شوفو النكبة ( جدول اختباراتي )

[تحتمس]

السلام عليكم
يا جماعو شوفو النكبه اللي انا فيها ...
جدولي السبت والاحد والاثنين والثلاتاء اختبارات ورى بعض ... في احد مثلي ولا بس انا :mh12: ؟
والله اني انكبت :Cry111:



http://im58.gulfup.com/gPtP4Q.jpg (http://www.gulfup.com/?95eiGn)

[l a v e n d e r]

وعليكم السلام ورحمة الله وبركاته ..
قدر الله وما شاء فعل ..

شكلكـ ما انتبهت للجدول قبل اختيار المواد ... :icon9:

عالعموم الحمد الله ان مافي تعارض مادتين بنفس اليوم او بنفس الفترة ..

قول يارب وتتسهل ان شاء الله ..

قدها وقدود بإذن الله شد حيلكـ .. :19:

[Adel F]

الله يهديك ، شلون سجلت موادك بدون ماترجع لـ جدول الاختبارات ؟
عموماً : لعلها خيرة بإذن الله .. شد حيلك ..

الترم الماضي كان أصعب ترم بالنسبة لي من ناحية المواد ومواعيد الاختبارات ، سبحان الله بعد ماشديت حيلي صار أفضل ترم من ناحية الدرجات والمعدل ، لاتيأس وأنسى هالموضوع لأنه انتهى ولايمكن التعديل ..

ركز وذاكر ، والله يوفقك ..*

[سلماااان]

الله يعينكانت واصل مستوى سادس
يعني المفروض عارف كل شي وان اختيار المقررات يعتمد على اطلاعك على جداول الاختبار قبل لا تختار
بس ان شاء الله خيره لك وتوكل على الله ييسرها لك

[غصن الوقت]

عادي عادي نفس الشي 4 مواد ورابعض
المشكله اني لما سويت الجدول كنت عارفه بس انت بالصدفه
ربي ييسرها لنا

[♡ иỉиα ..]

وعليكم السلام ..

عادي يارجل أنا نفس الشي عندي 3 مواد ورى بعض :(

أحمد ربك مافي تعارض ولا كان توهقت :)

[im Diamond]

فلم رعب مو جدول الله يعينك انا جايه مادتين بحوث ومعرفه مع انهم سهلين بس تحسفت اني اخذتهم ورى بعض شد حيلك

[همة نحو القمه]

المفروض قبل تسجل المواد
تطلع على جدول الاختبارات و ترتب وضعك
احنا نختار المواد على اساس ترتيبها في جدول الاختبارات
معقولة ما تعرف ؟؟

[المندوب السامي]

لانكبة ولاشي وانا اخوك الوقت بيدك ابدا من الان وذاكر 3ايام للنظم و3 ايام للمعرفة

ويومين لاخلاقيات الاعمال وباقي الايام الئ يوم الاختبار للادارة العامة وامورك بتكون تساهيل


والي بيذاكر من بدري ماتفرق معاه يكون يوميا اختبار او كل ثلاث ايام

موفق

[أستاذ حلمي]

وعليكم السلام

الله يعينك 4 مواد دسمه ورا بعض

أنا مادتين وشايل همهاا *_*

لكن لا تستلم حاول بقدر المستطاع تبدأ من الآن مذاكرة

[New LiFe]

غلطة شنيعه

المشكلة مو في انك ماشفت جدول الاختبارات قبل التسجيل
المشكلة انك مثل كثير غيرك يغلطون نفس الغلط وينزلون مواد
من مستويات فوق .. ياخي ركز على مواد مستواك ماراح يجيك الجدول
بهالطريقة حتى لو ماشفت جدول الاختبارات

الله يعينك

[w3oodi]

انا مالفت نظري الا اسمك منكوب بن مفلس هههههههههههههههه
عادي عادي انا عندي مادتين ورا بعض وكنت عارفه انهم ورا بعض بس مضطره اخذهم
اهم شي الاربع مواد حقتك ذاكرها الحين والقانون والتوريد خلها بعدين

[سعيدان و عليان]

لألأ أمورك طيبه

دام الأسم منكوب بن مفلس ب زراديه المستلج

الأسم الأخير بيضبطك لأتقلق ....


ولأتنسانا ...


معليش بعدين أيش الي يخوفك بالحجم ذا .. بالعكس خذ الامور بكل برود وأن شاء الله تزين معك يارب


تذكر أيــام الاختبـارات العامة بالثانوية وأسئلة الوزارة بس ؟ وكل يوم أختبار وراى الثــاني والكتاب من الجلده للجلده ..

والحمد لله والحين الأمور أوضح من قبــل ... وعسى ف الامر خيرهـ ..


هونها بس :106:

[تحتمس]

مشكورين ما قصرتو على النصايح وايضا على الانتقادات المفيده .. بالفعل كانت غلطتي .. وانشالله انها تكون خيره
يعطيكم العافية جميع

[أسير نجد]

ماعليه وانا اخوك شد حيلك وان شاء الله تتسهل الامور

مررت علينا موااد صعبه واحيانا مادتين في يوم واحد والحمد لله عدت على خير

وفيه موااد هربنا منها وتوهمنا صعوبتها ولما اختبرناها بعدين قلنا ليتنا اخذناها من زماان

عموما الله يوفقنا جميعا ونعدي هالترم على خير

[خوخة الشهري]

الله يسرها على معسر


تم الإرسال بواسطة iPhone بإستخدام Tapatalk

[abu-sultan]

جميعنا نواجه نفس المشكلة ، لا بد من الغاء يوم الخميس او السبت من أيام الاختبارات وزيادة فترة الاختبارات يومين

[المحترمه]

وعليكم السلام ورحمة الله وبركاته


يا عزيزي أفضت إلى ماهي عليه وهذي تعليمه
للسمستر الجاي على خير تتأكد من الجدول
قبل تسجيل المقررات .. عندك من الآن أسبوعين
بإذن الله يمديك تنهي المقررات بكل أريحيه فقط
توكل على الله وابدأ بالمذاكره وتتيسر بإذن الله
بالتوفيق

[~ميريام~]

انا مقارب لجدولك بس عندي سبت واحد وثلاثاء واربعااااااااااااااء

بقولك الجد ندمت كثير كثير خصوصا اني متزوجه وعندي عيال بس الله يسهلها

بذامر سبت واحد من اللحين ويبقى لي الي يوم الاربعاااء مشاريع بتحوسني الله يعين

[~ميريام~]

بس شنو معنى مستلج :d

[شموخ جنوبي]

هونها وتهون واستلج يالمستلج من هالحين
وقول يارب :17::17::17:
غيرك أربعه أيام ورى بعض ومادتين في نفس اليوم
شد احزامك وانا خوك ولا تلتفت للخلف
وبالتوفيق لك ولكل الدفعه الناريه .
تحيااااااااتي،،،

[shahood]

الله يعيييينك ي خووووي والله لو انا بموت من البكـــي .. :139::139:

ان شاء الله خييييره وشد حيلك والله يسهلها علييك وعلينآآآ :71:


قولوآ آآآآآآآآآآآآآمـــييين ... :biggrin:


لاحول ولا قوه الا بالله العلي العظييم ... :004:


تح ـــــيهه :verycute:

[Ghada22]

انا عندي ثلاث مواد ورا بعض بس انا نزلتها كذا
الله يعين الجميع

[مساهر]

ادع الله وشد حيلك والباقي تتيسر

[فيصل عتيق]

معاك السبت والاحد هيه لضروف ترتيب المستوى السابع والثامن واخر ماده باختبار فيهااا في هذه الجامعه التحليل الاحصائى ساجعلهاا مسك للختام وابدع فيهااا .