فترات الاختبار ومواعيد الصلاة

[قناص الظلام]

بسم الله الرحمن الرحيم

كيفكم يااخواني واخواتي الاعزاء:53:

بداية اتمنى لكم التوفيق والنجاح في الاختبارات :(204):

في موضوع مهم يمكن غاب عن بال عمادة الجامعة اللي هو موضوع الفترة الثانية انا في مدينة الرياض ويإذن المغرب عندنا الساعة 6.28 وبداية الاختبار في الفترة الثانية 6.30 فمن المفترض من العمادة ان يتم وضع فترات الاختبار بحيث لاتتعارض مع مواقيت الصلاة يؤخذ بالحسبان كل المدن لان من غير المعقول ان تفوتني صلاة المغرب وصلاة العشاء عشان اختبار لايبوي صلاتي اهم :sm4:

فكنت اتمني من اخواني واخواتي ان نطالب باعادة النظر في فترات الاختبار واخذ مواعيد الصلاة بعين الاعتبار

وشكراً لكم اخواني واخواتي :106:

[سععد]

كلم الا فتاء يفتونك

[ازعل عليك]

ايه والله كلامك صح الله يجزاك خير

[ازعل عليك]

ياليت يثبتون موضوعك لانه في صالح الجميع

[wesam888]

حنا نصلي جماعة بعد الاذان مباشرة بالمركز مع المراقبين والمشرفين ،،، وندخل الاختبار متأخرين 10 دقايق

عادي عزيزي الموضوع مافيه اشكاليه

[حبروك]

صلاة العشاء يجوز تأخيرها الى منتصف الليل ..يعني ما تفرق اذا صليتها ٨:٣٠ او ١١ وهذي سامع فتوى فيها مدري من الشيخ اللي افتى فيها ..طبعا الافضليه تصليها مع الجماعه لكن اذا كنت مضطر او كنت تبي تأخرها مع جماعه اخرى فلا بأس ..

اما صلاة المغرب تقول عندكم بالرياض يأذن ٦:٢٨ والاختبار ٦:٣٠ وكل مدرسه اتوقع فيها مصلى يعني قبل تروح للاختبار توضا فبيتك واذا جيت للمدرسه بيكون توه مأذن المغرب ..صلاه المغرب ما تاخذ منك ٣ دقايق لو تحسب الوقت الى التسلميتين بتكون الساعة ٦:٣١ ونقول انك لما تقوم وتمشي وتوصل للقاعه بتكون الساعه بحد اقصى ٦:٣٥ يعني اضمن لك بتوصل للقاعه وعدد الطلاب ما كمل النص ولا حتى المراقب يمديه جاء

ذكرتني بجاري ما يصلي الا الجمعه وكل جمعه يتفقد جيرانه بين المصلين واللي ما يشوفه يتشره عليه عقب ويسترسل بالنصح بأهمية صلاه الجماعه

المشكله قد سافرت انا وياه ٤ ايام لجده وكان ابن الحلال ما يركعها ..المهم رجعنا من جده يوم الجمعه الصبح وبطريق السفر دخل علينا وقت صلاه الجمعه واصر الا يصلي الجمعه بقريه تبعد ٣٠ كيلو عن الطريق السريع .. ههههههه الله يستر علينا وعليه


هذا والله اعلم

[مــنى]

فى مكة نصلى بالقاعة ونرجع نحل عادي

[بخ...]

حنا نصلي قبل ندخل القاعه مافيها أي مشكله تاخر عادي والخروج يكون قامت صلاة العشاء بكذا نصليها اول مانطلع الله واعلم عن المناطق الثانيه

[o_lg_ll]

والله مثل هالمواضيع في كل سمستر وكل فصل تفتح والكل يهذر فيها وبدون فايدة

يا جماعة بالعقل مدن المملكة والكويت وقطر يختبرون معنا وفي نفس الوقت وكل واحد له وقت للأذان والصلاة

يعني بالله متى تبون يبتدي الاختبار الساعه 9 بالليل اول اختبار وثاني اختبار 11 في الليل

بعدين مستحيل ومايقدرون يخلون الاختبارات الصباح لنا مقر الاختبار الى تروحون تختبرون فيه

فيه طلاب النهار او طلاب الانتظام يجون يدرسون ويختبرون فيه


يعني يرحم والديكم خلاص فكونا من هالمواضيع ماتعودتو تقول كل واحد يبي يسوي له موضوع وقلق

اقل واحد فيكم درس وجاء اختبر يمكن سمسترين ( فصلين دراسيين ) هذا اقل واحد

الى يبي يصلي ويروح الاختبار متأخر محد ماسكة ياخي


انا لصار صلاة العصر اصلي وادخل الاختبار متأخر 20 دقيقة ولا أحد يكلمني وخلاص بكيفك و وقت الاختبار محسوب عليك وانت اعرف بنفسك

ونفس الشي صلاة المغرب اروح عند مقر الاختبار واقرب مسجد عند مقر الاختبار اصلي وادخل متأخر


واختبار الفترة الثانية لطلعت من الاختبار صليت في الجامعة في المسجد ويتجمعون معنا المراقبين ونصلي جماعة العشاء

لاتكبرون الموضوع الى بيصلي بيصلي وكل سنة وكل فصل وكل سمستر راح نشوف مثل هذي المواضيع

وكل واحد يبي يحطون مواعيد الاختبار ينأسب ديرته هو وبس ولا همه غيره

اذا انت الوقت ماينأسبك في غيرك من المناطق نفس الشي



الكلام الجد والصريح الكل يزعل منه وانا قلت الى عندي وأسف على الحدة في الكلام

سلام ...

[الحلم1]

بصراحة اوجة النقد للعميد شكلة ماهمتة الصلاة معليش نرسل وعند المهم ترا موضوع الصلاة برقبتة



مدري لية العناد والله :bawling:

[huda@1]

شكرا ع الموضوع يمديك تصلي قبل الاختبار انا بالرياض اذا سمعت الاذان صلي بالقاعه على طول
جزاك الله خير


بتوفيق لجميع

[اول حلمي علمي]

كلا معك اخوي صح نصلي وندخل والله يسرلنا وش نسوي

[smsmahhh999]

أنا في الرياض ونصلي قبل الدخول للقاعة

[Silent Light]

اللي غثني..

الساعه 6:30 .. صلو مباشره مع الأذان ..

المساجد تأذن وهم بآخر الحمد .. ( سألت أحد المراقبين أثناء دخولي ) ..

وين يبوي تو الناس .. قال لي وهو مبتسم ( دخل الوقت ) .. قلت مديرك محفظك هالكلمه إن سألك احد .. ولا وش الوضع .. هههههههههههه

أدري دخل الوقت ولكن إحترم وقت الصلاه شوي .. قبل أن تحترم ما هو زائل .. إنتظر شوي على الإقامه ..

واللي قهرني ( حماس الطلاب والمدرسين ) .. آآآآآآآآآآآآآآآآآآآآآآآآمين ..

قلت بقلبي والله لو ما فيه إختبار والله ما شفتكم قبل وقت الصلاه تطقطقون الباب تبون تدخلون للمصلى


( وا عزتي لنا بس )

[دانـــه]

حتى حنا بالدمام الفتره الاولى تبدء مع أذان العصر
لا والمراقبات يلا يلا الأوراق توزعت

والأخ الي يقول يجوز تأخير صلاه العشاء هاذي الفتوى خاصه بالنساء فقط

[FaHoOoDe]

المجمعه نصلي قبل دخول القاعه ولايبدا الاختبار الا بعد الصلاه

[أبو حور]

عن ابن عباس قال : لما افترضت الصلاة على رسول الله صلى الله عليه وسلم أتاه جبريل عليه السلام ، فصلى به الظهر حين مالت الشمس ، ثم صلى به العصر حين كان ظله مثله ، ثم صلى به المغرب حين غابت الشمس ، ثم صلى به العشاء الآخرة حين ذهب الشفق ، ، ثم صلى به الصبح حين طلع الفجر ، ثم جاءه فصلى به الظهر من غد حين كان ظله مثله ، ثم صلى به العصر حين كان ظله مثليه ، ثم صلى به المغرب حين غابت الشمس لوقتها بالأمس ، ثم صلى به العشاء الآخرة حين ذهب ثلث الليل الأول ، ثم صلى به الصبح مسفرا غير مشرق ، ثم قال : يا محمد ، الصلاة فيما بين صلاتك اليوم وصلاتك بالأمس


لو يعدلون الوقت ويخلون الفترة الأولى من 4:30م الى 6:30م والفترة الثانية من 7:30م الى 9:30م يكون أفضل

التوقيت هذا راح يناسب كل الصلوات في كل مناطق السعودية

أخر ناس يصلون العصر في السعودية في منطقة تبوك وقت العصر عندهم الساعة 4:04م والاختبار يبدأ بعد الصلاة ب25 دقيقة كافي جدا للصلاة وأول ناس يصلون المغرب في السعودية الأحساء الساعة 6:19م يعني يخلص فترة الاختبار الاولى بعد الاذان ب 10 دقائق تقريبا مافي مشكلة ابدا

الفترة الثانية من 7:30

آخر ناس يصلون المغرب في السعودية منطقة تبوك الساعة 7:16م يعني عندهم 14 دقيقة كافية لآداء الصلاة قبل الاختبار وبقية المدن يصلون قبل ماعندهم مشكلة

وبالنسبة لصلاة العشاء فالأفضل تأخيرها وهذي فتوى الشيخ بن عثيمين الله يرحمه ( وأما تأخير صلاة العشاء إلى آخر وقتها فإن ذلك أفضل؛ لأن النبي صلى الله عليه وسلم خرج ذات ليلة وقد ذهب عامة الليل فقال: "إنه لوقتها لولا أن أشق على أمتي"، فإذا كانت المرأة في المنزل مشغولة وأخرت صلاة العشاء إلى آخر وقتها فإن ذلك أفضل، وكذلك لو كانوا جماعة في مكان وليس حولهم مسجد، أو هم أهل المسجد أنفسهم، فإن الأفضل لهم التأخير إذا لم يشق عليهم إلى أن يمضي ثلث الليل، فما بين الثلث إلى النصف فهذا أفضل وقت للعشاء، وأما تأخيرها إلى ما بعد النصف فإنه محرم؛ لأن آخر صلاة العشاء هو نصف الليل. )

والله تعالى أعلم

[moon2014]

فعلا شي مو كويييس

احنا تدخلنا المشرفة سته وربع طبعا انا من المدينة

وبعد الاذان تخلي كل مرة وحده تصلي عند الباب
بصراحة البارح خبصت ف الاحصاء حتى الحق ع صلاة المغرب

[ابو جنااا]

بعض الردود قريبه للفلسفه العلمانيه

و بعض الردود طيبه جعل اهلها للطيب

و ابو حور جاب المفيد

احنا ينصك الباب 3.15

و ياذن و احنا مستلمين اوراقنا الا نخر الصلاه الي 4.30 و طبعا اطلع صلي بره

غريبه ماكانت عويدنا في هدا القسم


الله كريم


نسئل الله الصلاح

[ابو جنااا]

و على فكره الي يحلف انه لو مافي اختبار ماكان شفت احد يصلي


تحطها بذمتك

اذا رب العباد ما حسبها ورده عنه تجي انت تمسكهم الباب

اتقي الله يابن الحلال
.
.
.

[ابو جنااا]

صاحب الموضوع شكرا

[أنفاس الياسمين]

من جد نتمنى تغير أوقات الاختبار حتى احنا مانصلي زي الناس من إزعاجهم اللجنه بدأت اللجنه بدأت يربكون الواحد وهو اصلا متوتر
نتمني انه تكون الفترة الأولي تبدأ 4 تمام والثانية 7

[روح الغلاا]

بالجامعه يأذن واحنا في القاعه فالمراقبات يقولون لنا اللي تبي تصلي تقوم تصلي

فا نصلي في القاعه وبعضهم يصلون برا القاعه مافيه مشكله من ناحية الصلاه ماحد يقدر يقول لك شئ


بالتوفيق ..

[عاشقة الهلال]

عادي صل وادخل الاختبار ولامانع من 10 دقايق تأخير