحمة الله وبركاته

أعزائي الطلبة أسعد الله أوقاتكم بكل خير

بالنسبة لمشروع العرض التقديمي (10 درجات) المطلوب منكم , أرجو تحميل الملف الخاص بالمشروع في هذا القسم

انشاء عرض تقديمي حول موضوع أنتم تختارونه يحتوي على الأقل على 10 شرائح واضافة نصوص عليه, مع مراعاة ما يلي عند التطبيق:-(2 درجة)

1. التنوع في تخطيطات الشرائح (محاولة تطبيق أكتر من تخطيط على شرائح العرض) (1 درجة)

2. تنسيق النصوص من حيث حجم ولون ونوع ونمط الخط وتطبيق تأثيرات الظل عليها(1 درجة)

3. استخدام التعداد الرقمي والنقطي(1 درجة)

4. انشاء جدول وتطبيق التنسيقات عليه(1 درجة)

5.ادراج صورة وأشكال واضافة نصوص في الأشكال(2 درجة)

6. اضافة تذيلل للشرائح (1 درجة)

7. اضافة تأثيرات الحركة على الشرائح (1 درجة)

تسليم المشروع سيكون بين (13-17) 6-1435 (الأسبوع الثاني عشر)

أي مشروع سيصلني بعد الموعد المحدد لن يتم تصحيحه وسترصد علامة صفر لمرسله , أي مشروعين متطابقين أيضا سترصد علامة صفر لصاحبي المشروعين

بالتوفيق ان شاء الله

أ. وعد العبويني

[مندبله تسبدي]

انا عن نفسي افضل العملي

لان شي نشوفه ونحله ولا شي مانشوفه وتبينا نحل !

[wedaid]

عملي :19:

[زهره الربيع]

ابو مازن الكتاب معك اولأ ؟:20:
ترى مليان معلومات وكبييييييييييييييييييييييييييييير مثل المخده يحتوي على 551صفحه حجم كبير:41jg: وكلها عملي
ا ولا بعد موكل الأسئله بيجي منها لأن الدكتوره احسها تحب سؤال (ماعمل هذه الأيقونه) عاد يبيلنا نحفظ اشكال كل الأيقونات وعملها تعب مخنا من كثر التخيل :sm1:
النظري صعب بالنسبه اللي يعرفو للكمبيوتر فمابالك باللي مايعرفو له؟
والأسئله بتكون نظريه بشكل عملي وش استفدنا:(107): ؟ مونطبق بشكل مباشر ونشوفه احسن من نعصر هالمخ:sm5:

[D.dove]

الله يعين ويسهل يااارب ..