ما اقصد احرج احد بس تعبت ...

[الريم3]

بســـم الله الرحمــــن الرحــيم

السلآم عـــــليكم ورحمة الله .


ابدخل بالموضوع بدون اي مقدمآت ....
اخواتي وزميلاتي انا أجي للقاعه وأكون محافظه على نظافتي الشخصيه
عشان لا أتأذى ولا أذي احد يعني والله اني يوم السبت تأذيت لدرجة اصبت بالغثيان الشديد اللي منعني اراجع والله مقدرت اراجع ورقة اختباري ....
مو معقوله يعني اغلب اللي يختبر معا فوق العشرين وبالثلاثين معناتها واعين بهالامور اهتموا بنظافتكم الشخصيه مو حلوه اجلس اتحسب عليكم لأني انقهر لمن اشم هالريحه والله تعب ..
انا ماقصدت اهين احد او احرجه بس اهتممممموا بالنظافه الله يخليكم انا حامل واتعب كثيررر وصايره حساسه يعني اتأذى فوق الطبيعي يعني مو حلوه انكم تكونون سبب في اني امتنع من المراجعه .
وجزاكم الله كل خير حبيباتي خوآتي خذوا شاور سريع قبل ماتجون حطو موانع الرئحه باودر عشان حنآ بالصيف وماتنلامون انكم تعرقون هالفتره وبالزحمه عشان كذا نساعد بعضنآ بعض ...

وبالتوفيق للجميع اتمنى تاخذون موضوعي بكل جديهه :love080: :sm18:

[نجلاء9]

الحمدلله اني مو في قاعتكم كان ماصبرت عليهم وقفت وقلت من فضلكم اهتموا في انفسكم انا مااتحمل هالريحة

النظافة من الايمان وكلامك ليس عليه غبار

[ماجد ولد سعيد]

اشتكيهم عند ادارة الجامعة

[غرور انثى**]

ههههههههههههههه:p
الله يجيرنا ويجيرك الظاهر ماانعميت ولافقدت تركيزي في مادة قواعد البيانات الا من ريحة وحده قدامي بغيت أموت
وربي معدتي ألمتني من الريحه لا اله الا الله ساعتين من العذاب والصداع

[panadol1]

الله يعينكم على انفسكم :)
مو وقته الكلام هنا بالمنتدى .. هنا للفائدة :41jg:

وليش ماتتكلمين او تنصحين بالقاعه اللي انتــي فيها ... افضل لك ...

تحياتي لك :)

[Roosi]

الله يعينك ويصبرك ان شاء الله
وربي يرزقك بالذريه الصالحة

إذا الموضوع تكرر معك ومافيه أمل يغيرون ريحتهم

عليك بقطوع الريحه:26:

[الريم3]

أخوي بندول وهذه الموضوع عشان الفائده برضوا والموضوع للي يخصه الأمر والله يعين الجميع
المنتدى لكل شي اعتقد يفيدنا شكرا عامرورك ...
غرور انثى المصيبه انهم مش مراهقات امهات وربي الستحي استحي اكلمهم فيه كبر امي
الله يهديهم بس ويسامحهم ياليت يحسسسسون .

[فرحة التخرج]

ههههههههههههههههههههههههههه الله يعينك مالك الا الصبر ^_^ مؤجره ان شاء الله >>> امزح

بالعكس انواع الروئح الجميلة والعطورات المركزه في قاعده الاختبار
مكياج وتسايح شي شي ^_^

نصيحتي لك ...

اذا صار فيك نفس الموقف .. أخذ ورقتك واطلبي من المراقبة انك تغيرين مكانك وقولي لها انتي اجلسي مكان تعرفين وش اللي هججني ههههههههههههههههههههه

[خوان دي ماركو]

أفااا ..

غيرتي نظرتي عن كثير من الأمور :biggrin:

عموماً الله يسهل لك ولادتك ، ومبروك مقدماً :004:

والله أنواع العطور والروائح اللطيفة بقاعتنا اللهم لك الحمد :S_45:

[panadol1]

أخوي بندول وهذه الموضوع عشان الفائده برضوا والموضوع للي يخصه الأمر والله يعين الجميع
المنتدى لكل شي اعتقد يفيدنا شكرا عامرورك ...
غرور انثى المصيبه انهم مش مراهقات امهات وربي الستحي استحي اكلمهم فيه كبر امي
الله يهديهم بس ويسامحهم ياليت يحسسسسون .


انتي اللي تقولين الكلام مو للفائدة هذه شكوى تسببتي فيها بالقاعه الله يعينك عليها ...
واعيد الكلام انصحيهم بالقاعة احسن لك واذا تستحين انك تنصحين ،كما قال لك الأخ ماجد اشتكي للأدارة وهم ان شاءالله مايقصرون معك ...

[*Noura Mohammed]

!
ماتوقع هينا مكانه عشان تشتكين بصراحه
عادي تقدرين تقولين للمشرفه تكلم البنات

[برستيج 1]

اختي الريم لا تتأذين ولا شي البس كمامة وعطري منديل وحطيه داخل الكمامة وانتهينا منها تشمين ريحه حلوه منها تحميك من الفيروسات المتطايره

[بو نواف993]

من بعد موضوعك ذا بكرة بالقاعه بتنكتمين من ريحة العطوررررر:(246):

هههههههههههه أستغفر الله العظيم

[غيداآء]

عذراً بس لما تفتحين موضوع هنا بكذا تنصحين ولا كيف وبعد موضوعك بتلقين الحل وتنتهي مشكلتك !

الافضل تشتكين ف مكانك اللي تمتحنين فيه مو هنا ياعزيزتي :16.jpg:

[Jooj1]

وش مصبرك ع هالروايح .. كلمي المشرفة وخليها تحط مكانك بعيد

او قريب من الباب

[الريم3]

ايه نعم ياغيداء لمن فتحته هنآ متأمله بتصير نتيجه لأن اتوقع ومتأكده اغلب اللي معاي بيكونون هنآ بالمنتدى عشان اغلب احتيجاتنا هنآ هذا اولا .
ثانيا انا كتبته هنآ وان مانفع حطيت الحيآ عاجنب وتكلمت .
ثالثا عزيزتي المنتدى طويل عريض ونعرض مشاكلنا بكل مافيها ان ماعجبه اللي بيدخله لآ يرد .

[كروانه]

والله صدقتي حتى انو ودك تخلصي بسرعه من الاختبار بس الاسسف البعض مايعرفون النظافه مثل ماقلتي الاعمار فوق العشرين وفوق ونظافه مايعرفونهااهم الشئ الريحه تعطيك دافع ثاني في الاختبار

[أبوماهر]

النظافة مطلب مهم ينشده الجميع لأن ديننا الإسلامي يحث على النظافة والطهارة في كل شيء


فالنظافة الشخصية من أهم وسائل المحافظة علي الصحة ، حتى إن الإسلام يعتبرها نصف الإيمان ، إذ يقول الرسول صل الله عليه وسلم " الطهور شطر الإيمان" ( رواه مسلم عن أبي مالك الأشعري)

[دايم الشووق]

حسيت المنتدى شات بدااايه << كنترووول الله لا يحللك كرررر :d


الله يعين شكل خششمك كبر خششمي مالك الا كمام يآوخيتي

[naoom]

النظافة مطلب مهم ينشده الجميع لأن ديننا الإسلامي يحث على النظافة والطهارة في كل شيء


فالنظافة الشخصية من أهم وسائل المحافظة علي الصحة ، حتى إن الإسلام يعتبرها نصف الإيمان ، إذ يقول الرسول صل الله عليه وسلم " الطهور شطر الإيمان" ( رواه مسلم عن أبي مالك الأشعري)

جزاك الله خير
لو كل شخص وضع حديث الرسول عليه السلام نصب عينيه ماكان وصل الحال الى هنا
{ان الملائكة تتاذى مما يتاذى منه بنو آدم }
اسال الله للجميع العافيه ..
والحمدلله الذي عافانا مما ابتلاهم
فيه طريقه انه يتم الكتابه على الوح بعباره جميله وبلطف :icon1:

[أم شهود]

اتوقع كثير تمر عليهم أشياء لكن الشخص يستر عيوب الخلق والي ينصح الشخص بينك وبينهـ حرام يمكن بعضهم مايعرف النظافهـ او ينقصهـ معطرات او غيرها.. ويمكن وحمك عسر .. موضوعك صراحه حسسني انك مسويهـ اعلان نظافهـ لكـ وصلنا 2014.. الله يقومك بالسلامهـ

[فراشة العلم]

اختي الريم يمكنك في بداية حملك شي طبيعي انك بتتاذي من الروائح حتى من الرائحه الحلوة ,,,,,مااعتقد فيه بنات لهذه الدرجه

[ابو جهاد]

اخوتي العزيزه قولي الحمدلله بعض الناس وخاصتا مرضى السكر رائحة عرقهم واتني والسامعين بكراامه له رائخه فقولي الحمدلله الذي عافنا الله يصلح الحال لنا ولهم

[الحافي سلطان]

يالريم عندنا وعندكم خير

[محبةرسول الله]

الحمدلله والشكرعيب ترى طرح مثل هالمواضيع فيه رجال يالجامعيات

[عضو محذوف]

ورقه صغيره فيها كلمتين عن النظافه الشخصيه عطيها المشرفه تعلقها على الباب الكل راح يقراها وتوصل له اما تكتبينها هنا ماتوقع هذا ماكنه المناسب المنتدى مو خاص للحريم !!!!!!!

[خواطر_ليل]

من فضل الله اني وقت الاختبار اتعطر الين اغرق ملابسي عشان كذا مايجي بخشمي الا عطري الحبيب
كمان للان ماصادفت كذا بالعكس انواع الاهتمام والعطور بالبنات الله يزيدهم


يمكن انتي متوحمه وحساسه للروائح بزيادة الله يكون بعونك ويفرج همك
تحمدي ان كل يوم يتغيرون بنات القاعه وتتبدل قاعات الاختبار وكذا

بالتوفيق اختي والمره الجايه سوي زيي خذي منديل وحطي فيه عطر الين بتبلل وخليه ع طاولتك او منديل معطر

[حجاب الوريك]

الله يكون بعونكم اختي
مالك الا تكلمي المشرفه على المركز تمر جميع القاعات وتزكن عليهن بالاهتمام بالنظافه
هي وطريقتها مع الطالبات
واذا مافاد معهن خليها تقول اللي يجينى منها شكوى من احد الطالبات راح نسوي لهن قاعه بروحهن
من بعد هالكلمه راح تصير القاعات ريحة عطوروبخور
تحياتي الاخويه

[الجــــ@ـارح]

النظافة من الايمان

والله يكون في العووون

ونكتفي بهذا القدر لكي لا يخرج الموضوع عن المطلوب

بالتوفيق للجميع