الكلام الأكيد ومن الآخر..!

[Tahani88]

السلام عليكم ورحمة الله وبركاته..

بما ان الاختبارات على الابواب أسأل الله العظيم أن يوفقني وإياكم وأن يسدد أقلامنا وأن يعطينا حتى يرضينا يارب العالمين ..

بصراحه االجميع ماقصروا بخصوص الشروحات للمواد و و و الخ ..بس بصراحه اني للحين مدري وش أعتمد عليه بالمذاكره ! أحد يقول مطالبين بالكتاب ولازم نجيبه وأحد يقول نكتفي بالملزمه وأنا بصراحه تلخبطت ومعد ادري وش أذاكر منه في كل المواد ف أتمنى يجيني رد شاااافي يوضح لي وش المطلوب اني اذاكر منه في كل ماده خصوصا ان معد فيه وقت ولازم ألحق أذاكر ..والله يوفقكم جميعاً ومشكورين مقدماً:love080::rose::rose:

[sma1989a]

خذي اي شرح حبيتيه بس لاتعتمدين اي شي ١٠٠٪
اطبعي الشرح والاخوات والاخوان هنا الله يجزاهم خير مو مقصرين
افتحي على المحاضرات المسجله وخلي معك ورقه وقلم واكتبي على كل فقره ملاحظاتك الخاصه فيك
صدقيني كيذا بترسخ المعلومات اكثر ،، وبس انا بالنسبه لي هذي طريقتي


،،

يابنتي طيب تعبي نفسك شوي هههههه شوفي المواضيع اللي في القسم هذا الملخصات والشروح سوي سيرش الاكثر مشاهدة وردود وتكون جديده خلال ثلاث شهور وتأكدي من مطابقة اسم الدكتور واحفظي الكويزات عندك بالمفضله وبعد ماتذاكرين اختبري نفسك فيها

ياليت احد يجي يفيدك ويحدد لك ملخصات معينه ، وبالتوفيق للجميع وفاااالكم الفل مآآرك

[~Ghada]

أنا رأيي من رأي سما
لا تعتمدين على شي واحد فقط
أمسكيها مادة مادة
بعد ما تحملين كل شي
محاضرات - محتوى - أسئلة - كويزات - ملخصات - كتب
جمعي كل شي ورتبي حسب الأهمية بالنسبة لك وإبدأي ذاكري
وكل شي بتلاقينه هنا بالمنتدى
خصوصاً بالمواضيع المثبتة
وإذا صعب عليك شي أو ما لقيتيه تعالي إسألي عزيزتي ..
توكلي على الله
موفقه :)

[Tahani88]

يعطيكم ألف عافيه ع الرد بس انا ما طرحت الموضوع الا لأني مالقيت إجابه على أسئلتي أبي أعرف وش المواد المطالبين فيها بكتب معد فيه وقت وودي الحق أشتري وأذاكر ..