ارجو منكم المشوره في نوع التخصص قبل التسجيل مشكورين .. ابغى رأي خبرتكم الدراسية في الجامعة .. مهم ..

[مستشار خاص]

السلام عليكم ورحمة الله وبركاته
بعد التحية ...

يالغاليين أنا ناوي أسجل الترم القادم في جامعة الملك فيصل بنظام الانتساب المطور
وعندي عدة استفسارات .. وقبل الاستفسار راح أبين لكم حالتي والهدف من الدراسة ..
أولا كنت طالب في جامعة الملك سعود كلية التربية قسم البدنية وعلوم الحركة (منتظم) أكملت تقريباً 73 ساعه وعقبها انقطعت من عام 1428 هـ .

واليوم سحبت ملفي وأخذت السجل الاكاديمي ووصف المقررات اللي درستها
وانا الان على رأس العمل ومؤهلي دبلوم تسويق .


الاستفسارات :
1/ هل يتم معادلة الدبلوم (دبلوم تسويق ) سنتين .
2/ هل يتم معادلة المواد التي درستها في جامعة الملك سعود .
3/ هل يحتاج وصف المقرر مختوم من قبل القسم .
4/ هل السجل الاكاديمي يحتاج تختيم .
5/ ما هو التخصص السهل في الدراسة حسب خبرتكم الدراسية مع العلم الغرض من البكالوريوس هو الترقية وتحسين وضعي الوظيفي فقط .. ومجال عملي في شركة الاتصالات السعودية ( إداري ) .

وسؤال أخير متى سيتم بدء التسجيل لأني سمعت أن الانتساب راح يتوقف نهائياً


أفيدوني جزاكم الله خير وبيض الله وجيهكم ..

[بكيزة]

اختار. ادارة اعمال دام عندك دبلوم تسويق فمراح يكون صعب عليك
وفيه معادله مواد

الباقي يفيدوك فيه الطلبه اصحاب الخبره

بالتوفيق

[لذا]

بالنسبة لمعادلة المقررات: نعم فيه بجامعة الملك فيصل معادلة

بس لا اعلم هل يعادلون الدبلوم اللي عندك او الساعات اللي درستها بجامعه الملك سعود.

انا كانت عندي شهادة دبلوم سنتين ونص من الكليه التقنية وقبلوها


بس للملاحظة/ ترى المعادلة اقصى شيء يعادلون 15 ساعه ولازم المقرر اللي درسته بدبلوم ولا غيره يكون مطابق لمقرر اللي بجامعه الملك فيصل ونفس عدد الساعات او اكثر((اقل ما يعادلون)) ولازم تكون ناجح فيه بمعدل ما يقل عن ((جيد))
يعني ما راح تستفيد اكثر من 10 ساعات باحسن الاحوال


بنسبة لتخصص حسب رغبتك ..
اذا بتدرس لا تقول علشان الترقية ادرس شيء يفيدك
قدامك ما يقل عن 4 سنوات علشان تتخرج
لا تضيعها بشيء ما تستفيد منه لا بدنيا ولا بالاخره.

[لحنّ]

دآم عندكك تسويق

خذ ادارهـ الاعمآل

[فهد الحميدي]

اول شي الاستخارة اخوي وعندك ادارة اعمال او علم اجتماع صراحه انا لو مادخلت انجليزي دخلت علم اجتماع اسهل ومجالاته في العمل كثير وبالتوفيق دعوتك لنا ،،،،

[Qoot E]

يتم معادله المعهد وسجلك الاكادمي ولازم يكون مختوم هو و التوصيف
بما انك اداري ودارس تسويق فما راح يكون عليك جديد تخصص اداره بيكون شي ودرسته من قبل وبخصوص التسجيل برمضان دايم وكان بيوقفونه بس تغير القرار وماراح يوقفونه
وفالك التوفيق

[AL3AMEED]

تبي نصيحتي

روح لجامعة الامام اسهل

الملك فيصل صعبة

[ساعة الصفر]

رح لجامعة غير الملك فيصل أو أستنى لين تتغير الأداره للأفضل حاليا ما أنصحك

[مستشار خاص]

اختار. ادارة اعمال دام عندك دبلوم تسويق فمراح يكون صعب عليك
وفيه معادله مواد

الباقي يفيدوك فيه الطلبه اصحاب الخبره

بالتوفيق

جزاك الله خير وبيض الله وجهك .. :oao:

بالنسبة لمعادلة المقررات: نعم فيه بجامعة الملك فيصل معادلة

بس لا اعلم هل يعادلون الدبلوم اللي عندك او الساعات اللي درستها بجامعه الملك سعود.

انا كانت عندي شهادة دبلوم سنتين ونص من الكليه التقنية وقبلوها


بس للملاحظة/ ترى المعادلة اقصى شيء يعادلون 15 ساعه ولازم المقرر اللي درسته بدبلوم ولا غيره يكون مطابق لمقرر اللي بجامعه الملك فيصل ونفس عدد الساعات او اكثر((اقل ما يعادلون)) ولازم تكون ناجح فيه بمعدل ما يقل عن ((جيد))
يعني ما راح تستفيد اكثر من 10 ساعات باحسن الاحوال


بنسبة لتخصص حسب رغبتك ..
اذا بتدرس لا تقول علشان الترقية ادرس شيء يفيدك
قدامك ما يقل عن 4 سنوات علشان تتخرج
لا تضيعها بشيء ما تستفيد منه لا بدنيا ولا بالاخره.

جزاك الله خير وبيض الله وجهك
واشكرك على النصيحه :rose:


دآم عندكك تسويق

خذ ادارهـ الاعمآل

نصيحه جيده .. جزاك الله خير وبيض الله وجهك

اول شي الاستخارة اخوي وعندك ادارة اعمال او علم اجتماع صراحه انا لو مادخلت انجليزي دخلت علم اجتماع اسهل ومجالاته في العمل كثير وبالتوفيق دعوتك لنا ،،،،

صحيح الاستخاره قبل كل شيء
ولفته ممتازه في بداية مشوارك يكون استخاره
وجزاك الله خير وبيض الله وجهك
لاعدمتك ..
والله يوفقك في الدنيا والاخره انت وكل الأعضاء اللي ردوا خاصه
والجميع ان شاء الله

يتم معادله المعهد وسجلك الاكادمي ولازم يكون مختوم هو و التوصيف
بما انك اداري ودارس تسويق فما راح يكون عليك جديد تخصص اداره بيكون شي ودرسته من قبل وبخصوص التسجيل برمضان دايم وكان بيوقفونه بس تغير القرار وماراح يوقفونه
وفالك التوفيق

الله يبشرك بالخير
وجزاك الله خير وبيض الله وجهك
فعلا في مجال عملي
بس انا خفت من اللي يقولون رياضيات وانجليزي ووجع راس علشان كذا استشرتكم
وشكرا والله يوفقك

تبي نصيحتي

روح لجامعة الامام اسهل

الملك فيصل صعبة

الامام معقدين الأمور والا كانت في الحسبان
والله يكتب الخير ومافيه لي ولكم ..
وجزاك الله خير وبيض الله وجهك ..

رح لجامعة غير الملك فيصل أو أستنى لين تتغير الأداره للأفضل حاليا ما أنصحك

ليه وش السبب في ذلك ..
من ناحية التعقيدات كل الجامعة كذا
بس سمعة فيصل هي الاسهل من هذي الناحية ..

[مستشار خاص]

أشكركم جميعاً على تجاوبكم السريع وابداء رأيكم في ذلك
ونصيحتكم لي راخ أخذ بها ان شاء الله
وفعلا ممكن تتغير النظره لشي أفضل


(لا خاب من استخار ولا ندم من استشار)


تحياتي وتقديري لكم جميعاً
والله يوفقكم في الدنيا والاخره وينجحكم في قادم امتحاناتكم ..

:106:

[محمد يحي]

بالنسبه لمعادله المواد ماقدر أفيدك كثير بس اعرف زملاء معهم شهاده دبلوم وتم رفض معادلتها للاسف بالنسبه للتخصص اضم صوتي لباقي الزملاء ورأي تسجل اداره أعمل أعتقد هو الانسب والله أعلم

[زورق*]

بغيت أتأكد هل فيه تسجيل للمستجدين لأني سبق وقرأت من بداية السمستر التسجيل وقف

وقدام الطلاب خمس سنوات لإنهاء دراستهم !


لأن التعليم عن بعد بيكون في الجامعة الألكترونية !