مديري رفض اجازتي

[kaka22]

السلام عليكم
اخواني ما ابي اطيل عليكم مدريري بمزاجيته رفض اجازتي
والان مضطر اختبر باقرب مركز علما اني كنت مختار الشرقية


ماهي الطريقه وهل فيه رقم للجامعه انسق معهم

افيدوني تكفووون اول اختبار بكره

[وليد7852]

هل انت قطاع خاص

اذا انت بالقطاع الحكومي مديرك ماله كلام عليك لان هذا نظام من الخدمة المدنية اجازة وقت الاختبارات عليه تعميم صادر من الخدمة المدنية

[kaka22]

قطاع حكومي بالتعليم تحديدا ورفضها

[بســوووم]

وعليكم السّلآم ..

أعطيته شهآدة حضور الإختبآر ؟

عندك حسآب الفريدآن بـِ التويتر توآصل معه أو الشعيبي وأهم شيء إذآ بتختبر بمركز غير مركزك وتكون مضّطر

مآتنسى أثبآتآتك الجآمعيه وربي ييسّر أمرك ..

[بعثرة ورق]

ماله حق تقدر تروح تجيب له التعميم وتصكه في خشته والتعميم الجديد يقول اجازه بيوم الاختبار فقط يعني قله هذا تعميم ومب كيفه

[moooon15]

وعليكم السلام

شوف أخوي.. إذا مديرك وافق على دراستك الإنتساب من البداية مايحق له يرفض وفيه تعميم يطالبه بإجازتك .

وفيه تعميم سابق ينص (إن كنت معلم وكثير الغياب أساساً وغيابك للإختبار بيضر بمصلحة الطلاب ..فيحق له إيقاف دراستك أساساً وعدم إعتماد شهادتك فيما بعد لتستفيد منها في ترقيتك أو السلم الوظيفي).

[من عسير]

لايحق لمديرك رفض إجازة الاختبارات نظاماً وقد صدر مرسوم بمنح الموظف اجازة فترة الاختبارات .

كل اللي عليك اخوي ترمي بوجهه خطاب الجامعة اللي مذكور فية فترة اختباراتك واعطه مقفاك واعلى مافي خيله يركبه :007:لانه مايقدر يمنعك اطلاقاً وبعد الاختبارت قدم اثبات حظورك للاختبار . :064: :16.jpg:

[kaka22]

اذا فيه تعميم صريح والله ما اداوم ولا يشوفني لكن هل استطيع اختبر في اقرب مركز لي غير المركز اللي انا اخترته

[دريس الدريس]

الله يفرجها عليك ، النظام معك لاتهتم فيه رح الشرقيه واختبر وعين خير والله يوفقك ، وبعد الاختبارات اطبع شهادة حضورك الاختبارات وقدم بموجبها اجازة امتحان واذا رفضها ارفعها لمدير مديرك والاعلى فالاعلى .
ولو لا قدر الله بيئذونك يمكن يخصم عليك الايام الي تقع بين ايام الاختبارات الي ما فيها اختبار اذا هم غير متعاونين معك .

[HEEMA]

يا أخوان حاب أوضح لكم نقطة مهمة

الموظف أول مايسجل في الجامعة يجب علية يطبع سند القبول ويكتب معروض لمرجعة للموافقة له على إكمال الدراسة وفي حال تمت الموافقة يتم كتابة خطاب إلى الجهة المسئولة عن التدريب والإبتعاث في الوزارة الخاصة به أو أحد فروعها في المناطق .. وبعد ذالك يأتي الرد من قبل إدارة التدريب والإبتعاث بالموافقة ويحتفظ بالخطاب في ملفة


الفائدة من ذلك هو أن الموظف بعد إكمال الدراسة والحصول على الشهادة يستطيع الحصول على تحسين وضع وظيفي بناءاً على خطاب الموافقة

مثال على ذلك : موظف يعمل في وزارة الصحة على السلم العام .. و أخذ الموافقة بإكمال دراستة في مجال علم الإجتماع.. في حال إكمال الدراسة يستطيع أن يحصل على تحسين الوضع وينقل على الكادر الصحي بوظيفة أخصائي إجتماعي

بالتوفيق للجميع

[مسافات34]

.
مثل ما قالك اخوي ادريس
.
رح أختبر الله يوفقك

[نورةالقصيم]

عادي انا اخذتها بدون راتب

[هويتك بسكات]

هلا اخوي انا اختلاف مع اخواني واخواتي الذي سبقوني مع احترامي لوجه نظرهم وا انصحك تروح لقرب مركز حولك عادي يقبلونك قل لهم انا زائر اشوف واحد معنا امس نفس طريقتك صحيح ان فيه قرار يسمح لك بالاجازه بس يقول فيه مع عدم الاخلال بسير العمل انا نفسك اداوم الصباح واختبار الليل ويا قلب لا تحزن

[kaka22]

الله يجزاكم خير والف شكر لكم على التوضيح ابي اروح اقرب مركز واختبر ودعواتكم يقبلوني ان شاء الله

[خلوِدي شمرِ]

حبيب قلبي دامك مدني اصفق جدول الختبار بخشته وروح مايجيك شي ابدا


النظام معك ,,

[غـالي الأثمان]

(نظاما) يحق لمديرك يطالبك بالحضور في الايام اللي مافيها اختبار

ولكن اليوم اللي عندك اختبار ماله حق يطالبك نهائيا ، اسحب عليه يالغالي لايهمك ابد

واسال الله لك التوفيق والسداد

[عطر الخزامى]

8003030308 نسق مع ادارة التعليم عن بعد

[وَطَنّ .. !]

~



الله ينصرك عليه ويفرج كربتك ويحل مشكلتك
لا تضيع الاختبارات ومثل ماقالوا الاخوان النظام
في صالحك خذلك اجازة من نفسك وماعليك
ربي معك

[سبحان لله]

انا اشوف تسحب ع مديرك لأن ماله أحقية أعطه ورقة جدول الاختبار خله يتأمل فيها ورح لأقرب مركز عادي في شباب نفس حالتك ودخلوهم توكل على الله ولا تشيل هم ...

[fawaz1]

اخوي النظام يقول اي واحد يكمل دراسة يمنح اجازة اختبارات بغض النظر عن انك اخذت موافقه او لا
لكن للاسف بعض المدراء يستغل منصبه او مايدري وين النظام من راي ارفع طلب رسمي واذ رد بالرفض تحجه فيها
وبامكانك تمر ديوان الخدمه المدنيه وتاخذ الخطاب

[ابووافي1]

لو انا مكانك اصيحه:007:

بشر عسى امورك تسهلت

[برنسيسه.]

بشرنا وش صار معك ؟

[ام خاالد]

اقولكم شي هذا المدير معقد نفسياً اسأل الله له الشفاء العاجل مع كفين:d

[خلدون-2010]

ممكن يعاند معه والحق معه بس الوعد الرجعه بيضايقه لازم يسايسه

[kaka22]

الله يجزاكم خير جميعا اول اختبار عندي بكره ملواح اداوم الاجازه وصورتها وسلمت له نسخه واخذت نسخه

اليوم المغرب مريت مركز اختبار قريب من عندنا ورفض امي اختبر عندهم بحجه انه قرار جديد من الجامعه ومستحيل اقبل عندهم
لازم ارح تختبر في الشرقية اللي هو مركزي السابق حسبي الله عليهم بس هم وقرارتهم نبي السهوله ويزيدون تعقيد

[kaka22]

اكتب لكم بالجوال فوتوا الاخطاء الاملائيه معليش

[fatmah2009]

$<

[سلطان212]

القرار واضح وصريح من الخدمة المدنية اي موظف منتسب له الحق باخذ يوم الاختبار فقط اجازة اذا كان في نفس المدينه اما اذا كان خارج المدينه فيستحق الاجازة من ٧/٧/ الى ٧/٢١ / ١٤٣٥ وهذا والله اعلم

[مبحوح الحروف]

المادة التاسعة من لائحة الاجازات لم تفصل هذا البند إنما تم تفصيله بناء على بيروقراطية المدير نفسه

نختبر في نفس المدينة ونحصل على إجازة طوال مدة الاختبارات وهذا من حق أي موظف أو موظفة تابع لنظام

الخدمة المدنية

أسال الله لي ولكم التوفيق

[Silent Light]

أخوي في البدايه أسأل الله لك التوفيق والسداد ..

( سوف أشرح لك بشكل مبسط وسريع بإذن الله )

سواء قطاع حكومي أو خاص ...

( توجد مصوغات لهذه الإجازه ) وهذه الإجازه هي حق شرعي للموظف ومدتها 14 يوماً لمدة سنه دراسيه كامله ( في سبيل المثال ) أخذتها في تاريخ 1/1/1435 يحق لك مره أخرى 1/1/1436 وتستطيع تفريقها على فصلين دراسيين .


- يجب على الموظف وضع هذه الإجازه رسميا قبل الإختبارات النهائيه في ما يقارب 30 يوما أي شهر

- ولا بد من طباعة شهادة تعريف بالطالب مع شهادة الإختبارات ( وأيام الإختبارات وأنصح انا بها من غير وقت )
- يجب على الموظف التنسيق مع مديره فيما يخص التغطيه

- ومن المفترض على المدير إتاحة المجال للموظف وهذا حق شرعي له وإن توفرت الشروط أعلاه ..

( ولا طلعك المدير ) .. معناته ( بقره ..! )

معذره يا أخوان ويا اخوات على التشبيه ...

لأن فيه مدراء يحبون كل المستندات تتم في الطلب ( وبالنهايه ) يحب يعقد ويرفض .

طبعا إذا رفض ( إسأله عن الأسباب ) ..

وإبحث معه أنت بحلها ولا تدع له الأمر لوحده ( .. لأنك لو خليته على كيفه راح يطبق حكمه )


للمعلوميه ( الشغل والدنيا لم يتوقفون ) مدراء وموجهين ومدرسين وضباط وأصحاب مؤسسات وغيرهم وغيرهم في إجازة للإختبارات .. ولا صار شي

بالنهايه ودي أتطرق لطريقه ( حاول معه إنه يعطيك على الأقل كل يوم إختبار إجازه والباقي تداوم )

وهذا اللي مسويه أنا مع ( الدايح ) اللي عندي


بالتوفيق يارب

[im-poor]

:007:هلا اخوي انا اختلاف مع اخواني واخواتي الذي سبقوني مع احترامي لوجه نظرهم وا انصحك تروح لقرب مركز حولك عادي يقبلونك قل لهم انا زائر اشوف واحد معنا امس نفس طريقتك صحيح ان فيه قرار يسمح لك بالاجازه بس يقول فيه مع عدم الاخلال بسير العمل انا نفسك اداوم الصباح واختبار الليل ويا قلب لا تحزن

[im-poor]

وهذا اللي مسويه أنا مع ( الدايح ) اللي عندي


بالتوفيق يارب

ههههههههههههههههههههههههههههههههههههاااااااااي:41j g: