مالي با الفلسفة بدخل على طول با الموضوع

[هنادي خالد]

السلامم عليكم ورحمة الله وبركاته ..
مالي با الفلسفة ..
بدخل با الموضوع على طول ..
بصراحةة انا مصدمةة من يلي جالس يصير
اوكك انا ماني احسن منكم حالي من حال الكل
خبصت وانقهرت وقولوني تعب ونفسيتي تدمرت وبكيت لين قلت بس


بس ذا الشيء مايسمح لي اني اسب الدكتور كل يلي نقدر نقولة حسبي الله ونعم الوكيل وبس

ورب العالمين بياخذ بحقنا

بس التطاول يلي جالس يصير ليش ادري معصبين وادري وادري لكن نحاول دايم نتصرف بعد ما نهدا مو بفترة عصبية احسن ماينقلب شيء ضدنا

يعني وش استفدتوا لما سبيتوه ذا الشيء ريحكم او اخذ بحقكم منه ؟!!

ترا كل يلي صار انو اخذ حسناتنا وحنا يلي قدمناها له


وانسوا مادة الموارد بلي فيها ركزوا بالجاي


واخونا طموح شايب ماقصر قدم لنا نصيحةة وموجود بموضوعه ذا


http://www.ckfu.org/vb/showthread.php?t=584632
واخونا ديري وافتخر فتح موضوع لشكوى وموجود هنا


http://www.ckfu.org/vb/showthread.php?t=584641
اتمممممنى ماعاد ينفتح موضوع يخص الموارد وركزوا بالجاي فضلا وليس امرا


يالله كل واحد / وحدة ركزوا على المادة الثانية
وانتوا لاقدمتوا شكوى احتمال يزيد درجاتنا

عشان كذا لاتفكروا قدموا الشكوى وارتاحوا


ربي يسعدكم يارب وربي يجعل اختباراتنا الجايةة خفيفةة وسهله على الكل

ولايهون علي زعلكم او ضيقتكم بس انسوا


:004:

[نهر الجنة]

:(204): :(204): :004:

[الوردة الخجولة]

كﻻم حلو يلا كل واحد ع كتابو

ربي يسعدك يا حلى هنو

[ياسينو]

كلامك عين العقل وان شاء الله نعوضها في الاختبارات الجايه

[لينكس]

إلى الامام


لا ... للتراجع


::

*

[وليد الطائي]

طبيعي ردت الفعل في (فورة الدم) تكون قاسية وغير إرادية ،،، ومتوقعة


وكما قلتي الشكوى هي المهمة الان وانا بعد إرسال الشكوى أحسست انني أوصلت صوتي والأمر لله من قبل ومن بعد .


شكرًا مشرفتنا العزيزة

[SUNDOS]

اي والله صادقة ماله داعي الي علينا سوينه والباقي ع الله
وهو ظلمنا ورب العباد يحاسبه علينا نرفع شكوى بس وماليه داعي السب
والشكوى لله
وموفقييين بالباقي :004:

[لمُت نفِسٌيَ]

عين الصح .
اسأل نفسك : من حضرته الدوغان يوقف طموحك ؟

[Dr.roqan]

الجاي أفضل بإذن الله ..

[صــدى الـأمـل]

سلامتك من التعب

كلامك سليم 100 %

ركزوا بالاختبارات الجايه

[دريم0]

الله يوفق الجميع

[هجوووله]

:oao:

[سعوديات]

اجل منصدمه يختي اهم شيء لاتنهارين نفسياً :)

[a7mad89]

الله يعوضنا خير

[هولمز]

ماتشوفي شر هنادي ,, وأجر وعافية أن شاء الله

خلاص إلي راح في الماضي ,,

ومن أراد أن الله يوفقه في دنياه وأخرته عليه بكثرة " الأستغفار"

والدعاء للنفس في مواطن قبول الدعوة .

ولان الدنيا ماراح توقف على مادة أو ثنتين شدوا حيلكم في الجاي .

[وفاء علي]

على قولتك اخت هنادي مانقول غير حسبي الله ونعم الوكيل على قد ماتعبنا واجتهدنا بالمذاكره وبكينا مافيه تعزيز وتعاون من الدكاتره بتسهيل الاختبارات مع اننا انتساب يعني عن بعد الله ييسرها ويكون معنا ومع كل مسلم وان شاء الله القادم افضل

[طموحي كل حياتي]

كلام سليم وعين العقل

[هنادي خالد]

اجل منصدمه يختي اهم شيء لاتنهارين نفسياً :)

الاحترام زين وانا اختككك

[dream.a]

فعلاً الصح اننا نتحسب عليه ونرفع شكوى لكن محترمة حتى يتم النظر فيها
شكراً هنادي :)

[MrSuLieMaN]

الكلام جميل ومفروض اذا كان اخطا بحقنا عندنا خانة التظلم وربنا حسيبه
عاد وراه يتقفل موضوعي وهو نفس الفكرة 😏

نسال الله التوفيق والدنيا بتزين والله ييسر لنا ولكم بقية المواد والله يفرحكم بنجاح جميل يرضيكم .

[MS.MOODY]

كلامك عين العقل خيتي
م له داعي الكلام وتقليل الاحترام لانه م بينفعنا بشيء
وعسى ربي يهديه ..
والجاي أحلى وأفضل وبالتوفيق جميعاً ..

[مشاعر إنسانه]

معاك حق بكلامك ف حسبي الله و نعم الوكيل
تكفي بأننا سلمنا امرنا لرب العالمين

الاهم الآن نركز ع الاساليب الكمية و بقية المواد

يعطيك العافية ي الغالية

[شهرزاد الرياض]

انا مع النقاش الهادف ومااميل للدعاوي والسب
اكتفي بقول حسبي الله وكفي
ومثل ماقلنا ماده وراحت بسلبياتها واجابياتها
وكلا بننحط بهالقبر وبنحاسب
حبيبتي انتي
شكرا على هالموضوع
ربي يوفق الجميع

[ترف آلسعد]

هشتاق و سوينا
و شكوى قدمنا
و خبر عن دوغان لصحيفة وصلنا

http://www.shorog.com/news-action-show-id-7072.htm

باقي تعويض بالدرجات , و يارب تتم ~

[الطالب المملوح]

كلامك صحيح

وربي يعوض علينا بالمواد القادمة ب اذن اللة


,,

[ابو عبدالله 15]

كلامك عين العقل خيتي وماترين باس وبعيد الشر عنك
م له داعي الكلام وتقليل الاحترام لانه م بينفعنا بشيء
وعسى ربي يهديه ..
والجاي أحلى وأفضل وبالتوفيق جميعاً ..

[saudi-com]

تظهر اخلاق المرء وقت زعلة وغضبة.

دمتي بخير.

و حسبي الله ونعم الوكيل.

[alammanee]

كلامك سليم مئة بالمئة
احنا نقدم شكوى وربي بينصرنا اذا لنا حق
واحدى الاخوات وضعت الموضوع في صحيفة شروق الالكترونية
لعل اصواتنا تصل اليهم وهي قد وصلت لخالقنا قبل وهو منصفنا بإذن الله
http://www.shorog.com/news-action-show-id-7072.htm
لنتبعد عن تصرفات قد نندم عليها

شكرا لمشرفتنا الغاليه وللاخت نسرين خالد التي قامت مشكورة بتهديت الوضع

ويارب تعوضنا اجمعين في بقية المواد وتسعد قلوب جميع الطلاب والطالبات ياحي ياقيوم

[abo-reema]

الله يجزاك خير

كلام سليم

[reema*]

:004::rose:

[anwaralunezi]

صدقتي هنادي ،، كل ماعلينا تقديم الاعتراض بالايقونه المخصصة وعلى الله لكن السب والشتم مايليق ابدا

[عريبღღ]

كلام جميل هنوووو وقدر الله وماشاء فعل وإن شاء الله إتعوضونها في المواد الجايه
وإن اللي حصل مايغير من الهمه والطموح والعزيمه اللي عندكم وفكروا بالإختبار اللي جاي
وركزوا فيه
وإنتم شايفين اللي قبلكم يعني إنتم مو أول دفعه تتضرر من إختبارات الدكتور
قدمتوا شكوى جماعيه وإن شاء الله بيعوضونكم خير

والحين نبي أحد يفتح موضوع جديد
علشان نراجع الاساليب الكميه مع بعض

[<<أبوفيصل>>]

الفزعة اخت هنادي

ابي اعرف القيد اللي بالأخير 24,8

وشلون حلها

المسالة رقم 3

انظر المرفق

:d5:

[بّنٌتُ نٌآسً]

الله يعطيكِ العافية
وجزآكِ الله خير
مآقصرتي بيض الله وجهك
مانتبهت لموضوعك
كان طرحت كلامي هنا قبل تنزيل موضوع
بالتوفيق يارب

[العرااااب]

هههههههههههههههههههههه


كلام سليم

[اداريه بعملي]

كلامك صحيح هنوده والله يسهل لنا الامتحانات الجايه

[sws]

الفزعة اخت هنادي

ابي اعرف القيد اللي بالأخير 24,8

وشلون حلها

المسالة رقم 3

انظر المرفق

:d5:
ابو فيصل بئلك الطريقه خيو
الاله الحاسبه اضغط مود بعدين خمسه بعدين واحد
بعدها يطلع لك خانات حط القيد الاول ولاتنسى كل رقم تحطه اضغط بعده يساوي = ثم كمل وحط القيد الثاني بعده اضغط = يطلع لك نتيجة x1ثم اضغط = يطلع لك نتيجه x2
هذا حلي المتواضع ويارب وصلت المعلومه

[وضح النقا]

يوم امس كان يوم صعيب وبعد ماقدمت الشكوى ( طحنت حبوبي في الرحا المستديره)

وأنهيت الموضوع كله ورميت هالماده خلف ظهري وأسأل الله ان يعوضنا بخير تحياتي لكم جميعا...........

[mayoshe]

كلامك منطقي مليون بالمية..

[yasser2253]

فعلا شي وانتهى ولا بيدنا غير الشكوى وشي انتهى مانخليه يأثر ع القادم

كل الشكر لك

[falcon553]

انا معاك انا ضد السب والقذف والبذائه
لكن من حق اي شخص انه يقول رايه

وانا استغربت من المنتدى انه حذف موضوع لي يحث على المساهمه بأبداء الرأي بتويتر ؟؟؟ليه القمع هذا

تويتر موقع قوي لايصال الصوت والافكار ليه المنتدى حذف موضوعي علما باني ما تكلمت ببذائه او شخصنت الموضوع

[خاين - ألعهـد]

اجل منصدمه يختي اهم شيء لاتنهارين نفسياً :)



كلام هنادي خالد .. منطقي وكل الي هنا منهارين ، وخلي الشماته عنك ي سعوديات

من عرفتك من أول مستوى وأنتي تحبين الشماته .. مدري هو قله الأدب الي فيك ولا مدري شنهـــي

بدال ماتشكرينهــأ على مساعدتها لنا من ترتيب وتلخيص وتجميع

تقولين لها لا تنهارين !! من جد ( أهل العقول براحــه )

الله يعطيك العافيه يـ هنادي وماتشوفين شر ، وأبدا السب والقذف لا يودي ولا يجيب

وعســآ الله يرحمنا برحمته بس ،

[alammanee]

الفزعة اخت هنادي

ابي اعرف القيد اللي بالأخير 24,8

وشلون حلها

المسالة رقم 3

انظر المرفق

:d5:

انصحك بملخص الحمادي جدا رائع وشرح هذي النقطة في صفحة 66
الملحض في اول مرفق من موضوع الغاليه والمبدعه هنادي
http://www.ckfu.org/vb/showthread.php?t=584085

الله يوفق كل من ساهم بمساعدتنا وببركة هذا اليوم ربي يحقق منى الجميع واحلامة واماله
رزقنا الله واياكم رضاه والجنة