التقنية للبنات تكتفي بفرز واحد

[رياحين الجنه]

يبدو ان التقنية اكتفت بفرز واحد للموزاي
دخلت موقع التقنيه ولقيت بنر الأعلان مشيول



يعني مكرمة الغاء الرسوم اصبحت نقمه علينا

حسبي الله عليهم ونعم الوكيل
حسبي الله عليهم ونعم الوكيل


قبل كنتي تدفعي فلوس وتدرسين يعني قبول مضمون مئه بالمئه
الحين التسجيل الكتروني
والي انقبلو كلهم خريجات جامعه



لاحول ولاقوة الا بالله

[جلنارة]

نفس الحالة يا اختي
بجد انقهرت من هالحركة وانا من فترة انتظر القبول

لكن لاحول ولا قوة الا بالله

[روابي16]

حسبي الله عليهم

خريجات جامعه ومسجلين


اوف وش الانانيه

ولكم باله ع الدراسه


عطووووووو مجال غيركم الله يهديكم بس

[بدون دراسه :(]

لو كان بفلوس احسن لنا والله :000:

انا مستغربه من الي نسبهم 99 ليش يسجلون معقوله ماحد قبلهم قبل ؟
اكيد مقبولين ومسجلين في التقني ياخذون امكنه علينا

[فيزيائية زمانها]

من جد حسبي الله ونعم الوكيل واتمنى ينزلون فرز ثاني لان العدد قليل مررررره

[qazxswe]

انا الحمد لله انقبلت وخريجه جامعيه لكن تخصصي تربوي يعني شهادتي عاديه ماوظفتني وقلت اشوف لي شي ادرسه وارفع مؤهلاتي فيه

وبالنسبه للي معترضه ليه نقدم وحنا جامعيات .. مدري انتي خريجة ثانويه عامه !!

لو كنتي خريجه جديده تقدرين تقدمين على دوام الصباح يقبلون عدد اكبر ونظامهم افضل

واذا انتي خريجه قديمه وين كنتي عن الكليات والجامعات ؟؟؟ ليه مادرستي فيها بالرغم ان بعضها ارقى من التقنيه

واذا كان معدلك نازل فكل واحد ياخذ حقه وعلى قد تعبه <<< بدون زعل

وانا انصح كل اللي قدموا ومانقبلوا (( وودهم يدرسون )) تراجعون الكليه بأقرب وقت وتسألونهم اذا فيه مجال يضموكم .. لأن عدد المنسحبات زاد واحتمال يدقون على بنات غيرهم (( انا مانزل اسمي بالفرز بس دقوا علي بنهاية الاسبوع بعد مانسحبت اكثر من وحده )) انتوا راجعوا وبينوا لهم انكم حريصين ولكم رغبه بالدراسه
وان شاء الله خير

[رياحين الجنه]

qazxswe

بالتوفيق انشاء الله
بالنسبه لي ابدا مش معترضه على خريجات الجامعه
بالعكس كل واحد ياخذ رزقه

انا الي قاهرني انا مسجله قبل هذا الترم وكان التسجيل مش الكتروني مثل الآن وانقبلت
اتصلت فيني الكليه وقالو لي جيب اوراقك بكرا ظروري
تم كل شي اوكي
ودرسنا يومين بس
نتفاجأ اليوم الثالث عملو اجتماع لنا وكانت الصدمه الكبيره


قالو لنا انهم كنسلو الموازي هذا الترم

وانا انصدمت كثييير مو عشان انهم ما اقبلوني بس
لأني كنت ادرس بالجامعه
ويوم انقبلت على طول رحت الجامعه وسحبت ملفي


وكل هذا عشان التقنيه

يعني خسرت الأثنين

الجامعه والتقنيه



حسبي الله عليهم بس

المهم اختي بسألك

هل طلبو منكم الشهادات الأصليه ام صوره بس


ياريت تخبريني



تحياتي

[qazxswe]

الله يعينك ويوفقك

هم طالبين صوره لشهادة الثانويه وشهادة حسن السيره والسلوك وبطاقة الاحوال او بطاقة العائله بملف اخضر مع الاصول لكل وحده للمطابقه
يشوفون الاصل من كل يطابقون ويرجعونها لك ماياخذونها

ومثل ماقلت لك راجعيهم وان شاء الله يصير لك نصيب

[றїss ʞŝα ♥~]

لا حول ولا قوة الا بالله

[مميز بكلامي]

يبون يجربون كيف الوضع اول