اسئلة اختبارات انا بقدم شكوي على الجغيمان من بيقدم شكوي معي [الأرشيف] - ملتقى طلاب وطالبات جامعة الملك فيصل,جامعة الدمام

هوندا

2014- 5- 15, 06:34 PM

هوندا

2014- 5- 15, 06:38 PM

قدموا جميعا شكوي عليه بخصوص عدم ارفاقه القوانين وهذي من اصغر حقوقنا حتى الي ماخذ ممتاز في المادة لمصلحة الجميع ..................

Deprived

2014- 5- 15, 06:58 PM

الدكتور ماهو مجبور يرفق القوانين مهمته إلقاء المحاضر ه والتوضيح
و بعدين ماهو كل وأحد ماعرف يحل تقولون بنرفع شكوى
وللأمانه الدكتور ماقصر حدد 20 سؤال ولمح على مواضيع
وجاب أغلبه في الأختبار مع تغيير في الأرقم
والرجال يبي يتجمل معكم وحمدو ربكم

بوعمشه

2014- 5- 15, 07:00 PM

اذا بتقدمون شكوي بقدم معاكم ولكن ليس اعتراضا علي الاسئله اعتراضي علي الوقت الان الوقت الان الوقت قصير جدا والمسائل كثيره

المنتسب الجديد

2014- 5- 15, 07:02 PM

انا برفع معاكم بس موو عشان الدكتور ماقصر للامانه
عشان الووقت

سعوديات

2014- 5- 15, 07:03 PM

انا برفع ترا اللي حال زين مهو مأيد الشككوا ابد بيحط الغلط ع الطالب

يعني شي طبيعي واحد حافظ الاجابات والصقها مهو مثل اللي كرف وتعب واخر شيء مافي قوانين

فهد كول

2014- 5- 15, 07:04 PM

انا شايف موضة تقديم الشكاوي

اللي يقول صعبه الاسئله
معناها ماذاكر
تبون تنجحون وانتم ماتذاكرون
الاسئله للي ذاكر سهله
بالنسبه لي اشوفها ما هي صعبه

عاشقه الزهور

2014- 5- 15, 07:06 PM

والله الاسئلة كانت متوسطة وسهلة الى حد ما
مايحتاج رفع شكوى والقوانين هو وضح لنا انه ماتكون مرفقة وعلى فكرة القوانين مهي بذيكا الصعوبة
هذا رايي وكل واحد له حرية شخصية

أنا شخصيا

2014- 5- 15, 07:07 PM

اذا بتقدمون شكوي بقدم معاكم ولكن ليس اعتراضا علي الاسئله اعتراضي علي الوقت الان الوقت الان الوقت قصير جدا والمسائل كثيره

وانا معك ... اعتراضي على الوقت غير كافي ...

عطر الحياه

2014- 5- 15, 07:08 PM

يا جامعا الدكتور قال من البدايه انه ماراح يرفق القوانين ليش الشكوى حرام عليكم هو ما قصر معنا بالعكس هو سهل علينا اختصر القوانين يعني كأنه يغش شنا ايش الاساله الي بتجي سيتأهل الشكر مو الشكوى لا تكونون ظالمين

أبو حور

2014- 5- 15, 07:09 PM

بصراحه الاختبار متوسط مافيه صعوبه اللي مذاكر ومتابع راح يحل ويجيب معدل عالي فيها

لازم يفرقون بالاسئلة بين الطالب المجتهد والطالب اللي مايذاكر الا ليلة الاختبار

سكايب عطـر

2014- 5- 15, 07:10 PM

الدكتور ماقصر وضح لنا قد مايقدر بس ماعرفنا نحل حاول يتجمل قد مايقدر الله يجزاه الجنه

اتركو الشكاوي لوقتها مو اي واحد ماحل قال يالله شكوى مايصير قسم بالله

ali07m

2014- 5- 15, 07:10 PM

اللي يرفع شكوى ما عنده سالفه

صح اني ما حليت زين وجبت العيد ومتلخبط لكن بيض الله وجه االجغيمان قال ركزو من العشرين سؤال والواجبات واغلب الاسئله منها ..

الظاهر تحبون الدكاترة اللي من نوع الدوغان وندير عليان

alammanee

2014- 5- 15, 07:12 PM

سلام عليكم

طبعا الاختبار مستواه متوسط الي الصعوبة والمفترض الدكتور الجديد انه يرفق القوانين في الاختبار مثل الدكتور السابق وفي هذي انا بقدم شكوي لعدم ارفاقه القوانين مستحيلة الحفظ..................

عذرا

الدكتور ماوعدنا انه يرفق القوانين فليش ترفعون شكوى لهالسبب

واعطانا القوانين المهمة وماقصر وربي
انا مثلكم نسيت اغلب القوانين بس اعترف اني ماحقظتها زين وهذا اللي سببلي تشتت ونسيان

ياهو ياعالم اذا في شكو في محلها تنحط لكن مو من الباب للطاقة نشتكي

قلم حُر

2014- 5- 15, 07:13 PM

وينك بس يا خبابه
اما الجغيمان اختباره يحتاح 4 ساعات حل
والقوانين ماجاب ولا قانون منها
لعب عيال

بوعمشه

2014- 5- 15, 07:15 PM

اللي يقول الاستاذ عبدالله قال برفق القوانين اقوله غلطان ويمكن صار عندك لبس بين الادارة ماليه 2 والتحليل الاحصائي

الان التحليل الاحصائي فقط اللي يرفق القوانين

احساس ذابل

2014- 5- 15, 07:21 PM

مالكم حق تقدمون شكوى الاسئله كانت واضحه ومتوسطة
ومو مجبور يرفق القوانين واحمدو ربي انه حدد القوانين ونزل 20 سؤال

تحقيق المستحيل

2014- 5- 15, 07:31 PM

مايستاهل الجغيمان تشتكون عليه
الي مذاكر واضح وحتى الي ماذاكر وقرى العشرين والواجبات يعرف انه الاختبار كوووبي

ماقصرر معنا بالاسئله

Deprived

2014- 5- 15, 07:38 PM

رداً على سعوديات
لا الكلام هذا مو صحيح أنا درست المالي وراجعتها مره ثانية
وحليت الـ 20 شؤال ثلاث مرات و والله العظيم مجرد ما دخلت وفتحت أول صفحة بس من أول نظره
ضيعت كل شيء و والله إني حال من راسي ولا طلعت إلا بعد ماقالولي سلم الورقة فلا تظلم الناس
{ وَلَا تَبْخَسُوا النَّاسَ أَشْيَاءَهُمْ }

Deprived

2014- 5- 15, 07:41 PM

وإذا بترفعون شكوى على ضيق الوقت فأنا معكم

عبدالصمد

2014- 5- 15, 07:47 PM

أنا راح اقدم شكوى لأنه لم يرفق القوانين
24 قانون منهو يقدر يحفظهم؟؟
شوفوا الدكتور خبابة رجل كبير في السن وممارس للتعليم ما لا يقل عن 30 سنة وهو يرفق القوانين
لأنه يعرف أن القوانين يجب أن ترفق للطلبة حتى لا تختلط عليهم المعلومات
وأيضا الدكتور النجار كان يرفق لنا القوانين في الإحصاء وهو أستاذ قدير حاصل على العديد من الدرجات العلمية المتخصصة في الإحصاء
ومع ذلك كان يرفق القوانين للطلبة

الأستاذ الجغيمان توه جديد أول سنة يدرس ولم يحصل على درجة الدكتوراه لحد الآن وجاب فينا العيد

القوانين ليست سهلة يا جماعة فيها كسور فوق كسور وفيها جذر تربيعي وسيجما وتربيعات
أقل غلطة راح تنتج حل خطأ

صحيح هو قال لنا ذلك لكنه وعد بأن تكون الأسئلة سهلة ومباشرة
ولم اتوقع أن الأسئلة ستكون شاملة للمنهج

لهذا سوف أقدم شكوى لأنه لم يرفق القوانين

Deprived

2014- 5- 15, 07:48 PM

الخوف ماهو من المالية الخوف من التحليل اللي كلها قوانين

ام مووودي

2014- 5- 15, 07:51 PM

انا برفع ترا اللي حال زين مهو مأيد الشككوا ابد بيحط الغلط ع الطالب

يعني شي طبيعي واحد حافظ الاجابات والصقها مهو مثل اللي كرف وتعب واخر شيء مافي قوانين

كرفت وتعبت بالمذاكره آخر شي فتحته العشرين سؤال اعتمدت ع الفهم وليس الحفظ وما حليت زين
بس كلمة حق وتنقال الأستاذ ماقصر وما خرج عن المنهج وحدد قوانين وكل الأسئلة منها وقال ركزوا عليها بس العيب مننا بس دخلنا طار كل شي

مثابردوما

2014- 5- 15, 07:51 PM

لعيونه بس

2014- 5- 15, 07:53 PM

ان كان فيه شكوى بس على الوقت مره قصير

أبـو ناصر

2014- 5- 15, 07:56 PM

انا برفع ترا اللي حال زين مهو مأيد الشككوا ابد بيحط الغلط ع الطالب

يعني شي طبيعي واحد حافظ الاجابات والصقها مهو مثل اللي كرف وتعب واخر شيء مافي قوانين

وش فايدة كرفك وتعبك من غير حفظ القوانين ؟ أجل وش كرفتي عليه ؟

أبـو ناصر

2014- 5- 15, 07:58 PM

الدكتور ما نقول الا بيض الله وجهه واللي ذاكر بيحل واللي ما ذاكر الله يعوض عليه
.
.
لا ينطبق عليكم مثل ( عذر البليد مسح السبورة ) ما ذاكرت وتبي تشتكي ؟ مع زااااااااتك:d

أميرة الأطلال

2014- 5- 15, 08:11 PM

عني عساني اجيب درجة النجاح

بس الحق ينقال :sm4:

الاختبار من احسن ما يكون

معطينا الاسئلة ومحرص عليها مع اني طليت عليها ع السريع وماجاب الا اللي قال ركزوا عليه

شكلها نروح نقول له الله يعافيك اذا خلصت كاتب الاسئلة علمنا عنها وعطنا الجواب

والا وحد الخيارات وقول لنا :(107):

والا ينزلنا الاسئلة باجوبتها ما علينا الا نضلل وبس

ايش تبون بالله الدوغان واشتكينا مع ان هذا اسلوبه وما تعودنا عليه :sm5:

والبحث العلمي عاد وزاد وصاح وناح الكتاب الكتاب ولا فكرنا نذاكر منه واشتكينا

حتى هذا اللي جابها لنا على طبق من ذهب بعد بنشتكي :007:

خلاص عاد مو للدرجة هذي

اذا في اشكالية فانا مع الأخوان اللي تكلموا ع الوقت

ليت يزيدونها ساعة الواحد يحل وهو مرتاح مو ملحوق اعوذ بالله :sm12:

ع العموم فالكم النجاح والمعدل اللي يريح شوي لانو بعد البحث ماضني بيسر:verycute:

وشدوا حيلكم في التسويق والاحصاء إن شاء الله نعوض

ابوعبـداللـه

2014- 5- 15, 08:12 PM

سجلوني معكم برفع شكوى على الوقت وعلى القوانين
...,.,.,.,.,,,,,,,

تغريد 2

2014- 5- 15, 08:21 PM

طيب الحين انا ابي اقدم شكوى بس للحين ماطلعت الماده

بو شيخه

2014- 5- 15, 08:23 PM

قدموا الله يقويكم وانا معكم بعد لاني الاحظ تعمد تعقيد تلطلاب التعليم عن بعد في اغلب المواد وخاصه ادارة اعمال والتسهيل لطلاب الانتظام ....يد الله مع الجماعه اشتكوا والله ينصركم

*مذهله*

2014- 5- 15, 08:29 PM

من وجهة نظري وخصوصا أني دراسة من قبل في اكثر من جامعه ما في مرة اختبرت مادة دسمه بدون ما تكون القوانين موجودة ومرفقه مع الاختبار هذا اذا ما كتاب القوانين الخاص بالماده ندخله معانا في الاختبار وهذا من ابسط حقوق الطلبة لان الهدف من الماده هو تطبيق القوانين وليس حفظها وثانيا الوقت لم يكن كافي لحل أسئلة طويله مثل هذه الأسئلة
الله يعدي هالاختبار ع خير

هوندا

2014- 5- 15, 08:47 PM

اشكركم على مشاركتكم وابداء ارائكم وكل شخص نحترم وجه نظره
ومن خلال تحليلي لمشاركاتكم ان البعض بيقدم شكوي بخصوص عدم ارفاقه القوانين وان الوقت ضيق

بالنسبة للاخوان الاخرين الذين يقولون ان الاختبار سهل وانه من ضمن من الذي حدده الدكتور صحيح انا معكم في هذي النقطة ولكن القوانين ياخوان القانون واحد ياخذ سطر كامل او النصف هل تتوقعون انه بالسهولة تحفظونها فالاشكالية ان الدكتور لم يرفق القوانين وبالتالي راح يكون الوقت ضيق بسبب عدم ارفاقه للقوانين

تحياتي لكم والله يوفق الجميع في المواد الاخري

KHALID-ALXY

2014- 5- 15, 08:57 PM

فيـه ناس تقول انا ماراح اشتكي على القوانين بشتكي بس على الوقت ..!!

وش سالفتكم ياشباب مضيعين ههههههههههههههههههه

طيب وعدم ارفاق القوانين في الاختبار (( تناسب طردي )) مع وقت الاختبار

لانو لو فيه القوانين كان صار الوقت كافي

اما بدون قوانين فالوقت عندك ضايع

ملاحظة بسيطة

فيه ناس معي في القاعة من اول عشر دقايق طلعو ....!!

انا وقتها قلت بنفسي وحده من اثنين يا انا غلط ولا هما غلط ..!!

من جد اختبار غريب عجيب ،، والان عرفت ليش ام جهاد مانزلت المادة

:(