طلاب مستجدين وضايعين مع هالجامعة؟؟؟ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : طلاب مستجدين وضايعين مع هالجامعة؟؟؟

rony1000

2007- 8- 29, 02:48 PM

شباب أنا انقبلت في كلية العلوم الطبية وبخصوص الجدول دخلت على الجداول اللي حطوها الجامعة ما شفت فيها ولا مادة من اللي المفروض ندرسها حسب الخطة الي في موقع الجامعة في الكلية. كل المواد اللي موجودة من التخصصات لأن احنا المفروض ندرس سنة تحضيرية انجليزي وثقافة اسلامة وتربية بدنية ومهارات التعلم. ما في ولا مادة منهم .
وسمعت انا من قبل ان طلاب الكليات الصحية ما يقدروا من أول سنة يعدلوا الجدول؟؟.

فتاة الإيمان

2007- 8- 29, 04:30 PM

اذا انت شفت مواد التخصص انا ماشفت ولا شي:lllolll:

انا حتى رقم جامعي ماعندي:lllolll:

rony1000

2007- 8- 29, 06:25 PM

اخوي حتى انا ما عندي رقم جامعي إلى الآن ولا في خبر من الجامعة وبالنسبة لمواد التخصص موجودة في موقع الجامعة في دليل التسجيل.

★ NiGhT AnGeL ★

2007- 8- 29, 11:15 PM

rony1000
عشان تتأكد أكثر .. أنصحك تراجع كليتك

بس ممكن تكون مادة الثقافة الإسلامية و التربية البدنية هي نفسها في الجدول ألي حطوه في عنوان :
كلية التربية
دمام -طلاب

أضغط على الرابط التالي :
http://appserver.kfu.edu.sa/kfudad2/ws?p_trm_code=142810&p_col_code=02&p_sex_code=21

وسمعت انا من قبل ان طلاب الكليات الصحية ما يقدروا من أول سنة يعدلوا الجدول؟؟.
الخطة الدراسية في الكليات الصحية دائماً تكون ثابتة .. و لا بد كل طالب يمشي عليها من بداية دراسته ..

يعني ما فيه تعديل على المواد ...
بإمكانك بس مثلاً تأجل دراسة المواد الإسلامية مثلاً الثقافة الأإسلامية و غيرها من متطلبات الجامعة للفصل الصيفي أو غيره .. بس أحتمال يمكن ما ينزلونها ..

الأفضل لك يا خوي أنك تنتظر لما يبدأ التسجيل و أي شي جديد من إعلانات الجامعة .. و إذا ما استفدت شي .. بإمكانك تتواصل مع كليتك و أكيد رايح يفيدونك

dark angel2008

2007- 8- 30, 05:01 AM

طالبة جديدة

2007- 8- 30, 09:17 AM

والله اني ياجماعة محتارة:Cry111: مو عارفة شأسوي:Cry111: دخلت على البانر وكلما احط رقم الطالب مع رقمي السري(صحيح بسألكم الرقم السري نفسه هو اللي حطيناه بداية التسجيل؟؟؟؟؟) يقول لي فشلت عملية الدخول:Cry111: واقصى عدد للمحاولات5 واني استهلكت 2:Cry111: شأسوي لحقوني مو عارفة شأسوي:Cry111:

rony1000

2007- 8- 30, 01:24 PM

انا عندي الكشف الطبي والرقم عندي بس أدخله وادخل الرقم السري اللي استخدمته في التسجيل ما يدخل ولا أدري وش السالفة.

Nada..^_^..

2007- 8- 30, 03:15 PM

مثل ماقالت لكم من قبل اختي المسير اصبرو الى لما يبدأ التسجيل واكيد بعدين بيدخل على نظام البانر
اني اعتقد ان هذا الشي مقصود من الجامعه نفسها يعني لازم ننتظر الى يوم التسجيل و الله اعلم
بتوفيق للجميع :119:

rony1000

2007- 8- 30, 03:38 PM

كيف نصبر إلى يوم التسجيل وهو يوم واحد بس للطلاب المستجدين وهو الأربعاء.

فتاة الإيمان

2007- 8- 30, 05:09 PM

انا اقول لو مخلينا على الطريقه التقليديه

انه كل واحد يروح كليته وياخذ جدوله من هناك

وايد احسن:c8:

dark angel2008

2007- 8- 30, 05:15 PM

اذا دخلتو على نظام البانر تبعهم هذا:mh19:
دخلوا اسم المستخدم وكلمة المرور اللي كنتوا حاطينها من قبل
لا تكتبوا الرقم الجامعي ترا ماله دخل:lllolll:
بس مافي اي جديد بالنظام
ويعطيكم العافيه

شمس الضحى

2007- 8- 31, 12:42 AM

السلام عليكم ورحمة الله وبركاته . . .

أختي " dark angel 2008 " من قالك أن تسجيل الجداول يتم بأستخدام

إسم المستخدم اللي أستخدمناه من قبل أنتي لما تشوفين الدليل المصور لعملية

التسجيل وضح لك بأن اسم المستخدم هو الرقم الأكاديمي أما الرمز السري

فهو نفسه القديم اللي أستخدمناه من قبل .

شوفي أنا لما رحت الجامعة وقدمت أصول الشهادات ما قالت لي المسؤلة

أصور ورقة الكشف الطبي اللي فيها الرقم الأكاديمي وأنا مع السرعة ما كتبت

الرقم في ورقة خارجية ولما راجعتهم في اليوم الثاني قالت لي المسؤلة أن

تصوير الورقة مش مهم ولما سألتها عن تسجل الجداول قالت لي نستخدم

اسم المستخدم والرمز السري اللي من قبل . . . ولما سألت بنت خالي "هي

تدرس بالجامعة " قالت لازم يكون عندي الرقم الأكاديمي وكلمت الجامعة

يوم الأربعاء وقالت لي المرة اللي كلمتني ضروري يكون عندي هالرقم

وراح أبوي يراجع قسم الرجال وعطوه الرقم . . . واللي عنده سؤال أنا

حاضره باللي أقدر عليه . . . وآسفه على الأطاله بس حبيت يكون كلامي

واضح ومفهوم . . .

★ NiGhT AnGeL ★

2007- 8- 31, 06:53 AM

لو سمحتوا
انا اعرف انه الرقم الجامعي كانوا حاطينه بورقة الفحص الطبي
باسم(رقم الطالب/ـة)
ونسيت اسجله
لانه ممكن نحتاجه في تأكيدنا للتسجيل
الله يعافيكم اللي يعرف كيف ممكن نحصل عالرقم الجامعي لايبخل علينا

ومشكورين

dark angel2008
أنصحك أختي تنتظرين الإعلانات الخاصة بالطلاب و الطالبات المستجدين
و إن شاء الله رايح تكون فيه طريقة مخصصة للحصول على الرقم الجامعي و الرمز السري ...

أختك
~المسيـــــر~

★ NiGhT AnGeL ★

2007- 8- 31, 07:22 AM

rony1000
صحيح أنهم حددوا يوم الأربعاء لتسجيل المستجدين و المستجدات

بس بيكون نظام البنر مفتوح لكل الدفعات من يوم الخميس إلى يوم السبت

أختك
~المسيـــــر~

★ NiGhT AnGeL ★

2007- 8- 31, 07:25 AM

صرح أحد مسؤولي عمادة القبول و التسجيل في الدمام بهذا الكلام :

كليات الجامعة بالدمام .. إن شاء الله تعالى ستقوم عمادة القبول والتسجيل بالدمام بتسجيل مقررات الطلاب والطالبات المستجدين في جميع كليات الجامعة بالدمام (الطب، العلوم الطبية، طب الأسنان، التمريض، العمارة)

أنصح الجميع بالإنتظار لحين الإعلان عن كل ما يخص بالمستجدين و المستجدات

أختكم
~المسيـــــر~

..ملاك..

2007- 9- 1, 05:43 AM

ياجماعة الخير أنا مشكلتي مثلكم
وطلبت المساعده والحمد الله ساعدوني
وجيت حتى أفيدكم
أنتظرو الأعلان من موقع الجامعه
هم بعلمونى الرقم الأكاديمي والرقم السري
وطريقة التسجيل
أنتظروا يوم الاربعاء

هذا كلام أكيد

الله يعين الجميع

نبوله

2007- 9- 1, 06:12 AM

★ NiGhT AnGeL ★

2007- 9- 1, 07:43 PM

مشكوووووووووووووووورين ... جميعاً .. الحمدلله اطمئأن قلبي الأن .. خخخ

بس شباب _ بنات ..

نريد حملة تعااااااااااااااااااااااااارف مايصير كذا
نبي حملة تعارف بحيث الطلاب المستجده والي ماتعرف وين تروح ويش تسوي وووو الخ ترى المستجدين عندهم اسئلة كثيرررررررررررررره مره غير الاسئلة الموجوده هنا .. يعني مثلاً .. نتعرف على بعض عن طريق الجوال ونحدد موعد ما للقاء في مزرعة لو مجلس معين .. وطلاب سنة ثانية وثالثة يفيدونا من حيث خبرتهم .. السابقة من حيث الداكتره ؟ والخ

وسلامي لكم .. :119:

نبوله
أقتراحك ممتاز .. و أتمنى أنك تتواصل مع كليتك و تطرح عليهم هالإقتراااح

المفروض نستفيد من الملتقى .. بس المشكلة ما فيه أحد ينشره في الدمام هناك
لأن الأغلبية من الحساا .. و لا تنسى أنهم مسكرين رابطه في الجامعة

إن شاء الله أول يوم دوام .. رايح يعطونكم منشورات و أوراق و فيها معلومات كثيرة بكل شي يخص الجامعة و كليتك

أختك
~المسيـــــر~