ارجو من الطلاب كتابة شكوى لمــــادة الأخلاق الاسلامية واداب المهنه [الأرشيف] - ملتقى طلاب وطالبات جامعة الملك فيصل,جامعة الدمام

الحلم1

2014- 5- 8, 07:15 PM

ارجو منكم الشكوى والتقييم لدكتور في اسئلتة اليوم المادة مو صعبة لكن اسئلتة تووه وللي مايغلط يغلط

شدوا الهمة وقيموة . الدعوة مو فرض عضلات .:sm1::sm1::sm1::sm1:شدوا الهمة واشتكوا وقيموة وان شاء الله اخر ترم لة

في الجامعة

إبو هلا

2014- 5- 8, 07:23 PM

فيه كم سؤال يتوه ولكن بشكل عام كان مناسب للامانه

حتى اللي ما ذاكر اتوقع يعدي وانسى الموضوع وفكر بالقادم

أمييرة

2014- 5- 8, 07:24 PM

السلام عليكم ... جداً الاسئله واضحه وسهلة ومافيها اي شي
بالعكس الله يعطيه العافية على الاسئلة الجميلة والسهلة
واتمنى كل الاختبارات الجاية مثلة ان شالله....

الحلم1

2014- 5- 8, 07:29 PM

جزاكم الله خير لو انا ما ذاكرت كان اقول بس انا من اول الترم وانا اذاكر وصدمت با الاسئلة كذا

بيدو1

2014- 5- 8, 07:30 PM

الأسئلة سهله اتفق معكم لكن الإجابات لا تحوس وتشكك في الإجابة اتحدا ان مو تقرؤونها وتتأكدوامنها اكثر من اي مادة
حسبي الله اكره ماعندي الأسلوب اللي نهجه الدكتور متاهه ولخبطة

الحلم1

2014- 5- 8, 07:32 PM

الأسئلة سهله اتفق معكم لكن الإجابات لا تحوس وتشكك في الإجابة اتحدا ان مو تقرؤونها وتتأكدوامنها اكثر من اي مادة
حسبي الله اكره ماعندي الأسلوب اللي نهجه الدكتور متاهه ولخبطة

في الصميم

ماجد الدهمشي

2014- 5- 8, 07:50 PM

ريم 2012

2014- 5- 8, 07:55 PM

اخذت الماده سابقا صادق الاسئله سهله وتحس بتحل

بس الاجوبه متقاربه وتشكين لو مفصفصه المنهج فصفصه ليه تسذا مادري :000:؟

عاد ماده دينيه وسهله بس الدكتور يحب يصعب على خلق الله ابد ماهب متعاون :sm4:

ان شاء الله تعدون الماده :004:

علوش الاسمري

2014- 5- 8, 08:06 PM

يسعد مساكم جميعاً ....... الحقيقه اختبار الاخلاق الاسلاميه شابه الغموض زي ادلة تعريف الخلق جايب الدليلين ومتوهنا وتوهقنا واخترنا الدليلين والواضح انه الايه الكريمه وايضا تعريف المهنه وياليت اللي مصور الاسئله ينزلها لنا ونشوف الاجابات

المتفائله 3

2014- 5- 8, 08:14 PM

الماده سهله بس الاختيارات تتوه الواحد

hado_osh

2014- 5- 8, 08:39 PM

الاسئلة سهلة الحمد لله ولكن الاجوبة تلخببط شويات

بس نقول الحمد لله على كل حال

كاشف الاسرار

2014- 5- 8, 09:06 PM

الاسئلة بشكل عام اقرب الى السهولة

Veronica

2014- 5- 8, 09:25 PM

حسيت الشكوى زي شرب الماء عندكم

الي ما يحل يرسل شكوى !!

mmallass

2014- 5- 8, 09:29 PM

كلامك صحيح اخى الكريم اتفق معك ... المادة سهلة بس هو ورطنا بكم سؤال وعموما لا تفكر فيها

فكر باللي جاية .... محاسبة يا عمري محاسبة ...

ام شموس

2014- 5- 8, 09:35 PM

اجل وش تبي تسوون فباقي المواد خوفتوني...هدي اسهل ماده واشوف الاسئله متوسطه بعيده عن الصعوبه والتعقيد......شكيت اني حاله

ام حنان

2014- 5- 8, 09:41 PM

الاسئله بشكل عام سهله وحلوه
لكن جم سؤال كانوا اجبتهم بالكتاب ومو موجوده بالملخص
يعني يقولكم كان ذاكرتهم من الكتاب وخلوا عنكم الملخصات :p

أوتار الخيال

2014- 5- 8, 09:45 PM

الاختبار 50 سؤال
40 سؤال واضحة ومباشرة
10 اسئلة يبيلها تركيز وتمعن واللي مذاكر زين وصح بيحلها
بالعموم الموضوع مايستحق شكوى
الشكوى تكون اذا المدرس جاب لك أسئلة من برا المنهج
وبالتوفيق للجميع

Tott

2014- 5- 8, 10:47 PM

صحيح الاسئلة 100% من الكتاب
ما أقول انها سهلة جدا
مثل ماقلتوا فيه كم فقره تحير واجوبتها تتشابه
لكن لما رجعت للكتاب عندي تأكدت انه الدكتور معتمد على الكتاب
عشان كذا كان يحرص علينا في كل محاضرة على الكتاااب

وبالنهاية الله يوفق الجميع ويرزقكم الدرجات العالية

الح ـربي

2014- 5- 8, 10:49 PM

هو باقي ماغير طريقته ..؟!
أنا أخذت هالماده عند دكتور من النوع اللي يضع الطالب في موضع المنافس له
يعني من اول الترم اذاكر ودخلت الاختبار قلت باذن الله 100% وفي الاخير 80%
ياشيخ الاحصاء عديتها بممتاز مرتفع لكن بالفعل هو الصعوبه في اختباراته تكمن في الخيارات مو في الاسئلة

فاطمه العواد

2014- 5- 8, 10:56 PM

الاختبار كمستوى عام جيد جداً وأغلبها من الاختبارات السابقة للأمانة انا نموذج c وبصراحة يبي له تركيز
بس كاختبار أتوقع الي ما ذاكر بينجح لان اغلبها أسئله عامه .،

عبدالله الخريصي

2014- 5- 8, 11:01 PM

'طالبه طموحه

2014- 5- 9, 12:15 AM

حسبي الله ونعم الوكيل
ياليت يتعلم من الي يعلمنا ايها في المنهج
التعااااون والمحبه

احساس الجوري

2014- 5- 9, 12:23 AM

صحيح ان مافيه صيغه للسؤال بشكل صحيح و احيانا تتوه

بس للامانه
أنا ذاكرت من نماذج اسئله العام 1435-1434-1433 و نموذج اختبار الصيفي مع اسئله الكتاب
وجاب نسخه من النماذج و اسئله العام

وبصراحه م قصر
والي المفروض نقدم عليه شكوى
هو الدوغان و الدليم
هم الي يستاهلون

اما الاخلاق ما أظن يستأهل ان نسوي فيه كذا!!وماله داعي الشكوى..

قلب سارآ

2014- 5- 9, 01:01 AM

بكل صراحه انا اخذيتها من قبل
ودخلت الاختبار وانا مذاكر قبل الاختبار بنص ساعه
وكانت مره بسيط والحمدالله مشيت فيها بكل سهوله
الانها تتكلم عن الاسلام والادين يعني الامور سهل
هذي وجهة نظري
ولكل شخص وجهة نظر
احترامي للجميع

الرفيق1

2014- 5- 9, 03:19 AM

انها سياسة الجامعة في التنوع في مستوي الصعوبة في الاختبار
20 سؤال سهل
15 سؤال متوسط
15 سؤال صعب
لتحديد مستوي الطلبة ومن اجل العدالة في توزيع الدرجات فا اين الغلط في هذا ؟

الرفيق1

2014- 5- 9, 03:20 AM

اختبرت المادة هذي في الصيف في مقر الجامعة والحمدالله a+

7M0DI

2014- 5- 9, 04:04 AM

الاختبار كان حلو ,,, بس بعض الاجابات كانت متقاربه وهذا الاسـوب ما تعودنا عليه من الدكتور

اجل وش تقول عن اخـتبار تقنية المعلومات2 عند الدكتور/ عادل عثمان فتح الرحمن

راح ترفع شكوى للامم المتحدة

سفير المشاعر

2014- 5- 9, 04:26 AM

انها سياسة الجامعة في التنوع في مستوي الصعوبة في الاختبار
20 سؤال سهل
15 سؤال متوسط
15 سؤال صعب
لتحديد مستوي الطلبة ومن اجل العدالة في توزيع الدرجات فا اين الغلط في هذا ؟

تحديد مستوى الطلبة معك بس اذا كانوا متفرغين وانتظام مو انتساب وموظفين والخ ..

المفوض يكون فيه عدل من ذي الناحيه ولا يتم مقارنة بين الانتساب والانتظام لان الوضع يفرق بين اللي ماعنده الا الدراسة ومتفرغ لها وبين اللي موظف وعائلة واشغال الخ ..

دمت بخير عزيزي

يآرب التوفيق

2014- 5- 9, 04:38 AM

نحن نقول الاسئله سهله ولكن هل فعلا حلك صح .؟؟

السؤال ( هنا ) هو وضع الاجابة التي تضعك في حيره من أمرك واتوقع 90%
من الي اختبروا اذا ما راح وعدل في اجابته السابقة طال به التفكير حتي اقتنع بالحل
الذي يناسب الجملة

علي العموم فالكم التوفيق

حليت اول شي ولما جيت اضلل جلست احوس واتأكد من الاجابات تتوه اقول ببالي حلي صح بس اكون شاكه كثييير يقهر بسالفه جميعهم صحيح او كلاهما خطأ كلاهما صح زي اللي تقوله وش رايك بلبسي يقول مدري :no:

ح ــنين..

2014- 5- 9, 08:02 AM

مشاكل اختبار الأخلاق ..تكرر كل ترم .. الله يعيين..

نعناع زنجبيل

2014- 5- 9, 03:21 PM

انا قلتها من قي الترم الى راح

مدرس الاخلاق غير خلوق واداب المهنة بعيده عنه

يقول كلام في المحاضرات ويسوي غير

اسلوبه الخداع والمراوغة

في المباشرة حذف جزء من المنهج وجابه بالاختبار

ما نقول الا حسبنا الله نعم الوكيل

الحلم1

2014- 5- 10, 01:37 AM

تم تحرير الشكوى عسى الله ينفع بها

الحلم1

2014- 5- 10, 01:40 AM

حسيت الشكوى زي شرب الماء عندكم

الي ما يحل يرسل شكوى !!

لا اختي ذاكرت الكتاب 3 مرات في الترم وتعبت لو ما ذاكرت كان ماشتكيت

الماسة نجد

2014- 5- 10, 02:13 AM

اختبار غامض جدا

نواف الكويس جدا

2014- 5- 10, 06:10 AM

الله يعين الجامعه عليكم بس على اي شيء تشتكون وفي تويتر اشوف في حساب الفريدان احياناً تعليقات يستحي الواحد يقراها سب وشتم للرجال عشان البعض ماجاز له اختبار ..

وش محتوى الشكوى بالله .. الاختبار صعب ؟ الاختيارات صعبه ؟ .. نظاماً مايحق لك الاعتراض دام الاسئله من المنهج بغض النظر سهله ولا صعبه هذا شيء راجع لك يالطالب و يبين مستوى مذاكرتك

انا قد درست في الملك سعود انتظام و عرفت ان الله حق .. النظام في سعود صارم بالاختبارات و الاسئله تمر على لجان قبل و سالفتها سالفه

اما في فيصل اللهم لك الحمد متعاونين معنا اغلب الدكاتره و الوضع سهالات مع ذلك بعد كل اختبار لازم يطلع لك من يعترض و يبي يشتكي

مع العلم اني حملت ماده بالمستوى الثاني و معدلي مش ولا بد لكن كلمه الحق تنقال و التقصير مني ولا الجامعه ماشفت منها تقصير