المساعد الشخصي الرقمي

مشاهدة النسخة كاملة : محتوى مقرر print للمواد تعرفك آش زبدتهـا !؟

وزيرة
2014- 4- 18, 11:11 PM
السلام عليكم ورحمة الله وبركـاتة
الأغلب يسأل آيش المواد الأصعب عشان نبتدي فيهـا وآيش المواد الأسهل عشان نتفرغ للأصعب
هذا اللي يسمونه ترتيب مهام أو جدولة
الزبدة عن الفلسفة الزايدة
الفكرة هذي جداً مريحـة :004:
وهي أسوي print للمـادة أعرف وش هي من لحيـة وأحط الفكرة للي بعدي
بحيث أنه لمن يجي يذاكرهـا يعرف عن آيش المـادة وشلون يتعامل معاهـا في المذاكرة وأهم النقاط عنهـا !؟
أتمنى وصلت لكم الفكرة أنـا شخصياً تطمني هاالحركـة جداً وتقطع علي مشوار
طبعاً أنـا أبتديت في Research Methods & Design
دكتورهـا الفريدان وطبعاً قد أخذنا من قبل أكثر من مـادة معاه
- الفريدان معروف بقصر المحتوى وسهولتـه وسهولـة الأختبار ويدهر في تكرار الأسئلـة :biggrin:
- بس من خلال لفتي عن المـادة الأختبار السابق ماكأنه أختبارات الفريدان المعتاده عليهـا ركز في الأملاء يعني الخيارات متشابه ويفرق الأملاء ممـا سبب تشتت لأغلب الطلاب وجـابوا العيد :biggrin:
- من خلال متابعتي للمـادة المحتوى قصير المحاضرات قصيرة أيضا تقدر تختمهـا في يومين بس أن في نفس الوقت تحس أنك مـاذاكرت شي عاد فككها :cheese::cheese:
- المـادة عن البحوث من أسمهـا بس بصراحـه تحسون المحتوى عناوين مـادري شتبي
- عادة سياستي مع المواد اللي محتواهـا قصير ومو كافي أتابع المحاضرات مع الدكتور لعل وعسى ألقط شي
- نصيحـة لوجه الله المواد اللي زي كـذا قصيرة المحتوى ومو كافي شيكوا على الأسئلـة اللي يعدونهـا الطلاب لأنهـا تساهم بشكل كبير في فهم المـادة وأستيعابهـا وهذا اللي راح أسويه أنـا
1/ قراءة المحتوى بتركيز
2/ بدهر في أسئلـة الطلاب اللي تخص المـادة :004::004:
- المـادة للي يقعد عليهـا بإرداة يخلصهـا في يومين باالكثير .
- أحساسي يقول الدكتور بيكرر نفس أسئلة العام ويارب يصدق أحساسي :sm5::004:





ملاحظة // الموضوع راح أحدثه من خلال الردود يعني بإذن الله راح يكون شامل لكل المواد بنفس الطريقة اللي فوق وأرحب بجميع المشاركات والإضافات
حلم طفلة
2014- 4- 19, 06:35 AM
كلام جميل أختي وزيرة الله يعدي هالماده على خير أبد ماهضمتها
nooon
2014- 4- 20, 01:10 AM
يعطيك العافية ياليت تكملين
كلامك جميل واعجبني
Hnofah
2014- 4- 20, 12:53 PM
تصدقني وزيره للحين مو عارفه من وين ابتدئ

بس ببدا معاك هال ماده ان شاء الله
* Dr.rose *
2014- 4- 20, 04:10 PM
وأنا ببدأ معك ....

ياارب يجيب أسئلة الترم اللي فات
تراااتيل
2014- 4- 20, 04:15 PM
بورك فيك
وزيرة
2014- 4- 21, 12:25 AM
بديت في الـ Sociolinguistics
دكتورهـا الهلال
- المنهج اللي يشوفه يقول طويل بس أنه ممتع للأمـانة وسهل وروعـة كأنك تقرأ كتاب تحبـه ومتنوع :004:
- الدكتور يكرر الأسئلـة ويشقلب الجواب سؤال والسؤال جواب
- يدقق في الإملاء مـادري شفيهم الدكاترة هابين في هالهبـه :sm5:
- أختباراته مرضيه
- المحتوى للي يقعد عليـه قعده يخلصـه في يومين
- المـادة عبارة عن مصطلحـات أجتماعية تشرحهـا تتعرف عليهـا مـادري كيف أوصفهـا بس حلوة وخفيفـة :004:
- الحلو في المـادة أنها ممكن تكون فيهـا معلومات كثيرة صح بس أنهـا خفيفة وأنـا تعمدت أخليهـا قبل النقد لأنهـا ماتسحب طـاقة والنقد يبي له أم المعارك :biggrin:
nooon
2014- 4- 22, 12:04 AM
جميل علم اللغة الاجتماعي وفيه صور احس الماده خفيفه ع النفس

يعطيك العافيه وزريرة
iZainab
2014- 4- 22, 10:40 PM
موضوع ممتاز جداً وزيرة موفقة عزيزتي
حالياً بادية بعلم اللغة النفسي نسأل الله التوفيق
sweet eyes
2014- 4- 23, 05:49 AM
يعطيك العافيه ماقصرتي

انا لي يومين اعيد وازيد في طرق البحث والتصميم ماني فاهمه شي
شسالفه؟ مافي محتوى اصلا كلها عناوين وروؤس اقلام حتى تابعت شرح للطلاب بس بعد مايوفي اني درست ولاني قادره افهم شي او احفظ شي يعني المحتوى خربوط والي يقهر كيف راح يسوي عليها اسئلة اااخخ يالقهر

انا بسوي الي علي واتوكل على رب العالمين وان رسبت لاحول ولاقوة الا بالله قدر الله وماشاء فعل
nooon
2014- 4- 23, 07:29 PM
سويت اي جرتبي تتابعين شرح الدكتور ؟
مش طويله المحاضرات اغلبها بالكثير نص ساعه
ضي~
2014- 4- 23, 07:36 PM
الله يجزاك الجنة ويرفع قدرك ويسهل امرك..
للأمانة مجرد ما اشوف اسمك بموضوع احس بتفاءل
بداخلك كمية ايجابية فضيعة تبارك الرحمن ♥

الله يسعدك مثل ماوجودك يسعدني ويحمسني..:106:
وزيرة
2014- 4- 24, 01:38 PM
مشكورين جميعاً عاالمرور وفالكم الـ A+ بكـل المواد يااارب :004::004:
أرحب بجميع الإضافات ياجمـاعة الخير لو أحد يبي يسوي برنت لأي مـادة نكون لـه ممنونين :004::004::004:
sweet
أنـا تابعت المحاضرات مع الدكتور وبصراحـة مـاحسيت بأي فائدة تذكر بس زي مـاقالت الأخت nooon المحاضرات قصيرة لو تبين تتابعينهـا ممكن ترسخ في بالج شي معين
وعندج أسئلـة العام أتوقع ألأخ ضاري الشمال والأخ هاضني مصورينهـا تقدرين تشيكين عليهـا وتتعرفين من خلالهـا على طريقة الأسئلة وكيف ممكن تجي !؟

ضي
يـاعسى مـادعيتي باالمثل :004::004:
أحرجتيني والله
الله يسعدج على هاالدعوات اللي تسر الخاطر وتشرح القلب :004::004:
وزيرة
2014- 4- 24, 03:37 PM
بديت في الـ modern English Drama :004:

- دكتورهـا الشناوي غني عن التعريف أخذنـا عنده أكثر من مـادة أسئلـه ممتعه نفس مواده + أنه يدهر في تكرار الأسئلـة وإذا بيغير يشقلب السؤال جواب والجواب سؤال
- المـادة يختصرهـا رد لأحد الأخوان أسمـه مـاهمني غيرك رده وااااافي ومطمئن ويلخص لك المـادة كلهـا أول 3 محاضرات عن قرون مـاقرون من المحاضرة الرابعـة للأخير قصـة نورة وزوجهـا والقصـة للأمـانة توني في بدايتها بس واضح أنهـا ممتعة وشيقـة مثل ماقال الأخ ماهمني غيرك
- المـادة حرام مـاتاخذ فيهـا A أقل شي :004::004: مـاده أعتبرهـا لرفع المعدل :004::004:
- المـادة يميدك فيهـا يومين
- طريقـة المذاكرة بخلي الـ 3 محاضرات ليوم الأختبار وببتدي في القصـة من الأن
- آشر على الكلمات الصعبة في القصـة عشان لاجـا يوم الأختبار أنتبه لهـا أمـا القصة يكفيني فيهـا قراءة لأني بكون آوردي سبق وقريتهـا وفهمت أحداثهـا
- من الملاحظ الدكتور الشناوي يتعمد يحط قصص في مادته وتكون تاخذ المنهج كلـه وهذا يحسب لـه يعرف شلون يجبر الطالب على المذاكرة باالطرق الممتعـة :004:
- دائماً أنوه على أن المواد اللي مثل كذا مـاينفع نذاكرهـا بأسلوب روتيني وإنمـا نقراهـا وكأنك تتابع مسلسل بحيث أنك تستوعب كـل أحداثه ولو أجي أسألك عن أي شي يخص البطلـه تعرفـه .
دختنوس
2014- 4- 26, 02:45 AM
قلبي يطربق بقوة إذا دخلت هنا مدري ليه

عني مابديت بشئ بس متابعة محاضرات المواد بفهم ،،المذاكرة الجدية اللي مرة باقي / منزله 8 مواد وإن شاء الله

بيمدي اختمها متى راح أبدأ !؟؟؟؟؟ مدرررري بس مخي اقنعني إنه يمدي كل مادة يومين مع ضغط كلي

وإن شاء الله سهالات

ياليت نفتح موضوع لكل مادة وأي استفسار فيها نتعاون بمساعدة بعضنا البعض .. أو نبدأ جماعياً مذاكرة ودي أحد يحمسني :019:
وزيرة
2014- 4- 26, 09:16 AM
دخنتوس يمدي كل مـادة يومين إلا النقد والترجمـة يابعد جبدي :biggrin::biggrin::biggrin::biggrin:
سليسلي لايقبل بااليومين :cheese:
Najd111
2014- 4- 26, 09:45 AM
وزيرة

صراحة فاقدة القمندات وشرحك الممتع ،قولي آمين الله يوفقك ويسعدك في حياتك
وزيرة
2014- 4- 27, 11:15 AM
Najd
آمييين ياقلبي ولك باالمثل :004::004::004:
قمنداتي باالتجمعات :biggrin:
وزيرة
2014- 4- 27, 02:10 PM
كتبت رد وأنحذف باالغلط حذف الله الشيطـان
المهم بديت في الـ creative Translation

- دكتورهـا حليمـة نسيت أسم المـادة اللي أختبرناهـا معاه بس اللي أذكره شيئين
1/ أن أغلبنـا جبنـا فيهـا العيد :biggrin:
2/ محتواهـا كـان قصير
- اللحين العكس محتواهـا طويل بس للأمـانة المـادة مب معقدة + أبشركم أنطباعات العام يمدحوووون الأختبار وكانت من أروع الأختبارات اللي مرت عليهم ويارب أحنـا بعد زيهم هاالترم :004::004::004:
- من وجهة نظري الوقت اللي تستحقة المـدة 4 أيام وكل يوم 3 محاضرات
- شيكوا على موضوع الأخ رضـا حط أسئلـة وقال الأختبار ماراح يطلع منهـا
- لازم تعرفون كيف تختارون الترجمة الصح عشان حتى لو غير في الأسئلـة تكون عندكم القدرة على القياس وأختيار الأجابة الصحيحة .
- جمعوا أكبر قدر ممكن من الأسئلة لهذي المـادة وتمرنوا على الترجمـة
موفقين جميعاً
F ADEL
2014- 4- 27, 02:46 PM
انا عن نفسي بديت في المسرحية الحديثة وطبعا المحتوى يجنن
شوي غثيث بس يالله
وزي ماقلت انا اسوي سكان فقط مابي اجهد مخي
ومادة تصميم الابحاث بجد بجد مع انها قصيره مافهمت شي حووولت عيوني ع الفاضي
الحين بديت بعلم اللغة الاجتماعي الماده تهبببببببل بس الله يستر
امممممممممممم
والترجمه الابداعية وش المشوره يالربع بصراحه منخبص المحتووووى و ش شوركم
Reem.AB
2014- 4- 27, 05:14 PM
شكرا لوزيرتنا المبدعه وعقبال تصيرين وزيره فعلا وواقعا وحقيقة
gєℓηαя
2014- 4- 28, 11:17 AM
انا ما ذاكرت شي تتوقعون يمدي ؟


عطوني طريقتكم في المذاكره اتوقع والكل قال لي ان طريقتي غلط وماراح استفيد منها شي غير تضييع الوقت
انعاش حلم
2014- 4- 29, 11:12 PM
مادري اضحك ع نفسي ولا عليكم

ختمت المواد من فترة وكل يوم قاعد ع اعصابي
واحسب الايام يوم يوم من زود التوتر

وانتم تقولون اليوم ببداء بالمادةوبخلصها بعد يومين
وزيرة
2014- 4- 29, 11:33 PM
أنعاش حلم
لاتضحك على نفسك ولا على غيرك
الناس قدرات :)
والله يوفق الجميـع
وزيرة
2014- 4- 29, 11:39 PM
F
الترجمـة عيبهـا طويلـة ولا المـادة ماأشوف فيهـا تعقيد
ركزي على أختبارات السمترات اللي طافت الدكتور يقولون يكرر الأسئلـة
أمـا لو غيرهـا ذا الترم عـاد عرفي القمندة أني أنـا نكبببة :biggrin::biggrin:
أنتا مايهمني يغير ولا مـايغير بس ذا الترم مضغوطـه :(

Reem
فديتج :love080::love080::love080:بس ماأحب المناصب الكبيرة :biggrin::biggrin::love080::love080:

gel
والله شكلج صج متوهقـه :biggrin:
أبدي في النقد هذا القمندة البقيـة يمكن تهون
وطريقة المذاكرة تختلف من شخص لآخر بس أحسن طريقة أنج تحددين وقت لكل مـادة عشان تلتزمين وتخلصين أما إذا خليتهـا سبهلله عز الله ضاعت الأيام وماأنجزتي شي :sm4::sm4:
gєℓηαя
2014- 4- 30, 10:16 AM
gel
والله شكلج صج متوهقـه :biggrin:
أبدي في النقد هذا القمندة البقيـة يمكن تهون
وطريقة المذاكرة تختلف من شخص لآخر بس أحسن طريقة أنج تحددين وقت لكل مـادة عشان تلتزمين وتخلصين أما إذا خليتهـا سبهلله عز الله ضاعت الأيام وماأنجزتي شي :sm4::sm4:



:007:

اي والله العظيم متوهقه وطريقتي في المذاكره كتابه << غباء :verycute:

مع شوية نوووم مو طبيعي وغير مواعيدي في المستشفى اللي تستهبل علي في كل ترم اختبار :139:


النقد انحشت منه يا كوني نحشة :biggrin:

عندي هالمواد

علم اللغة النفسي
علم اللغة الاجتماعي
الشعر الانجليزي
الصوتيات والنظام الصوتي
الرواية الحديثة
المسرحية الحديثة
تاريخ الخليج العربي الحديث والمعاصر

اي ماده تقترحين اذاكرها قبل :(269):
وزيرة
2014- 4- 30, 03:11 PM
مـايبيلهـا كـلام الصوتيات طبعاً :sm5::sm5:
ماعندج نقد ولاترجمـة أمورج في السليم بعد جبدي :icon9::004::004:
أبدي من اليوم لكل مادة يومين ويمدي بإذن الله :004:
ضي~
2014- 4- 30, 10:10 PM
عـــلـــم الــلـــغـــة الــنــفـــســي .... Psycholinguistics

_المادة لذيذة لأبعد الحدود :16.jpg:
_ذاكروا بتركيز واحفظوا اسماء المصطلحات زين بس افهموها قبل وبعدها
طلوا على اسئلة ابو بكر..:(204):
_ انطباعات الطلبة لاتدخلونها ابداً فيها كمية تحطيم بتوديكم بداهية ..:sm4:
_ فيه اشياء بالمحاضرات مو موجودة بالمحتوى ..:(284):

آخر شيء قيموا انفسكم بأسئلة العام الماضي وفالكم التوفيق..:004::icon19:
تخطيت السحاب
2014- 4- 30, 11:13 PM
الله يسعدكم يادفعتي
ويوفقكم

بصراحة مادري وش تبي هامادة
لا محتوى زي الناس ولا شي
الله يعين
عندي بعض التلخيصات عن مادة البحث
Najd111
2014- 4- 30, 11:30 PM
ياهلا فيك أبو مازن

الله يعافيك كلم سحاب الليل وقله ينزل باقي الاسئلة اللي عنده للمواد الثانية لأن الاسبوع الجاي ماأحد فاضي يحلها ، أو ارسل للي اسمه هاضني عنده أسئلة الترم السابق كلها خله يعطيك إياها ، انت تعرف انو احنا مانقدر نتواصل معهم .
تخطيت السحاب
2014- 5- 1, 12:12 AM
ياهلا فيك أبو مازن

الله يعافيك كلم سحاب الليل وقله ينزل باقي الاسئلة اللي عنده للمواد الثانية لأن الاسبوع الجاي ماأحد فاضي يحلها ، أو ارسل للي اسمه هاضني عنده أسئلة الترم السابق كلها خله يعطيك إياها ، انت تعرف انو احنا مانقدر نتواصل معهم .

هلا فيك اكثر
وش المواد اللي اسئلتها عند سحاب الليل
هاضني
ابي ملفه الشخصي علشان اراسله
Najd111
2014- 5- 1, 12:40 AM
تلقاه من ضمن الاشخاص اللي اتابعهم في ملفي
وزيرة
2014- 5- 2, 12:36 AM
ضي
عـد هذي المـادة خليتهـا لآخر يومين :004::004:
والبرنت حقج يفتح النفس عنهـا صراحه :sm5::004::004:
بس فعلاً ترا لاحظت بأن الطلاب يقولون متابعة المحاضرات مهمة

تخطيت
والله طرق ابحث عايمه سايحه على بعضهـا مـادة باالضبط تخلص منهـا ووجهك كـذا :Looking_anim::Looking_anim:
القمندة أسئلـة العام بشيك عليهـا كود لاشفت طريقة الأسئلـة نعرف شاالقمندة :004:
Na
زي مـاقالت نجد ياشباب تواصلوا مع الأخ هاضني ألاحظ عليه من ردودهـا أغلب الأسئلة مصورهـا
Najd111
2014- 5- 2, 12:42 AM
عروستنا وزيرة

شوفي موضوع سحاب الليل عن البحث لايطوفج. :agolakser:
وزيرة
2014- 5- 3, 01:25 PM
بعد قلبي نجد شيكت عليـه من بعد ردج على طول ألف شكـر :004:
iZainab
2014- 5- 3, 07:48 PM
النقد


:Cry111:
يالله مادة غثيثة اول ثلاث محاضرات وخلاص حسيت بالاكتفاء من المادة :41jg:
ابغى اكمل بس مو قادرة !!