اختبار الادارة الاستراتيجية 2014

[jaber11]

السلام عليكم ياشباب ويا صبايا .. اتمنى بدعتوا بالاختبار اما انا هذا من الاختبارات اللي ما ادري انا صاقط ولا جايب a+

المهم يا اخوان اللي مصور الاختبار محلول ياليت يسدحه هنا عشان نعرف نقط الملخص ولا نخليه ..

[mujtahhid]

الاختبار نكبته في كل ماذكر :eek:

[ابوفهد2011]

الله لايوفقه اسئله زي وجهه تعقيد ولف ودوران

[jaber11]

الاختبار نكبته في كل ماذكر :eek:

الاختبار لحسة مخ انا احسه سهل بس ما ادري ليه احس اني جايب العيد :sm5:

[jaber11]

الله لايوفقه اسئله زي وجهه تعقيد ولف ودوران


وكل الله يا بو فهد اشم ريحة تحدي باسئلة هالدكاترة ياناس حنا منتسبين وعندا اشغال محنا فاضين لهالسوالف المفروض ما ينسون هالنقطة .. مانقول الا حسبي الله ونعم الوكيل بس

والله يوفق الجميع

[suleman11]

ياجماعه نموذجي b
الصفحة الاولئ اجوبتها احس الف ودال
باليت احد ينورنا

[jaber11]

ياجماعه نموذجي b
الصفحة الاولئ اجوبتها احس الف ودال
باليت احد ينورنا

نفس نموذجي انا احس الاجوبة بالبداية aabaa وبالاخير جاني bbbbbb 6 بي ورى بعض شكلي محتفل الزبدة نبي الاسئلة الله لا يهينكم

[مشآري موفق]

ههههههههههههههههه أبادلك الشعور هي وحده من الثنتين يا اني مبدع وجايب درجه عاليه والا ع الحفه إذا مو شايلها بعد ،، لكن التفاؤل حلوووووو

[ابومحمدالودعاني]

ماقول غير حسبي الله ونعم الوكيل

[عبدالعزيز الأول]

حسبي الله ونعم الوكيل فيه ضيعنا الله يضيعه صدقوا الدفعة الي قبل الدكتور ماله أمان

[عادل يعقوب]

حسبي الله عليه

[كبد فزيع]

اغلب الا جوبه a ,b

[اياد الشهراني]

مساء الخيرااات
والله يا اخواني مثل ما قلتو احس اني جبت العيد
الاساله جديده كليا فيها كم سؤال الاحابه كل ما سبق و الباقي من راسي
لاكن شدو الهمه في الجايه

[فيصل عتيق]

نفس نموذجي انا احس الاجوبة بالبداية aabaa وبالاخير جاني bbbbbb 6 بي ورى بعض شكلي محتفل الزبدة نبي الاسئلة الله لا يهينكم

وانا بي ونفس الإحساس

[ROUZ]

حسبي الله هو نعم الوكيل
الدكاتره مدري وش بلاهم .. اختبار الانجليزي اليوم يقولون صعب بعد
مادري ليش كذا

[خذني بقايا جروح]

انا نموذجي b
ولاكن الي مذاكر ومركز بالمذاكرة بيجاوب

[jaber11]

ههههههههههههههههه أبادلك الشعور هي وحده من الثنتين يا اني مبدع وجايب درجه عاليه والا ع الحفه إذا مو شايلها بعد ،، لكن التفاؤل حلوووووو

ا:lllolll: اي والله صدقت اخوي مشاري بس ربك يسهل وان شاء الله الكل ناجح بدرجة طيبة

[twtw]

الاسئلة سهلة ملحوسة كلها كل ماذكر وذاكر مذاكرة لتذكير والتكدير الخواطر على الي ما ذاكروا ولي ذاكرو بس كذا نكون ملحوسين مع الاستراتيجية التذكيرية

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

هذا من الاستراتيجية في الذاكر المتعلقة


لا تعليق

[jaber11]

يا اخوااان تبي الاسئلة وين الصور والحركات بركات يالله خلونا نعرف وش حنا عليه يا محتفلين ولا حافلينها

الهمة تئبشوا البي ... :)

[العقيل]

المشكلة في المادة نفسها تحسها سهلة بس لما تجي تراجع الي ذاكرت تلاقي كل شي دخل على بعض وصعبة تتذكر الي غيبت


يعني من نوع السهل الممتنع

الي ما يثبت في الذاكرة

[لذا]

بعض الدكاترة استغفر الله بس ما ابي اغلط

بس اللي نبيه اذا جاء يحط خيارات ((الاجوبه))

يرحم امه لا يخليها متشابها

[لذا]

بعض الدكاترة استغفر الله بس ما ابي اغلط

بس اللي نبيه اذا جاء يحط خيارات ((الاجوبه))

يرحم امه لا يخليها متشابها

[jaber11]

المشكلة في المادة نفسها تحسها سهلة بس لما تجي تراجع الي ذاكرت تلاقي كل شي دخل على بعض وصعبة تتذكر الي غيبت


يعني من نوع السهل الممتنع

الي ما يثبت في الذاكرة

صدقت من النوع السهل الممتنع ,, لكن اذا صقطت برسل مقطع السوداني اللي فركوا رمته بالمدينة على ايميل الدكتور عشان يهتم بالطلبة شوي :33_asmilies-com:

[فيمتوا]

اسهل اختبار مر على بحياتي
اشكال الوان اصناف كباب اوصال ريش من جميع الاشكال من جد اختبار ذوق رايق من جد اهم شي ابرد كبدى بعصير فررررررررررررررررررررولة افرولها واتوكل على الله وشتكى الى الله اليه مصيرى ((( احس انها اسئلة انتقام وجبروت لاحول لله ولا قوة الا بالله العلي العظيم )))

[Abu-turki]

أنا نموذج a
من سؤال ٢٧ الى ٣٢ الإجابات D
ما انتبهت لهالشي الا لم قعدت أراجع
عرفت بعدها أني جايب العييييييد

[saad.m633]

انا يربع والله اني احل اول ما اقرا السؤل دايركت
لكن والعلم عند الله ان السر في القلم وانا بعرض قلمي للبيع لا تدرس وادخل الاختبار وارقد منه

[Abu-turki]

أنا نموذج a
من سؤال 27 الى 32 الإجابات D
ما انتبهت لهالشي الا لم قعدت أراجع
عرفت بعدها أني جايب العييييييد
اللللله يستر بستره

[jaber11]

انا يربع والله اني احل اول ما اقرا السؤل دايركت
لكن والعلم عند الله ان السر في القلم وانا بعرض قلمي للبيع لا تدرس وادخل الاختبار وارقد منه

هههههههههههههههههههههه كم وصل السوم يالغالي .. وينك من زمان الحين زمن الاقلام والاسعار نااار

[aeysha**]

حسبيه الله عليه

[سما الخلود]

أستغفر الله طولو بالكم ولاتظلمو انفسكم
صحيح مثلى مثلكم جبت العيد بس الصراحة الدكتور ماطلع من المنهج
ولإكون صادقة مع نفسى العيب فينا ماذكارنا الى امس
ههههههههههههه
الله يسترها ونعديها ان شاء الله

[wadeiba]

نموذج b
ا د د ب ج د د د د ا ا ا ا د د د ب د ج ا د د ا ا ج ج ج د د ج ج ا د ب د ا د ا ا ج ب د د ب د د د ب ب ج

اقرب مصطفى ولا عليكم امر يشوف وش الوضع ويطمنا

[بندر الجوفي]

حسبي الله ونعم الوكيل
اساسا" شرحه زي وجهه
كملها بأسئلة كتبها بحقد

[العناوشوالعنا]

والله ياخوان بغض النظر اننا منتسبين اتمنى نبين لهيئة التدريس قبل لا يتفلسف الدكتور في الاسئلة يجهز المحتوى الي بيتفلسف فيه على الطلاب مو محتوى ناقص وكله باجتهادات من اخوانا هنا الله يعطيهم العافيه والدكتور نايم بالعسل محتوى ناقص وشرح من شخص للاسف اسمه دكتور وهو غير متمكن من المادة وفوق هذا لف ودوران حسبنااا الله ونعم الوكيل

[saif88]

المادة ليست صعبة بس العيب في الدكتور لا شرح ولا أسئلة
ماني عارف كيف أخذ الدكتوراة حتى القراءة ما يعرف يقرأ

[محمد الخريم]

اسئلة ثقيلة ........ وغثيثة مثل راعيها

[karaz*_^]

ليته يتمحور بالشرح مثل الاسئله كان قلنا له عذر لكن موت وخراب ديار

[ابوحاتم000]

أولاً أهنيك على وسامتك أخوي جابر الحقيقة أدهشتني صورتك ماشاء الله تبارك الله توقعتك تركي والا لبناني لابس شماغ ... حتى أقولها في نفسي ياليت وجهي كذا لكن نصيب ..

بالنسبة للاختبار كان واضح بس طبيعة المادة معلوماتها متزاحمة و تحتاج لقوة ذاكرة والا الدكتور ماقصر واضح انه حاول قدر المستطاع انه يكون أليف ... فالكم التوفيق وانا معاكم

[سنتر0]

والله من شفت الدكتور يحينا ويقول اخواني الطالبات واخواتي الطالبات وانا داري انا بنجيب العيد

ابو حاتم خل عنك وجيه خلق الله واترك عنك وسامتك ما وسامتك تقديرا للشنب اللي في صورتك ياخي

[ابوحاتم000]

والله من شفت الدكتور يحينا ويقول اخواني الطالبات واخواتي الطالبات وانا داري انا بنجيب العيد

ابو حاتم خل عنك وجيه خلق الله واترك عنك وسامتك ما وسامتك تقديرا للشنب اللي في صورتك ياخي

وش مزعلك يالحبيب :no: تراي قاعد أمدح بالرجل ما شتمته :71: واضح ان تأثير الاختبار قوي :sm12: