تسجيل الدخول

مشاهدة النسخة كاملة : النظام الأفتراضي عاجل وهام

نـادر الوجود
2014- 5- 12, 04:18 PM
السلام عليكم


اخواني الشخص ألي راحت عليه نووومه وراح عليه الاختبار حق ادارة العمليات وش يسوي

بجيب سكليف بس كيف اراسل الجامعه ومتى لازم ارسله ومتى راح اختره

ارجو المساعده لو تكرمتو
الرفحاوي
2014- 5- 12, 04:23 PM
ياليت راحت على نومة مثلك ولا دخلة الاختبار;)
aa2aa
2014- 5- 12, 04:25 PM
حسبي الله ونعم الوكيل بس
snowy 2007
2014- 5- 12, 04:36 PM
يلي عنده حل يقولي انا كمان كان عندي ظرف طارئه مره
Nكش ملكN
2014- 5- 12, 05:01 PM
صل ركعتين اخوي شكر لله انها راحت عليك نومه
88manal
2014- 5- 12, 05:04 PM
احمد ربك انه راحت عليك نومه
سعوديات
2014- 5- 12, 05:04 PM
اقل شي ريحت مخك من الوسوسه :)
أبو كااادي
2014- 5- 12, 05:06 PM
الحمدلله نومه راحت عليك ياعمي اقرب مستشفى حكومي وراحه سريرة
مـقـرن
2014- 5- 12, 05:06 PM
فيه ايقونة الاعذار قدم عذرك وارفعه وبعد الاختبارات تقريبا باسبوعين او بداية الترم الجديد يجيك الرد بالقبول او الرفض
وتنزل لك في الترم الثاني بدون رسوم
صررريح
2014- 5- 12, 05:08 PM
وعسى ان تكرهو شيئاً وهو خيرا لكم

احمد ربك
Eman-888
2014- 5- 12, 05:09 PM
احمد ربك راحت عليك نومه
samar1
2014- 5- 12, 05:09 PM
احمد ربك انك ما اختبرت
DaNa_F
2014- 5- 12, 05:10 PM
ههههههه والله انه من حظك انها راحت عليك نومه ��������
ابوعبدالكريم
2014- 5- 12, 05:10 PM
والله اني متردد من دخول الاختبار .
وفي اخر لحظه قررت ادخل وأختبرت .وعلئ الله .
اجابات خيطي بيطي وعسئ الله يزينها..

بالنسبة لسؤالك

جب سكليف من مستشفئ حكومي لليوم هذا
او تقرير مرور حادث لاسمح الله او توقيف .
وبعد ماتنتهي الاختبارات راقب خانة قبول الاعذار في الخدمات الذاتيه وارفق لهم عذرك سكنر.
وتنزل لك الماده الترم الجاي اذا تم قبول عذرك
ابو خالد30
2014- 5- 12, 05:17 PM
حسبي الله والنعم والوكيل وش ذي الاسئلة الي اول مره اشوفها وكلها حول بعض عشان تشك في اجباتك:mad:
أبو لمووو
2014- 5- 12, 05:19 PM
ياحظك ياشيخ راحت عليك نومه على الاقل تفتك من المعاناة اللي حصلت اليوم
دكتور نت
2014- 5- 12, 05:21 PM
أنت نمت و فليتها و ارتحت من القروشه و الوسوسه و الهلوسة
اقترح للجامعه انهم يجربون عيسى حيرش يختبره ماذا ما نكسهم ابتدائي .
سنفور مجتهد
2014- 5- 12, 05:23 PM
اسئله تحس انك غبي ماذاكرت وودك تغش بس اللي حولك مهنى احد
نـادر الوجود
2014- 5- 12, 05:35 PM
عافاك الله اخوي مقرن والله يوفقنا وياك والجميع يارب

واشوف وجيهكم على خير الترم الجاي صريح ومنال كش ملك والرفحاوي هههههههههه
نـادر الوجود
2014- 5- 12, 05:36 PM
ان شاء الله يارب كلكم ناجحيين
أم المثنى
2014- 5- 12, 05:42 PM
اسئله تحس انك غبي ماذاكرت وودك تغش بس اللي حولك مهنى احد



ايه والله صدقت والله إني بغيت أقول للمراقبة غششيني بس خفت على جبهتي :000::060::41jg::Cry111:
Memo bnt nasser
2014- 5- 12, 05:55 PM
دبرلك عذر طبي انشالله انها خيره لك
jamaltag
2014- 5- 12, 05:56 PM
والله اني فرحت لك انك ماحضرت لهالمهزلة ، مصخرة بمعنى الكلمة رايح اتدرب جيتسو وبطلع حرتي في ام اللي يرفع راسه اليوم زين ياحيرش والله العجرا قصدي يدي تدور عليك امحق دتوراه
جبروت أنثئ
2014- 5- 12, 05:56 PM
قسم بالله محظووووظ وربك يحبك ماشاء الله زين الي راحت عليك الله يختار لنا الخير ويوفقنا يااارب
majed jumman
2014- 5- 12, 06:02 PM
اخواني يوسفني الفشل الذريع والاخفاق في هذا الاختبار بالنسبه للي ما حضر الاختبار عادي ممكن تجيب عذر وتختبره والطريقه سلمك الله هي كالتالي الدخول على الايقونه المتغيبين بعذر وتحميل العذر بصيغه بي دي اف وبعدها بفتره لمن تخش على نفس الايقونه تلقى مكتوب تم قبول عذرك بس في النتايج يطلع لك صفر درجة الاختبار ولمن تختبر تتعدل
majed jumman
2014- 5- 12, 06:06 PM
اللي يقهلر بالاسئله حاجتين اكثرها تركز على محاضرتين ادارة المشاريع والنقل (الشمال الغربي) لكن ربنا يحلها
مرآيم
2014- 5- 12, 06:14 PM
احسن لك من صالحك
نـادر الوجود
2014- 5- 12, 06:15 PM
للاستفاده
تعليمات التغيب عن الأختبار بعذر


أى طالب لم يستطع دخول إختبار نهائي عليه تزويد العمادة بعذر مقبول.
سيتم فتح الأيقونة لرفع الأعذار إلكترونيا بعد نهاية الأختبارات بيومين.
لا يقبل أى عذر ما لم يتم رفعه إلكترونيا عبر هذه الأيقونة أو بعد إغلاقها.
بعد رفع العذر يتم تجميع كل الأعذار بعد إنتهاء فترة تقديم الإعذار و يستطيع الطالب الاستعلام عن العذر عن طريق هذه الأيقونة.
بعد قبول العذر تقوم الجامعة بتسجيل المقرر أو المقررات التى غاب عنها الطالب و لا يقوم الطالب تسجيلها بنفسه.
يتم إحتساب نفس الرسوم للمقررات التى غاب عنها الطالب و تم قبول عذره فى الفصل التالى.
إذا سجل الطالب المقررات التى غاب عنها و تم قبول عذره بنفسه فيتم إحتساب رسوم إضافية عليه لذا يمنع منعا باتا أن يقوم الطالب بتسجيل تلك المقررات بنفسه.
يتم إختبار تلك المقررات مع إختبارات الفصل الدراسى التالى و على الطالب القيام بجميع الأعمال الفصلية لتلك المقررات من حضور محاضرات و حل واجبات و مناقشات.
يتم ترحيل درجات تلك المقررات بعد إختبارها إلى الفصل الذى غاب عنه الطالب و يتم استبدال ال (f) الرسوب بالدرجة التى تحصل عليها الطالب و يضمن الطالب عدم تأثر معدله خصوصا إذا تحصل على درجات عالية فى تلك المقررات.
نـادر الوجود
2014- 5- 12, 06:25 PM
ان شاء الله كلكم تعدون الماده الحقيره ذي لأن فعلا ماادري شنهي الفايده منها مجرد حشو مواد في كلية ادارة الاعمال ولا نستفيد كأداريين منها في عملنا لكن الله يعين ويوفقنا ونتخجح ونحتفل

تحياتي للجميع بتوفيق ودوام الصحه والعافيه