توافقوني الرأي ؟! بخصوص اختبار إدارة مالية 1

[Riyadh_khalid]

مساء الورد على الجميع


بالنسبة لاختبار إدارة مالية 1

توافقوني الرأي ان فيه بعض الاسئله إجاباتها لا توجد من ضمن الخيارات ؟؟


إذا توافقوني الرأي لازم نرفع للجماعه علشان نكسب درجات تلك الاسئله ..


أنتظر ردكم


تحيتي لكم

[شوش-]

مثل ايش من الاسئله ؟؟

انا شفتها كلها توافق بس ملخبط فيها

[hmsalkon]

انا معك والله مت قهههر اطبق كل شي صح
والاجابه مهي موجوده

[لوسيندآ]

اوااااااااافقك

[Riyadh_khalid]

ممتاز اذا نبي نحصر تلك الاسئله ونرفع فيها

[Bu.Mohammed]

ياخوان بعض الاجوبه للاسئله النسبيه مافيها جواب صريح لانها تقديريه وعلى هذا تختار الاقرب من الناتج اللي يطلع لك في الحسابه

[sakab911]

صحيح كلامك

فيه سؤال صافي القيمة الحالية
والعائد الداخلي

[سلطانه ام شهد]

انا اوافقك

[kaaaf]

اوافقك الراي .. الله يقويك :24_asmilies-com:

[نواسي]

صافي القيمة الحالية ..
الحل موجود بالتقريب

لكن الغير موجود تماما هي قيمة العائد الداخلي

[سليمان العسيري]

اتفق معك..فيه جواب اجابته 3300..بس من ضمن الخيارات فيه 3330

اخترت اقرب خيار له الي هو 3330

[خلود الشهري]

انا اوفقك ..

[محمد ابو زيد]

كلامك صحيح يوجد اخطاء لا تقل عن 6 والله اعلم لان الاجابات مبينة على بعض .

[أحساس لا يخيب]

انا اوافق لانو مافيه شي صريح بس صرت اخذ اقرب شي لجوابي والله يستر :verycute:

[يارب توفيقي]

نموذجي d صافي القيمه الحاليه واللي تحتها عجزت عنهم

مالهم حل حاولت لين طلع الشيب براسي

:sm1:

[شوش-]

ياناس الاستاذ قال بالمحاضرات ناخذ الرقم القريب من الناتج اللي يطلع لكم

كلها صح الا العائد هو اللي جنني

[بدرالعنزي]

التقريبه بالنسبه تمشي اما التقريب بالعدد الصحيح وين نصرفهاا

[khalied]

اوافقكم الراي بس وش صيغه الشكوى

ما يضره لو حط ارقام الاجابات بالضبط المشكله اكثر من سوال ضيعني ومو نسبه قريبه مره عشان اقربها

[Riyadh_khalid]

يا اخوان ياللي تقولون تقريب ندري ما نقصد هذي

نقصد شيء مختلف تماما مو شيء تقريب

[تراتيل المساء]

التقريبه بالنسبه تمشي اما التقريب بالعدد الصحيح وين نصرفهاا


*

صح عليك ..


:icon1:
/

[أبو فهد الخالدي]

يا اخوان سؤال معدل المخزون

القانون تكلفة البضاعة مقسومة على متوسط المخزون

ونحتاج مخزون اول الفترة واخر الفترة وهو غير معطى في الجدول
كلامي صحيح والا لا

[وقتي]

اوافقك الراي بقوه ومتأكد تماما بأن هناك الكثير من الاسئله التي لا يوجد لها اجابه صحيحه من بين الخيارات والله قهر ثلاث ارباع الوقت انتهاء وأنا افتش على الاجابه الصحيحه والصحيح ان مدرس الماده افتش فغره ,, الحمدلله اني لحقت حليت بقية الأسئله قبل انتهى الوقت المحدد ( السؤال المهم ادارة ماليه 2 للي عنده معلومه ,, اخاف الأدمي هذا يتكرر علينا بس كل شي سهل الا هو ماله حل بصراحه )
اما بنسبه لمعدل المحزون وانا اخيك فانا قلبته قلبه ,, يمين يسار في يسار يمين ماله حل ,, ربك يعلم وش الجواب الصحيح وحده سبحانه ..
قسمت تكلفة البضاعه المباعه على المخزون ,, قسمته على المحزون تقسيم 2 ماله حل ,, اصلا بضاعه اول المده ماهي موجوده عشان نجمعها مع مخزون اخر المده ونقسمها على 2 والناتج نحطه مقام والبسط تكلفة البضاعه المباعه ,, على العموم الأختبار مشي حالك والله اني حليت بنيتي وكل واحد الله يعطيه على قد نيته:53:

[شوش-]

يا اخوان سؤال معدل المخزون

القانون تكلفة البضاعة مقسومة على متوسط المخزون

ونحتاج مخزون اول الفترة واخر الفترة وهو غير معطى في الجدول
كلامي صحيح والا لا


لا هو قال لنا المخزون يعني المبيعات ÷ المخزون

[ســــارةة]

قانون الاحتياجات الكليه مو فالخيارات
الموجود قانون الاحتياجات الخارجيه يعني غلطان بالسؤال ..

صححح ؟؟؟!!!!!

[البنت الشطوره]

نعم اوااافق وبشددده
صافي القيمه الحاليه اخذت الاقرب مع انه مو اقرب بس يالله نعديها
اما العائد نهااائيا ماطلع بس حليتها بطريقة ضرب وقسمة الاشارات وضبطت معاي لان بيطلع موجب الجواب وهو حاط ثلاث خيارات سالب وواحد موجب
غير سؤال الاحتياجات الكليه خيارات الاجوبه غير ملائمه للسؤال
وسؤال نموذج مدخل الرقابه اعتقد كذا من فين طلع هذا........

[e6allee]

مثل سؤال الدكتور قسم على 360 بدال ال365 الي هي ايام السنه الفعليه
وهو كان يقول الناتج بيطلع هو نفسه بس انا غيرت عشان تطلع لي نفس اجابه السؤال
بس مافيه اجابات قريبه من بعض يعني اذا بتحل بيطلع لك الناتج تقريبي وهذا نوه عليه الدختور قدس الله سره
نقطه ونفتح الاحصاء والله يعين الجميع

[تراتيل المساء]

يا اخوان سؤال معدل المخزون

القانون تكلفة البضاعة مقسومة على متوسط المخزون

ونحتاج مخزون اول الفترة واخر الفترة وهو غير معطى في الجدول
كلامي صحيح والا لا


*

انت لو شفت المحاضره المباشره الثالثه ح تلاقي الحل ..
القانون اذا مو موجود متوسط المخزون

المبيعات ÷ الخزون ويطلع الجواب الصحيح ..
يعني السؤال مو غلط ..




:icon1:
/

[رانيا ع]

يا اخوان سؤال معدل المخزون

القانون تكلفة البضاعة مقسومة على متوسط المخزون

ونحتاج مخزون اول الفترة واخر الفترة وهو غير معطى في الجدول
كلامي صحيح والا لا

لا

المبيعات/ المخزون

[Abuhamad]

ممكن مو غلط بس لحسه مخ لان الاجابه ماتطلع
هو قال تقريبي بالكسووور
مو تقريبي برقم يختفف نهائي

[فهــد]

ما أقول الا حسبي الله ونعم الوكيل فيه ..

[وقتي]

اهاه ممكن المحاضره المباشره ماحضرتها بصراحه انا حضرت اخر اسبوع ذاكرت واختبرت بس المفروض مدرس الماده أي شي يحطه في المتحوى احنا فاضين له نلحق وراه في المحاضرات المباشرة ,, ومع ذالك في اخطاء اخرى كثيره في االاختيارات انا متاكد .. الا اذا طلع في في محاضره مباشره وقال شي بخلاف الي موجود في المحاضره مادري !!

[ديم المطيري]

وانا بعد ماطلع لي صافي القيمه الحاليه ولا العايد

[H.qtr]

اوافقك

بارك الله فيك

[ahmad20_03]

الصافي طلع معي بس العائد لا

[Abuhamad]

اجمعوووا الاسئله المشكوك فيها ونحطها بملاحظات الاختبار
هو فيه اخطااااء لانه فيه اجابات مو راضيه تطلع معي

[jazza]

الحمدلله يعني مو بس انا اللي مخربط قاعد احوس ب8 اسئلة لين راح الوقت اغلب الحسابات تطلع تقريبي كنت احسب المشكله مني
لكن معاكم

[Abuhamad]

ابرسل للجامعه الان انه فيه ملاحظات على الاسئله
ارجو الاجماع بالشي هذا
هو. عطانا اللي فيه المحاضرات لكن فيه نتايج خطأ
او المشكله مننا ماعرفنا نجاوب ههههههههه

[شوش-]

يلا اجمعو الاسئله اللي تقولون عنها

[هيا الحمود]

مساء الخير للجميع
انا معاكم فيه بعض الاسئله مجهولة الاجابات
بس السؤال الحين كيف راح نعرف ان الادارة راح تحسب لنا الدرجات
ليت احد يفيدني الله يرضى عليكم ويوفقنا وياكم :Cry111:

[اسير الصمت 1]

اول سوال جوابه مختلف
http://www.ckfu.org/vb/showthread.php?t=592366

[khaled2118]

السؤال حق العائد من حقوق الملكيه مو موجوده اجابتها من الخيارات
برغم ان القانون طبقته صح ما طلعت ابدا

صافي الربح ÷ مجموع حقوق الملكيه :Cry111:

[khaled2118]

الي اقصده سؤال 28 من نموذج c
لحس مخي ما فيه نتيجه له ولا حتى قريبه له :sdfgdsf:

[اسير الصمت 1]

السؤال حق العائد من حقوق الملكيه مو موجوده اجابتها من الخيارات
برغم ان القانون طبقته صح ما طلعت ابدا

صافي الربح ÷ مجموع حقوق الملكيه :cry111:

اول شيء نحط صافي ربح / ( راس المال + ارباح غير موزعه)
يطلع لك ناتج

[alamoona]

معكم معكم كنت انتظر مثل هالمووووووضوووووووع

وأكثر من وحدة بعد الاختبار قالت نفس الكلام نمشي الخطوات تمام والإجابة ماهي فيه

[Riyadh_khalid]

ياليت الكل يتفق على الاسئله علشان نرفها بأسرع وقت لو سمحتم

[برونزيه عسل]

بصراحه الاساله فوق مستوى شرحهجايب اجوبه ماهي موجوده حاولت بالقوانين مايطلع لي شي وبعدين جايب كل المحاضره الاولى ومكثر مسائل والوقت ضيق بصراحه ماتوقعت انه راح تكون الاساله كذا

[اسير الصمت 1]

سوال اللي متاكد منه قلته لكم هو سؤال التدفقات النقدية
حساب صافي قيمة الحالية سؤال رقم 29
http://www.ckfu.org/vb/showthread.php?t=592366

[عبدالله الاشهب]

عشان لا قلت لكم اني مو مقتنع فيه كاستاذ للماده تصدقوووني من شرحه مبين انه مو فاهم يسوقها علينا ... الله يستر ونعدي هالماده ولا عاد اشوفه بماليه 2

[هبووشه.]

العيد جا

[منمينو]

:33_asmilies-com:





http://www.ckfu.org/vb/showthread.php?t=591056



:53:
احس بردت كبدي شوي لما قريت هالموضوع

:d5:

[MONVIP]

مكثر مسائل والوقت ضيق <============= انا أشهد نموذج a حولت عيوني

[Abuhamad]

السؤال حق العائد من حقوق الملكيه مو موجوده اجابتها من الخيارات
برغم ان القانون طبقته صح ما طلعت ابدا

صافي الربح ÷ مجموع حقوق الملكيه :cry111:

صادق مو راضيه تي معي النتيجه

[حيااة]

أنا ما أوافقكم
بالعكس كل الأسئلة إجاباتها موجوده وواضحه

[أبو حكم]

والله بعض المسائل جلست تقريباً ربع ساعه احاول اطلع النتيجه ومع اني متأكد من القانون برضو ماهي راضيه تطلع النتيجه .

[شرقيه 44]

اي والله نص المسائل ومع اني متأكده من القانون الا انه ماطلع ولا جواب مطابق

[يولـآند !]

يب بقوةة
واثقة من القوانين بس لما اطبق يطلع الحل مش من ضمن الخيارات .. !

[mufareh]

نعم صحيح وانا رفعت ملاحظة على سؤال الي فيه الخيارات سالب 13029

ههههه حسبتها عشرين مرة ولا لقيت الجواب

[khaled2118]

اول شيء نحط صافي ربح / ( راس المال + ارباح غير موزعه)
يطلع لك ناتج

مشكور
بس لو ترجع لملخص طموح شايب ما ذكر المعادله الي ذكرتها
لاني حفضت المكتوب في ملخص طموح شايب الله يهديه:007:

[علي الوجعاني]

مساء الخير أنا ما حليت معدل دوران المخزون لان القانون تكلفة البضاعة على متوسط المخزون ومتوسط المخزون مخزون اول الفترة+اخر الفترة على اثنين اللي حله صح يقول كيف

[ابوناصرالعالمي]

حسبي الله ونعم الوكيل راح تعبي كذا

[أبو فهد الخالدي]

مساء الخير أنا ما حليت معدل دوران المخزون لان القانون تكلفة البضاعة على متوسط المخزون ومتوسط المخزون مخزون اول الفترة+اخر الفترة على اثنين اللي حله صح يقول كيف

انا مثلك لكن الاخوان يقولون ان الدكتور ذكر ان القانون المبيعات تقسيم المخزون

[أم دانه 1]

مو كل الأسئله بس سؤال صافي القيمه الحاليه

[Riyadh_khalid]

أنا ما أوافقكم
بالعكس كل الأسئلة إجاباتها موجوده وواضحه

ممتاز طيب بما انها كلها موجوده ياليت سؤال اللي طالب فيه صافي القيمة الحالية 29 .... تقولين لي اجابته اللي طلعت معك كم وكيف طلعت وايش الخيارات اللي موجوده بالسؤال ؟؟

[Riyadh_khalid]

؟

[حيااة]

؟


أنا طلعت معي إجابه قريبه من أحد الخيارات
فأخترتها وقلت يمكن أكون مخربطه في الأرقام اللي وراء الفاصله فطلع الناتج فيه أختلاف

[حيااة]

وآسفه أخوي والله ما قصدي أعارض كلامك
لكن الأستاذ كان متعاون معنا جداً وتقريبآ أسئلته من الأشياء اللي نبه عليها في محاضراته المباشره

[عبدالله الاشهب]

وآسفه أخوي والله ما قصدي أعارض كلامك
لكن الأستاذ كان متعاون معنا جداً وتقريبآ أسئلته من الأشياء اللي نبه عليها في محاضراته المباشره

صباح الخير .. اختي تتأسفين ليش؟؟ قلتي وجهة نظرك وإعتقادك واخوي اللي فوق قال وجهة نظرة ... السؤال المفروض اللي يتم الاعتراض عليه هو سؤال عائد المعدل الداخلي سؤال شاطح بإمتياز خذيت اكثر من 5 نسب ولا وحده طلعت صح حتى ولو بالتقريبي ..ولازلت عند وحهة نظري انو المدرس اصغر من الماده وبدري يدرس هالماده لطلاب الحامعه .. وانسو هالماده الحين وفككروا بالاحصاء ...وبالتوفيق للجميع

[دمعه حائره]

تم الاعتراض امس واخونا طموح شايب ما قصر نزل الصيغه في موضوع مستقبل والاغلبية رفعت الاعتراض

وانا منهم ارجعوا لموضوع اخونا طموح شايب

[Reema shop]

اواااافق

[ام زيااااد]

معاكم وتم تقديم الاعتراض

[Riyadh_khalid]

تم الاعتراض امس واخونا طموح شايب ما قصر نزل الصيغه في موضوع مستقبل والاغلبية رفعت الاعتراض

وانا منهم ارجعوا لموضوع اخونا طموح شايب





يب شفناه لكن بداية موضوعي ما كان نازل موضوع طموح وفعلا كلنا قدمان اعتراض


الله يوفقنا جميعاً

[shhs]

تم الاعتراض :)

[Riyadh_khalid]

تم الاعتراض :)


عاش من شافك :106:

[ابوروكووو]

طيب السؤال لو رفعنا شكوى او اعتراض على الاسئله الي فيها خطاء من خلال الايقونه

الجامعه ترد علينا ونعرف وش صار باالشكوى ولا بس نرفع وكذا

[Riyadh_khalid]

طيب السؤال لو رفعنا شكوى او اعتراض على الاسئله الي فيها خطاء من خلال الايقونه

الجامعه ترد علينا ونعرف وش صار باالشكوى ولا بس نرفع وكذا


اللي أعرفه ان الجامعة تعطي درجة السؤال الخطأ للجميع