اللي بيساعدني له مني الف ريال====

[نارين]

السلام عليكم انا متخرجه من الثانويه قسم ادبي عام 1420 ونسبتي واحد وتسعين واثنين من عشره يعني ممتاز --دخلت الكليه قسم عربي وسحبت ملفي بعد سنه ونص لاني ماقدرت على القسم ==بعد فتره تزوجت وسجلت انتساب قسم تاريخ ولظروف الحمل والولاده وماكان احد عندي يساعدني ماقدرت اخش الامتحانات ومرت السنين ورحت قبل اشهر اخذ ملفي بس ما كتبوا مطروده عادي كاتبين سحبت الملف=نفسي ادخل السنه هذي انتساب تاريخ ادري فاتني التسجيل بس والله مو بيدي ويقولون لازم يكون لي خمس سنوات متخرجه من الثانوي مو اكثر بس ثقتي بالله كبيره ووالله اللي يساعدني اخش انتساب تاريخ هذي السنه لاعطيه مني الف ريال هديه مورشوه والله ياناس ودي بشهاده حرام نسبتي تروح هباء منثور وانا ماعندي امكانيه ادرس على حسابي الله يوفق اللي بيساعدني
= طموحي كبير بس حسبي على الظروف :Cry111: :Cry111: :Cry111: :Cry111: :Cry111: وهذا رقمي للي بيساعدني ******

[غرورالورد]

لوبيدي ساعدتك اختي
بس من الغلط انك تحطين رقم جوالك بالمنتدى
كذا:017:
ايميلك يكفي للي بحاول يساعدك:mh19:

[طالـب]

لانملك لكِ إلا الدعــــــــــــــــــاء

http://www.kfu.edu.sa/ad-1428/adv-14.htm


وصح السانك غرور الورد

[بـــو أحــمــد]

نارين
و عليكم السلام و رحمة الله و بركاته

أول شي يا أختي ممنوع وضع أرقام الهاتف و الجوال حتى لا يستغلها ضِعاف النفوس
و لوأحد قدر يساعدك رايح أعطيه الرقم بنفسي ..
و بشرط يكون صادق و بتواصل معاه بشكل مباشر عشان ما تحصل أمور ثانية ..

إن شاء الله يا أختي بحاول أساعدك ..
و لاتنسين أن شهادتك مرت عليها أكثر من خمس سنوات ..
بس إن شاء الله خير .. تدرين الواسطة تسوي المستحيل


طيب .. أي كلية تبغين تسجلين فيها ؟

[# أنغـــ الوجدان ــام #]

ودي أساعدك
بس ماباليد حيله

[نارين]

اخوي احمد انا شاكره لك تعاونك معي وانا كنت اكتب من غير وعي ووالله لو تساعدني لادعيلك كل ليله وكل صلاه ويارب ينولك اللي في بالك :praying: ==========انا ابي اسجل قسم تاريخ كلية الاداب بالدمام -----------الله يعطيك العافيه تساعدني بكل ماتقدر :bawling:

[Cute Girl]

إن شاء الله يوفقك ربي اللهم آمين

بس ودي أسأل سؤال واحد ممكن
أنت متزوجة وش لك بعوار الرأس في الكلية وحوسة والحالة اللي ما توصف

[نارين]

موعشاني متزوجه ماافكر في العلم والدراسه (اطلب العلم من المهد الى اللحد)
وبعدين الواحد مايظمن الظروف =الدنيا مالها امان
وصدقيني اللي عندها طموح مايمنعها شي حتى لو كانت معاقه لا سمح الله وكله بتوفيق الله انتي بس ادعيلي:119: :119:

[ألماسه فوشيه]

صدق اختي نارين والله الشهادة لها دور هالايام الله يوفقك وتلقين الي يساعدك والله يسهل امرك بس الاخ بو احمد مايقصر ان شاء الله ويساعدك وتدخلين انتساب لان شواغر الانتساب مابعد يسكر فيها التسجيل ...... والله يوفقك وانصحك بالدعاء وخصوصا في ثلث الليل الاخر .......

سهام الليل لاتخطئ ولكن لها امد وللامد انقضاء

[نارين]

:praying: :praying: :praying: :praying: :praying: :praying:

[بـــو أحــمــد]

نارين
إن شاء الله اليوم بكلّم الرجال

و لو قدر يساعدك و حصل شي جديد .. رايح أتواصل معاكِ بشكل مباشر :s17:

[لولي]

الله يوفقك ياأختي ويختارلك الخيره الطيبه //

[نارين]

الله يعطيك العافيه ابو احمد واتمنى ماتنسى موضوعي وانتظر ردك :119: