اذا ما فيه احد جاوبني بكره اسحب على الاختبار

[alrshid266]

السلام عليكم
اخواني أخواتي
بكره ان شاء الله عندي اختبار محاسبة2
والآن فتحة الخارطة الأكاديمية وتفاجأت بوجود اكس باللون الأحمر على المناقشات والمسجلة علماً اني حال المناقشات والمحاضرات المسجلة في تاريخ 2- 5
وش الرأي انا اختبر بكرة ولا اسحب لان ما فيه امل أجيب اكثر من 30 بالورقة لو أطير بجناحين ذهب

[ترووكي القيصومه]

لا ياحلو النضام تحدث في 2/5/2014


يعني انت حاليت صح وخلاص

بخصوص الاكسات النضام اذي تحدث راح تصير صح بس تقفل الرصد عشان كذي مراح يتحدث وانت شارك في الوقت المناسب لن اخر يوم لرصد الدرجات 7/7

وانت مخلص قبلها باربع ايام امورك بالسليم

اختبر واتكل علي الله 30 في مخباتك باذن الله

[ترووكي القيصومه]

وهم اصلن ميعتمدون علي الخارطه بس حاطينا لطلاب الموسوسين فقط فيه ناس تحل مليون مره من الوسوسه ههههههههههههههههههههههه

[طموح..]

وعليكم السلام ورحمه الله وبركاته

لاتحاتي ياخوي ترى المشكله عندنا كلنا

الخارطه خرطي والله ماتحسب صح

لانه انا بعد مسويه كل شي ومحطوط اغلب الاشياء خرطي

توكل على الله واختبر ومن ناحيه ال30 اذا كنت مسوي كل شيء ان شاءالله راح تاخذها وماعليك من

الخبطه الي بالخارطه لو ماحطوها ازين

[Zooooooooz]

الأغلبيه عندهم اكس مع انهم حالين وانا من ضمنهم بس اتوقع لانو ماتحدثت للحين
وان شاء الله ماننكب بالاخير

بس توكل ع الله وذاككر زين:)

[عبـدـآلـلـه]

هههههههههههههههه لا ياولد تكفى تعوذ من ابليس ..
ياخوك اذا أنت حملت وحليت كل شي فلا خاف لأن وضعي ووضع ووضع خويي نفس الشي انا حملت المحاضرات الباقية من كثر الوسوسة مرتين ..
وولحين ماتحدثت الخطة يعني تعوذ من ابليس كلنا في الهوى سوى

[المنادي]

نفسك انا المباشرة الثالثه كلها اكسات باقي ماحدثوا

[مــنى]

شرهتك على الي فتحتها :16.jpg:
اصلاً ماعترف بها :cheese:

[SALEH ALOTAIBI]

أنا بديت أوسوس بصراحة

مافيه ألا ثلاث مواد عليها صح والباقي إكسات!!

متى بيحدثون الخارطة عاد؟؟

[أطياف35]

مثل ماقالو الاجواد اللي فوق


انا المستوى اللي فات حليت قبل لايقفل النظام بيومين وكل الاختبارات وانا xxxxxxxxx

بعد الاختبارات لقيتهم محتسبينها




قدم اختبارك وربي يوفقنا ويوفقك

[الساهره]

ماعليك يا اخوي توكل على الله وقدم امتحانك انا اختك الساهره ومقبله على التخرج انشالله اسالني يااخوي الخارطه هاذي تفعلت خلاص ورفعت الدرجات خلاص وانشالله انت درجاتك مضمونه باذن الله والله يوفقك

[alrshid266]

أشكركم جميعاً
على التوضيح
وفآلكم a+
والي يبي يتخرج
الف مبروووووووووووووك مقدماً

[سامي العضيله]

لا تعتمد على الخارطة الوضع كذا عند الكثير توكل على الله واختبر

[سندس الرياض]

والأدهى والأمر أن بعض الطلبة يقولون أنهم ما يحملون المحاضرات ويكتفون بمشاهدتها فقط وعلى الرغم من ذلك تحسب لهم الدرجات ، فيبدو أن هناك خلل ما - البعض يحمل محاضرات المواد ويتابعها بشكل مستمر ولا تحسب له والبعض الآخر يشاهدها فقط وتحسب له - (عش رجباَ ترى عجباً).

[كنق الافالون]

يارجال والله إني أحمل بالمحاضرات المباشره الساعه 2:50 الي باقي ع تقفيل النظام عشر دقايق واروح ومنبسط ههههههههه
فلها يارئيس .. والامور بتمشي زي مانبي إن شاء الله

[عزوف28]

الله يوفق الجميع

[نهروان العبدالله]

ههههههههههه تسحب على الاختبار عشان خارطه :/


عجب والله طيب بقول لك شي (( الايام اللي راحت ماكان فيه شي اسمه خارطه اكاديميه والحمدالله درجاتنا عال العال ,,

الترم الماضي انا مثلك كل المحاضرات والنقاشات xxxxxxxxxxxxxxxxxxxxxxxxxxxxxxxxxxxxxx

تحطمت ومن طلعت النتايج الحمد الله درجاتي كامله ولله الحمد فيهــآ :) ييعني لاتعتمدو عليها اعتماد كــلي :)

[سعد المهيني]

وهم اصلن ميعتمدون علي الخارطه بس حاطينا لطلاب الموسوسين فقط فيه ناس تحل مليون مره من الوسوسه ههههههههههههههههههههههه


ههههههههههههههههههههههههههههههههههه
ههههههههههههههههههههههههههههههه يا:love080:

[دمعة حلم]

لا اخي توكل على الله وروح

بعدين عادي دامك مسوي كل شي

لاتخاف بتطلع الدرجات بالنتيجه


يسلمو نهروان على التنبيه

[مانسيتك !]

والأدهى والأمر أن بعض الطلبة يقولون أنهم ما يحملون المحاضرات ويكتفون بمشاهدتها فقط وعلى الرغم من ذلك تحسب لهم الدرجات ، فيبدو أن هناك خلل ما - البعض يحمل محاضرات المواد ويتابعها بشكل مستمر ولا تحسب له والبعض الآخر يشاهدها فقط وتحسب له - (عش رجباَ ترى عجباً).




من جد تتوقعي احد يقدر يقراء الطلاسم هذي ... غيري الخط يهمنا رائيك وكلامك

[الشنطه الحمراء]

الا يمديك تجيب 30 بالورقه خصوصا ان الدكتور زياد يدرس هالترم
ترا اسالته مررررررره روعه بس احفظ القيود والصادراولا والاخيررر وكل الطرق الاربعه تبع هالدرس
لانه جابها ونسيتها بس تفاءل بالخيررررر ترا الدكتورررمررررره جنان وتابع محاضره 14 اكيد فيها شي مهم
واذا قال لكم شي بالمباشره احفضوه
هذاا اللي اتذكره وربي يوفقكم ويوفقني معكمم