من معي ومن ضدي

[ماجد ولد سعيد]

السلام عليكم

بصراحة انا بصدد تقديم شكوى على الدكاتره السعودين بالخصوص لأنهم بصراحة لايقدمون مادتهم العلمية من خلال شرائح مكتوبة ورسمية بموقع الجامعة .. فقط الدكاتره الاجانب هم من يقومون بتقديم موادهم العلمية من خلال محاضرات مرئية وشرائح مكتوبة ..



مطلوب رأيكم لأنه يعتبر مهم لي فيما سأقدم عليه ..

[m7mad-11]

عليكم السلام
والله انك صادق في كلامك
الترم الجاي يبي يدرسنا دكتور اسمه الخريف
خويي مستوى سادس يقول اختبرنا اليوم
علم اجتماع سياسي
اختباره صعب صعب جدا
الله يكفينا شرهم :Looking_anim:

[ماجد ولد سعيد]

عليكم السلام
والله انك صادق في كلامك
الترم الجاي يبي يدرسنا دكتور اسمه الخريف
خويي مستوى سادس يقول اختبرنا اليوم
علم اجتماع سياسي
اختباره صعب صعب جدا
الله يكفينا شرهم :looking_anim:

الله يستر ..

والله ثم والله اني من خلال الشرائح افهم اكثر واكثر واحسن من المحاضرات المرئية المملة

المشكلة العظمى ان بعض الملخصات ياتكون ناقصة ولا تصويرها سيء بخلاف الاخطاء الاملائية ومن ثم نقعد في خيص وبيص وتحليل الكلمة ان كانت صحيحة ولا لا ..

لابد من حل معهم ماينفع كذا ..

اشكرك اخوي محمد على تواصلك وملاحظتك المهمة

[الحافي سلطان]

ماجد وانا اخوك اذا نبي ندقق في هالجامعه والله نبي نشوف الهوايل بالقوايل بس نصبر ونقول عسى الله يزينها من عنده ونتخرج لان والله العظيم فيه ظلم ظلم ظلم كبير في رصد درجات الاختبار هذا مهوب كلامي كلام كثير من الزملاء يعني ياكحيلان مشي حالك حالك يمشي واتمنى لك التوفيق والنجاح باذن الله تعالى

[ماجد ولد سعيد]

ماجد وانا اخوك اذا نبي ندقق في هالجامعه والله نبي نشوف الهوايل بالقوايل بس نصبر ونقول عسى الله يزينها من عنده ونتخرج لان والله العظيم فيه ظلم ظلم ظلم كبير في رصد درجات الاختبار هذا مهوب كلامي كلام كثير من الزملاء يعني ياكحيلان مشي حالك حالك يمشي واتمنى لك التوفيق والنجاح باذن الله تعالى

انا افدى خشمك ياسلطان ودي بس قهر ... مثل منت عارف نحن لسنا منتظمين عشان نقدر نحصل الوقت الكافي لتلخيص المحاضرات المرئية .. تصور 8 مواد واقل من ثلاث شهور وتكون الاختبارات على الابواب.. طبعاً كل مادة علمية بتكون دسمة متى نلخصها ..سؤالي لماذا الدكاترة العرب المحترمين يقدمون شرائح والسعودين لا ..؟؟

هل الشرائح مطلب رسمي على الدكاترة من قبل الجامعة ولا لا ..؟؟

انا فقط حبيت استطلع رأيكم .. لأن الشكوى والشكوى لله التي سأقدمها عبر برقية رسمية ..

[خالد السعد]

أنا مؤيد لك ..
بالاضافه على ملاحظتك + الدكاترة الأجانب مزاجيين ولا يوفون بشرحهم وبالهم ضيق تجاه الطلاب السعوديين

[عاشقة الهلال]

معك معك

[نجلاء9]

بعد يعصبون علينا اثنااالمحاضرات المباشرة ويزعلون غير احيانا تطنيش المحاضرة او مايجون غير قبل نهايتها بعشردقايق

[anooosa]

السلام عليكم
:oao: وانا معكم بتقديم الشكوى
وكل ساعه مغيير لنا دكتور :icon120::(183):

[بو نواف993]

جامعتنا بإختصار جامعه (( أهليــــــــــــــــــه )) إن بغيت الجد ؟؟؟

إن بغيت تنجح مالك إلآ فيصل
إن بغيت معدل عالي مالك إلآ فيصل
إن بغيت شهـادة مش حالك مالك إلآ فيصل

وأما بالنسبة للدكاترة ( خذ العلم ) موصين عليهم عمادة الجامعه بالتسهييييييل معنا وأكبر دليل الأسئله 90% من أسئلة الأعوام وأما سالفة تعليمهم وتدريسهم لنا بالمحاضرات وغيره تعليم مشي حالك ثلاث محاضرات مباشرة ومن بيته وأكثرها تسمع سوالف بزارينه وعياله في المحاضره هذا إذا مادخلوا عليه عياله وقالو له قم ودنا السوق
شهاده وبتاخذها من فلوووووسك غيره أنسى ( شوف الجامعات الأخرى والفرق بينها وبين جامعتنا )) ومن الأفضل
وما خفي أعظم ............... خلني ساكت أحسن
تحياتي

[عمري لله]

��

[the secret]

انا معاك لان من حقنا احنا كطلاب ان يكون لنا حق التعبير عن الراي حتى لو محد عطنا وجة:Cry111::Cry111: بس بالله توصى فيهم وبرد قلوبنا

[طالب منتسبب]

يا اخوان هذا الموضوع مهب وقته

انا ابي اعرف ليه المواضيه هاذي ما تجي الا وقت الاختبارات الواحد ناقص اختبار ولا مشاكل الجامعه

ما اقول الا حسبي الله ونعم الوكيل

[ابو افنان]

السلام عليكم

بصراحة انا بصدد تقديم شكوى على الدكاتره السعودين بالخصوص لأنهم بصراحة لايقدمون مادتهم العلمية من خلال شرائح مكتوبة ورسمية بموقع الجامعة .. فقط الدكاتره الاجانب هم من يقومون بتقديم موادهم العلمية من خلال محاضرات مرئية وشرائح مكتوبة ..



مطلوب رأيكم لأنه يعتبر مهم لي فيما سأقدم عليه ..



وجهة نظري انك تنتظر للترم الجاي تشوف إن تغيير شيء خير وبركة ما تغير شيء تنتظر للترم اللي بعده
ولا أنت بشايف نفسك اللى خريج وبعدها خذ لك سبعة الالاف جرة واكسرها عند الجامعة وانتهينا خلاصة الكلام انتظر كذا والا كذا
تقبل مروري

[شواهي]

توكل على الله يا ولد سعيد

واتمنى وضع اكثر من ملاحظة مرة وحدة البرقية رايحه رايحه

واهمها موضوع اعتماد وثيقة التخرج كونها من جامعه حكومية تستظل وزارة

[اروى.س]

..

[فديت عديل الروح]

سلام وش رايكم في المادة سياية الرعاية الاجتماعية

[ماجد ولد سعيد]

السلام عليكم

احيي كل واحد بسمه .. ولي عوده ان شاء الله بعد ما انهي اختبار اليوم

اشكر كل من أيد وعارض الموضوع .. وانتظر بقية الزملاء اذا تمكنوا من مشاهدة الموضوع